Filipenses 4:11 - Biblia Dc en Mixe de Quetzaltepec

¹¹ Ka'ap yë'ëkyëjxmëty jëtu'un n'ëna'anyës koos tii nyajmëyäty, tëëjës n'ijxwë'ëmy wi'ix tii npaatyën ets yë'ëjës ntukjotkujk'ajtyp.

Biblia Mixe de Quetzaltepec

¹¹ Ka'ap yë'ëkyëjxmëty jëtu'un n'ëna'anyës koos tii nyajmëyäty, tëëjës n'ijxwë'ëmy wi'ix tii npaatyën ets yë'ëjës ntukjotkujk'ajtyp.

Filipenses 4:11 ပူးပေါင်းရင်းမြစ်များ

Filipenses 3:8

Ni tiis tyam jëtu'un nka'ixy tsyowpaaty ijxtëm ja oyajtënën mëti'ipë yajmëët'ajtpën ko ja Kristë Jesús të yajnijawë, mëti'ipës nWintsën'ajtypyën. Mëët koos ja Kristë të nmëpëky tëëjës winë nyajtëkooytyä'äy, aak pu'uxmën tu'kë'ëyë winë njawës koos ja Kristë npaata'any,

2 Corintios 9:8

Mmo'ojanëtëp miits ja Dios wäänëni'ik oymyëti'ipë kënu'kxënëty ets xymyëët'attëty xëmë mëti'ipë mtukjuuky'attëpën; näjyëtu'un nyatëkëty mëti'ipë mtukputëjkëtëpën ja ka'apë tii tmëëtëtyën.

2 Corintios 6:10

Jëtu'unës nyaj'ixtë maaytyëp tajtëpës yowë, je'eyëp ko jotkujkës n'itë; ëyoowtëpës nyaj'ixtë, je'eyëp nyajjotkujktaktëpës may ja ja'ay; jëtu'un kyëxë'ëky ka'apës yowë tii nmëët'atë, e nmëët'ajtaaytyëpës winë.

2 Corintios 8:9

Jä'ä ko miitsëty tëë xynyijawëtë wi'ix ja Wintsën Jesukristë mëyajtën të tunyën. Jesús jam y'ity tsajpjotm, myëët'ajtääpy tu'kë'ëyë winë, je'eyëp ko ojts myiny yaa naaxwiiny; jëtu'un ojts nyäpyëjktä'äkyë ijxtëm tu'uk ja ëyoopëja'ayën mëët jä'äkyëjxm ko të xytsyojkëm ets npatmëty ja jotkujk'ajtën.

Hebreos 10:34

Ojts xypya'ëyowtë ja tsumyjä'äy ets jotkujk ojts xymyo'otë mëti'ipë ënety mjä'ä'ajtëpën ko myaj'amëtoowtë, jä'ä ko xynyijawëtë ko wäänë oypyë mmëët'ajtëp jam tsajpjotm mëti'ipë xëmëkyëjxm ijtpën.

2 Corintios 11:27

Tëës nmënaxy nyajnaxy ja tuunk mëkpë tsaatsypë ets ja amay jotmay, ma nkama'ay nkapo'kxyës, ma ayuu nëëtëëtsë të n'ityësën ets ma ja potmjot näjyëtu'un të nyajnaxyës ets ko ja nwit nxoxës të kyaka'ty.

Lucas 3:14

Ojts ja tsiptuunpë jënaakën tyajtëwtë: E ëëtsëty, ¿tiijës ntuntëp? Tääts ja Juan y'ëtsoowëtë: Ka'ap tii pën xypyëjkëtëty atsip ets ka'ap pën tii xytyukniwaanpätëty. Yë'ë tukjotkujk'atë ja mëju'unyëty.

Génesis 28:20

Jam yë Jacob ojts tu'uk yë waantakën tuny ets y'ënäny: Pën Dios yë'ëjës xyjyämyëët'ajtp ets pën xykyëwent'ajtpës maas nëëye'ey ntu'uye'eyën ets pën xymyoopyës yë nka'ayën n'ukën ets mëti'ipës nwit'at nxox'atëpën.

Éxodo 2:21

Jëtu'un'äämpy ojts yë Moisés jam wyi'imy tsënääpyë ma ja Reuel yë tyëjkën, kom ok tääts yë Reuel tyajpëjky yë Moisés mëët yë nyëëx mëti'ipë xyëëwajtypyën Séfora.