Gálatas 3:10 - Biblia Dc en Mixe de Quetzaltepec

¹⁰ Mëti'ipë yi'iyë tyuk'ijxpäjtëpën ja Moisés ja y'ënä'ämën, kajpxpoky ja yajpaatë, jä'ä ko jëtu'un ja Dios ja y'aaw y'ayuk y'ënä'äny mëti'ipë këxja'ay miinpën: Kajpxpoky ja ja'ay y'ity mëti'ipë ka'ap kä'pxy tpatunyën ja ënä'ämën mëti'ipë këxja'ay miinpën.

Biblia Mixe de Quetzaltepec

¹⁰ Mëti'ipë yi'iyë tyuk'ijxpäjtëpën ja Moisés ja y'ënä'ämën, kajpxpoky ja yajpaatë, jä'ä ko jëtu'un ja Tios ja y'aaw y'ayuk y'ënä'äny mëti'ipë këxja'ay miinpën: Kajpxpoky ja ja'ay y'ity mëti'ipë ka'ap kä'pxy tpatunyën ja ënä'ämën mëti'ipë këxja'ay miinpën.

Gálatas 3:10 ပူးပေါင်းရင်းမြစ်များ

Génesis 4:11

Paaty tyam poky mwë'ëmëty ets ëxkexy ma ja it naaxwiinyëtën, ma ja m'uty ja nye'pny të xytyääm të xyjyä'tsën, mëti'ipë të xyaj'ookyën.

Isaías 43:28

ja mwintsëntëjk ëxëëk ojts jap y'ëtë'ëtstë maas yë ntsajptëjkën; paatyës ojts ntimmyajtstu'uty yë Israel kajpn, mëti'ipë yë Jacob kyajpn'ajtypyën ets myëtsip yajkutëkoyëtëty.

Jeremias 11:3

ets xy'ënëëmëty ko ëjts mëti'ipë Wintsën'ajtpën, yë Israel ja'ayëty yë Tyios, jëtu'un y'ënä'äny: Poky yë ja'ay mëti'ipë ka'ap tpatunyën yë käjpxytyu'unën.

Jeremias 32:23

E ko jyajtë jam ma ja it naaxwiinyëtën mëti'ipë ënety të xymyo'oyën ets tpëjktaaytyë ja nyaax kyamëty, ka'ap ojts m'ëk mëmëtoowënëtë ets ka'ap ojts jëtu'un t'ëktuunëtë tä ënety të m'ënë'ëmxëtyën, nimëti'ipë tkatuuntë mëti'ipë mjatuk'ënëmaayën. Paaty xytyuknikejxy ja ëyo'on jotmay mëti'ipë tyam tuunëpen jajtëpën.

Ezequiel 18:4

Aak ëjts njä'ä'ajtyp yë naaxwiinyëtë ja'ay, näjyëtu'un yë teety taak ets u'unk ëna'k. Mëti'ipë pokytyuunpën yë'ë ookaanp.

Mateo 25:41

Ënet ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

Romanos 4:15

Jä'ä ko ja ënä'ämën tukpatp ja tsëtyu'un ko ka'ap yajpatuny, e ma ja ënä'ämën kya'ityën ka'ap jam tii yajtuuntëkoy jä'äkyëjxm ko ka'ap ja ënä'ämën jam.

Romanos 6:23

Ja poky, yi'iyë të tyäky ja o'kën tëko'oyën; Dios yë'ë të tyäky yë juukyajtën xëmëkyëjxmëpë, ko yajmëpëky ja nWintsën'ajtëm Jesukristë.

Romanos 8:7

Pën myääytyëp tyajtëp mëti'ipë ja ni'kx kopk tsyojkpyën, myëtsip'ajtëp ja Dios, jä'ä ko ka'ap ja Dios ja y'ënä'ämën tsojkëtë ets ka'ap tpatuunëtë.

2 Corintios 3:7

Yë ënä'ämën jëwyiinpë, mëti'ipë ja o'kën tukpatpën, tsaakëjxypyë kyëxja'ayëtyën mëët ja të'kxën jajën, ojts nyikëxë'ëky ma ja Israel ja'ayëtyën ets ka'ap ja Israel ja'ay myääyëtë twintë'kxtëty; jä'ä ko tääpë ja ajajk atë'kxk mëti'ipë ënety tëkoyaanpën mëk ënety yaj'ixy tyi'kxy.

Gálatas 2:16

Nnija'awëm ëëtsajtëm ko ka'ap pën oy wyi'im ma ja Tiosën Moisés y'ënä'ämënkyëjxm; jä'äkyëjxm ja ja'ay oy wyi'im mëët ja Dios ko ja Kristë tmëpëky. Paaty näjyëtu'un ja Kristë të nmëpëjkëmë ets oy nwë'ëmëty mëët ja Dios, ka'ap yë'ëkyëjxmëty ko npatu'unëm ja Moisés ja y'ënä'ämën, jä'ä ko ka'ap pën oy wyi'im mëët ja Tiosën ko ja Moisés ja y'ënä'ämën yajpatuny.

Deuteronomio 27:26

Poky yë ja'ay wyë'ëmëty mëti'ipë ka'ap tkupëkyën ya'atë aaw ayuk, mëti'ipë yajnikajpxpën ets ka'ap tpatuny. Ënet ja ja'ay y'ëtsowtëty: Oy, jëtu'un'atëp.

Deuteronomio 29:20

Yë Wintsën ninu'un nëjkx jëtu'unpë poky tkame'kxy, nëjkxëp ja ja'ay tëytyuny mëti'ipë ënety të yajjoot'anpëkyën ets ja pojkën mëti'ipë yajnikajpxpën jap ma ja nokyën wa'ats nëjkx tyuka'ata'ayë. Ja Wintsën nëjkxëp tjo'tsta'ay ja y'u'unk y'ok yaa naaxwiiny.