Filipenses 4:8 - Biblia Dc en Mixe de Quetzaltepec

⁸ Mëku'uktëjkëty yë'ë mëmay mëtajtë mëti'ipë tëy jaantyën, mëti'ipë paat'ajtëp yajwintsë'ëkëtyën, mëtëypyë, wa'atspë; mëti'ipë yajtukjotkëtakpën ets mëti'ipë oy wiinkëxë'kpën. Mëmay mëtajtë tu'kë'ëyë mëti'ipë oyën ets paat'ajtëp oy yajnikajpxëty.

Biblia Mixe de Quetzaltepec

⁸ Mëku'uktëjkëty yë'ë mëmay mëtajtë mëti'ipë tëy jaantyën, mëti'ipë paat'ajtëp yajwintsë'ëkëtyën, mëtëypyë, wa'atspë; mëti'ipë yajtukjotkëtakpën ets mëti'ipë oy wiinkëxë'kpën. Mëmay mëtajtë tu'kë'ëyë mëti'ipë oyën ets paat'ajtëp oy yajnikajpxëty.

Filipenses 4:8 ပူးပေါင်းရင်းမြစ်များ

Santiago 3:17

pën myëët'ajtyp ja wijyajtën kejyajtën mëti'ipë tso'onpën ma Tiosën, wa'ats yajpaatë ma jyuuky'ajtënëtyën; ka'ap maa pën mëët yë tsip tmëët'atë, tëtä'äky jyuuky'atë, yaj'ijxëtëp ja y'oyjyot y'oywyinma'anyëty. Pa'ëyoow najts'ëyo'owëtëp, pyutëjkëtyëp yë ja'ay xim yam, ëmuumtu'ukjot winë tuntë ets oy myäytyë tyajtë.

Tito 2:7

oymyaatsowëty, ets najtstunë mijts kë'ëm wi'ix oy tii tuntëtyën. Ko xyaj'ijxpëkëty, tun mëët wa'ats aaw wa'ats jot, ka'ap tii in tsots xyajwinkëxë'ëkëty.

2 Corintios 8:21

Paatyës oy winë ntuntë, ka'ap jyämyëty Wintsën wyintum, näjyëtu'un ma ja ja'ayëtyën.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

1 Pedro 2:12

Mëët'atë ja oyjyot oywyinma'any mëët ja ja'ay mëti'ipë ja Dios ka'ap tnijawëtën. Oy ëxëëkjaty mtijëtë ijxtëm jeexyë miits m'ëxëëkja'ay'atën, nëjkxëp jëna'a t'ixtë tnijawëtë ko ënety miits oy winë xytyuntë ets nëjkxëp tmëjjawëtë ja Dios ko ënety ja paye'eyën tuny.

Hebreos 13:18

Kunu'kxtaktëkës, ëëts nija'awëtëp ko oyëx winë të ntuntë ets oyës winë ntuna'antë.

1 Timoteo 4:12

Këtii xykyupëkëty ko pën mkawintsë'ëkëtëty ko mutsknëmëty; mijts ni'ikyë mëpaat ijxpäjtën xyäky ma mëpëjkpëtëjkëtyën, ko oy mkajpxëty, oy winë xytyunëty; mmëët'atëp ja tsojkën ja'awën ets ja mëpëjkën ets oy yajxon mnäyajjuuky'atëtëty.

Efesios 5:9

Ko ja ja'ay yajpaaty ajajëntuuy, tyuunpy ja oypyë, mëti'ipë paat'ajtëpën ets mëti'ipë mëtëyën.

Tito 1:8

Ni'ikyë xëmë ja ja'ay tyajjajta'akëty oy tsuj ma tyëjkën; oy winë tunëty, wijy kujk jyä'äy'atëty, ka'ap tii tuuntëkoyëty ets mëtëy tyu'uye'eyëty.

1 Juan 3:3

Pën yë'ë y'a'ijxyp jyëjp'ijxyp, wa'ats nyäyaj'ityë, jëtu'un ijxtëm ja Jesukristë wya'atsëtyën.

1 Pedro 1:22

Mëku'uktëjkëty, jä'ä ko xymyëmëtowtë ja tëypyë jaantypë, näyajwa'atsëtë ets nätsyokëtë nixim niyam winë aaw winëjot ets amëk jotmëk.

Tito 3:14

Wä'än näjyëtu'un ja nmëku'uk'ajtëmë tjatë ja oyajtën wi'ix ja myëku'uktëjk tputëkëtëty mëti'ipë tii yajmëyajtëpën ets ja jyuukyajtën tyajtuntëty.

Romanos 13:13

Tsojk winë oy ntu'unëm ijxtëm xëëny tii yajtunyën. Ka'ap je'eyë xëmë n'ukmëty nmukëmëty, ka'ap xim yam yë ye'etyëjk t'ixëty yë to'oxytyëjk ëkë yë to'oxytyëjk xim yam yë ye'etyëjk, ëkë xim yam pën mëët ntsiptu'unmëty.

Proverbios 20:7

Jotkujk yë ja'ay yë y'u'unk y'ëna'k yajpaatë mëti'ipë të jyuuky'ätyën tëy tëtä'äky.

Santiago 1:27

Ja mëpëjkën oypyë ets wa'atspë Dios Teety wintumpë yë'ë ya'atë: yajputëjkëp ja ku'ooky u'unk ets ja ku'ooky tyo'oxytyëjk mëti'ipë maaytyëp tajtëpën, näjyëtu'un yajputëkëty ka'apë nyäyaj'ëxëëkëtyën mëët ja ëxëëkajtën yaapë naaxwiinyëtën.

1 Juan 3:18

Miitsëty, u'unk maayëty, yaj'ixëtë ja nätsyok näjyawë, këtii je'eyë nëkoo m'ëna'antëty ko ja mmëku'uk xytsyoktë.

Tito 2:2

Ja mëjja'aytyëjkëty mëtëy winë tuntëty, mëët ets wijy kujk; yajtuntëp oy ja myëpëjkënëty, myëët'atëp ja tsojkën ja'awën ets amëk jotmëk yajpaatëty ets tmëtänëtëty ja ëyo'on.

2 Corintios 13:7

Nmëpëjktsoowtëpës ja Dios ets ka'ap ja ëxëëkpë xytyuntëty; ka'ap yë'ëkyëjxmëty ko ëëts ja ëxëëkpë të ntuknaxtë; yë'ëkyëjxm ko miitsëty maayëtëp tii oy winë xytyuntëty, oy jëtu'un yaj'ixy ka'apës yowë ja ëxëëkpë të ntuknaxtë.

Colosenses 4:5

Oy mja'ay'atëty mëët ja ja'ay mëti'ipë ka'ap Kristë tmëpëktën. Yajtuunk'paatë ja xëëw.

1 Pedro 4:8

Yë'ë tim kopkpëky ko ni'ik mnätsyokëtëty nixim niyam, jä'ä ko yë nätsyokë myä'kxtääpy yë poky.

2 Samuel 23:3

Yë Wintsën, mëti'ipë yë Israel ja'ayëty y'ëwtajtëpën; mëti'ipë kyuwäämpy nyixäjpyën ja Israel kajpn, jëtu'unës të xy'ënëëmë: Mëti'ipë tyu'uwinye'epyën ja ja'ayëty mëët ja tëyajtën, mëti'ipë winë tyuunpyën mëët ja Wintsën ja wyinkutsë'kën,

Romanos 13:3

Yë kutuunktëjk ka'ap yë'ëkyëjxmëty të yajpëjkta'aktë ets tyajjotkëxtëty mëti'ipë oy winë tyuunpyën, yë'ë të yajtuknipëjktaakëtë ets tpaye'eytyëty mëti'ipë ëxëëk ëtëtstëp ënantëpën. Pën ka'ap mëët ja tsë'ëkë mjuuky'ata'any, tun kajpxp mëti'ipë oyën ets ja kutuunk m'oyjyawëtëty.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Filipenses 3:1

Jëtu'un mëku'uktëjkëty, tukxoonta'aktë ja Wintsën. Ka'apës näy'atsipë njawë oyës yam jatëkok nja'ay mëti'ipës të n'ëkjääpyën, jä'ä ko mtuna'anxëtëp yë'ë.

Romanos 2:29

Yë'ëkyëjxm ja ja'ay mëtëy jyutiis'aty ko oy ja y'aaw jyot, pën ja ijxwë'ëmën myëët'ajtyp mëti'ipë ja Kënu'kxymyëkajtën mooyëpën, ka'ap yë'ëkyëjxmëty ko ja ënä'ämën jyää'aty. Pën myëët'ajtypyën ja oyjyot oywyinma'any, yë'ë ja Dios oyjya'awëyëp, ka'ap jyä'äyëty.

Isaías 26:7

Ja wa'ats ja'aytyëjk ja nyë'ë tyu'ujëty tëyë nyijkxy; mijts Wintsën, mijts kë'ëm ja nyë'ë tyu'u myaj'o'oyëyëp.

Proverbios 31:31

Mëjpëjkta'aktë jëtu'unpë ja to'oxytyëjk ma ja naax kajpnën. Tukmëjjawëtë ko winë oy tuny.

1 Timoteo 2:2

Yajninu'kxta'aktëty ja yajkutujkpëtëjk ets kutuunktëjk; jëtu'un jotkujk n'ijtmëty njuuky'ajtmëty, mëët ja pa'ëyo'owën ets oy tsuj njuuky'ajtmëty.

1 Timoteo 5:10

Yajnija'awëp ko oy ënety winë tuny, pën tëë ja y'u'unk y'ëna'k tsuj tyajyeeky, pën tëë ja ja'ay oy tsuj tyajja'ty ma tyëjkën, pën tëë ja mëpëjkpëtëjk ja tyeky tpujë, pën tëë tputëkë mëti'ipë ëyo'onpatëpën. Ets pën tëë winë oy tuny.

Deuteronomio 16:20

Tëyajtën mëpaat winë xytyuntë ets jëtu'un mjuuky'atëty jotkujk ets xypyaatëty ja naax kam mëti'ipë yë Wintsën mo'ojanëtëpën.

Efesios 6:14

Jëtu'un tu'ukyë ja mwinma'anymyëët'atë, nätyukxoxëtë ja tëypyë jaantypë ets yë'ë nätyukëwent'atëtë ja tëyajtën.

1 Tesalonicenses 4:12

Ets mwintsë'ëkëtëty mëti'ipë ja Dios ka'ap tnijawëtën ets ka'ap pën xytyuk'ijxpätëty.

Efesios 4:25

Paaty tyam, këtii m'ëk'antaknëtëty, ko mmëku'uk xymyëmëtya'aktëty mëtëy tii xytyuk'ëwaanëtëty, jä'ä ko tu'ukyë n'ijtëm ijxtëm tu'ukpë ja ni'kx kopkën.

2 Corintios 6:8

Jëna'ajëtyës pën xykyamëj'ixtë ets jëna'ajëty pën xyajjotma'atës; jëna'ajëty nyajnimëtya'aktës ëxëëk oyës ja mëtëypyë njanimëtya'aktë.

Hechos 10:22

Tää ja kukäjpxy y'ëtsoowtë: Ja tsiptuunpë wintsën Cornelio, yë'ëjës xykyäjxtëp. Oy ets mëtëy jyuuky'äty ets wyintsë'këp ja Dios, oyjya'awëyëp ets tsojkëtëp ja jutiis ja'ayëty. Tu'uk ja Dios ja y'anklës të nyë'ëmxëty ets mijts myajwowëty ets nja'amëty ma ja Cornelio ja tyëjkën ets xytyuk'ëwaanëty mëti'ipë mkajpxäämpyën.

Juan 7:18

Pën yë kyë'ëm winma'any kyäjpxyp ets ja ja'ay myëjpëjktä'äkyë, yë'ë y'ixtääpy ets yajmëjpëjkta'akëty; mëti'ipë y'ixtääpyën ets yajmëjpëjkta'akëty ja mëti'ipë të kyexyën yë'ë mëtëy kajpxp ets ka'ap tjëkyepy wi'ix tëkatsy yajnimëtya'akëty.

Lucas 2:25

Jam ënety tu'uk ja ja'ay tsyëënë Jerusalén, Simeónk'ajtp. Oy ets wa'ats jyuuky'äty ma Tiosën, wyintsë'këp ja Dios ets y'owëxijtyp jëna'a ja Israel ja'ay nyitso'oka'antën. Ja Simeón myëët'ajtyp ijty ja Kënu'kxymyëkajtën,

Marcos 6:20

Jä'ä ko nyija'ap ja Herodes ko mëtëy ja Juan kyäjpxy ets wa'ats ja y'aaw jyot, paaty ojts tkuwa'any. Oy ja y'aaw y'ayuk ojts tmëtoowë ets jotkujk nyäjyawëty ko ja Juan myëtyä'äky.

Proverbios 11:1

Dios ka'ap t'oyjyawë ko tii kä'pxy kyayajkijpxy, yë'ë oyjya'ap ko tii kä'pxy yajkijpxy.

Rut 3:11

Këtii mtimtyë'ëkëty u'unk maay, ma ya'atë naax kajpnën nyija'awëtyëp yë ja'ay ko mijts oyjyot oywyinma'any xymyëëtëty ets oy winë xytyuny. Paatyës tyamës nkupëky ets mpëjkmëty ijxtëm të xy'amëtoyën.

Lucas 16:15

Ënet ja Jesús y'ënëmaayëtë: Miits win'ë'ëmpëtëjkëty, wa'ats mnäyajnaxëtë ma ja ja'ayëtyën, e ja Dios nyija'ap ko y'ëxëëkëty ja mjot mwinma'anyëty; jä'ä ko mëti'ipë ja ja'ay myëjpëjktaktëpën, Dios y'ëxëëk'ijxyp yë'ë.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Dios myo'ojëtëty ja oyajtën wi'ix nitu'ukjaty pyaat'atyën.

Hechos 22:12

Jam ënety tu'uk ja ja'ay mëti'ipë xyëëwajtypyën Ananías, yë'ë ja Moisés ja y'ënä'ämën pyatuunëp ets ni'ëmukë ja jutiis ja'ay mëti'ipë tsënaaytyëpën jam Damaskë oy nyimëtyä'äkyë.

Cantares 5:16

Yë pya'kxwiin pa'ak jyawë. Oy ntsojkën'ajtmëty. Jëtu'un y'ixëty yë ye'etyëjk mëti'ipës ntsojkpyën, mëtowtë yajxon miitsëty to'oxytyëjktëjkëty mëti'ipë Jerusalén kukajpnajtëpën.

Génesis 18:19

Yë'ëjës të nwin'ixy ets yë'ë t'ënä'ämëty yë y'u'unk y'ëna'k, y'u'unk y'ok, ko tpatuntëty yë n'ijxpëjkënës ets tu'kë'ëyë mëti'ipë oyën ets tëyajtënën. Jëtu'un tjëkyäpëty näjyëtu'un ntunëtyës tu'kë'ëyë, winë mëti'ipës të n'ëwaanën ets tëëpës nikäjpxyën.

1 Juan 4:1

Mëku'uktëjkëty jënu'un miitsëty myajtsok myajjawëtën, këtii aak xymyëpëktëty mëti'ipë ënantëpën ko ja Dios yajkajpxëtë, jëwyiin xy'ixtëty xytyuntëty yajxon pën myëët'ajtëp ja Kënu'kxymyëkajtën ëkë pën ka'ap. Jä'ä ko tää may naaxwiiny yë win'ë'ëmpë mëti'ipë nëkoo nätyijëtëpën ko Dios tmëtuntë.

1 Timoteo 5:2

Ja mëj ja'ayëtypë ja to'oxytyëjktëjk jëtu'un xyjyawëty ijxtëm ja mtaakën; e ja to'oxy ëna'ktëjk jëtu'un xyjyawëty ijxtëm ja mmëka'axën, wa'ats wiin wa'ats jot.

Lucas 23:50

Jam ënety tu'uk ja ja'ay oyjyä'äypyë ets wa'ats ja'ay, José xyëëwajtyp; Arimatea tsyoony, Judea y'itjotm. Jutiis ja'ay, jap tyuny ma ja tsajptëkotyëtë yajjuntëtuunpën. Tyaapë José jyëjp'ijxyp ënety jëna'a wyinkony ja Dios ja kyutujkën; ka'ap ojts oy t'ixy ko ja wintsëntëjk tyaj'o'ktë ja Jesús.

Proverbios 31:29

Yë to'oxytyëjk tää kanaak jyätyë mëti'ipë oyëtyën, e mijts jaakni'ik m'oyëty këtiinëm jyëtu'un'atë ja wiinkëtypë ja to'oxytyëjktëjk.

Proverbios 16:11

Ma winë yaj'atëëynyäxyën ets ma winë yajkijpxyën, yë Dios patëp t'ixëty pën oy ja kijpxën tyu'uye'ey. Tëkokyë mëti'ipë yajtëëpy yajkijpxpën, aak Dios të tpëjktä'äky.

Proverbios 12:4

Yë to'oxytyëjk mëti'ipë wijyën, mëj'äämpy yë nyiye'etyëjk tyajnaxy; e yë to'oxytyëjk mëti'ipë tsuujën, ëxëëk yë nyiye'etyëjk tyajjaty.

1 Timoteo 3:4

Jyatëp y'ënä'ämëty tyëkoty, ets jyatëp wi'ix tu'uwinwowëtyën ja y'u'unk y'ëna'k mëtëy, wi'ix myëmëtowtëtyën ets wyintsë'këtëtyën;

Hechos 6:3

Mëku'uktëjkëty, tyam ëëts yajxon nikajpxtë ko xynyikajpxpätëty niwëxtujk ja ja'ay, mëti'ipë mtukmë'a'ijxëtëpën wijy kejy yajpaatëty ets mëti'ipë ja Kënu'kxymyëkajtën mooyëpën ja mëk'ajtën ets ja winma'any ets tuntëty tkajpxtëty mëti'ipë ja Dios tsyojkpyën. Yë'ë mtuknipëktëp ets ja näypyutëkë yë'ë tyajwa'kxtëty.

Mateo 22:16

Paaty ojts tkäxtë ja y'ijxpëjkpëtëjk mëët ja Herodes jyä'äy ets ja Jesús t'ënëmaaytyë: Wintsën, nija'awëtyëp ëëtsëty ko mijts mëtëy winë xykyäjpxy ets ko mijts mëtëy ja ja'ay xytyuk'ijxpëky ja Dios ja nyë'ë tyu'u oy pën tëkatsy mnikäjpxy mnimëtyä'äkyë, jä'ä ko ka'ap yë'ëkyëjxmëty winë oy xytyuny ets ja ja'ay m'oyjyawëtëty.

Proverbios 31:10

Yë to'oxytyëjk mëti'ipë winë janty'oy janty tsuj tyuunpyën, tsip yajpaaty. Ni'ik yë tsyowpaaty, këtiinëm oytyiijëty mëti'ipë tsowën.

Hebreos 11:2

Ja nteety'ajt n'ap'ajtëmë ojts ja Dios tyukjotkëta'akëtë ko myëpëjktë.

1 Timoteo 3:11

Näyjyëtu'un yë tyo'oxytyëjk wiinkutsë'ëkëtëp ja ja'ay, ka'ap pyi'tskajpxëty, mëtëy tyu'uye'eyëty ets oy winë tunëty.

2 Corintios 8:18

Mëët yë Tito nkexyës tu'uk ja nmëku'uk'ajtëmë mëti'ipë oy tsuj yanimëtyakpën ma ja mëpëjkpëtëjkëtyën, jä'ä ko oy tuny tkäjpxy ja oy aaw oy ayuk.

2 Samuel 1:23

Yë Saúl ets Jonatán mëkës ijty n'oyjyawëtë, ets nmëku'ukjawëtë, yë'ëjëty nijëna'a ojts kyanäy'ëxmatsëtë oy jyääjëty ko jyuuky'ajtë ets näjyëtu'un ko y'oktë. Pe'tym ijty ni'ikëty këtiinëm jyëtu'unëty yë witsn. Mëk ijty ni'ikëty këtiinëm jyëtu'unëty yë kaa.

2 Pedro 3:1

Mëku'uktëjkëty, mëmäjtsk okpë ya'atë noky yam ntuknijayëtë. Jëtu'un miits tyam ntuknijayëtë ja kajpxwijën, ijxtëm ja mëjëwyiimpë ojts n'ëkjääpyënës ets yajxon xyjyä'äkyukëtëty.

Salmos 82:2

¿Jëna'apaat miitsëty aak tëkatsy winë xynyipaye'eya'antë, ets jä'ä mputëkäjantëp ja ja'ayëty ëxëëkpë winë tuntën tkajpxtën?

Romanos 14:18

Mëti'ipë ja Kristë myëtuumpyën, jä'ä ja Dios tukjotkëtakëp ets näjyëtu'un ja ja'ayëty.