Filipenses 2:14 - Biblia Dc en Mixe de Quetzaltepec

¹⁴ Tuntë winë yajxon ets ka'ap y'atsip y'a'äkëty,

Biblia Mixe de Quetzaltepec

¹⁴ Tuntë winë yajxon ets ka'ap y'atsip y'a'äkëty,

Filipenses 2:14 ပူးပေါင်းရင်းမြစ်များ

1 Pedro 4:9

Ëxajëtë nixim niyam ko pën jya'ajta'akëty ma ja mjëën mtëjkëtyën, ka'ap ok xynyikajpx xynyimëtya'aktëty.

1 Corintios 10:10

Ka'ap ja Dios yë'ë ntukjoot'anpëjkmëty, ijxtëm jënaakën y'ëtëtstën, tyukjoot'anpëjktë ja Dios ets ojts yaj'ookëtë ja tsajpjotmëtë kukäjpxy yajja'ay'o'kpë.

Filipenses 2:3

Këtii tii xytyuntëty atsip a'äkë ëkë tsipkyëjxm; yë'ë oy ko yujy tëtä'äky mja'ay'atëty ets ko mmëku'uk xymyëj'ixtëty ets xywinkutsë'ëkëtëty.

Santiago 5:9

Mëku'uktëjkëty, ka'ap mnämyëkajpx mnäpya'tkajpxëtëty, këtiipë ja Dios mtëytyunëtëty ets mpaye'eyëtëty, jä'ä ko ja Dios, ja tëytyuunpë paye'epyë, tim winkon jä'änë.

Romanos 12:18

Maapaat mëta'aktën, itë akujk jotkujk ma ja ja'ayëtyën.

1 Tesalonicenses 5:15

Näkyëwent'atëtë, këtii näjyëtu'un xytyuntëty winë ijxtëm mëti'ipë mmëtëkooyëtëpën. Aak oyëtypë mtuntëp, wintsë'ëkëtë mmëku'uk xim yam ets oypyënëty.

Santiago 1:20

Jä'ä ko ja ja'ay win'äkëpë, ka'ap yë'ë tuny mëti'ipë Dios tsyojkpyën.

Gálatas 5:26

Ka'ap amëj akëjxm nja'ay'ajtmëty, ka'ap pën nyajjoot'anpëjkmëty ets ka'ap tii nätyuk'ëxëëk ijxëmëty aak ëëts'ajtëmë.

Gálatas 5:15

Ko aak miitsëty kë'ëm mnäykyäy mnätsyu'utsëtë ijxtëm ja tënë'k nyätsyu'uts nyäwyëtsëtën winpity atëjy, kë'ëm nëjkx mnäyajkutëkoyëtë.

Santiago 3:14

E pën miitsëty je'eyë mnämyëtsip'atëtë, mnäyajjoot'anpëkëtë ets tsipkyëjxm winë xytyuntë; ko jëtu'un m'ëtë'ëtstëty tii mjanätyukmëjjawëtëp, ja tëyajtën ënety mkawinkutsëkëtyëp.

Romanos 14:1

Oyjyawëtë ja ja'ay mëti'ipë wäänë ja mëpëjkën myëët'ajtypyën ets këtii nëkoo mnäy'oj mnäya'axëtëty mëët.

Salmos 106:25

jap ma ënety y'itën tsyëënëtën ëxëëkjaty ja Dios jap tnikäjpxy tnimëtyaktë ets ka'ap tmëmëtoowtë mëti'ipë jayajtuk'ënä'ämtën.

Judas 1:16

Yë jëtu'unpë ja'ayëty, nitii tkatukjotkëta'aktë, je'eyë nëkoo nyä'ämtë, aak nänyi'ojë tii tpëjkta'aktë, yi'iyë tyukjotkëtaktëp mëti'ipë kë'ëm tsyojktëpën; amëj akëjxm tii tkajpxtë, je'eyë ja Dios nëkoo tukajpxpätë ets yajputëkëtëty.

1 Pedro 3:11

mëjëkäm'atë ja ëxëëkpë, wä'än ja oypyë tuny ets wä'än ja kijpxyajtën t'ixta'ay ets jä'ä jëtu'un pyanëjkxtëp.

Hebreos 12:14

Jotkujk itë mëët ja ja'ayëty oypyënëty ets wa'ats mjuuky'atëty. Pën ka'ap wa'ats jyuuky'äty, ka'ap ja Dios nëjkx t'ixy.

Romanos 16:17

Mëku'uktëjkëty, m'ixtëp mtuntëp ja ja'ay mëti'ipë tyuunk'ajtëpën ja näy'ëxëëk'ixë ets t'ixkukëtë ja tsip. Mëti'ipë jëtu'unpë tyuuntëpën, ka'ap yë'ë jyëtu'unëty ijxtëm ja ijxpëjkën mëti'ipë miits të xynyijawëtën. Nikë oy ko xywyinye'eytyu'utëty.

Hechos 15:2

Ënet ja Pablo ets ja Bernabé ojts tyajkäjpxykyojtë jëtu'unpë ja winma'any. Ok ja Pablo, Bernabé ets wiinkpë ja mëpëjkpëtëjkëty yajnikajpxpäjtë ets nyëjkxtëty jam Jerusalén ets tkajpx'oyëtëty mëët ja ijxpëjkpëtëjk ets ja mëjja'aytyëjkëty ja jampë yajpaatën.

Hechos 6:1

Näy jä'ä xëës jä'ä jëmëjt, ma ënety ni'ikyë nyimayëtën mëti'ipë myëpëjktëpën ja Jesús; ja ja'ayëty mëti'ipë ja griego ayuk kyajpxtëpën, ojts tukjoot'anpëktë ja myëku'ukëty mëti'ipë kyajpxtëpën ja hebreo ayuk ets y'ëna'antë ko ja ku'ooky tyo'oxytyëjkëty mëti'ipë griegë ja'ayëtyën ka'ap oy yajputëkëtë ma winë wyä'kxyën.

1 Tesalonicenses 5:13

Oy tsuj xytyukxoonta'aktëty ets xytsyoktëty yë tyuunk mëti'ipë tuuntëpën. Juuky'atë nixim niyam jotkujk.

2 Corintios 12:20

Tsë'këpës ko ënety nëjkx nku'ixëtë ets nkapaatëty ijxtëmës njatsokyën ets ko miits nëjkx mjamintë nän ka'apës xypyaatëty ijxtëm xyjyatsoktën. Tsë'këpës ko wä'änxyëp ënety miits jam xymyëët'atë ja tsip äkë, näkya'oy'ixë; ëkë pi'tskäjpxy pi'itsmëtyä'äky, xim yam myajpaatë, mnäy'ëxëëk'ijxëtëp, nixim niyam; mnanyi'oj mnanyiyaaxëtë ets je'eyë tii të xyajma'ta'atë.

Hechos 15:39

Ka'ap ojts oy nyäjyä'äkyukëtë paaty ja Pablo mëët ja Bernabé ojts ye'eywya'kxtë. Ja Bernabé ojts tpawoy ja Juan Marcos ets ojts nyëjkxtë Chipre kepy nëëwinye'epyëjoty,

Hechos 15:7

Tëë ënety jeky myëtya'aktë ko ja Pedro ojts wya'kukë ets y'ënëmaayëtë: Mëku'uktëjkëty, miits mnija'awëtëp koos ojts jekyëp ja Dios xywin'ixy etsës ja ja'ay ja oy aaw oy ayuk ntuk'ëwaanëtëty mëti'ipë ka'ap jyutiis'atën, yë'ëty ojts myëpëktë.

Marcos 14:5

Nikë tëë jeexyë të tyimyajtooky tëkëëk mëko'px xëëw nitunyën ets jeexyë ëyoopëja'aytyëjk yajtukputëkëtë. Ets ojts t'ojtë ja to'oxytyëjk.

Mateo 20:11

Ko t'ëxajëtyääytyë ja myëju'uny, tam mëti'ipë ojts ka'ap ja myëju'uny tukjotkëtä'äkyën, ja kukam yajnikajpxp,

Proverbios 13:10

Yë nämyëjjaw näjyääntyjyawë je'eyë nëkoo jëën tsip t'ixkukë. Yë wijyajtën jam yajpaaty ma ja'ayën mëti'ipë yu'unk naxym juukyajtpën.

Marcos 9:14

Ko wyimpijtë ma ënety jam ja ijxpëjkpëtëjkëtyën ënät t'ijxtë ko ja mayjyä'äy ënety të nyapikëtë ets ja tsajptëkotyëtë yaj'ijxpëjkpë jä'ä ënety jam mëët nyätyij nyäkyotëtë aawkëjxm ayukkëjxm.

Lucas 5:30

Tääts ja fariseë ja'ayëty ets ja tsajptëkotyëtë yaj'ijxpëjkpë ojts tuknëëmëtë ja y'ijxpëjkpëtëjk ets t'ënëmaaytyë: ¿Tii ko yë Jesús ets miitsëty xymyëëtkaytyë yë yajkukëpäjtpëtëjk ets pokyjä'äytyëjkëty?