Filipenses 3:18 - Biblia Dc en Mixe de Quetzaltepec

¹⁸ Tëë miits kanaak ok n'ënëëmëtë ets tyam jatëkok nëëmëja'antë jëëpy yaxp, ko jam may mëti'ipë myëtsip'ajtëpën ja Kristë, mëti'ipë ojts y'ookyën kruutskëjxm,

Biblia Mixe de Quetzaltepec

¹⁸ Tëë miits kanaak ok n'ënëëmëtë ets tyam jatëkok nëëmëja'antë jëëpy yaxp, ko jam may mëti'ipë myëtsip'ajtëpën ja Kristë, mëti'ipë ojts y'ookyën kruutskëjxm,

Filipenses 3:18 ပူးပေါင်းရင်းမြစ်များ

Salmos 119:136

Komkomëty yë nwiinnëëjës pyëtsimy tä yë mëjnëë pyëyi'ikyën mëët ko ja naaxwiinyëtë ja'ay ka'ap tpatuny ja m'ijxpëjkën.

Isaías 8:11

Nkë'ëkëjxyës yë Wintsën të xytyimmatsy etsës të xy'ënëëmë ko ka'apës tääpë ja'ayëty mëpaat yë nyë'ë tyu'u npanëjkxë. Jëtu'un të xynyëëmës:

Jeremias 13:17

Pën miitsëty ka'ap mja'akyukëtë, je'eyës një'ëja'any nya'axa'any ame'tsyë mëëtkyëjxm ja m'amëj'ajt m'akëjxm'ajtënëty; nwiinnëëjës je'eyë ka'ajaanp koos ënety n'ixy ntuny wi'ix ja Wintsën ja nyaax kyajpn yajmënëjkxyën tsumy matsy wiink naax wiink kajpn.

Jeremias 9:1

Jëtu'unpëk jeexyë yë nwiinës tä nëëkopkën ets nwiinnëëjës nëëkapën, jyëkyejpy jeexyë xëëny koots nijë'ëy niyä'äxyës yë nmëkunaax nmëkukajpnës mëti'ipë të y'ooktë.

Daniel 4:37

E tyamts ënät, ëjts Nabucodonosor, nmëjja'aw njaantyjya'apës ets ntukxoontäkpyës yë yajkutujkpë tsajpjotmëpë, jä'ä ko tëkokyë mëti'ipë tyuunpyën aak mëtëy yë'ë ets wa'ats ets yë'ë yajnaaxkëtäkpy yë ja'ay mëti'ipë mëj këjxm näyajnaxanëpën.

Lucas 19:41

Ko t'ijxpaty ja Jerusalén kajpn jam winkon, tääts ja Jesús niyäxy,

Hechos 20:19

Xëmës yaa të nyajpaaty ma miitsëtyën yu'unk naxym, nmëtunyës ja Wintsën Jesús; tëëjës ëxëëk njaty nkëpety ets tëëjës një'ëy nyä'äxy ko ja jutiis ja'ayëty të xyjyayaj'ooka'antës.

Romanos 9:2

Nmëët'ajtypës ja ma'ayën tajën, xëmës nmay ntajy,

1 Corintios 1:18

Ko yajnikäjpxy yajnimëtyä'äky ko tëë ja Kristë y'ooky kruutskëjxm, ja ja'ayëty mëti'ipë nitëyë nëjkxtëpën ëyo'ontum jëtu'un tmëtowtë nanëkoo yowë tsuu mëtya'ak kupoj mëtyä'äky yajnikäjpxy; e ëëtsajtëm jënu'un ja nitsokën të npatëmë, nija'awëm ko Dios yë myëk'ajtën.

1 Corintios 6:9

¿Ka'ap xynyijawëtë ko yë ëxëëkja'aytyëjk ka'ap jyuuky'ata'antë ma ja Dios ja kyutujktaknënë?

2 Corintios 11:13

yë'ëjëty, ka'ap yë'ë'atë mëti'ipë mëtëy ijxpëjktëpën, win'ë'ënpë yë'ëjëty mëti'ipë näpyëjktakëtëpën ijxtëm ja Kristë ja y'ayukkäjpxynyajxpën.

2 Corintios 11:29

Ko pën pya'ampety, näjyëtu'unës näpyëjktä'äkyë ijxtëm yë'ëjëtyën; ets pën jää pën tyajpokytyuny ja myëku'uk, ëjts määpy tajpës ets äjkëpës ijty.

2 Corintios 2:4

E ko ja noky ojts ntuknijayëtë, määpy tajpës ënety ets amutskëpës ets yaxpës. Ka'ap miits të nnijäyëtë ets nyajjotmaytyëkëja'antë, yë'ëkyëjxm ets miits xy'ixtëty xynyijawëtëty ko miits ni'ik ntsoktë.

Gálatas 1:7

Tim tëypyë ka'ap ma wiinkpë aaw ayuk oypyë. Mëti'ipë tuunëp jajtëpën yë'ë ko tää ja'ay mëti'ipë yajma'atäämpyën je'eyë ja mmëpëjkënëty ets jëtu'un ja oy aaw oy ayuk mëti'ipë Kristë jyä'ä'ajtypyën tjayajtëkatsanë.

Gálatas 2:14

Paaty koos jëtu'un n'ijxy ko ka'ap tuny ijxtëm ja oy aaw oy ayuk ni'ënä'ämën ënät ojts n'ënëëmës ja Pedro mëpëjkpëtëjk wyintuuy: Mijts, mjajutiis ja'ay, jëtu'un mjuuky'äty ijxtëm jeexyë ka'ap mjutiisëty; ¿tii ko yë ja'ay xy'atsip'aty mëti'ipë ka'ap jyutiisëty ets xytyukpaatuna'any ja jutiis ja'ay ja wyinma'any?

Gálatas 2:21

Ka'apës n'ixtija'any ja Dios ja y'oyjyot y'oywyinma'any; ko jeexyë oy n'ëkwë'ëwëm mëët ja Dios ko ja Moisés ja y'ënä'ämën yajpatuny, natëkë jeexyë të y'ooky ja Kristë.

Gálatas 5:21

tyukmëtsip'ajtëp oytyiijëty ja myëku'uk, uktëp mukëtëp, ajëën akax jyä'äy'atë ets kanaakpëky tii ëxëëk tuntë. Tyam miits jatëkok ntukja'amyätstë ijxtëm të ntuk'ëwaanëtën, pën ya'atë tyuuntëp kyajpxtëp, ka'ap tyëkëja'antë ma ja Dios ja kyutujktaknën.

Gálatas 6:12

Ya'atë ja'ayëty mëti'ipë tsyojktëpën ets ja ja'ay y'oyjyawëtëty mëët mëti'ipë tyuuntëpën, yë'ë m'atsip'atanëtëp ets yajnatsujk'ëwëtittëty ja mye'etyëjk'ajtënëty. Jä'äkyëjxm jëtu'un tuntë ets ja ja'ay y'oyjyawëtëty ets ka'ap tsyiptëkëja'antë ko tkajpxwa'kxtë ko ja Kristë tëë xykyu'o'këmë kruutskëjxm.

Gálatas 6:14

Ëjts ka'apës tii nätyukumayë, yi'iyës nmëjpëjktäkpy ko ja Wintsën Jesús të xykyu'ookës kruutskëjxm ets jä'äkyëjxm ko të xykyu'ookës kruutskëjxm ets ko të nmëpekyës, jëtu'un tpaaty ijxtëmës jeexyë të nkruutspety mëët ja naaxwiinyëtë juukyajtën.

Efesios 4:17

Ya'atës nnikäjpxyp ets yë'ë yam ntukkë'ëtëjkëtyëp ma ja Wintsën Jesukristë ja xyëëwën: Ko ka'ap jëtu'un m'ëkjuuky'ajnëtëty ijxtëm ja ja'ayëtyën mëti'ipë ka'ap ja Dios tnijawëtën, mëti'ipë jëtu'un juuky'ajtëpën ijxtëm ja kyë'ëm jot kyë'ëm winma'anyëtyën,

Filipenses 1:4

ets koos ja Dios nja'amyetsy, xëmë nimëpëjktsowëtë akujk jotkujk,

1 Tesalonicenses 4:6

Ka'ap pën ja myëku'uk ja tyo'oxytyëjk twin'ë'ënëty, jä'ä ko Dios tu'kë'ëyë tukumëtoowta'aja'any mëk'äämpy mëti'ipë jëtu'un ëtëtstëpën; ijxtëm të ntuk'ëwaanëtën janaam jatsojk.

2 Tesalonicenses 3:11

Tëës nnijawëtë ko tam yë ja'ayëty mëti'ipë ka'ap tyajnipaatëtën ets tyuntëty, yi'iyë yajnipatëtyëp ets pyo'kxtëty pyëktëty.

2 Pedro 2:10

Dios tyiytyunäämpy ja mëti'ipë ja ëxëëk winma'any y'atsojkpyën ets mëti'ipë ka'ap tkupëkyën ja Dios ja kyutujkën. Winma'anytyuk yë'ëjëty ets tyuuntëp tii tyimtunantëpën; ka'ap tsyë'ëkëtë ko t'ojtë ja kutujkëntëjk mëj'äämpyë.

Judas 1:13

Jëtu'un ëxëëk y'ëtë'ëtstë y'ëna'antë ijxtëm yë mejyën, ijxtëm yë nëë o'pky pyëti'ikyën. Jëtu'un yë'ëjëty ijxtëm tu'uk yë matsa'a tsajpjotm tyu'utëkoyën, ets y'ita'any xëmëkyëjxm akootstuuy.