Gálatas 2:5 - Biblia Dc en Mixe de Quetzaltepec

⁵ Niwi'ix'äämpy ëëts ya'atë ijxpëjkën ojts nkakupëktë, jä'ä ko jä'äs ntsojktëp ets ja mëtëypyë aaw ayuk wyë'ëmëty ma miitsëtyën.

Biblia Mixe de Quetzaltepec

⁵ Niwi'ix'äämpy ëëts ya'atë ijxpëjkën ojts nkakupëktë, jä'ä ko jä'äs ntsojktëp ets ja mëtëypyë aaw ayuk wyë'ëmëty ma miitsëtyën.

Gálatas 2:5 ပူးပေါင်းရင်းမြစ်များ

Nehemías 6:4

Tax'ok xyjyanikajpxëtyës e ëjts jëtu'unyëmës ojts xëmë n'ëtsoy.

Hechos 15:2

Ënet ja Pablo ets ja Bernabé ojts tyajkäjpxykyojtë jëtu'unpë ja winma'any. Ok ja Pablo, Bernabé ets wiinkpë ja mëpëjkpëtëjkëty yajnikajpxpäjtë ets nyëjkxtëty jam Jerusalén ets tkajpx'oyëtëty mëët ja ijxpëjkpëtëjk ets ja mëjja'aytyëjkëty ja jampë yajpaatën.

Gálatas 1:6

Mëkës njawë ko miits pojën xy'ëxmatstë ja Dios mëti'ipë myaxtsoowëtën mëët ja Kristë ja y'oyajtën, ënätyë të xymyëpëktë wiinkpë aaw ayuk.

Gálatas 2:14

Paaty koos jëtu'un n'ijxy ko ka'ap tuny ijxtëm ja oy aaw oy ayuk ni'ënä'ämën ënät ojts n'ënëëmës ja Pedro mëpëjkpëtëjk wyintuuy: Mijts, mjajutiis ja'ay, jëtu'un mjuuky'äty ijxtëm jeexyë ka'ap mjutiisëty; ¿tii ko yë ja'ay xy'atsip'aty mëti'ipë ka'ap jyutiisëty ets xytyukpaatuna'any ja jutiis ja'ay ja wyinma'any?

Gálatas 4:16

E tyam ¿Mëtsipës jëtää të n'awinpityë jä'äkyëjxm koos të nnikäjpxy ja tëypyë jaantypë?

Efesios 1:13

Yajkukajpxëp ja Kristë, näjyëtu'un miitsëty ko të xymyëtowtë ja mëtëypyë ja aaw ayuk, oy aaw oy ayuk mëti'ipë yajnitsokpën ets xymyëpëjktë, jëtu'un ojts miitsëty mwë'ëmtë tä tii yajtsa'ayën mëët ja Dios ja jyot myëjaaw ets yë'ë mjä'ä'ata'anëtë.

Colosenses 1:5

Jä'äkyëjxm ko xyjyëjp'ixtë mëti'ipë të myajtuknipëjktaakëtën jam tsajpjotm. Tëë ya'atë jëtu'unpë xy'ëkmëtoowtëpë ko të xynyijawëtë ja tëyajtën ko të yajnimëtyä'ä ja oy aaw oy ayuk,

1 Tesalonicenses 2:13

Paatykyëjxmës xëmë ja Dios nkukajpxëtë, jä'ä ko miits xymyëtowtë ja Dios ja y'aaw y'ayuk mëti'ipës nkajpxwa'kxtën. Jëtu'un ojts xy'ëxajëtë tä Dios yë'ë t'aaw t'ayukëtyën ets ka'ap jyëtu'unëty tä jeexyë nyaaxwiinyëtë ja'ay t'ayukëtyën. E mëtëy jëtu'un, Dios jyänty ayuk'ajtyp, ets jam wyinkëxë'ëky ma miitsëtyën ko mmëpëktë.

Judas 1:3

Mëku'uktëjkëty, janty jotkujkës näjyawëty ko miits ya'atë noky ntuknijayëtë, jä'ä ko yë'ëjës jap nnikäjpxy nimëtyäkpy ja nitsokën mëti'ipë nmëët'ajtëmën; e paaty ya'atë noky yam ntuknijayëtë ets nmënu'kxta'aktë ko tu'ukyë xyaj'itëty ja mëpëjkën mëti'ipë ja Dios të mo'ojëtën.