Filipenses 2:15 - Biblia Dc en Mixe de Quetzaltepec

¹⁵ këtiipë pën mpoky'ixëtëty, wa'ats aaw wa'ats jot mja'ay'atëty ma ja ja'ayëtyën mëti'ipë ëxëëk juuky'ajtëpën ets ëxëëk ja y'aaw jyotëty. Jëtu'un tä matsa'ajën miits m'ajaj m'atë'kxtëty ma yë'ëjëtyën yaa naaxwiiny.

Biblia Mixe de Quetzaltepec

¹⁵ këtiipë pën mpoky'ixëtëty, wa'ats aaw wa'ats jot mja'ay'atëty ma ja ja'ayëtyën mëti'ipë ëxëëk juuky'ajtëpën ets ëxëëk ja y'aaw jyotëty. Jëtu'un tä matsa'ajën miits m'ajaj m'atë'kxtëty ma yë'ëjëtyën yaa naaxwiiny.

Filipenses 2:15 ပူးပေါင်းရင်းမြစ်များ

1 Pedro 2:12

Mëët'atë ja oyjyot oywyinma'any mëët ja ja'ay mëti'ipë ja Dios ka'ap tnijawëtën. Oy ëxëëkjaty mtijëtë ijxtëm jeexyë miits m'ëxëëkja'ay'atën, nëjkxëp jëna'a t'ixtë tnijawëtë ko ënety miits oy winë xytyuntë ets nëjkxëp tmëjjawëtë ja Dios ko ënety ja paye'eyën tuny.

Mateo 5:45

Jëtu'un xyajnikëxë'ëktëty ko Dios tsajpjotmëpë m'u'unk'atëtë; jä'ä ko xëëw tyajpëtsëmy tyuknijajtääpy oyjyä'äy ka'oyjyä'äy, ets ko tyajtu'uy yajnituutääpy wä'än twa'atsja'ayëty ëkë t'ëxëëkja'ayëty.

Isaías 60:1

Pëtë'ëk mijts Jerusalén kajpn, nätyukwinpitët ja jajën të'kxën, jä'ä ko tëë ënät mnija'tyënëm ja të'kxën jajën, ets ja Wintsën ja myëj'ajt y'oyajtën yë'ë mkutë'kxëp.

1 Tesalonicenses 5:23

Wä'än ja Dios, mëti'ipë jotkujk'ajtën yäjkpyën, yë'ë wa'ats tyaj'ity ja mjot mwinma'anyëty, mjot mja'awënëty ets mni'kx mkopkëty; ka'ap ënety ja poky xymyëët'atë ko ja Wintsën Jesukristë myinëty.

Deuteronomio 32:5

Miitsëty ëxëëkja'aytyëjkëty, mëti'ipë ka'ap oypyë ja jot winma'any xymyëët'atën, mëti'ipë je'eyë yajjoot'anpëjktëpën yë Dios, ets ka'apë pyaatëtë yaj'u'unkniwa'antëty.

2 Pedro 3:14

Paaty, mëku'uktëjkëty, tsojk njëjp'ijxëmë ko jëtu'un jyata'any; tuntë ja Dios ja tyuunk mapaat ja tiempo jyaak jää'atyën ets ja Dios mpaatëtëty akujk jotkujk; nitii poky nitii ëxëëkajtën xykyamëët'atëty ko ënety myiny.

1 Corintios 1:8

Dios miits myaj'itëtëp tu'ukyë koonëm tpaatëty ja tiempo, ets këtiipë ënety mpokymyëët'atë ko wyimpitëty yë Wintsën Jesukristë.

Tito 2:10

Ka'ap tii tontëty tmäätstëty, wintsë'ëkë mëjjawë y'itëty ets ja'ay ni'ëmukë t'ixtëty ko oy yë ijxpëjkën mëti'ipë Dios yajnitsokpë jyä'ä'ajtypyën.

1 Pedro 2:9

E miitsëty Dios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Dios jä'äniwanëpën. Ets jëtu'un tkajpxwa'kxtëty ja Dios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

Mateo 5:48

Wa'ats nnäyaj'itëtë, ijxtëm yë Dios tsajpjotmëpë wa'ats nyäyaj'ityën.

1 Timoteo 3:10

Jëyëjp mëpaat yaj'ixy yajnijawë pën ka'ap tii tuuntëkoy ets pën ka'ap tii tëko'oyën tmëtëkë, jyëkyejpy yajmo'ojëty ja tuunk ma ja mëpëjkpëtëjkëtyën.

1 Timoteo 3:2

Paaty, jëtu'unpë ja ja'ay ka'ap tjëkyëpy wi'ix yaj'ojëty. Tu'ukyë mëpaat ja tyo'oxytyëjk tmëëttsëënë ets mëtëy jyuuky'atëty; niwijy ets mëët. Yajja'ajta'akëp ja jëpyaat jëpyo'kxy ma tyëjkën; ets jyatëp wi'ix yaj'ixpëkëtyën;

Filipenses 1:10

ets xynyijawëtëty wi'ix xywyin'ixtëty mëti'ipë oyën, jëtu'unts ja juukyajtën wa'atspë xymyëët'attëty ets ka'ap tii poky xytyuntëty ko ja Kristë wyimpitëty.

Efesios 5:27

ets tyaj'ita'any wa'ats, oy, ka'ap xyootsëty ets ka'ap y'äämyëty.

Romanos 16:19

Ets nyija'awëtëp ja ja'ay oypyënëty ko miits ja Dios xymyëmëtowtë, paatyës jotkujk nyajpaaty ets ntsojkpyës ets wijy kejy myajpaatëty wi'ix xytyuntëtyën ja oypyë, ka'ap yë'ëjëty wi'ix tii ëxëëk xytyuntëtyën.

Hechos 2:40

Jeky ja Pedro ojts ja ja'ay tmëëtmëtyä'äky kanaakpëky, ets tjakajpxwijy: Ixmatstë ja m'ëxëëk winma'anyëty ets këtii mëët mnämyäyëtë yë ja'ay mëti'ipë näyaj'ijtëtëpën pokyjotm.

Mateo 10:16

Ëk'ixtë. Jëtu'un yam miits nkäxtë ijxtëm ja kupixyny nyëjkxtën pa'uk'akujky. Wijy kejy mnäpyëjkta'akëtëty ijxtëm ja tsa'anyën. Yujy mnäpyëjkta'akëtëty ijxtëm ja pakën.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënety nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

Tito 2:15

Ya'atë ja mëpëjkpëtëjk mtuk'ijxpëkëp, jotmëkwinkajpxë ets amëk jotmëk tkajpxëty mëtya'akëty mëët tu'kë'ëyë ja mkutujkën këtiipë pën mpäxëtëty.

Tito 1:6

Yë'ë mtuknipëkëp ja tuunk mëti'ipë oy tsuj juukyajtpën, këtiipë tii yajtuknikajpxëty, mëti'ipë tu'ukyë myëët'ajtypyën ja tyo'oxytyëjk, mëti'ipë y'u'unk y'ëna'k mëpëjktëpën, ka'ap kyäjpxykyumëtoownaxtën, myëmëtowtëp ja tyaak tyeety ets këtiipë tii yajtukni'ojëtëty.

1 Timoteo 5:20

Pën pokytyuuntëpën, tuknëëmë ma ja mayjyä'äyën ets ja ja'ay tsyë'ëkëtëty.

Hechos 20:30

Näy tam jënaakën ma miitsëtyën mëti'ipë nëjkx wyin'ëënyën ets jëtu'un yaj'ixpëka'any ets ja mëpëjkpë pyanëjkxëtëty.

Juan 5:35

Jëtu'un ja Juan ijty ijxtëm tu'uk ja jëën tyoyën ets kyutë'kxy, ets miitsëty ojts wäänë ja kyutë'kxn xytyukxontë.

Lucas 6:35

Mtsoktëp miits ja mmëtsip, tuntë ja oypyë, tuntë ja mëyajtën; tuk'ënu'kxtë winë mëku'uk ets këtii xyjyëjp'ixtëty ets jatëkok mooywyimpitëtëty. Jëtu'un miits mëj nëjkx myajkumaytyë ets nëjkx m'u'unk'atëtë ja Dios tsajpjotmëpë, jä'ä ko yë'ë oy Tyios'aty ma ja ja'ayëtyën mëti'ipë ka'ap tii tkukajpxën ets ëxëëkpë jyä'äy'ätyën.

Mateo 17:17

Tääts ja Jesús y'ëtsooy: Miitsëty jä'ä mja'ay'atë mëpëjkëntuk ets je'eyë ja m'ëxëëkjot m'ëxëëk winma'anyëty. ¿Jëna'a jëtu'un xyä'äkyukëja'antë koos nyajpaaty ma miitsëtyën? ¿Maapaat jëtu'un mëk näpyëjkta'akëtëtyës ko miitsëty ka'ap mja'akyukëtë? Yaa yajmintë ja yujkyeeky ëna'k.

Salmos 122:5

Ma yë'ëjën jam yajpaaty ja kutujktakn ma ja tuuntëko'oy kajpxtëko'oyën yajnipaye'eyën, ets ma ja David ja kyutujktakn yajpaatyën.

Apocalipsis 3:9

Ja mëjku'u ja myëtuunpëtëjk mëti'ipë nëkoo nätyijëtëpën ko jyutiis ja'ay'atë ets je'eyë y'anta'aktë, tëëjës ntuknipëjktaakë ets mwinkoxtänëtëty ets nijawëtëty ko mijts n'oyjyawë.

1 Timoteo 5:14

Paatyës nëëmëtë ja ku'ooky tyo'oxytyëjkëty ëna'këtypë ets ënätyë pyëktëty, wä'än tmëët'atë y'u'unk y'ëna'këty, wä'än jyëënjoty tyëkoty tuntë, këtiipë nëkoo tëkatsy ja mëtsip nyikajpx nyimëtya'akëtëty.

1 Timoteo 5:7

Tuk'ëwaanë ya'atë ja ja'ayëty këtiipë pën tii yajtukpoky'ixëty.

2 Corintios 6:17

Paaty näjyëtu'un ja Wintsën y'ënä'äny: Puye'eytyu'utë yë'ëjëty, ets näjyëpëkëtë, ka'ap xytyontëty ja ëxëëkpë, ets miits nkupëktëty.

Lucas 1:6

Nimäjtskëty oy ijty yë Dios tmëtuntë, pyatuuntëp ja Wintsën ja y'ënä'ämën ets ka'ap tii poky tmëët'atë.

Proverbios 4:18

Yë nyë'ë tyu'ujëty yë wa'ats ja'aytyëjk jëtu'un yë'ë tä yë xëëw y'aantä'äkyën komjëpom ko jyopyëp'aty. Ni'ikyë y'aantä'äky ets winë tukjajëtyä'äy.

Proverbios 8:8

Tu'kë'ëyë yë n'aaw n'ayuk aakyë'ë mëti'ipë tëyajtënën. Ka'apës yë'ë nkäjpxy mëti'ipë ka'ap tyiyëtyën.

Daniel 6:4

Ja mëti'ipë anajx atëjkëtyëpën ets mëti'ipë yajkutujktëpën ojts ja winma'any t'ixta'atë wi'ix y'ëna'antëtyën ets tyajnipaxëtëkëja'antë ja Daniel ma yajkutukyën, ja Daniel wa'ats ja jyot wyinma'any ënety tmëëtëty paaty ka'ap tpatë ja pyoky; jëtu'un ka'ap yajni'ë'ënëy.

Filipenses 3:6

Mëkës ijty näjyawëty tii nmëpëky, yë'ëpaat ijty n'ëxëëk'ixyës ets n'ixjëtity npajëtiyës mëti'ipë ja Jesús myëpëjktëpën. Ka'ap ijty ëjts nyajmëyätyës ets pën ja Moisés ja y'ënä'ämën xytyukmëmëtya'akëtyës koos nkapatuny.

Apocalipsis 2:5

Paaty mëmay mëtaj ma të mka'ayën, ja'amyäts ja Dios ets xytyuntëty ja oypyë jatëkok ijxtëm më'ëka'anyën. Pën ka'ap, ninëjkxëp yë'ë ets njëpëka'anyës ja mcera ato'oyën ma y'ityën, e ko mjootwinpitëty ka'ap jëtu'un jyatëty.

Éxodo 34:35

Ko ja Israel ja'ayëty ijty t'ixtë ko ja Moisés atë'kxp ja wyiin jyëjp, ënät ja Moisés ënätyë nyätyukwinkupëkëty ja wit, koonëm jatëkok jap tyëkë ma ja Dios jap mëët myëtyä'äkyën.