Filipenses 4:7 - Biblia Dc en Mixe de Quetzaltepec

⁷ Jëtu'un ja Dios mmo'ojëtëty ja jotkujk'ajtën mëti'ipë ka'ap myäyën tja'akyukëty ja naaxwiinyëtë ja'ay; ets ya'atë jotkujk'ajtën yë'ë kyëwent'atäämpy ja mjot mwinma'anyëty, mma'ayënëty mtajënëty ko ja Kristë Jesús të xymyëpëktë.

Biblia Mixe de Quetzaltepec

⁷ Jëtu'un ja Tios mmo'ojëtëty ja jotkujk'ajtën mëti'ipë ka'ap myäyën tja'akyukëty ja naaxwiinyëtë ja'ay; ets ya'atë jotkujk'ajtën yë'ë kyëwent'atäämpy ja mjot mwinma'anyëty, mma'ayënëty mtajënëty ko ja Kristë Jesús të xymyëpëktë.

Filipenses 4:7 ပူးပေါင်းရင်းမြစ်များ

Juan 14:27

Tyam ntukmëwë'ëmtë ja jotkujk'ajtën. Nmooytyëp miits ja jotkujk'ajtën, je'eyëp ko ka'ap yë'ëjëty jëtu'unpë mëti'ipë yajktëpën yë naaxwiinyëtë ja'ay. Këtii mmaytyëty mtajtëty ets këtii mtsë'ëkëtëty.

Isaías 26:3

Wintsën mijts jotkujk xyaj'ity mëti'ipë mëk jyot wyinma'anyën, jä'ä ko mijts mtuk'ijxpäjtëp.

2 Tesalonicenses 3:16

Ja Wintsën, mëti'ipë jotkujk'ajtën yäjkpyën, yë'ë tu'kë'ëyë mmo'ojëtëp ja jotkujk'ajtën oy tii tyunëtëty jyatëtëty. Wä'än ja Wintsën tyajpaaty ma miitsëtyën ni'ëmukë.

Colosenses 3:15

Wä'än ja Kristë yë'ë ja kyijpxyajtën tyajkutuky ma ja mjot mwinma'anyëtyën, jä'ä ko yë'ëkyëjxm ja Dios të myaxtsowëtë ets nitu'ukjaty m'itëty jotkujk ijxtëm tu'ukpë ja ni'kx kopkën ets akëtä'äky jotkëtä'äky myajpaatëty.

Salmos 29:11

Yë Wintsën myëkmoopy myëjaawmoopy yë nyaax kyajpn; yë Wintsën kyënu'kxyp yë nyaax kyajpn mëët yë akujkajtën jotkujk'ajtën.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Romanos 15:13

Ja Dios, mëti'ipë njëjp'ijxëmën, wä'än yë'ë ni'ëmukë mmo'ojëtë ja xoontakën ets ja jotkujk'ajtën mëët ko yë'ë xymyëpëktë ets wä'än mmo'ojëtë ja jotkujk'ajtën mëët ja myëk'ajtën ja Kënu'kxymyëkajtën.

Juan 16:33

Ntuk'ëwa'anëtëp miits tyam ya'atë tu'kë'ëyë ets ja kijpxyajtën jyää'atëty ma miitsëtyën. M'ëyowantëp miits yaa naaxwiiny, je'eyëp ko amëk jotmëk myajpaatëty, ëjts tëëjës nmëmëtä'äky ja naaxwiinyëtë winma'any.

Romanos 8:6

Ko ja ja'ay tmay ttajy mëti'ipë ja ni'kx kopk tsyojkpyën, tukpatëp ja o'kën; e ko ja ja'ay twinmay mëti'ipë ja Kënu'kxymyëkajtën tsyojkpyën, tukpatëp ja juukyajtën ets ja jotkujk'ajtën.

Romanos 5:1

Paaty ja Dios wa'ats të xyajwë'ëmëmë ko të nmëpëjkëmë, nmëët'ajtëm ja jotkujk'ajtën mëët ja Dios ko ja nWintsën'ajtëm Jesukristë të myiny naaxwiiny.

Efesios 3:19

N'amëtoopy npëjktsoopyës ets xynyijawëtëty ya'atë tsojkën ja'awën, ko ni'ik myëjëty këtiinëm tii wiinkpë, ets ni'ikyë xypyaatëty ja Dios ja y'oyajtën.

Isaías 48:18

Tëë jeexyë xyjyä'äkyukë mëti'ipë të ntuk'ëne'emyën. Tam jeexyë wyimpäjt'ëtë'ëtsy ja mjuukyajtën, ets ni'ikyë jeexyë jotkujk myajpatnë,

Job 22:21

Kajpx'oyë yë mtsip m'äkë mëët yë Dios ets jatëkok yë mjotkujk'ajtën xypyaatëty.

Romanos 14:17

Ka'ap yë'ëkyëjxmëty jam m'itë ma Dios ja kyutujktaknën ko tii xykyäytyë xy'uuktë, jä'äkyëjxm jam m'itë ko xytyuntë xykyajpxtë mëti'ipë paat'ajtëpën, wi'ix xymyëët'attëty ja jotkujk'ajtën ets ja xoontakën mëët ja Kënukxymyëkajtën.

Isaías 48:22

Jëtu'un ja Wintsën y'ënä'äny: Yë ëxëëkja'aytyëjkëty ka'ap jotkujk jyuuky'ata'antë.

Apocalipsis 1:4

Yë Juan, nnijayë ja niwëxtujkpë ja kajpn ma yajpaatën ja mëpëjkpëtëjk mëti'ipë ye'eymyujktëpën jam Asia y'itjotm. Ëxajëtë ja kënu'kxën ets ja jotkujk'ajtën mëti'ipë yäjkpyën ja tëëyëmpë yajpaatyën ets mëti'ipë tää'ataanpën, näjyëtu'un ja wëxtujkpë ja Dios ja jya'awën myëk'ajtën mëti'ipë ijtëpën ma ja kyutujktaknën,

Lucas 1:79

ets tkutë'kxa'any mëti'ipë tsënaaytyëpën jam akootstum ma o'ktaknën, jëtu'unts xytyu'umo'omyëty ets jotkujk nyajpatmëty.

2 Corintios 13:11

Tyamës nkajpxwë'ëmy mëku'uktëjkëty, ntukmëtsojktëp ets akujk jotkujk mjuuky'atëty. Yë'ë ixta'atë mëti'ipë wa'atsën. Patuntë mëti'ipë ojts ntuknijayëtën ets itë tu'ukyë mëët ja jotkujk'ajtën. Pën mtuuntëp jëtu'un, m'itantëp mëët ja Dios mëti'ipë ja oyjyot oywyinma'any yäjkpyën tëy tëtä'äky.

Lucas 2:14

Mëjjaw jaantyjawë ja Dios nyäxy tsajpjotmëpë, ets wä'än jotkujk ja naaxwiinyëtë ja'ay tyajpaatë mëti'ipë tyuk'oy'ajtëpën ko ja mëyajtën të tuny.

Salmos 85:8

Nmëtoow'itäämpyës yam wi'ix yë Dios y'ënä'änyën; jä'ä ko yë'ë nyikajpxäämpy wi'ix mëpaat yë nyaax kyajpn jotkujk y'ityën, ets ja'ayëty mëti'ipë oy mëtuunëpën, këtiipë t'ëktuunëtëty ka'apë tyuunëtyën.

Filipenses 4:9

Tuunta'aktë mëti'ipë të ntuk'ijxpëktën ets mëti'ipë të ntuknëëmëtën ets ijxtëm të xy'ixtën ma ëjtsën; Dios, mëti'ipë ja jotkujk'ajtën yäjkpyën, yë'ë mmëët'itanëtëp.

Proverbios 6:22

Yë'ë mtu'uwinwowëtëp ko muum mnëjkxëty yë'ë mkëwent'atëtëp ko mma'ajëty mpo'kxëty; yë'ë mmëkajpxanëp ko ënety mma'aypyëti'iky.

Isaías 26:12

Wintsën, mijts ëëts xyaj'oy'ijtp, mijts mtëy'ajtën'ajtp; mijts myaj'apatëtyääpy mëti'ipës nmëmaay nmëtajtëpën ntuna'antë.

Proverbios 4:6

Tsok jawë yë wijyajtën ets këtii xy'ëxmatsëty, yë'ë mkuwa'anëtëp.

Proverbios 2:11

Ja wijyajtën ets ja këpetyajtën yë'ë nëjkx mkëwent'atyë.

Nehemías 8:10

Ets ja Esdras y'ënëmaayëtë: Nëjkx mkaytyë m'uuktë akujk jotkujk, uuktë pëktë mpa'aknëëjëty, wowtë witstë mëti'ipë ka'ap tii të tnipëjktaakën ma jyëën tyëjkën jä'ä tyampë xëëw tëë yajtuknipëjktaakë ets Wintsën tjä'ä'atëty. Këtiimës yë mmontë mtuktë jä'ä ko ja Wintsën ja jyotkujk'ajtën yë'ë nwa'anëm tsoktakn.

Jeremias 33:6

E nyajtso'okäänpyës jatëkok, nmo'ojäämpyës ja oy'ajt mëk'ajtën ets xoontä'äky jyuuky'atëty.

Isaías 45:7

Ëjts nyajtë'kxyp nyajjäjpy ets ëjts nyajkoots'ajtyp, nyaj'oy'ijtypyës winë ets nyaj'ëyo'onpatypyës tii. Ëjts, maas nWintsën'atyën, ntuuntääpyës oy tyimtiijëty.

Hebreos 13:20

Ja Dios mëti'ipë yäjkpyën ja jotkujk'ajtën ets mëti'ipë ojts tyajjuukpyikyën ja Wintsën Jesús, jëtu'unpë yajpaatyën tä kupixyny këwent'ajtpën, mëti'ipë mëët ja nye'pny ja käjpxytyu'unën të tyaj'apaatën xëmëkyëjxm,

Job 34:29

E ko Dios näjyëtu'un y'ëmoonpëty, ¿pën tëytyunëp? Pën yë'ë näyu'tsëp ¿pën winë y'ixëp? Yë'ë y'ijx'ijtyp Kyëwent'ajtyp yë naax kajpn ets ja'ay

Apocalipsis 2:17

Pën ja tyatsk tyukmëtoopy, wä'än tmëtoowkukë wi'ix ja Kënu'kxymyëkajtën t'ënëëmën ja mëpëjkpëtëjk. Pën mëtakp, ntukjë'kxäämpyës ja maná mëti'ipë yu'utsy ijtpën ets nän nmo'ojäämpyës tu'uk ja poop tsaa ma jap myinyën kuja'ay tu'uk ja xëëw jempyë, mëti'ipë ka'ap pën nijawën, yi'iyë nyija'ap mëti'ipë y'ëxajëpën.

Judas 1:1

Judas, Jesukristë myëtuunpë, Santiagë myëkä'äx. Tyam mkajpxpo'kxëtë jënu'un ja Dios Teety të mëkajpxëtën, mëti'ipë ja Jesukristë ijx'ijtëtëp këwent'ajtëtëp.

Filipenses 1:2

Wä'än ja nTeety'ajtëm Dios ets Wintsën Jesukristë mmo'ojëtë ja kënu'kxën ets ja jotkujk'ajtën.

Jeremias 32:16

Koos yë Baruc ntukë'ëtëjkëy ja naax ninoky mëti'ipës ënety të njuyën, ënät ojts yë Wintsën nmëkäjpxyës ets n'ënëmaayës:

2 Corintios 10:5

ets tëkokyë ja mëj këjxmëpë ja winma'any mëti'ipë y'ëtujkpyën ets ka'ap tyu'uye'eyëty ja Dios ja myëk'ajtën. Tu'kë'ëyë ja ëxëëk winma'any jamës npëjktakta'atë ma ja Kristën ets yë'ë tmëmëtowtëty,

Filipenses 1:1

Pablo ets Timoteo, Jesukristë myëtuunpë, tyam ntuknikäxtë ja kajpxpo'kxën miitsëty mëpëjkpëtëjkëty ni'ëmukë jampë yajpaatën Filipos ets mëti'ipë nyikopk'ajtëpën ja mëpëjkpëtëjkëty ets ni'ëmukë jënu'un yajpaatën mëët tu'ukyë mëët ja Kristë.

Filipenses 4:19

Ja nTiosës mmo'ojëtëp tu'kë'ëyë mëti'ipë miits myajmëyajtëpën, ja jotkujk'ajtën mëti'ipë myëët'ajtypyën ja Kristë Jesús.

Filipenses 4:21

Jam xyajnaxtëty ja nkajpxpo'kxënës ma ni'ëmukë ja ja'ayëty mëti'ipë ja Dios kajpn'ajtëtëpën ko Jesukristë të tmëpëktë. Ja nmëku'uk'ajtëm mëti'ipës yam mëëtën mtuknikäxëtë ja kajpxpo'kxën.