Gálatas 2:13 - Biblia Dc en Mixe de Quetzaltepec

¹³ Ja wiinkëtypë ja jutiis mëpëjkpëtëjkëty ka'ap oy t'ijxtë ko jëtu'un ja Pedro y'ëti'itsy, yë'ëpaat ja Bernabé ojts jëtu'un y'ëtëtstä'äky.

Biblia Mixe de Quetzaltepec

¹³ Ja wiinkëtypë ja jutiis mëpëjkpëtëjkëty ka'ap oy t'ijxtë ko jëtu'un ja Pedro y'ëti'itsy, yë'ëpaat ja Bernabé ojts jëtu'un y'ëtëtstä'äky.

Gálatas 2:13 ပူးပေါင်းရင်းမြစ်များ

1 Corintios 15:33

Këtii myajwin'ëëntëty, ijxtëm ja ayuk y'ënä'änyën: yë ëxëëk ja'ayëty yajma'tëp ja oypyë tsëna'ayën.

Efesios 4:14

Ka'ap jëtu'un n'ëkja'ay'ajtënëty ijxtëm ja pi'k ëna'kën, mëti'ipë maaymyiin maayxyëjptëpën, ka'apë tnijawëtën mëti'ipë tëy katëyën, mëti'ipë pojën myëpëjktëpën ko ja ja'ay nyë'ëmxëtë ets t'ëxmatstë ja ijxpëjkën mëtëypyë.

Hebreos 13:9

Këtii myajwin'ëëntëty mëët ja wiinkëtypë ja ijxpëjkën ets mëti'ipë wiinktsow tso'onpën. Yë'ë ni'ik oy ko amëk jotmëk nyajpatmëty ma ja Dios ja tsyojkën jya'awënën ets këtii ko npatu'unmëty ja ënä'ämën mëti'ipë nyikäjpxypën wi'ix ja ka'ayën ukën mëpaat yajjë'kxy yajpëkyën; jä'ä ko tääpë ënä'ämën ka'ap nimaa tyuny.

1 Corintios 8:9

Miits ko tii xyjyë'kxtëty mnäkyëwent'atëtëp këtiipë wiink t'ixtëty ja mmëku'uk mëti'ipë ka'ap oy myëpëktën.

1 Corintios 5:6

Paaty miits ka'ap tii mnätyukyajmëjnaxëtëty mëti'ipë jam mtuuntëpën. Tëë xynyijawëtë ko ja ayuk y'ënä'äny: ja poky jëtu'un yë'ë ijxtëm ja tsajpkääky tsyooyën, yajma'tääpy ja jëtsy.

Hechos 4:36

Jam ijty tu'uk ja Israel ja'ay mëti'ipë ja Leví y'u'unk'ajtyp y'ok'ajtypyën; Josee'ajtp, Chipre kyukajpnëty, mëti'ipë ojts ja ijxpëjkpëtëjk yajxëëwpetyën Bernabé jä'ä nyiwijy Yajotkujk'ajtpë.

Eclesiastés 10:1

Ëxëëk xyuuky tu'uk yë tsaty'ooky, yajma'typ yë olivë on mëti'ipë pa'akxu'kpën. Yajmëjnajxyp yë ja'ay ni'ik yë wäänëpë inkäjpxy, këtiinëm yë wijy'aaw wijy ayuk mëti'ipë yajkajpxpën mëët näwyinkutsë'ëkë.

Gálatas 2:1

Kommajmajkts jëmëjt ojts nnëjkxyës jatëkok jam Jerusalén mëët ja Bernabé ets nwoowës yë Tito.

1 Corintios 12:2

Mnija'awëtëp miitsëty, ko ijty ka'anëm xymyëpëktë ja Wintsën Jesukristë, ja awinax ijty mwintsë'këtëp, mëti'ipë ka'ap kyäjpxyën.

Eclesiastés 7:20

Je'eyëp ko ka'ap maa naaxwiiny naaxkëjxy ja'ay janty wa'atspë tyimjuuky'ätyën ets aak'oy winë timy tyuunta'ay ets nijëna'a kyapokytyuny.

Génesis 27:24

Ko jatëkok tyajtëëy: ¿Janty tëytyëm m'ëna'any ko mijts mEsaujëtyë? Ets ja Jacob y'ëtsooy: Jëtu'un tëyës n'ëna'any koos nEsaujëty.

Job 15:12

¿Wi'ix ko nëkoo mnäyajjoot'anpëkyë ets ix yë mwiin je'eyë xyajtsaptsënë?

Mateo 23:28

Oyjyä'äy miits mkëxë'ëktë nëkëjxy ets jëtu'un yaj'ixy oy yowë mjot mwinma'anyëty; e miitsëty, ujts ja mjot mwinma'anyëty mëët yë ëxëëkpë ets wiinkë'ëy akë'ëy je'eyë m'oyjä'äy'atë.

Gálatas 2:9

Paaty ja Santiagë, Pedro ets ja Juan, mëti'ipë ijty yajtijtëpën ko jam tnikopk'atë ja mëpëjkpëtëjk, yë'ë ojts tnijawëtë ko Dios ënety të tuny ja mëyajtën etsës xykyupëktëty, ëjts ets ja Bernabé. Jä'äkyëjxm ets yaj'ix yajnijawëty koos ënety të xykyupëktë ijxtëm ja myëku'ukëtyën ënät ojts tkäjpxy'atë etsës nëjkx ntuntë ma ja ja'ayëtyën ka'apë jyutiis'atën ets yë'ëjëty ojts wyë'ëmtë tuunpë ma ja jutiis ja'ayëtyën.

2 Samuel 16:19

Ets näjyëtu'un ënät pën ëjts yë'ëjës nmëtuumpy ja wintsëntëjk, yë'ëjës nmëtunäämpy ja mëj ënä'ämpë ja myaank. Paaty yam mijts n'ënëëmë ko nmëtuna'any jëtu'un tääjës ja mteety ojts nmëtunyën.