Filipenses 3:19 - Biblia Dc en Mixe de Quetzaltepec

¹⁹ yë'ëjëty ëxëëk nëjkx kyukëxë. Jam ja wyinma'any tpëjkta'aktë ma ja kääky uukyën; yë'ë nätyukmëjpëjktakëtëp mëti'ipë jeexyë tsyuktsëtyuuntëpën. Yi'iyë myääytyëp tyajtëp mëti'ipë yaa naaxwiinyëtën.

Biblia Mixe de Quetzaltepec

¹⁹ yë'ëjëty ëxëëk nëjkx kyukëxë. Jam ja wyinma'any tpëjkta'aktë ma ja kääky uukyën; yë'ë nätyukmëjpëjktakëtëp mëti'ipë jeexyë tsyuktsëtyuuntëpën. Yi'iyë myääytyëp tyajtëp mëti'ipë yaa naaxwiinyëtën.

Filipenses 3:19 ပူးပေါင်းရင်းမြစ်များ

Romanos 16:18

Ka'ap yë Wintsën Jesukristë yë'ëjëty tmëtuntë, kyë'ëm tsojkën yë'ë myëmaay myëtajtëp ets ja ja'ay twin'ëëntë ko janty yujy janty tëtä'äky myëtya'aktë; yë'ë wyin'ë'ëntëp mëti'ipë ka'ap oy tnijawëtën tii ja Dios tsyojkpyën.

2 Pedro 2:3

Ji'iyë ja meeny tyätsyojktëp ets miits xymyëjuytyëty ko ënety mtukmëmëtya'akëtë ja kyë'ëm ayuk kyë'ëm winma'any. E tëë ja Dios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Dios tyuknipëjktaakëtë ets ja mëj ëyo'on tpaatëty.

Colosenses 3:2

Yë'ë mëmay mëtajtë ja tsajpjotmëpë, ka'ap yë'ëjëty mëti'ipë naaxwiinyëtën.

2 Pedro 2:1

Ijtë näjyëtu'un ja ja'ayëty tëëyëp mëti'ipë nätyijëtën ko ja Dios kyäjpxynyajxpë'atëtë ma ja Israel ja'ayëtyën, tää tyam yaa jëtu'unpë ja'ayëty ma miitsëtyën. Yë'ë ja'ay tyuk'ijxpëkantëp ja jot winma'any mëti'ipë yajtëkoopyën, ets t'ixtijtëty ja Wintsën mëti'ipë të yajtso'okëtën; ko jëtu'un y'ëtë'ëtstë, ënätyë ëyo'on tpaata'antë.

2 Corintios 11:15

Paaty yë tyuunpë jëtu'un nyäpyëjkta'akëtë ijxtëm ja ja'ayën mëti'ipë winë oy pyaye'epyën. E oknëm nëjkx ja Dios tyiytyunëtë, ijxtëm pyaat'atëtën.

2 Corintios 11:12

E ëjts je'eyëmës ntuna'any mëti'ipës ntsojkpyën këtiipë yajtu'umo'otëty ja wiinkpë mëti'ipë nätyukmëjpëjktakëtëp ëëts ja ntuunkëty,

Oseas 4:7

Ko ijty nyimayë'ëtë'ëtstë ja teety, ni'ikyë xymyëtëkoytyës; paatykyëjxm nyajtëkatsanëtës yë myëj'ajtënëty tsip käjpxy.

2 Pedro 2:13

Tukupätëtëp ja Dios ijxtëm ja myëku'uktëjk tmëtëkoytyën, akujk jotkujk nyätyijëtë ko ja y'ëxëëk winma'any tyajnikëxë'ëktë. Je'eyë yajtsëtyuntë ko jam yajpaatë ma miits mxëëtuntën ets y'ëtë'ëtstë y'ëna'antë wiinkjaty.

Gálatas 6:13

Ni yë'ë ja'ay mëti'ipë natsujk'ëwtityën ja ye'etyëjk'ajtënëty të tkapatuntë ja ënä'ämën tëyajtën. E yë'ëjëty tsyojktëp ets natsujk'ëwtittëty yë mye'etyëjk'ajtënëty ets yë'ë nyätyukyajmëjnaxa'anëtë ko të mtukupëkëtë ets jam ma mnini'kx xymyëët'atëty ya'atë tay.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

1 Corintios 3:3

jä'ä ko miitsëty ëmuumnëm xymyëët'atë ja naaxwiinyëtë winma'any. Ko tii mkanätyukmë'ixëtë, ko mtsiptuntë ets ko mnäy'ëxëëk'ixëtë nixim niyam, mmëët'ajtëpnëm ja naaxwiinyëtë winma'any ëmuumnëm ets jëtu'un mtu'uye'eytyë ijxtëm ja ja'ay tyu'uye'eytyën mëti'ipë ja naaxwiinyëtë winma'any yajtuuntëpën.

Salmos 17:14

Mëët yë mëk'ajtën, Wintsën, yajpëtsëëmkës jap ma yë'ëjëtyën. Wä'än yaa tyajpaatë naaxwiiny ma kyuma'ayën të yajmo'otën. Wä'än näyajkumeenytya'akëtë ets wä'än yë y'u'unk tkaytyë t'uuktë ku'uxyë koonëm pyëjwa'kxtëty ets jyaak natëkëty mëti'ipë y'ok'u'unk y'ok'ëna'k tyukjë'kxëpën.

Apocalipsis 22:15

Ka'ap jap tyëkëtëty mëti'ipë ëxëëk ja'ay'ajtëpën, patooy panajxpë, ëxëëktuunpë, yaja'ay'o'kpë, mëti'ipë y'ëwtajtëpën ja awinax ets mëti'ipë yi'iyë tsyojkën'ajtëpën ja ënëëmëtyä'äky.

Judas 1:16

Yë jëtu'unpë ja'ayëty, nitii tkatukjotkëta'aktë, je'eyë nëkoo nyä'ämtë, aak nänyi'ojë tii tpëjkta'aktë, yi'iyë tyukjotkëtaktëp mëti'ipë kë'ëm tsyojktëpën; amëj akëjxm tii tkajpxtë, je'eyë ja Dios nëkoo tukajpxpätë ets yajputëkëtëty.

2 Timoteo 3:4

Kyë'ëyakantëp ja myëku'ukëty, tyimtuna'antëp winë ijxtëm ja jyot wyinma'anyëtyën, jëtu'un winë tuna'antë ijxtëm tsojkën'atën ets ka'ap ja Dios t'ixta'aja'antë.

1 Timoteo 6:5

je'eyë nyätsyiik nyäkyoxëtë jä'ä ko ëxëëk ja jyot wyinma'anyëty ets ka'ap nijawëtë ja tëyajtën, paaty myëpëktë ko nyäyajkumeenytya'aka'anëtë.

2 Tesalonicenses 2:12

jëtu'un nëjkx nyitukëtë ko ënety ka'ap të tmëpëktë ja mëtëypyë ets ko yë'ë të tsoktë mëti'ipë ka'ap y'oyëtyën.

Filipenses 2:21

Aak kyë'ëm jotmay ja'ay myëmaay myëtajtëp ni pën ja Wintsën Jesukristë ja jyä'ä tkamëmaay tkamëtajë.

1 Corintios 5:6

Paaty miits ka'ap tii mnätyukyajmëjnaxëtëty mëti'ipë jam mtuuntëpën. Tëë xynyijawëtë ko ja ayuk y'ënä'äny: ja poky jëtu'un yë'ë ijxtëm ja tsajpkääky tsyooyën, yajma'tääpy ja jëtsy.

1 Corintios 5:2

Ets miitsëty ni'ikyë mëj këjxm mnäyajnajxëtëpë. Ijxtëm jeexyë mmontën mtuktën. Ja ja'ay mëti'ipë jëtu'un ëtëtspën, ixkäxtë ma miitsëtyën.

Malaquías 1:12

E miitsëty, ni'ikyës xyajjoot'anpëktë, maaytyëp mtajtëp jëtää, koos jyëkyejpy ixtijy nwë'ëmëtyës ets jyëkyejpy jä'ä nyajmo'ojëtyës ja kääky jë'kxy ka'apë pën t'ëk tsojknën.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.

Santiago 4:16

Miitsëty, amëj akëjxm tii xykyajpxtë ets ya'atë jëtu'unpë amëj'ajt akëjxmajtën, ka'ap y'oyëty.

2 Tesalonicenses 2:8

Ko yajjëpëkëty, jää yajnijawëja'any pën ëxëëk'ajtën'ajtpën, mëti'ipë ja Wintsën Jesús nëjkx pyixtëkoyën ets yajkutëkoyä'änyë ko ënety myiny mëët ja y'ajaj y'atë'kxën.

Lucas 18:4

Kanaak'ok ojts ninëjkxy ja paye'epyë, je'eyëp ko ka'ap nyipaye'eyë. Ok ojts ja paye'epyë myäy tyäjy: Oyës yë Dios nkatsë'ëkë ets naaxwiinyëtë ja'ay nkatsë'ëkë,

Lucas 16:19

Jam ijty tu'uk ja kumeenyjyä'äy, xoxy pëky, oytyuny, aak winjemy nyäxyoxyë ets xëmë ka'ayën ukën mëj nipëjktaakë.

Lucas 12:19

Täätsës kë'ëm näy'ëna'anëtëty: Mëku'uk, tap pëjkë'ëk winë may xyaj'ity mëti'ipë myajtunëpën kanaak jëmëjt; po'kx, kay uuk ets tukxon je'eyë ja juukyajtën.

Mateo 25:41

Ënet ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

Mateo 16:23

Tääts ja Jesús wya'akwinpijty ets t'ënëmaay ja Pedro: Winwa'ktutkës mijts. Jëtu'un mkäjpxy ijxtëm yë mëjku'u tsokyën. Je'eyës mijts xy'atsipy. Ka'ap mwinma'any jyëtu'unëty ijxtëm yë Tiosën; jëtu'un mijts mwinma'any ijxtëm yë ja'ayën.

Miqueas 3:11

Ja wintsëntëjkëty mëti'ipë winë jeexyë oy pyaye'eytyëpën y'ëxajëtëp yë meeny ets ka'ap tii oy tpaye'eytyë; yë teetytyëjkëty yi'iyë ja'ay tyuk'ijxpëjktëp wi'ix tyaktëtyën ja wit meeny may'äämpy ets käjpxynyajxpëtëjkëty tyo'knëtëp ja y'aaw y'ayukëty ko nyätyijyë winë t'akajpxtë, jä'ä ko y'ëna'antë ko yë'ë Dios mooyëtëp yë winma'any ets yë'ë të myëkajpxëtë, jä'ä myäytyë tyajtë: Yë Dios yë'ë yajpatp mëët ëëtsajtëm; tii xynyajajtmëp.

Miqueas 3:5

Ja nnaax nkajpnës jä'ä pyaye'epy ja në'ë tu'u ka'apë myëtëyëtyën jä'ä ko yë'ë win'ë'ënëtëp yë käjpxynyajxpëtëjkëty, mëti'ipë tyukwinwa'anëtyëpën ja jotkujk'ajtën ko pën yajkayëtë ets tsyipwinkajpxëtyëp ko pën tii kyamo'ojëtë. Jëtu'un yë Wintsën t'ënëmaay tääpë käjpxynyajxpëtëjkëty:

Ezequiel 34:3

Miitsëty m'uktëp yë tsi'tsknëë, myajkojtëp yë wit mëët yë kupixynyjyëmk ets myaj'o'ktëp yë kupixyny ni'kxëtypë, je'eyëp ko ka'ap xykyëwent'atë yë kupixyny.

Salmos 52:1

Mijts jotmëkja'ay ets jotkujk ja'ay, ¿wi'ix ko janty mëj janty këjxm mnäjyawëty ko winë ëxëëk xytyuny xykyäjpxy? Yë Dios yë tsyojkën jya'awën xëmë y'ijtëy.

Apocalipsis 18:7

Tëytyuntë tsaatyuntë ijxtëm pyaat'atyën, jä'ä ko tëë tuntë winë ëxëëk. Jëtu'un y'ënä'äny jyootjoty wyinma'anyjoty: Tyaajës n'u'unyë ijxtëm tu'uk yë yajkutujkpën to'oxytyëjkpë. Ka'apës nku'ooky tyo'oxyëty ets ka'apës n'ëyowa'any.

Judas 1:4

Jä'ä ko tëë ja ja'ay jya'të mëët ja näwyin'ë'ënën mëti'ipë ja Dios ojts tëëyëp tnikäjpxyën ko nyëjkxa'antë ëyo'ontum. Ëxëëk ja'ay yë'ëjëty, je'eyë nëkoo ja Dios ja y'aaw y'ayuk tyajnaxtë kajpxpäjn ma ëxëëkajtën tuntën. Ka'ap tmëjpëjkta'aktë ja Dios ja y'oyajtën, ni'ikyënëm t'ixtijtë ja Dios ja myëj'ajtën ets ja Jesukristë ja kyutujkën.

Romanos 6:21

¿E tii jap të xypyaatë? Tyam je'eyë mtsëtyuunëtë ko jëtu'un të mjuuky'atë, jä'ä ko je'eyë ja o'kën të mtukpaatëtë.

Ezequiel 13:19

Miitsëty, yë'ë mnätyukwin'ë'ënëtëp tu'knuukpyë tsajpmok, ëkë tu'ukpë mäjtskpë tsajpkääky, etsës xynyëxi'ik xytyukxi'iktë maas ja nnaax nkajpnën; xyaj'ook xyajtëkoytyë yë ja'ay ka'apë jeexyë y'ookyën; xyajwë'ëmtë juuky ka'apë nyitëkëtyën jyuuky'atëty. Jëtu'un yë nnaax nkajpnës xywyin'ëëntë, ko tmëpëky ja win'ë'ënën antakën.

1 Samuel 2:29

E pën jëtu'un y'ixë'aty tii ko ka'ap xy'ëkmëjpëjktaknëtë ja ayajk ako'onën mëti'ipë ja'ayëty yë Wintsën tyuknimiintëpën. ¿Wi'ix ko ja m'u'unk m'ëna'k jä'ä ni'ik mtsojkpy mja'ap ets këtiinëm ëjts, je'eyë xyajni'kxënyë mëët ja tsu'utsy mëti'ipë myëmiintëpën ëjts nwintuuyës ja Israel ja'ayëty, mëti'ipës nkajpn'ajtypyën?

Jeremias 44:17

Ni'ikyës njaaktuuna'antë ja mëti'ipës xëmë ntuuntëpën. Ntukwintoyantëpës ja poom mëti'ipë nyiwintaj'ajtypyën ja tsajp; jëtu'unyëm tääjës ntuntën, tä ja n'aptëjkëtyës tuuntën, tä ja yajkutujkpëtëjk ets wintsëntëjkëty tuuntën mëti'ipë jam Judá yajpatën ets jampë Jerusalén të yajpaatën në'ëjoty tu'ujotypë;

2 Tesalonicenses 1:9

Yajtëytyunantëp xëmëkyëjxm ets jëkäm yajpëjkta'aka'antë ma ja Wintsën ka'ap y'ixëtëty, ma ka'ap tpaatëtyën ja Wintsën ja myëj'ajtën jyääntyajtën ets myëk'ajtën.

Judas 1:10

E tääpë ja'ayëty ëxëëkjaty nimëtya'aktë mëti'ipë ka'ap nijawëtën. Jëtu'un yë'ëjëty ijxtëm ja jëyujkën, ka'apë jyä'äkyukëtën, jëtu'unts ëxëëktum nyäyajka'ajëtë.