Filipenses 4:20 - Biblia Dc en Mixe de Quetzaltepec

²⁰ Mëj jawë jaantyjawë ja nTeety'ajtëm Dios y'itëty. Jëtu'un y'itëty.

Biblia Mixe de Quetzaltepec

²⁰ Mëj jawë jaantyjawë ja nTeety'ajtëm Tios y'itëty. Jëtu'un y'itëty.

Filipenses 4:20 ပူးပေါင်းရင်းမြစ်များ

Romanos 11:36

Dios tu'kë'ëyë winë myëët'ajtääpy, ets yë'ë winë yaj'ijtääpy. Jëtu'un xëmëkyëjxm y'itëty ja Dios ja myëj'ajt y'oyajtën.

Salmos 115:1

Wintsën, ja oyajtën ets ja mëj'ajtën mijts yë mpatëp, ets ka'ap y'ëëts'atë. Ja oyajtën ets ja mëj'ajtën mijts mpatëp mëët ko xymyëët'aty ja tsojkën ja'awën ets ja tëyajtën.

Apocalipsis 14:7

Ets mëk y'ënäny: Winkutsë'ëkëtë ja Dios ets xymyëjjaw xyjyääntyjyawëtëty, jä'ä ko tëë ja xëëw mëtyo'owën tpaaty ma tyiytyuna'anyën ets pyaye'eyä'äny. Ëwtatë pën ja naax, tsajp, nëë ets ja mejy yajkojën.

Apocalipsis 7:12

ets y'ëna'antë: Tëy jëtu'un. Ja mëjja'awën jaanty ja'awën, ja wijyajtën kejyajtën, ja mëj'ajtën jaanty'ajtën, ja kukajpxën, ja wintsë'kën, ja mëk'ajtën ets ja mëjaaw, yë'ë tu'kë'ëyë yajmooytya'ajëp xëmëkyëjxm ja nTios'ajtëmë. Jëtu'un y'itëty

Apocalipsis 5:12

ets y'ëna'antë mëk: Yë'ë paat'ajtëp t'ëxajëty ja mëk'ajtën, ja jotkujk'ajtën, ja wijyajtën kejyajtën, ja mëjaaw, ja wintsë'kën, ja mëj'ajtën jaanty'ajtën ets ja mëjja'awën jaanty ja'awën.

Apocalipsis 1:6

mëti'ipë të tyajnaaxkëtä'äkyën ja kyutujkën mëët ëëtsajtëm ets teety të xyaj'awinpijtëm ma ja tyuunkën ja Dios Teety. Wä'än yë mëj'ajt oyajtën yë'ë tjä'ä'aty ets ja kuttujkën xëmëkyëjxmëpë. Jëtu'un y'itëty.

Filipenses 1:11

Myaj'ixëtëp ja oypyë ja tuunk mëti'ipë ja Jesukristë mtukmëtuuntëpën; jëtu'un ja Dios wintsë'ëkë ets mëjjaw jaantyjawë y'itëty.

Efesios 3:21

Mëj'äämpy ja Dios nyäxy ma ja mëpëjkpëtëjkëtyën ets ma ja Kristë Jesusën, winë xëëw winë jëmëjt ets xëmëkyëjxm. Oy jyëtu'un'atëty.

Salmos 72:19

kënu'kxy mëjjawë xëmë y'itëty yë myëjxëëw. Wä'än yë naaxwiinyëtë tyajpaaty mëët yë myëj'ajtën y'oyajtën. Ets jëtu'un tyunëtëty jyatëtëty.

Apocalipsis 11:13

Ënätyë ja ujx myiiny mëk ets niwëxtujk mil ja ja'ay y'o'ktë ko tu'kpëky ja majk pëkpyë kajpn kyuja'awnajxy mëët ja ujx, e ja ja'ay mëti'ipë ka'ap y'o'ktën, yajxon tsyë'ëkëtë ets tmëja'awëtyë ja Dios ja tsajpjotmëpë.

1 Timoteo 1:17

Mëjjaw jaantyjawë ja Dios y'itëty, yë'ë tu'ukyë Tios'ajtp, mëti'ipë xëmëkyëjxm ijtpën, mëti'ipë ka'ap y'ookyën ets ka'ap yaj'ixyën. Oy jyëtu'un'atëty.

Filipenses 4:23

Wä'än ja Wintsën Jesukristë mkënu'kxëtë ni'ëmukë.

Romanos 16:27

Ja Dios, tu'ukyëpë wyijy'äty kyejy'ätyën, wä'än yë'ë tyajmëjjaw tyajjaantyjyawë xëmëkyëjxm mëët ja Jesukristë. Jëtu'un y'itëty.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Mateo 6:9

Jëtu'un ja Dios xymyëkajpxtëty: Tatë Dios tsajpjotmëpë m'ityën, wintsë'ëkë ja mxëëw y'itëty.