Filipenses 2:20 - Biblia Dc en Mixe de Quetzaltepec

²⁰ Ka'ap pën jëtu'un myäy tyäjy ijxtëm yë'ëjën, jä'ä ko miits mjotmay'atëtë ets ja oyajtën xypyaatëty.

Biblia Mixe de Quetzaltepec

²⁰ Ka'ap pën jëtu'un myäy tyäjy ijxtëm yë'ëjën, jä'ä ko miits mjotmay'atëtë ets ja oyajtën xypyaatëty.

Filipenses 2:20 ပူးပေါင်းရင်းမြစ်များ

Filipenses 2:2

yajxoontaktëkës ko tu'ukyë myajpaattëty, ko tu'knax ja tsojkën ja'awën xymyëët'attëty, tu'ukyë mnäjyawëtëty ets tu'ukyë winë xytyuntëty.

Filipenses 2:22

E tëë xynyijawëtë wi'ix ja Timoteo oytyunyën ets wi'ixës ja Dios ja y'aaw y'ayuk oy mëët të nkajpxwä'kxyën; jëtu'un të xypyutëkë ijxtëmës jeexyë yë'ë nmaankëtyën.

1 Corintios 16:10

Pën ja'ajtp ja Timoteo jam, ixtë mëyatë ets akujk jotkujk nyäjyawëtëty ma miitsëtyën, nän Dios yë tyuunk yajtu'uye'eyëp ijxtëm ëjtsën.

Juan 12:6

Judas ka'ap yë'ëkyëjxmëty jëtu'un y'ënä'äny ko ja ëyoopëja'ay tpa'ëyoy, yë'ëkyëjxm ko myeetsy. Yë'ë ënety ja meeny apëjkën kyë'ë'am'ajtyp ets xëmë tpukony mëti'ipë jap pyëjkë'kpyën.

Juan 10:13

Tääpë ja'ay paaty kye'eky jä'ä ko yi'iyë myëju'uny nyituunpy, ka'ap ja kupixyny tmëmay tmëtajy.

1 Samuel 18:3

Yë Jonatán mëët yë David ojts tkäjpxy'atë ko xëmë nyäy'oyjyawëja'anëtë, jä'ä ko yë Jonatán janty'oy ojts tmëku'ukjawë ets t'oyja'awëy yë David, jëtu'un tä kë'ëm nyäjyawëtyën.

2 Timoteo 1:5

Jä'ä ko nja'amyejtsypës wi'ix mijts ja mëpëjkën xymyëët'atyën. Ja mëpëjkën mëti'ipë ja mtaak mëjja'ay Loida myëët'ajtën ets ja mtaak Eunice, ets nija'apës ko mijts nän yë'ë jëtu'unpë ja mëpëjkën mëët'ajtyp.

1 Timoteo 1:2

yajkajpxpo'kxy ja Timoteo mëti'ipë mëtëy yaj'u'unk'ajtpën ma mëpëjkënën. Wä'än ja Dios Teety ets ja Wintsën Jesukristë mmo'oyë ja kënu'kxën, pa'ëyo'owën ets ja jotkujk'ajtën.

Colosenses 4:11

Näyjyëtu'un ja Jesús mkajpxpo'kxëtë, mëti'ipë yajtijpën Wa'ats ja'ay. Yi'iyë ya'atë jutiis ja'ayëty mëpëjktëp mëti'ipës mëët ntuntën ma ja Dios ja kyutujktaknën ets yë'ëjës të xyajjotkujk'atë.

Proverbios 31:29

Yë to'oxytyëjk tää kanaak jyätyë mëti'ipë oyëtyën, e mijts jaakni'ik m'oyëty këtiinëm jyëtu'un'atë ja wiinkëtypë ja to'oxytyëjktëjk.

Salmos 55:13

Mijts tëy tu'uk n'oyjya'ap, ets mijts janty'oy nmëku'ukja'ap,

1 Samuel 18:1

Ko yë David myëtyaktaay mëët yë Saúl, yë Jonatán janty'oy ojts tmëku'ukjawë David, jëtu'un ojts timy tsyoky timjyawë tä kë'ëm nyätsyokyën.

Romanos 15:5

Ja Dios, mëti'ipë xyajmä'kxtujkëmën ets xyajjotmëktakëmën, yë'ë mmo'ojëtëp ja winma'any ets tu'ukyë mjuuky'attëty xim yam, jëtu'un ijxtëm ja Kristë Jesús najtstu'unëyën,

1 Timoteo 4:6

Tukni''ixë ya'atë mëku'uk, Kristë Jesús ënety jëtu'un oy mmëtuumpy, ets mnaxëty tu'uk ja mëtuunpë mëti'ipë yajnikëxëypyën ja mëpëjkën ets ja ijxpëjkën mëti'ipë mkuuyjyuuky'äjtypyën.

2 Timoteo 3:10

Mijts tëë oy xypyanëjkxy yë n'ijxpëjkënës, wi'ixës njuuky'ätyën, tiis ntunäämpyën, wi'ixës nmëpekyën, wi'ixës nmä'kxtukyën, wi'ixës ja ja'ay ntsoky njawën ets wi'ixës nmëët'atyën ja mëjaaw etsës nmëtänë ja ëyo'on jotmay,