Filipenses 3:13 - Biblia Dc en Mixe de Quetzaltepec

¹³ Mëku'uktëjkëty, ka'apës n'ëna'any ko tëëjës winë nmëmëtakta'ay; je'eyës winë të nja'atyëkooytyä'äy mëti'ipë nyäxyën ets nämyëjaaw'ixyës ets npaata'anyës ja kuma'ayën mëti'ipë miimp wiinkoonpën,

Biblia Mixe de Quetzaltepec

¹³ Mëku'uktëjkëty, ka'apës n'ëna'any ko tëëjës winë nmëmëtakta'ay; je'eyës winë të nja'atyëkooytyä'äy mëti'ipë nyäxyën ets nämyëjaaw'ixyës ets npaata'anyës ja kuma'ayën mëti'ipë miimp wiinkoonpën,

Filipenses 3:13 ပူးပေါင်းရင်းမြစ်များ

Lucas 9:62

Tääts ja Jesús y'ëtsooy: Mëti'ipë ja'ay yajtsajpkaayuupën ets janaam jatsojk y'ijxwinpity, ka'ap jëtu'unpë tsyokyë ma Dios yë kyutujktaknën.

Filipenses 3:12

Ka'apës n'ëna'any ko tëëjës tu'kë'ëyë npaataaynyë ëkë koos wa'ats ja'ay nyajpatnë ijxtëm ja Dios tsokyën. Yäjtsp pojpnëmës ets ja Kristë Jesús mpaata'anyës ijxtëmës yë'ë ëka'any të xypyäätyën.

Salmos 27:4

Tu'uk je'eyë mëti'ipës n'amëtoopyën yë Wintsën, tu'uk je'eyë mëti'ipës ntsojkën'ajtypyën. Yë'ë koos xëmë n'itëty ma Wintsën yë tsyajptëjkën mapaatës njuuky'ätyën, ets n'ëwtata'any etsës n'ixa'any yë y'oyajtën.

Filipenses 3:8

Ni tiis tyam jëtu'un nka'ixy tsyowpaaty ijxtëm ja oyajtënën mëti'ipë yajmëët'ajtpën ko ja Kristë Jesús të yajnijawë, mëti'ipës nWintsën'ajtypyën. Mëët koos ja Kristë të nmëpëky tëëjës winë nyajtëkooytyä'äy, aak pu'uxmën tu'kë'ëyë winë njawës koos ja Kristë npaata'any,

Hebreos 6:1

Tsojk nyajtu'uye'eyëm ja Dios ja y'aaw y'ayuk koonëm kä'pxy nnija'awëmëty mëti'ipë ja Dios tsyojkpyën. Ka'ap yi'iyë ntukjotkujk'ajtmëty mëti'ipë të nyajtukni''ijxëmën ko Kristë ojts ëka'any nmëpëjkëmë. Ka'ap jatëkok n'a'ijxpëjkëmëty, wi'ix ja ja'ay jootwinpittëty, wi'ix t'ëxmatstëty ja ëxëëk juukyajtën mëti'ipë tukpatpën ja o'kën, ëkë wi'ix tmëët'atëty ja mëpëjkën ma Tiosën,

Filipenses 2:12

Jëtu'un yam nëëmëtë mëku'uktëjkëty, ijxtëm xëmë të xymyëmëtowtënës, ka'ap jyääyëty koos të njam'aty ma miitsëtyën; mmëmëtoowtëkës tyam ni'ik maas jëkäm nyajpaatyën. Yajtsowpaatë mëët ja ko ëwaatsëtum myajpaatë,

Lucas 10:42

Je'eyep ko tu'ukyë je'eyë mëti'ipë kopkpëkyën. María yë'ë të twin'ixy mëti'ipë ni'ik kopkpëkyën ets ka'ap tjëkyepy pën pyëjkxëtëty.

2 Pedro 3:8

Mëku'uktëjkëty, ja'amyätstë näjyëtu'un, ko ja Dios, tu'kxëëwpë, tu'uk mil jëmëjtën tyajnaxy; ets ja tu'uk mil jëmëjtpë tu'kxëëwën tyajnaxy.

2 Corintios 5:16

Paaty ëëtsëty ka'apës ja njëëky nmëku'uk jëtu'un n'ëk'ijxnëtë ijxtëm ja naaxwiinyëtë ja'ayëtyën, oy ijty tëëyëp ja Kristë n'ixtës ijxtëm yë naaxwiinyëtë ja'ayëtyën, tyam ka'apës jëtu'un ja winma'any n'ëkmëët'ajnëtë.

Salmos 45:10

Mëtoow'it, mijts u'unk mijts nëëx; yajxon ja'akyukë mëti'ipë yam ntuk'ënëëmëjäämpyën: Ja'atyëkoy yë mteety mtaak ets tëkokyë yë mjëëky mmëku'uk,