Filipenses 2:19 - Biblia Dc en Mixe de Quetzaltepec

¹⁹ Pën ënaanp ja Wintsën Jesús, nkäxëpës ja Timoteo ets nëjkx mku'ixëtë, etsës njotkujk'atëty ko tmëminëty ja aaw ayuk wi'ix ënety miits myajpaatën.

Biblia Mixe de Quetzaltepec

¹⁹ Pën ënaanp ja Wintsën Jesús, nkäxëpës ja Timoteo ets nëjkx mku'ixëtë, etsës njotkujk'atëty ko tmëminëty ja aaw ayuk wi'ix ënäty miits myajpaatën.

Filipenses 2:19 ပူးပေါင်းရင်းမြစ်များ

1 Corintios 4:17

Paaty ntuknikäxtë ja Timoteo, mëti'ipës ni'ik ntsojkpyën ets n'u'unkja'apën ma ja mëpënjkënën. Yë'ë nëjkx mtukja'amyätsëtë wi'ixës winë të ntunyën koos ja Kristë të nmëpëky, jëtu'un ijxtëmës të nyaj'ijxpëkyën maajatyës të nnaxyën.

1 Tesalonicenses 3:2

ets nkäjxtës ja nmëku'uk'ajtëm Timoteo, mëti'ipë Dios myëtuumpyën ets mëti'ipës mëët nkajpxwä'kxtën ja aaw ayuk oypyë ma Kristë yajnimëtyä'äkyën. Paatyës nkäjxtë ets nëjkx mku'ixëtë, mjotmëkwinkajpxëtë wi'ix tu'ukyë ja mëpëjkën xymyëët'attëty,

Filipenses 1:1

Pablo ets Timoteo, Jesukristë myëtuunpë, tyam ntuknikäxtë ja kajpxpo'kxën miitsëty mëpëjkpëtëjkëty ni'ëmukë jampë yajpaatën Filipos ets mëti'ipë nyikopk'ajtëpën ja mëpëjkpëtëjkëty ets ni'ëmukë jënu'un yajpaatën mëët tu'ukyë mëët ja Kristë.

Filipenses 2:28

Paaty miits tsojk ntuknikäxtë ets xytyukxoonta'aktëty ko jatëkok xypyaatëty xy'ixtëty këtiipës nmonëty ntukëty.

Santiago 4:15

Nikë jëtu'un n'ëna'anmëty: Pën ënaanp ja Dios, ënät njuuky'ajtmëty, ënät winë ntu'unmëty.

2 Timoteo 1:12

Paatyës tyam nku'ëyowë ya'atë. Je'eyëp ko ka'apës ntuktsëtyuny, jä'ä ko nnija'apës koos yë'ë ntuk'ijxpety; ets nnija'apës ko yë'ë myëët'ajtyp ja mëk'ajtën es tpëjkë'ëkëty ja kuma'ayën jekpyaat mëti'ipës të xytyukwinwanën.

2 Tesalonicenses 1:3

Mëku'uktëjkëty, xëmës ja Dios nkukajpxëtë mëët miitskyëjxmëty, ijxtëm xypyaatës ntuntëty; jä'ä ko winpäjt'ëtëtsp ja mmëpëjkën ets nitsokën mëti'ipë mmëët'ajtëpën nixim niyam.

Efesios 1:13

Yajkukajpxëp ja Kristë, näjyëtu'un miitsëty ko të xymyëtowtë ja mëtëypyë ja aaw ayuk, oy aaw oy ayuk mëti'ipë yajnitsokpën ets xymyëpëjktë, jëtu'un ojts miitsëty mwë'ëmtë tä tii yajtsa'ayën mëët ja Dios ja jyot myëjaaw ets yë'ë mjä'ä'ata'anëtë.

Romanos 16:21

Timoteo, mëti'ipës mëët ntunyën, mtuknikäjxëtëp ja kajpxpo'kxën ets näjyëtu'un ja Lucio, Jasón ets ja Sosípatro, ëjts ja nmëku'uktëjkës.

Romanos 15:12

Näyjyëtu'un ja Jeséas ojts y'ënä'äny: Jotkujk ja Jesé ja y'u'unk y'ok y'ita'any, mëti'ipë yajkutukaanpën ma ja naax kajpnën, ets ja ja'ay yë'ë tyuk'ijxpäta'anyë.

Mateo 12:21

ets oymyaajëty ja ja'ay myëpëkëtëty.

Jeremias 17:5

Jëtu'un yë Wintsën y'ënä'äny: Poky yë ja'ay y'ity mëti'ipë yë jyot wyinma'any yajjëëwä'kpyën maas ëjtsën, mëti'ipë yë naaxwiinyëtë ja'ay tyuk'ijxpejtypyën ets yë'ë tyukjotkujk'ajtyp.

1 Pedro 1:21

Mëët yë'ë ko yë Kristë të xymyëpëktë paaty ja Dios näjyëtu'un xymyëpëktë, mëti'ipë të tyajjuukpyikyën ja Kristë jatëkok ets të tmëjjaw të tjaantyjyawë, jëtu'unts të xypyëjkta'aktë ja mjot mwinma'anyëty ma Tiosën ets xy'a'ix xyjyëjp'ixtë.

Hechos 16:1

Tääts ja Pablo ets ja Silas jyajtë jam Derbe ets Listra. Jamts tpatë tu'uk ja mëpëjkpë, Timoteo xyëëwajtyp. Jutiis ja'ay tyaak'ajtyp, mëpëjkp näjyëtu'un; je'eyëp ko tyeety, griego ja'ay.

Filipenses 2:18

Jotkujk yajpaatë miits näjyëtu'un, ijxtëmës jotkujk ëjts nyajpaatyën.

1 Tesalonicenses 3:5

Paaty, koos ënety ëjts ka'ap n'ëkmëmëta'akanë, ënätës nkejxy mëti'ipë myajtëwëtëpën wi'ix ja mëpëjkën xymyëët'attëty, jä'ä ko tsë'këpës ënety ko ntij yë mëjku'u tëë myajtuuntëkoyëtë ets ja ntuunkëtyës ka'ap tsyoowpaatëty.