Filipenses 4:17 - Biblia Dc en Mixe de Quetzaltepec

¹⁷ Ka'apës yi'iyë nmëmay nmëtajy tiijës n'ëk'ëxajëp; yë'ëjës nmëmääpy nmëtäjpy ets ja oyajtën xypyaatëty Dios wyintum.

Biblia Mixe de Quetzaltepec

¹⁷ Ka'apës yi'iyë nmëmay nmëtajy tiijës n'ëk'ëxajëp; yë'ëjës nmëmääpy nmëtäjpy ets ja oyajtën xypyaatëty Tios wyintum.

Filipenses 4:17 ပူးပေါင်းရင်းမြစ်များ

Tito 3:14

Wä'än näjyëtu'un ja nmëku'uk'ajtëmë tjatë ja oyajtën wi'ix ja myëku'uktëjk tputëkëtëty mëti'ipë tii yajmëyajtëpën ets ja jyuukyajtën tyajtuntëty.

Hebreos 6:10

Jä'ä ko yë Dios mëtëy nyipaye'ey, ka'ap tja'atyëkoyä'äny mëti'ipë të xytyuntën ets wi'ix të xypyutëkëtën ja Dios ja nyaax kyajpn ijxtëm tyampaat xytyuun'ëtë'ëtstën.

Juan 15:8

Jëtu'un ënety xyajnikëxë'ëktë ja nTeetyës ja myëj'ajt y'oyajtë ko mtëëmpätëty may ets tjëkyäpëty wi'ix myajtijtëtyën ko miits n'ijxpëjkpë'atë.

1 Pedro 5:2

Jëtu'un ijxtëm ja jëyujk ijxpë t'ijx'ity tkëwent'atyën ja kyupixyny, jëtu'un këwent'atë ja Dios ja jyä'äy. Winë aaw winëjot mtuntëty ijxtëm ja Dios tsokyën, ka'ap y'atsipëty ets ka'ap yë meeny yi'iyë xytsyojkën'atëty.

Tito 1:7

Mëti'ipë nyikopk'atëpën ja Dios ja nyaax kyajpn yë'ë mëpaat t'ixy ttuny mëti'ipë Dios y'oyjya'apën, paaty kyopkpëkyëty ets oy tsuj jyuuky'atëty. Ka'ap kyujuunta'akëty, ka'ap wyin'äkë'atëty, ni kya'uuk kyamu'ukëtëty, ni tsip tka'ixta'ajëty, ni meeny tka''atsokëty

Filipenses 4:11

Ka'ap yë'ëkyëjxmëty jëtu'un n'ëna'anyës koos tii nyajmëyäty, tëëjës n'ijxwë'ëmy wi'ix tii npaatyën ets yë'ëjës ntukjotkujk'ajtyp.

1 Tesalonicenses 2:5

Ka'ap miits nëkoo je'eyë të nwinmëtya'aktë mëët ja aaw ayuk tsujpë ets ni të nka'amëtowtës eetsës xymyëjuytyëty. Dios yë'ë wa'ats nyija'ap.

2 Corintios 9:5

Paatykyëjxmës të n'amëtoy yë mëyajtën yë nmëku'uk'ajtëmë ets nëjkx jëwyiin mni''ixëtë ets mputëkëtëty xyajka'pxtëty ja putëjkën mëti'ipë të xywyaanta'aktën. Jëtu'unts yajnijawëty ko miits xyaktë ja putëjkën tsojkënkyëjxm ko ka'ap pën m'akwanë'atëtë.

Romanos 15:28

Jëtu'unts, koos ënety ya'atë tuunk të nyajjëjpkëxy ets ko ënety të ntukkë'ëtëkëtë ja näypyutëkë, ënätës nnëjkxëty jam España ets jam miits nninaxtëty.

Juan 15:16

Ka'ap myiits'atë të xywyinwitstës, ëjts miits të nwinwitstë ets të ntuknipëktë m'itëty ijxtëm ja tsatym xe'entyën mëti'ipë may tëëm'ajtpën ets y'itëty xëmëkyëjxm mëti'ipë mtuuntëpën. Jëtu'un ja Dios Teety mmo'oja'anëtë tëkokyë mëti'ipë m'amëtoowtëpën ëjts nxëëwkyëjxm.

2 Corintios 11:16

Tyam jatëkok nëëmëtë ko ka'ap pën y'ëna'anëty koos ëjts nkupojëty. Pën ënantëp koos nkupojëty, min n'ëkmëmëtya'aktë tä ja'akyupojën etsës näjyëtu'un mëj këjxm nëpyëjkta'akëtëty,

Malaquías 1:10

Jääpëk jeexyë jam pën pyëtsimy ma miitsëtyën mëti'ipë tsajptëjk yaj'ëtukëpën, këtiipë pën tyajmëjëty jap yë jëën maas yë nwintsë'këntyaknën. Jä'ä ko ka'apës jotkujk näjyawëty mëët miitsëty ets ka'apës jëtu'un n'ëkupëkanë yë wintsë'kën mëti'ipë myajktëpën.

Proverbios 19:17

Ko yë ëyoopëja'ay tii ntuk'ënu'kxmëty, Dios ënety winë yajtuk'ënu'kxp, yë Dios yë'ë nëjkx kë'ëm jëna'a tkujuy ja nu'kxy.

Judas 1:11

Pyaatantëp ja mëj ëyo'on, jä'ä ko yë'ë tyuuntëp mëti'ipë ja Caín tyuunën. Ko myeeny atsoktë jëtu'un y'ëtë'ëtstë ijxtëm ja Balaamën ets ja Coré ets kë'ëm tku'ookëja'antë ja y'ëxëëk winma'anyëty.

2 Pedro 2:3

Ji'iyë ja meeny tyätsyojktëp ets miits xymyëjuytyëty ko ënety mtukmëmëtya'akëtë ja kyë'ëm ayuk kyë'ëm winma'any. E tëë ja Dios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Dios tyuknipëjktaakëtë ets ja mëj ëyo'on tpaatëty.

1 Timoteo 3:3

ka'ap y'uukëty myu'ukëtëty, ka'ap tsyipja'ay'atëty, mä'kxtukëp, ka'ap meeny t'ook'atëty.

Filipenses 1:11

Myaj'ixëtëp ja oypyë ja tuunk mëti'ipë ja Jesukristë mtukmëtuuntëpën; jëtu'un ja Dios wintsë'ëkë ets mëjjaw jaantyjawë y'itëty.

Miqueas 7:1

Mon tukës nyajpaaty. Jëtu'unës tä tu'uk yë ja'ay t'ixtaaymyukyën yë akiink aka'ak ma ja pyëjktä'äky të tyajpëtë'ëkyën ets ka'ap tpaaty yë higos, yë tsatsym ets ujtstëëm mëti'ipë jyë'kxäämpyën.

2 Pedro 2:15

Tëkoy y'ijnëtëp yë'ëjëty, jä'ä ko ja oypyë ja në'ë tu'u të t'ëxmatstë ets ja Balaam wyinma'any të tpanëjkxtë, ja Beor myaank mëti'ipë meeny jyajëpëkanën mëët ja ëxëëk winma'any.

1 Timoteo 6:10

Yë meeny atsojkën ëxëëk ja'ay tyajjaty tyajkëpety;; tää ja'ay tëëpë ja myëpëjkën t'ëxmajtsnën ets o'ktëy të nyätyunyë.