Gálatas 2:21 - Biblia Dc en Mixe de Quetzaltepec

²¹ Ka'apës n'ixtija'any ja Dios ja y'oyjyot y'oywyinma'any; ko jeexyë oy n'ëkwë'ëwëm mëët ja Dios ko ja Moisés ja y'ënä'ämën yajpatuny, natëkë jeexyë të y'ooky ja Kristë.

Biblia Mixe de Quetzaltepec

²¹ Ka'apës n'ixtija'any ja Tios ja y'oyjyot y'oywyinma'any; ko jeexyë oy n'ëkwë'ëwëm mëët ja Tios ko ja Moisés ja y'ënä'ämën yajpatuny, natëkë jeexyë të y'ooky ja Kristë.

Gálatas 2:21 ပူးပေါင်းရင်းမြစ်များ

Salmos 33:10

Yë Wintsën yë'ë yajijtääpy yajma'tääpy yë winma'any mëti'ipë yë naax kajpn të tjatuknipëjktaakëtën ma ja'ayëtyën ka'apë Wintsën t'ëwtatën.

Isaías 49:4

Ëjts jëtu'unës ënety nmay ntajy: Natëkës të njuuky'äty, nëkoopës ja njot nmëjaaw të nyajma'aty. Tim mëtëypyë yë Dios yë'ëjës xynyipaye'eyaanp, ets mëti'ipës nkuma'ayën'ajtypyën tam ja Dios tmëëtëty.

Jeremias 8:8

¿Wi'ix mijts m'ëna'ana'antë ko m'ijxpëkyjyä'äy'atë ets ko mmëët'ajtëp ja Wintsën ja y'ënä'ämën tyiyajtën? Tëës yë jääpyëtëjk tyajma'ta'atë ja n'ënä'ämënës ntëyajtënës.

Marcos 7:9

Näyjyëtu'un ja Jesús y'ënëmaayëtë: Janty wijy miits mnäyjyawëtë ko ka'ap xykyupëktë ja Dios ja y'ënä'ämën, jä'ä ko yë'ë mtunantëp mëti'ipë kë'ëm mmaay mtajtëpën.

Romanos 10:3

Jä'ä ko ka'ap tja'akyyukëtë ko Dios yë'ë ja'ay yajnajxyp wa'ats, e yë'ëjëty kë'ëm tyäty nyäyajnaxa'anëtë wa'ats, ets jëtu'un ka'ap ja Dios tmëmëtowa'antë.

Romanos 11:6

Ets pën yë'ëkyëjxm ko ja Dios tmëët'aty ja oyjyot oywyinma'any, ka'ap y'ëktsoowpatnë ja mëti'ipë yajtuunp yajkajpxpën; jä'ä ko jeexyë kyajëtu'unëty kajxyëp ja Dios ja y'oyjyot y'oywyinma'any tsyowpaaty.

Romanos 4:25

Jesús, ojts yajkë'ëyäky ets y'ookëty mëët ko ënety ëëtsajtëm npokymyëët'ajtëmë, e ojts jyuukpyiky ets ëëtsajtëm wa'ts nwë'ëmëty.

Romanos 8:31

¿Tii ënät njaaktimkyajpxmëp? Pën Dios mëët ëëtsajtëm, ni pën xykyamëmëtakmëty.

1 Corintios 15:14

ets pën ka'ap ja Kristë ojts jyuukpyiky, ja n'aaw n'ayukëtyës nëkoopë ja nyatëkë'aty, ets nän nitii ja tkatsowëty ja mëpëjkën mëti'ipë miits mmëët'ajtëpën.

1 Corintios 15:17

ets pën ka'ap ja Kristë ojts jyuukpyiky, ka'ap miits yë mmëpëjkën tii tsowëty, jëtu'un miits je'eyëm m'itë pokyjotm.

1 Corintios 15:2

Näy yë'ë miits ya'atë aaw ayuk myajnitso'okëtëp pën ëmuumtu'ukjot xymyëpëktë mëti'ipë të ntuk'ëwaanëtën; pën ka'ap, natëkë miits të mëpëktë.

Gálatas 2:16

Nnija'awëm ëëtsajtëm ko ka'ap pën oy wyi'im ma ja Tiosën Moisés y'ënä'ämënkyëjxm; jä'äkyëjxm ja ja'ay oy wyi'im mëët ja Dios ko ja Kristë tmëpëky. Paaty näjyëtu'un ja Kristë të nmëpëjkëmë ets oy nwë'ëmëty mëët ja Dios, ka'ap yë'ëkyëjxmëty ko npatu'unëm ja Moisés ja y'ënä'ämën, jä'ä ko ka'ap pën oy wyi'im mëët ja Tiosën ko ja Moisés ja y'ënä'ämën yajpatuny.

Gálatas 2:18

Pën tëë tii tyajkutëkoy ets ok jatëkok tkoj'oyë, ëjts nän pokymyëëtës nwë'ëmy.

Gálatas 3:21

Ëkë, ¿jä'ä jëtää tijy ko Moisés ja y'ënä'ämën ko tmëtsip'aty ja Dios ja wyaantakënë? Niwi'ix'äämpy. Ko jeexyë ja Moisés ja y'ënä'ämën t'ëkyäky ja juukyajtën, jyëkyejpy jeexyë ja ja'ay oy wyi'im Dios wintum ko tpatuny ja Moisés ja y'ënä'ämën.

Hebreos 7:11

Yë Israel kajpn ojts t'ëxajë ja ënä'ämën mëti'ipë ja Leví ja'ayëty yajtuuntëpën. Ko jeexyë ja Leví ja'ayëty ojts t'ëkyajwa'atstë ja naaxwiinyëtë ja'ay, ka'ap jeexyë kyopkpëkyëty ets wiinkpë ja teety jyää'aty, ets ka'ap jeexyë y'ëkyë'ë'ajnë ja Abraham ja y'u'unk y'ok, yë'ë ja Melquisedec ja y'u'unk y'ok jeexyënë.