Gálatas 2:19 - Biblia Dc en Mixe de Quetzaltepec

¹⁹ Jä'ä ko mëët ja ënä'ämën ëjts ookyës nyajpaaty etsës ja Dios yë'ë xyajjuuky'atëty. Tëës ja Kristë mëët nkruutspety,

Biblia Mixe de Quetzaltepec

¹⁹ Jä'ä ko mëët ja ënä'ämën ëjts ookyës nyajpaaty etsës ja Tios yë'ë xyajjuuky'atëty. Tëës ja Kristë mëët nkruutspety,

Gálatas 2:19 ပူးပေါင်းရင်းမြစ်များ

Romanos 7:4

Näyjyëtu'un miitsëty mëku'ukëty, ko të xymyëjwa'kpätë ja Kristë jëtu'un tpaaty ijxtëm jeexyë mëët të m'ooktën ma ja ënä'ämënën, ets tu'ukyë m'itëty mëët ja Kristë ijxtëm ja ni'kx kopkën, mëti'ipë të y'ookyën ets tëë jatëkok jyuukpyiky. Jëtu'unts njuuky'ajtmëty tsuj yajxon ijxtëm yë Dios tsokyën.

Romanos 6:2

Niwi'ix'äämpy. Jëtu'un nyajpatëmë ijxtëm ja o'kpë ma ja pokyën. ¿Wi'ix npokytyuun'ëtëtsmëty?

1 Tesalonicenses 5:10

Tëë ja Kristë xykyu'o'këmë ets mëët n'ijtmëty, oy njuuky'ajtmëty ëkë oy n'o'kmëty.

2 Corintios 5:15

Ets ja Kristë tëë xykyu'o'këmë ni'ëmukë ets ja ja'ay ka'ap y'ëkjuuky'ajnëtëty ijxtëm kë'ëm tsoktën, Kristëkyëjxm jyuuky'atëty, mëti'ipë juukpyëjkën jatëkok.

Romanos 6:11

Näyjyëtu'un miits mnätyijëtëty ijxtëm jeexyë të mwë'ëmtën ooky ma ja pokyën, mjuuky'ajtëp tyam mëët ja Dios jä'äkyëjxm ko ja Kristë mëët tu'ukyë m'itë.

Romanos 8:2

jä'ä ko ja Kënu'kxymyëkajtën ja y'ënä'ämën mëti'ipë ja Kristë Jesús yajjuuky'äjtypyën, tëë ja myajpëtsëmyë ma ja pokyën mëti'ipë yaj'o'kpën.

1 Pedro 2:24

Kristë ojts ja npoky'ajtëm tmënëjkx ma ja nyi'kx kyopkën jam kruutskëjxm ets jëtu'un nyäjxy ijxtëm jeexyë ja poky të nku'o'këmën ets ënät njuuky'ajtmëty mëtëy. Yë Kristë ojts tsyëtyuty wyintëkoy ets miits mtsoktë.

Romanos 6:14

Jëtu'unts ja poky ka'ap m'ëk ënä'ämënëtëty, jä'ä ko ka'ap yë'ë ja ënä'ämën xy'ëktukjuuky'ajnëtë, Dios ja y'oyajtën mtukjuuky'ajnëtëp.

1 Pedro 4:6

Paatykyëjxm ojts näjyëtu'un yajtukmëmëtyaktë ja oy aaw oy ayuk mëti'ipë të y'ooktën ets ja y'anëmë jyuuky'atëty ijxtëm ja Dios tsokyën, oy ja nyi'kx kyopk të jya'ooktë.

Hebreos 9:14

Pën jëtu'un, ni'ik ja Kristë ja nye'pyny. Jä'ä ko mëët ja Kënu'kxymyëkajtën xëmëkyëjxmëpë y'ityën, ojts ja Kristë nyäkyë'ëyäkyë ets wyintsë'kën'atëty ma Tiosën wa'ats pëk, ets ja nye'pny yë'ë yajwatsyp ja njoot'ajt nwinma'any'ajtëmë oy ënety të njatu'unëmë mëti'ipë yaj'o'kpën, ets jëtu'un npatmëty ja juukyajtën.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Colosenses 2:20

Ko ja Kristë të xymyëpëktë, jëtu'un tpaaty ijxtëm jeexyë miits të m'ooktën mëët ja Kristë, ka'ap m'ëk'ijnëtë ma ja ku'oypyën mëti'ipë yaa naaxwiinyëtën. ¿E wi'ix ko ënät je'eyëm mjuuky'ajt'ëtë'ëtstë ijxtëm ja ja'ayëtyën mëti'ipë ka'ap ja Dios tmëpëktën?

Gálatas 3:24

Ja ënä'ämën jëtu'un ijty xykyëwent'ajtëmë ijxtëm tu'uk yë mëtuunpë tkëwent'atyën ja pi'k ëna'k; koonëm myiiny ja Kristë ets ojts mpatëmë ja ëwaatsë'ajtën.

Gálatas 2:20

ka'ap y'ëjtsëty n'ëkjuuky'ajnë, Kristë juuky'ajnëp maas ja njot nwinma'anyën. Ja juukyajtën mëti'ipës ja nnini'kx tyuk'oy'äjtypyën, paaty jyuuky'äty jä'äs ko nmëpëky ja Dios ja y'U'unk, mëti'ipës të xytsyokyën etsës të xykyu'oo'kë.

Colosenses 3:3

Jëtu'un tpaaty ijxtëm jeexyë të m'ooktën mëët ja Kristë. Kristë ja mjuukyajtënëty myëët'ajtyp tuknipëjkë'ëkë ma ja Tiosën.

Gálatas 3:10

Mëti'ipë yi'iyë tyuk'ijxpäjtëpën ja Moisés ja y'ënä'ämën, kajpxpoky ja yajpaatë, jä'ä ko jëtu'un ja Dios ja y'aaw y'ayuk y'ënä'äny mëti'ipë këxja'ay miinpën: Kajpxpoky ja ja'ay y'ity mëti'ipë ka'ap kä'pxy tpatunyën ja ënä'ämën mëti'ipë këxja'ay miinpën.

1 Corintios 10:31

Jëtu'unës yam n'ëna'any, pën mkaaytyëp m'uktëp, ëkë pën tii mtuuntëp mkajpxtëp, jëtu'un winë tuntë ijxtëm ja Dios yajtukmëjjawëtyën.

Romanos 7:14

Nnija'awëm ëëtsajtëm ko yë ënä'ämën ka'ap yaj'ixy, e ëjts jä'äs ko npokyjyä'äyëty, paatyës jëtu'un nyajpaaty pokyjotm ijxtëm tu'uk ja ja'ayën mëti'ipë juy tookyën.

Romanos 5:20

Ko ja ënä'ämën ojts kyëjääjë ënät ojts ja poky näjyëtu'un kyëjääjë; je'eyëp ko ja poky ojts kyëjääjë, wäänëni'ik ja Dios ojts ja y'oyjyot y'oywyinma'any kyëjääjë.

Romanos 4:15

Jä'ä ko ja ënä'ämën tukpatp ja tsëtyu'un ko ka'ap yajpatuny, e ma ja ënä'ämën kya'ityën ka'ap jam tii yajtuuntëkoy jä'äkyëjxm ko ka'ap ja ënä'ämën jam.

1 Corintios 9:20

Koos ja jutiis ja'ay mëët tu'ukyë të n'ity, näjyëtu'unës jam të näyajnaxyë ijxtëm yë'ë tsyëënëtën ets ja Kristë tmëpëktëty; yë'ëjës ntijpy koos näjyëtu'un të näpyëjktä'äkyë ijxtëm ja Moisés ja y'ënä'ämën tyajkutukyën. Paatyës jëtu'un näpyëjktä'äkyë ets ja Kristë tmëpëktëty, oyës ja Moisés ja y'ënä'ämën yë'ë xy'ëktuunpë'aty.

Gálatas 6:14

Ëjts ka'apës tii nätyukumayë, yi'iyës nmëjpëjktäkpy ko ja Wintsën Jesús të xykyu'ookës kruutskëjxm ets jä'äkyëjxm ko të xykyu'ookës kruutskëjxm ets ko të nmëpekyës, jëtu'un tpaaty ijxtëmës jeexyë të nkruutspety mëët ja naaxwiinyëtë juukyajtën.