Gálatas 1:6 - Biblia Dc en Mixe de Quetzaltepec

⁶ Mëkës njawë ko miits pojën xy'ëxmatstë ja Dios mëti'ipë myaxtsoowëtën mëët ja Kristë ja y'oyajtën, ënätyë të xymyëpëktë wiinkpë aaw ayuk.

Biblia Mixe de Quetzaltepec

⁶ Mëkës njawë ko miits pojën xy'ëxmatstë ja Tios mëti'ipë myaxtsoowëtën mëët ja Kristë ja y'oyajtën, ënätyë të xymyëpëktë wiinkpë aaw ayuk.

Gálatas 1:6 ပူးပေါင်းရင်းမြစ်များ

Salmos 106:13

E ka'ap nëkooyë pyoxy tääts ets jatëkok tja'atyëkooytyë mëti'ipë ja Dios ënety të tjakäjpxyën, ka'ap ojts t'ëwxitë ets jeexyë tnijawëtë mëti'ipë ënety ja Dios tyuknipëjktakëpën.

Isaías 29:13

Ëjts tëëjës yë Wintsën xy'ënëëmë: Ya'atë naax kajpn nëkoojës wiinkë'ëy akë'ëy xywyinkäjpxy xywyinmëtyä'äky yë jyot wyinma'any wiinktsow tyaj'ity, ets koos xytyukxoontä'äky, jëtu'un tä naaxwiinyëtë ja'ay kë'ëm të tuknipëjktaakën.

Marcos 6:6

Mëk tja'awëy ko ja ja'ay ka'ap myëpëjkë. Ënet kajpn kajpn jyëtijty tyaj'ijxpëky ja ja'ay.

Juan 9:30

Ënet y'ëtsooy mëti'ipë ënety wiints të y'ityën: Ka'apës nja'akyukë ko jëtu'un m'ëna'antë, ko miits ka'ap xynyijawëtë maa tsyoonyën e ëjts nija'apës ko yë'ëjës të xyaj'ijxë'ëky.

Hechos 15:11

Ni'ikyënëm ëëts nija'awëm ko ja Wintsën Jesús të xyajtswokëm mëët ja y'oyjyot y'oywyinma'any, nän timjëtu'un tä yë'ëjëtyën.

Romanos 10:3

Jä'ä ko ka'ap tja'akyyukëtë ko Dios yë'ë ja'ay yajnajxyp wa'ats, e yë'ëjëty kë'ëm tyäty nyäyajnaxa'anëtë wa'ats, ets jëtu'un ka'ap ja Dios tmëmëtowa'antë.

Romanos 5:2

Mëët ko ja Kristë të nmëpëjkëmë paaty të tjëkyepy wi'ix nmëwinko'onmëtyën ja Dios, ets xoontä'äky nyajpatmëty ko të xypya'ëyo'owëmë, mëk ja mëpëjkën nmëët'ajtmëty, ets amëj akëjxm njëjp'ijxmëty ja Dios ja myëj'ajt y'oyajtën.

Romanos 8:28

Nnija'awëm ëëtsajtëm ko ja Dios yë'ë të tpëjktä'äky winë ets tuk'oy'atëty ja ja'ay mëti'ipë tsojkëpën, mëti'ipë të twoowtsoyën ijxtëm të tuknipëjktaakën.

Romanos 8:30

Mëti'ipë ja Dios tëëyëp wyin'ijxën tëë ja tmëkäjpxy; mëti'ipë ojts tmëkäjpxyën ojts wa'ats tyajnaxy ets mëti'ipë wa'ats yajnajxën ojts mëj'äämpy tpëjktä'äky.

1 Corintios 4:15

Oy xyjyamëët'atë majk milën ja yaj'ijxpëjkpë mëti'ipë mtuk'ijxpëjkëtëp ja Kristë ja jyä'ä, ka'ap ja mteety may xymyëët'atë, jëtu'un npëjktakmëty koos ëjts xytyeety'ajtëp jä'ä ko miits të ntuk'ëwaanëtë ja nitsokën ko ja Kristë të xymyëpëktë.

2 Corintios 11:4

Mmëtënaaytyëp miits ko pën mnija'tëtë ets mtuk'ëwa'anxëtë wiinkpë ja Jesús, ka'apë të ntuk'ëwaanëtë, ets xykyupëktë jotkujk ja wiinkpë winma'any, ka'apë jyä'äjëtyën mëti'ipë të xykyupëktën ets näjyëtu'un xy'ëxajëtë mëti'ipë tyijtëpën oy aaw oy ayuk, ka'apë jyä'äjëtyën mëti'ipë të xynyijawëtën.

2 Corintios 2:17

Ka'apës ja Dios ja y'aaw y'ayuk nyajtuunëtë etsës ja wit meeny npaatëty ijxtëm may y'ëtë'ëtstën; ni'ikyë ëmuumtu'ukjot nikajpx nimëtya'aktës ja Dios ja y'aaw y'ayuk, ko yë'ë të xykyäxtës ets ko tu'ukyë mëët n'itës ja Kristë.

Gálatas 1:11

Mëku'uktëjkëty, nijawëtë ko ya'atë aaw ayuk oypyë mëti'ipë miits të ntuk'ëwaanëtën, ka'ap jyä'äyëty t'aaw t'ayukëty.

Gálatas 1:15

E tëëtëm ënety ja Dios xywyin'ixyës naamka'anëm nmëxu'unk'atynyëmës ets tëëtëm ënety myëyajtën mëët xyaxtsoyës,

Gálatas 1:7

Tim tëypyë ka'ap ma wiinkpë aaw ayuk oypyë. Mëti'ipë tuunëp jajtëpën yë'ë ko tää ja'ay mëti'ipë yajma'atäämpyën je'eyë ja mmëpëjkënëty ets jëtu'un ja oy aaw oy ayuk mëti'ipë Kristë jyä'ä'ajtypyën tjayajtëkatsanë.

Gálatas 2:14

Paaty koos jëtu'un n'ijxy ko ka'ap tuny ijxtëm ja oy aaw oy ayuk ni'ënä'ämën ënät ojts n'ënëëmës ja Pedro mëpëjkpëtëjk wyintuuy: Mijts, mjajutiis ja'ay, jëtu'un mjuuky'äty ijxtëm jeexyë ka'ap mjutiisëty; ¿tii ko yë ja'ay xy'atsip'aty mëti'ipë ka'ap jyutiisëty ets xytyukpaatuna'any ja jutiis ja'ay ja wyinma'any?

Gálatas 2:2

Paatyës ojts jam nnëjkxy jä'ä ko tëëjës ënety ja Tiosën xytyuk'ixyës etsës jam nëjkxtë. Jamës ojts ntuk'ëwaanëtë ja naax kajpn ja oy aaw oy ayuk mëti'ipës nkajpxwä'kxypyën ma ja ja'ayëtyën ka'apë jyutiis ja'ay'atën. Ets ojts näjyëtu'un ntukmëmëtya'aktës ëpëky ja kutuunktëjkëty ets ja mëjja'aytyëjkëty jampë yajpaatën ets nijawëtëty yajxon ko ja ntuunkës mëti'ipës ntuunk'ajtypyën ka'ap nëkoo nyatëkë'aty.

Gálatas 2:5

Niwi'ix'äämpy ëëts ya'atë ijxpëjkën ojts nkakupëktë, jä'ä ko jä'äs ntsojktëp ets ja mëtëypyë aaw ayuk wyë'ëmëty ma miitsëtyën.

Gálatas 2:7

Ni'ikyë ojts t'oy'ixtë ko ja Dios ënety të xytyuknipëkyës ja tuunk etsës nkajpxwa'kxëty ja oy aaw oy ayuk ma ja ja'ayëtyën ka'apë jyutiis'atën jëtu'un ijxtëm ja Pedro ojts yajtuknipëkyën ets ja oy aaw oy ayuk tkajpxwa'kxëty ma ja jutiistëjkëtyën.

Gálatas 5:14

Jëtu'un ja ënä'ämën tu'kë'ëyë yajpatuunta'ay: Tsok ja mmëku'uk ijxtëm kë'ëm mnätsyokyën.

Gálatas 5:4

Miitsëty, mëti'ipë tsyojkën'ajtëpën ets mëët ja Dios oy mwë'ëmtëty ko xypyatuna'antë ja ënä'ämën, tëë xy'ëxmatstë ja Kristë ets të mnäpyëjkta'akëtë ma ka'ap xypyaatëtyën ja Dios ja tsyojkën jya'awën.

2 Tesalonicenses 2:14

Paaty ja Dios të mwootsowëtë ko të xymyëpëktë ja oy aaw oy ayuk mëti'ipës të nkajpxwa'kxtën, jëtu'un jam myajpaatëty ma ja Wintsën Jesukristë myëj'ajtën y'oyajtënënën.

1 Timoteo 1:14

Jëtu'un ja Wintsën ja mëjmëyajtën të tuny maas ëjtsën etsës të xymyo'oy ja mëpëjkën, tsojkën ja'awën mëti'ipë nmëët'ajtëmën ko tu'ukyë ja Kristë Jesús të nmëpëjkëmë.

1 Timoteo 1:3

Ijxtëm ojts mijts nnëëmën koos nnëjkxany jam Macedonia y'itjotm, wë'ëm jam Éfeso ets xy'akajpxtukëty yë ja'ayëty këtiipë tëkatsy yaj'ijxpëktëty ets wiink ja winma'any tmëtëkëtëty,

2 Timoteo 1:9

Dios të xyajtsokëm ets të xywoowtso'owëm tääts npatmëty ja juukyajtën wa'atspë, ka'ap yë'ëkyëjxmëty ko tii oy ntu'unëm, yë'ë ko jëtu'un tëëyëp tuknipëjktaakë mëët ja Kristë Jesús.

2 Timoteo 2:1

Mijts, Timoteo, mëti'ipës n'u'unkja'apën, jam ja mëjaaw xyajtsoonëty ma ja Dios ja y'oyjyot y'oywyinma'anyën mëti'ipë të mtuk'ixyën mëët ja Kristë Jesús.

1 Pedro 1:15

Juuky'atë wa'ats, jä'ä ko ja Dios mëti'ipë të mëkajpxëtën wa'ats yë'ë.

2 Pedro 1:3

Mëët ja Dios ja myëk'ajtën, tëë xymyo'oyëmë tëkokyë mëti'ipë nyajmëyajtëmën ets ntukjuuky'ajtmëty ijxtëm tsokyën, ets n'ixy'ajtmëty ja mëti'ipë të xymyëkajpxëmën mëët ja myëj'ajtën kyutujkën ko winë të tyaj'ixyë.

Apocalipsis 22:21

Ja Wintsën Jesús mkënu'kxëtëp miits ni'ëmukë.