Filipenses 3:20 - Biblia Dc en Mixe de Quetzaltepec

²⁰ E ëëts'ajtëmë, jam tsajpjotm nkukajpn'ajtëmë, yë'ë njëjp'ijxëmë ko tsajpjotm tsyoonëty ja Yajknitsokpë, ja Wintsën Jesukristë,

Biblia Mixe de Quetzaltepec

²⁰ E ëëts'ajtëmë, jam tsajpjotm nkukajpn'ajtëmë, yë'ë njëjp'ijxëmë ko tsajpjotm tsyoonëty ja Yajknitsokpë, ja Wintsën Jesukristë,

Filipenses 3:20 ပူးပေါင်းရင်းမြစ်များ

Efesios 2:19

Miitsëty ka'ap m'ëk jaaypyo'kxy ja'ay'ajnëtë, tu'kkukajpn miitsëty tyamnë, tu'ukyë ja Dios myaj'itëtë ijxtëm ja ja'ay tu'kjëën tuktëjkpën.

2 Corintios 4:18

Ka'ap yë'ëjëty n'ixta'ayëm mëti'ipë yaj'ijxpën, yë'ë n'ixta'ayëm mëti'ipë ka'ap yaj'ixyën. Mëti'ipë yaj'ijxpën, këjxp najxp yë'ë; e mëti'ipë ka'ap yaj'ixyën, xëmëkyëjxm yë y'ijtëy.

Hebreos 12:22

E miitsëty tëë xymyëwinkontë ja Sión kopk, ma ja Jerusalén tsajpjotmëpën, ja Dios Juukpyë myëjkajpn, ma kanaak mil ja tsajpjotmëtë kukäjpxy nyämyukyën jotkujk ets ja Dios tyajmëjnaxtë.

Colosenses 1:5

Jä'äkyëjxm ko xyjyëjp'ixtë mëti'ipë të myajtuknipëjktaakëtën jam tsajpjotm. Tëë ya'atë jëtu'unpë xy'ëkmëtoowtëpë ko të xynyijawëtë ja tëyajtën ko të yajnimëtyä'ä ja oy aaw oy ayuk,

Efesios 2:6

Tëë ja Dios xyajjuukpyëjkëm tu'ukyë mëët ja Kristë Jesús ets yë'ë mëët të xyajnaaxwä'tsëmë jam tsajpjotm.

2 Corintios 5:8

Jëtu'un ëëtsajtëm ntukjoot'amëj'ajtëmë ets njatsojkëm ets jeexyë ja ni'kx'ajt nkopk'ajtëm n'ëxmajtsënë ets nnëjkxmëty juuky'ajtpë ma ja Wintsënën.

2 Timoteo 4:8

Ets tyam, ja oyajtënës xy'owëxijtp mëti'ipës xypyatpën, mëti'ipë ja Wintsën, mëtëypyë pyaye'eyën xymyo'ojaanpës jä'ä xëëw. Ets ka'ap y'ëjtsëty je'eyë nätyu'uk, näjyëtu'un yajmo'oja'antë ni'ëmukë mëti'ipë tsyojktëpën ets myinëty mëët ja mëj'ajt oyajtën.

1 Tesalonicenses 1:10

ets xyjyëjp'ixtë ko myina'any ja Jesús, ko tsyoona'any jam tsajpjotm ja Dios U'unk, mëti'ipë juukpyëjkën. Yë Jesús yë'ë xyajnitso'oka'anëm ma ja mëj ëyo'onën mëti'ipë miimp wiinkoonpën.

Hebreos 9:28

Näyjyëtu'un ja Kristë të wyintsë'kën'aty tuk'okyë ets ja mayjyä'äy të pyokywya'atstë. Ok jatëkok myina'any ja mëmäjtsk okpë, je'eyëp ko ka'ap yë'ë t'ëkniminanë ja nëë poky, yë'ë nyiminäämpy ets tyajnitso'oka'any ja mëti'ipë jëjp'ijxëtëpën.

Gálatas 4:26

E ja Jerusalén tsajpjotmëpë, ëwaatsëtum jä'ä ets jëtu'un tpaaty ijxtëm jeexyë ëëts yë'ë nwintaj'ajtëmën.

Tito 2:13

naamka'anëm jyä'tynyëm mëti'ipë n'a'ijx njëjp'ijxëmën, ko myina'any ja mëj Dios, ets ja yajnitsokpë Jesukristë.

1 Corintios 1:7

Jëtu'un miits ka'ap xyajtëkoy'attëty ja tuunk mëti'ipë ja Dios yäjkpyën ko xy'ëwxitë ja Wintsën Jesukristë ko myina'any.

Hechos 1:11

ets y'ënëmaayëtë: Miits, Galilea ja'ayëty, ¿tii mpa'at'ijxtëp jam tsajpjotm? Ya'atë Jesús mëti'ipë të xy'ixtën pya'tëkë tsajpjotm, jëtu'un jatëkok myina'any yaa naaxwiiny.

Mateo 19:21

Ets ja Jesús y'ëtsooy: Pën oy mjuuky'ata'any ijxtëm yë Dios tsokyën, nëjkx to'kta'a tu'kë'ëyë tiijaty mmëët'ajtypyën ets xymyo'ojëty yë ëyoopëja'aytyëjk. Jëtu'un ja kuma'ayën xypyaatëty tsajpjotm. Tääts ënät mminëty, etsës xypyatsoonëty.

1 Tesalonicenses 4:16

Jä'ä ko Jesús yë'ë kë'ëm tsoonaanp jam tsajpjotm, mëk'äämpy ja ayuk yajmëtowa'any mëët ja kuttujkën; yajmëtowaanp tu'uk ja tsajpjotmëtë kukäjpxy mëj kutujkënmëëtpë, ets xyu'uxa'any ja Dios ja xyuxn. Mëti'ipë të y'ooktën ets të tmëpëktën ja Jesús yë'ë nëjkx jëyëjp jyuukpyëktë;

Lucas 14:14

Jä'ä ko yë'ëjëty ka'ap myäyëtë tkujuytyëty mëti'ipë ënety të xymyo'oyën; je'eyëp ko mijts nëjkxëp ja mkuma'ayën xy'ëxajë ko ënety jyuukpyëktë ja wa'ats ja'ayëty.

Apocalipsis 1:7

Nijawëtë. Ko yë Kristë jam myina'any yootsjotm. Ni'ëmukë ja ja'ay t'ixa'antë, yë'ëpaat mëti'ipë ojts tyajkruutspätën. Jë'ëjan ya'axantëp ja naaxwiinyëtë ja'ayëty ko ënety t'ixtë. Tëy jëtu'un, jëtu'un y'itëty.

Proverbios 15:24

Yë juukyajtën anëkëjxytsyow yë nyitu'u pya'tëkë ets yajnitsokp ja wijyjyä'äy këtiipë jap kya'ajëty o'këntujp.

Filipenses 1:10

ets xynyijawëtëty wi'ix xywyin'ixtëty mëti'ipë oyën, jëtu'unts ja juukyajtën wa'atspë xymyëët'attëty ets ka'ap tii poky xytyuntëty ko ja Kristë wyimpitëty.

Salmos 17:15

E ëjts, yë'ëjës xykyu'uxaanp, ko mijts n'ixëty wiinxë jëjpxë, koos jam näy'ixëtëty ma mijtsën koos ënety nma'awyijy.

Salmos 16:11

Xytyuk'ixëpës ja në'ë tu'u mëti'ipë ja juukyajtën myëët'ajtypyën. Jam ma mijtsën tam yajpaaty xoontakën. Jotkujk jam xëmë mijts mwintuuy.

Lucas 12:21

Jëtu'un jyäty yë ja'ay mëti'ipë winë may nyipëjkpejtypyën, jam ma Tiosën, ëyoopëja'ay jam nyäxy.

1 Corintios 15:48

Yë ni'kx kopk mëti'ipë tyam nmëët'ajtëmën, jëtu'un yë'ë ijxtëm ja ja'ay nyi'kx kyopkën mëti'ipë naax yajtuk'oytyuuntën; ets ja ni'kx kopk mëti'ipë yajmo'ojantëpën ko jyuukpyëktëty, jëtu'un jä'ä ijxtëm ja Kristë ja jyä'äjën.

Filipenses 1:27

Wä'än t'ixy tii tuunëp jajtëp, juuky'atë miits ijxtëm y'ënä'änyën ja oy aaw oy ayuk ma Kristë yajnimëtyä'äkyën. Oy miits nninëjkxtëty ëkë nkaninëjkxtëty, nijawëpës ko tu'ukyë m'itë ets tu'ukyë ja mwinma'any yajpaatë ets xytyuntë wi'ix ja ja'ay oy tmëpëktëtyën ja oy aaw oy ayuk,