Gálatas 3:13 - Biblia Dc en Mixe de Quetzaltepec

¹³ Tëë ja Kristë xyajpëtsë'ëmëmë ma ijty kajpxpoky n'ijtëmën, jä'äkyëjxm ko ja Kristë ojts nyätyukjä'ätijyë ja kajpxpojkën mëti'ipë ënety ëëts njä'ä'ajtëmën, jëtu'un këxja'ay myiny: Kajpxpoky tu'kë'ëyë winë y'ity mëti'ipë kepykyijxy këx'o'kpën.

Biblia Mixe de Quetzaltepec

¹³ Tëë ja Kristë xyajpëtsë'ëmëmë ma ijty kajpxpoky n'ijtëmën, jä'äkyëjxm ko ja Kristë ojts nyätyukjä'ätijyë ja kajpxpojkën mëti'ipë ënäty ëëts njä'ä'ajtëmën, jëtu'un këxja'ay myiny: Kajpxpoky tu'kë'ëyë winë y'ity mëti'ipë kepykyijxy këx'o'kpën.

Gálatas 3:13 ပူးပေါင်းရင်းမြစ်များ

2 Samuel 17:23

Ko ja Ahitófel t'ijxy ko ja wyinma'any ka'ap të tyuny, tää tniwë'ëny tnijujky ja jyëyujk ets ojts nyëjkxnë ma tyëjkën, jam ma ja nyaax kyajpnën ma ënety të myinyën naaxwiiny. Ko tyajwintu'upëjktaay ja jyotmay jampë ma jyëën tyëjkën, tä nyäyaj'o'kë. Jëtu'un y'oky ets jam nyaaxtëjkëy ma ja tyeety nyaaxtëjkëyën.

2 Samuel 18:10

E ojts tu'uk ja ja'ay t'ixy ko ja Absalón tam tyiiynyë kepy xye'entykyëjxm ets tuk'ëwa'anëy ja Joab, t'ënëmaay: Tëës yë Absalón n'ixy tam xim tyiiynyë ma kepyxye'entyën.

2 Samuel 21:3

Ënet ja David yajtëëwëtë: ¿Tii m'amëtoowtëp etsës ntunëty? ¿Tii winma'any mëpaat mpaatës ets y'oyëtëty ja mjot mwinma'anyëty ma të myajmëtëkoytyën? ¿Tääts yë nnaax nkajpnës xykyënu'kxtëty?

2 Samuel 21:9

tääts tkë'ëmooy ja Gabaón ja'ayëty ets jam tyo'ktëëytyë ma tu'uk ja kopkën Wintsën wyintuuy. Jëtu'un ojts niwëxtujk y'ooktë ma ënety kujk ja tsajpmok myëjayën.

2 Reyes 22:19

ets mëët ko të xyjyä'äkyukë wi'ixës ëjts n'ëna'anyën, ja naax kajpn ets ja ja'ayëty mëti'ipë jam tsënaaytyëpën, ko o'ktëy jyata'antë ets poky y'ita'antë ets ko tëë ja mwit mtujkxy xykyë'tsta'ay mëët ja jotmay ets të mjë'ëy të myä'äxy ëjts nwintuuyës; tëëjës n'amëtoow'ity ets tëëjës nja'akyukë. Ëjts, mëti'ipë Wintsën'ajtpën, jëtu'un yam n'ënëëmë:

Ester 7:10

Jëtu'un'äämpy ojts ja Amán jam y'ooky ma ja o'ktaknën mëti'ipë ënety të tukni'oytyunën ja Mardoqueo. Tä ojts jëtu'un ja yajkutujkpë jyotxeemy.

Ester 9:14

Ja yajkutujkpë ojts tkupëky. Ënet ojts yajkajpxwä'kxy ja ënä'ämën jam Susa ets ja okpë yajkutëëytyë, ja nimajkpë Amán ja y'u'unk y'ëna'k.

Jeremias 44:22

E yë Wintsën ka'ap t'ëkmëmëtaknë miitsëty ja m'ëxëëktu'un m'ëxëëk kajpxënëty mëti'ipë yë'ë wyiink'ijxypyën. Paatykyëjxm yë mnaax mkajpnëty tyam yajpaaty xit ko'ow ets ni pën jam kya'ëktsënaaynyë; tääts ijxpät të y'awinpity ko tëë yajpoky ets ko yë'ë je'eyë yajtsë'k yajja'awënë.

Jeremias 49:13

Ëjts, mëti'ipë Wintsën'ajtpën, nxëëwës ntukajpxpejtyp: Yë Bosrá kajpn aanë'ëk tëëtsë'ëk ets xit ko'ow wyë'ëma'any, yë'ë nëjkx y'ijxpäjtën'aty ko ënety o'ktëy jyäty kyëpety ets ko ënety të yajpoky, e ja wiinkëtypë ja naax kajpn xit ko'ow nëjkx jyajta'atë.

Daniel 9:24

Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

Daniel 9:26

Ko ënety të nyäxy tëkë'px mäjtsk sëmaan, ënät nëjkx ja jyuukyajtën tpëjkëtë ja yajkutujkpë kënu'kxypyë. Yë Jerusalén kajpn ets tsajptëjk yë'ë nëjkx yajkutëkoyë yë yajkutujkpë ets ja'ayëty mëti'ipë minantëpën wiink naax wiink kajpn. Jëtu'un kyukëxëja'any tä nëëkom muum tyajnikoompetyën tii winë ets mapaat jyëjpkëxyën yë juukyajtën tsip käjpxy jää itaanp ets o'kën tëko'oyën jëtu'un tä të yajtuknipëjktaakën.

Zacarías 13:7

Yë Wintsën mëti'ipë maaytyääyëpën winë, jëtu'un y'ënä'äny: Pëtë'ëk, tëypyujxn, nipëtë'ëk yë kupixyny këwent'ajtpës ets nipëtë'ëk yë ja'ay mëti'ipës xypyutëjkëpën. Yaj'ook mëti'ipë kupixyny këwent'ajtpën ets kyääkwa'kxta'atëty yë kupixyny, etsës mëtsip n'awinpita'anyës ma ja kupixynyëtyën.

Mateo 26:28

jëtu'un ya'atë uuky nyäxy tääjës yë ne'pnyën, ma y'atëyën ja käjpxytyu'unën, ja ne'pny mëti'ipë täämp jä'tspën ets ja naaxwiinyëtë ja'ay yajpokymyä'kxtëty.

Mateo 27:5

Ënet ja Judas ja meeny tnajtswëjëy jap tsajptëkoty ets ojts nyijkxy tääts nyäyo'ktëëyë.

Hechos 5:30

Ja Dios, mëti'ipë ëëts ja n'ap n'ok y'ëwtajtën, yë'ë të tyajjuukpyiky ja Jesús, mëti'ipë miits myaj'o'ktën jam kruutskëjxm.

Romanos 4:25

Jesús, ojts yajkë'ëyäky ets y'ookëty mëët ko ënety ëëtsajtëm npokymyëët'ajtëmë, e ojts jyuukpyiky ets ëëtsajtëm wa'ts nwë'ëmëty.

Romanos 9:3

ja ënaanpës ets jeexyë kajpxpoky n'ityës, nmëjëkäm'atyës ja Kristë ets tuk'oy'atëty ja nmëku'uktëjkës, nmëjutiis ja'ayës.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Dios pyëjktakë ijxtëm jeexyë ja poky tmëët'atyën, jëtu'unts ja Dios xyaj'ëwaatsëpëtsë'emëty mëët ja Kristë.

Gálatas 3:10

Mëti'ipë yi'iyë tyuk'ijxpäjtëpën ja Moisés ja y'ënä'ämën, kajpxpoky ja yajpaatë, jä'ä ko jëtu'un ja Dios ja y'aaw y'ayuk y'ënä'äny mëti'ipë këxja'ay miinpën: Kajpxpoky ja ja'ay y'ity mëti'ipë ka'ap kä'pxy tpatunyën ja ënä'ämën mëti'ipë këxja'ay miinpën.

Gálatas 4:5

jä'äkyëjxm ets ka'ap n'ëk'ijtënëty ënä'ämënpa'tkë'ëm ets ja Dios xykyupëjkmëty ijxtëm ja y'u'unkën.

Efesios 5:2

Nätsyokëtë nixim niyam ijxtëm ja Kristë të xytsyojkëmën ets të nyäkyë'ëyäkyë ma të wyintsë'kën'atëtyën ëëts'ajtëmkyëjxm, jëtu'un tä ja wintsë'kënën mëti'ipë oy xu'kp jojkpën Dios wintum.

Deuteronomio 21:23

Yë jyot nyini'kx ka'ap mëpaat wyi'imy tu'ktsuupaat këxtëy ma ënety të y'ookyën, ënätyë xyajnaaxtëkëtëty ko ënety të tsyu'ujënyë jä'ä xëëw. Jä'ä ko yë Wintsën mëti'ipë mTiosajtëpën pyojkpy yë ja'ay mëti'ipë kutëy o'kpën kepykyijxy, miitsëty ka'ap mëpaat nëkoo ja it naaxwiinyëtë xyaj'ëxëëkëtë mëti'ipë ja mWintsën mo'ojanëtëpën ets xyjyä'ä'atëty.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Hebreos 9:12

ka'ap yë'ëjëty tsajppax ne'pyny ets tsajpkaa ne'pyny të tmëtëkë ma ja itën wäänë wa'atspën, kyë'ëm ne'pyny tu'ktëkokyë je'eyë të tmëtëkë ets të xyajnitsokëm xëmëkyëjxm.

Hebreos 9:15

Paaty ja Kristë yë'ë të tnikopk'aty ja jemypyë ja käjpxytyu'unën ets ja jempë ja noky mëti'ipë ja tëyajtën myëët'ajtypyën, jä'ä ko mëët yë'ëkyëjxm ko të y'ooky tëë tyaj'ëwaatsëpëtsëmy ja naaxwiinyëtë ja'ay pokyjoty ko të yajpaaty ma ja mëjëwyiinpë ja käjpxytyu'unënën, jëtu'un'äämpy ja naaxwiinyëtë ja'ay të t'ëxajëtë ja kyuma'ayënëty xëmëkyëjxmëpë mëti'ipë të yajtukwinwanëtën.

Hebreos 9:26

Ko jeexyë jyëtu'unëty, kanaak'ok jeexyë ja Kristë të y'o'knë maju'unëm tsyo'otä'äkyën ja naaxwiinyëtë. E tyaa ma ja xëëw jëmëjt ntuk'ijt ntuktsëna'ayëmën, tëë tu'k'ok ja Kristë myiny ets xëmëkyëjxm yajpaata'any, ko të nyäxy ijxtëm tu'uk ja wintsë'kënën mëti'ipë ja poky jyëpëkäämpyën.

Hebreos 9:28

Näyjyëtu'un ja Kristë të wyintsë'kën'aty tuk'okyë ets ja mayjyä'äy të pyokywya'atstë. Ok jatëkok myina'any ja mëmäjtsk okpë, je'eyëp ko ka'ap yë'ë t'ëkniminanë ja nëë poky, yë'ë nyiminäämpy ets tyajnitso'oka'any ja mëti'ipë jëjp'ijxëtëpën.

1 Pedro 2:24

Kristë ojts ja npoky'ajtëm tmënëjkx ma ja nyi'kx kyopkën jam kruutskëjxm ets jëtu'un nyäjxy ijxtëm jeexyë ja poky të nku'o'këmën ets ënät njuuky'ajtmëty mëtëy. Yë Kristë ojts tsyëtyuty wyintëkoy ets miits mtsoktë.

1 Pedro 3:18

Jä'ä ko ja Kristë ojts xykyu'o'k xykyutëko'oyëmë tu'k'okyë ko npokyjyä'äy'ajtëmë. Yë'ë ka'ap ijty tii poky tmëëtëty; yë'ë pokyjyä'äy ojts tku'ëyowë ets myajnëjkxa'anëtë ma Tiosën. Oy ojts ja Kristë y'ëk'ooky ko nyäpyëjktakë naaxwiinyëtë ja'ayën; ojts jyuukpyiky mëët ja juukyajtën ka'apë kyëxë'ëkyën.

1 Juan 4:10

Jëtu'un'äämpy ja Dios të xytsyojkëmë: ka'ap ëëtsajtëm jëwyiin të ntsojkëmë, yë'ë jëwyiin të xytsyojkëmë ets ja y'u'unk të xytyuknikäjxëmë ets të xykyu'o'këmë tääts të nyajpokymyä'kxëmë.

Apocalipsis 1:5

ets näjyëtu'un ja Wintsën Jesukristë, mëti'ipë ja Dios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,

Apocalipsis 13:8

Ja naaxwiinyëtë ja'ayëty wyintsë'ëkëjantëp ja mëj jëyujk, mëti'ipë ja xyëëw ka'ap jap myintën kuja'ay ma ja nokyën mëti'ipë myë'ijtypyën ja Kupixyny U'unk ja jyuukyajtën, mëti'ipë ja ja'ay yajkruuts päjtën.

Apocalipsis 5:9

Ets ja jempyë ëy t'ëwtë: Mijts mpaat'ajtëp ets xy'ëxajëty yë noky apëtity mëti'ipë wëxtujkpëky nitsaaypyetyën, ets xyaj'ëwa'atsëty, jä'ä ko mijts të mwintsë'kën'aty, të xykyupety ja ja'ay ja pyoky ets ja Dios jyä'äy'atëtëty, ja ja'ay mëti'ipë tso'ontëpën ma ja it naaxwiinyëtën ets mëti'ipë kyajpxtëpën kanaakpëky ja aaw ayuk.