Gálatas 1:4 - Biblia Dc en Mixe de Quetzaltepec

⁴ Mëti'ipë të tku'ookën ja npoky'ajtëmë, ijxtëm ja Dios tsokyën ets n'ëwaatsëpëtsë'ëmëty ma tyampë tiempën ëxëëkpë tsaatsypyën.

Biblia Mixe de Quetzaltepec

⁴ Mëti'ipë të tku'ookën ja npoky'ajtëmë, ijxtëm ja Tios tsokyën ets n'ëwaatsëpëtsë'ëmëty ma tyampë tiempën ëxëëkpë tsaatsypyën.

Gálatas 1:4 ပူးပေါင်းရင်းမြစ်များ

Salmos 40:8

Ëjts ntunäämpyës mëti'ipë mijts mni'ënä'ämëpën, Dios, mëti'ipës nTios'ajtypyën; Njootjoty nwinma'anyjyotyës nyaj'ity mëti'ipës mijts xytyuk'ni''ijxëpën.

Isaías 65:17

Ëk'ixtë, ëjts nyajkojäämpyës yam jemypyë tsajp ets naaxwiinyëtë. Mëti'ipë të nyäxyën tëë ja kyixy ets ka'ap mëpaat y'ëkyajja'amyäjtsnë, ets ni pën nëjkx jëna'a tka'ëkjot'ajnë.

Mateo 13:22

Ja tëëmt mëti'ipë ojts kyä'äyën äpny akujk, jëtu'un jä'ä ijxtëm ja ja'ay Dios y'aaw y'ayuk t'amëtoow'ijtëtën, je'eyëp ko yë'ë myëmaay myëtajtëp ja ajuuy ato'k ets mëk tsojkën'atë ja wit meeny ets yë'ë nyätyukwin'ëënëtë. Tu'kë'ëyë ya'atë, yë'ë yajkumo'onëtyääpy ja Dios ja y'aaw y'ayuk mëti'ipë të tjamëtoow'ityën ets ka'ap maa wyinkëxë'ëky.

Mateo 20:28

Jëtu'un ijxtëm ëjtsën, ka'apës yë'ëjëty të niminy etsës yë ja'ay xymyëtunëty, yë'ëjës të niminy etsës ja ja'ay nmëtunëty etsës nkëpätëty ja naaxwiinyëtë ja'ay ja nyëë pyoky.

Mateo 26:28

jëtu'un ya'atë uuky nyäxy tääjës yë ne'pnyën, ma y'atëyën ja käjpxytyu'unën, ja ne'pny mëti'ipë täämp jä'tspën ets ja naaxwiinyëtë ja'ay yajpokymyä'kxtëty.

Mateo 26:42

Ko ojts mëmäjtsk ok nyijkxy, ënät ja Dios tja'amyejtsy ets t'ënëmaay: Dios Teety, pën ka'ap tjëkyepy njëjpmëkajpxëtyës ya'atë ëyo'on, mijts mnija'ap wi'ix tii xytyuna'any.

Mateo 6:9

Jëtu'un ja Dios xymyëkajpxtëty: Tatë Dios tsajpjotmëpë m'ityën, wintsë'ëkë ja mxëëw y'itëty.

Marcos 10:45

Jä'ä ko ka'ap yë'ëjëty ëjts të niminy etsës nyajmëtunëty, yë'ëjës të niminy etsës ja ja'ay nmëtunëty ets nkëpätëtyës may ja ja'ay ja pyoky ko ni'o'ktu'utëtyës, jëtu'unts may nyitso'oktëty.

Lucas 22:19

Tääts ja tsajpkääky tkoonë'ky ets näjyëtu'un ja Dios ojts tkukajpxë, tääts ojts tujkwä'kxy ets tmooy ja y'ijxpëjkpëtëjk ets y'ënäny: Ëjts ya'atë ni'kx nkopk mëti'ipës nyäjkpyën ets miits xytyuk'oy'atëty, yë'ë tuntë ets xytyukja'amyätstëtyës.

Lucas 22:42

Dios Teety, pën mijts m'ënaanp, tun yë mëyajtën ëts xyajkutukëty etsës ka'ap nmë''ëyowëty ya'atë jotmay, mëti'ipë jëtu'un tä ta'amnëëjën; je'eyëp ko ka'ap y'ëjtsëty njä'a tyunëty, yë'ë yajtun wi'ix mijts të xytyuknipëjktaakën.

Juan 10:11

Ëjts jëtu'un ijxtëm ja oypyë kupixyny këwent'ajtpën. Ja oypyë kupixyny këwent'ajtpë kyu'o'këp ja kyupixyny;

Juan 12:31

Tyam të tpaaty ma ja naaxwiinyëtë ja'ay yajpaye'etyëtyën ets yaj'ëxwopëty mëti'ipë nyiwintsën'ajtypyën ja naaxwiinyëtë winma'any.

Juan 5:30

Ka'ap tjëkyepy etsës tii kë'ëmwinma'any ntunëty. Jëtu'unës winë npaye'ey ijxtëm ja Dios Teety të xy'ëne'emyënës; ets npaye'eyënës, mëtëy yë'ë; jä'ä ko ka'apës tii npaye'ey mëëtës yë nkë'ëmjot nkë'ëmwinma'any, yë'ëjës nTeety yë jyä'ä nyajtuunëp, mëti'ipës të xykexyën.

Juan 6:38

Jä'ä ko ka'apës yë'ëjëty tsajpjotm të nitsoony etsës ja nkë'ëmwinma'any nyajtunëty; yë'ëjës jam të nitsoony etsës ntunëty mëti'ipë tsyojkpyën ja nTeetyës mëti'ipës të xykyexyën.

Romanos 12:2

Këtii m'ëkjuuky'ajnëtëty ijxtëm ja ja'ayëtyën mëti'ipë ja naaxwiinyëtë winma'any yajtuuntëpën, yajtëkatstë ja mwinma'anyëty ets ja mjuukyajtënëty, jëtu'un xynyijawëtëty mëti'ipë ja Dios tsyojkpyën, mëti'ipë oyën, mëti'ipë y'oyjya'apën ets mëti'ipë mëtëyën.

Romanos 4:25

Jesús, ojts yajkë'ëyäky ets y'ookëty mëët ko ënety ëëtsajtëm npokymyëët'ajtëmë, e ojts jyuukpyiky ets ëëtsajtëm wa'ts nwë'ëmëty.

Romanos 8:27

Ets ja Dios, mëti'ipë tyuk'ijxnajxypyën ëëts ja n'aaw'ajt njot'ajtëmë, nyija'ap mëti'ipë winma'any ja Kënu'kxymyëkajtën myëët'ajtypyën, jä'ä ko ja Kënu'kxymyëkajtën nyinu'kxtäkpy ja jyä'äy ijxtëm ja Dios tsokyën.

Romanos 8:3

Tëë ja Dios tuny mëti'ipë ja ënä'ämën ka'ap myääyën tunëty, jä'ä ko ënety ja myëk'ajtën kyujënäkyëty ets ko ja ja'ay ëmaay paki'ix yajpaatë. Paaty ja Dios ja y'u'unk të tkexy ets yaj'ijxy ijxtëm ja pokyjyä'äyën ets wyintsë'kën'atëty, tkunaxëty ja ja'ay ja pyoky, jëtu'un tyajkutëkoy ja poky ma ëëtsajtëmën.

Romanos 8:32

Jä'ä ko ka'ap ja Dios të tukwintuk'ooky ja kyë'ëm U'unk, tëë ni'ëmukë xykyu'o'këmë, ¿Wi'ix ko ënät xykyamo'omyëty mëët yë'ë tu'kë'ëyë winë?

1 Corintios 15:3

Mëtu'kpëky, yë'ë miits të ntuk'ëwaanëtë mëti'ipës të nyajtuk'ëwaanën näjyëtu'un. Yë'ë të ntuk'ijxpëktë ko ja Kristë ja npoky'ajtëm të tku'ookë, ijxtëm ja Dios ja y'aaw y'ayuk kyëxja'ayëtyën;

2 Corintios 4:4

Jä'ä ko ka'ap myëpëktë, ja mëpëjkën yääyëpë naaxwiinyëtën yë'ë yajwinma'anytyëkajtsëtëp këtiipë t'ijxpaatëty ja jajën të'kxën, ja oy aaw oy ayuk ma yajnimëtyä'äkyën ja Kristë ja myëj'ajt jyääntyajtën, ja Kristë mëti'ipë Dios nyäjxypyën.

Gálatas 2:20

ka'ap y'ëjtsëty n'ëkjuuky'ajnë, Kristë juuky'ajnëp maas ja njot nwinma'anyën. Ja juukyajtën mëti'ipës ja nnini'kx tyuk'oy'äjtypyën, paaty jyuuky'äty jä'äs ko nmëpëky ja Dios ja y'U'unk, mëti'ipës të xytsyokyën etsës të xykyu'oo'kë.

Gálatas 6:14

Ëjts ka'apës tii nätyukumayë, yi'iyës nmëjpëjktäkpy ko ja Wintsën Jesús të xykyu'ookës kruutskëjxm ets jä'äkyëjxm ko të xykyu'ookës kruutskëjxm ets ko të nmëpekyës, jëtu'un tpaaty ijxtëmës jeexyë të nkruutspety mëët ja naaxwiinyëtë juukyajtën.

Efesios 1:11

Tiosës të xywin'ixy etsës ja kuma'ayën n'ëxajëty ko ja Kristë mëët n'ityës, jëtu'un ijxtëm të tuknipëjktaakën yë Dios mëti'ipë tu'kë'ëyë winë tyuunpyën ijxtëm tsokyën.

Efesios 2:2

Yë'ë ijty mpatuuntëp ja naaxwiinyëtë ja'ay ja wyinma'any ets ja ku'oypyë mëti'ipë jëtijtpën pojjotm ets tjotmëkmo'oy ja ja'ay mëti'ipë ka'ap tmëmëtowtën ja Dios.

Efesios 5:16

Yajtuunk'paatë yajxon ja xëëw jëmëjt, jä'ä ko tsiptakp tyam ja juukyajtën winjëpom.

Efesios 5:2

Nätsyokëtë nixim niyam ijxtëm ja Kristë të xytsyojkëmën ets të nyäkyë'ëyäkyë ma të wyintsë'kën'atëtyën ëëts'ajtëmkyëjxm, jëtu'un tä ja wintsë'kënën mëti'ipë oy xu'kp jojkpën Dios wintum.

Efesios 6:12

Jä'ä ko ka'ap jyä'äyëty mëët ntsiptu'unëm, yë'ë mëët ntsiptuntë mëti'ipë tsajpwinm yajkutujktëpën; kutujkënmëëtpë, mëk'ajtënmëëtpë ets mëti'ipë ënä'ämtëpën ma ja ja'ay tkamëmëtowtën ja Dios.

Filipenses 4:20

Mëj jawë jaantyjawë ja nTeety'ajtëm Dios y'itëty. Jëtu'un y'itëty.

1 Tesalonicenses 1:3

Xëmës miits nja'amyätstë nTeety'ajtëm Dios nmëpëjktsoy ko mtuntë mëët ja mëpëjkën ets ko xyjyëjp'ixtë ja Wintsën Jesukristë ets ko të mputëkëtë ets xymyënax xyajnaxtë amëk jotmëk ja ëyo'on jotmay.

1 Tesalonicenses 3:11

Ntsojktëpës ets ja Dios mëti'ipë nTeety'ajtëmën ets ja Wintsën Jesukristë ëëts xypyutëkëtëty ets miits nëjkx nku'ixëtë.

1 Tesalonicenses 3:13

Wä'än yë Wintsën tu'ukyë tyaj'ity ja mjot mwinma'anyëty, wa'ats, ka'ap tii poky xymyëët'attëty Dios wyintum ko ënety myiny ja Wintsën Jesús mëët ni'ëmukë mëti'ipë jyä'ä'ajtypyën. Jëtu'un y'itëty.

2 Tesalonicenses 2:16

Ja Wintsën Jesukristë ets Dios, mëti'ipë nteety'ajtëmën, yë'ë të xytsyojkëm ets jotkujk'ajtën të xymyo'oyëmë xëmëkyëjxm; tsojk nkukajpxëm nja'awëkyëtakëmë ko y'oywyinma'any të tyajkëxë'ëky,

1 Timoteo 2:6

Jesukristë tëë tku'ookë ja ja'ay ni'ëmukë ets ja nitsokën tpaatëty mëti'ipë yë'ë yajnikëxë'kën jëna'a ënety ja nyixëëw të tpaatyën.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Hebreos 2:5

Ka'ap ja Dios të tmo'oy ja anklëstëjk ja mëk'ajtën ets y'ënä'ämtëty ma ja xëëw jëmëjtën mëti'ipë wiinkoonpën, mëti'ipë tyam nikajpx nimëtyakëmën.

Hebreos 6:5

ets tëë tjawëtë wi'ix ja Dios ja y'aaw y'ayuk xyu'kxëtyën ets ja kuttujkën mëti'ipë miimp wiinkoonpën,

Hebreos 9:14

Pën jëtu'un, ni'ik ja Kristë ja nye'pyny. Jä'ä ko mëët ja Kënu'kxymyëkajtën xëmëkyëjxmëpë y'ityën, ojts ja Kristë nyäkyë'ëyäkyë ets wyintsë'kën'atëty ma Tiosën wa'ats pëk, ets ja nye'pny yë'ë yajwatsyp ja njoot'ajt nwinma'any'ajtëmë oy ënety të njatu'unëmë mëti'ipë yaj'o'kpën, ets jëtu'un npatmëty ja juukyajtën.

Santiago 4:4

Miitsëty, mëti'ipë ja Dios të y'ëxmatstën, ¿tii këtii xynyijawëtë ko ja Dios ka'ap tsoky ets ja naaxwiinyëtë winma'any n'atsojkmëtyë? Oy tyimpënëty mëti'ipë ja naaxwiinyëtë winma'any y'atsojkpyën, ja Dios myëtsipëjkpy.

1 Pedro 2:24

Kristë ojts ja npoky'ajtëm tmënëjkx ma ja nyi'kx kyopkën jam kruutskëjxm ets jëtu'un nyäjxy ijxtëm jeexyë ja poky të nku'o'këmën ets ënät njuuky'ajtmëty mëtëy. Yë Kristë ojts tsyëtyuty wyintëkoy ets miits mtsoktë.

1 Pedro 3:18

Jä'ä ko ja Kristë ojts xykyu'o'k xykyutëko'oyëmë tu'k'okyë ko npokyjyä'äy'ajtëmë. Yë'ë ka'ap ijty tii poky tmëëtëty; yë'ë pokyjyä'äy ojts tku'ëyowë ets myajnëjkxa'anëtë ma Tiosën. Oy ojts ja Kristë y'ëk'ooky ko nyäpyëjktakë naaxwiinyëtë ja'ayën; ojts jyuukpyiky mëët ja juukyajtën ka'apë kyëxë'ëkyën.

1 Juan 2:2

Tëë ja Jesukristë y'ëyoy kruutskëjxm ets ja npoky'ajtëm yajmä'kxëty ets ka'ap yi'iyëty npoky'ajtëm, näjyëtu'un ni'ëmukë ja naaxwiinyëtë ja'ay.

1 Juan 3:16

Nnija'awëm wi'ix ja Jesukristë xytsyojkëmën ëmuumtu'ukjot, paaty të xykyu'o'këmë. Näyjyëtu'un ëëts nkë'ëyajkmëty ja njuukyajtën'ajtëm ets nku'o'këmëty ja nmëku'uk'ajtëmë.

Apocalipsis 1:5

ets näjyëtu'un ja Wintsën Jesukristë, mëti'ipë ja Dios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,

Apocalipsis 5:9

Ets ja jempyë ëy t'ëwtë: Mijts mpaat'ajtëp ets xy'ëxajëty yë noky apëtity mëti'ipë wëxtujkpëky nitsaaypyetyën, ets xyaj'ëwa'atsëty, jä'ä ko mijts të mwintsë'kën'aty, të xykyupety ja ja'ay ja pyoky ets ja Dios jyä'äy'atëtëty, ja ja'ay mëti'ipë tso'ontëpën ma ja it naaxwiinyëtën ets mëti'ipë kyajpxtëpën kanaakpëky ja aaw ayuk.

Apocalipsis 7:9

Ko jëtu'un y'ëkjajty, ënätës n'ijxy ja nimayjyä'äy, mëti'ipë tso'ontëpën wiink naax wiink kajpn ets wiink aaw wiink ayuk kyajpxtëp. Jam tyänëtë ma ja kutujktaknën ets ma ja Kupixynyën, nimay yajxon ka'ap tjëkyepy nmëtyo'owmëty. Poop xoxyëty, kum aay myënëjkxtëp.