Filipenses 2:13 - Biblia Dc en Mixe de Quetzaltepec

¹³ jä'ä ko Dios jëtu'un të tuknipëjktaakë ma mjot mwinma'anyëtyën ets xytyuntëty mëti'ipë yë'ë tsyojkpyën.

Biblia Mixe de Quetzaltepec

¹³ jä'ä ko Tios jëtu'un të tuknipëjktaakë ma mjot mwinma'anyëtyën ets xytyuntëty mëti'ipë yë'ë tsyojkpyën.

Filipenses 2:13 ပူးပေါင်းရင်းမြစ်များ

Hebreos 13:21

wa'an mmo'ojëtë ja wa'atsajtën ets tu'kë'ëyë mëti'ipë oyën ets xytyuntëty mëti'ipë tsyojkpyën mëët ja Jesukristë ja xyëëw. Yë'ë mëj'ajtën jaanty'ajtën jyä'ä'atëp xëmëkyëjxm. Oy jyëtu'un'atëty.

2 Corintios 3:5

Ka'ap kyë'ëmëty të ni''ijxpëjkëmë ets n'ëna'anmëty ko tii nmëët'ajtëmë, Dios yajktääpy tu'kë'ëyë winë mëti'ipë ntu'unëm nkajpxëmën.

2 Timoteo 1:9

Dios të xyajtsokëm ets të xywoowtso'owëm tääts npatmëty ja juukyajtën wa'atspë, ka'ap yë'ëkyëjxmëty ko tii oy ntu'unëm, yë'ë ko jëtu'un tëëyëp tuknipëjktaakë mëët ja Kristë Jesús.

Romanos 9:16

Paaty ka'ap ja Dios jä'ä twin'ixy ja ja'ay mëti'ipë oy tii tyuuntëpën, yë'ë wyinwijtsyp mëti'ipë kë'ëm pya'ëyoopyën.

1 Corintios 15:10

E ja Dios tëë ja myëj'ajtën tuny, paatyës të xykyupëky ets ja mëyajtën mëti'ipë të tunyën ka'ap ja nyatëkë'aty. Nikë tëëjës wäänëni'ik ntuny këtiinëm ja wiink ijxpëjkpëtëjkëty; je'eyëp ko ka'ap y'ëjtsëty kë'ëm, Tiosës të xypyutëkë mëët ja y'oyjyot y'oywyinma'any.

Juan 3:27

Ets ja Juan y'ënëmaayëtë: Ka'ap pën tii tmëëtëty pën ka'ap ja Dios të myo'oyë.

Efesios 1:11

Tiosës të xywin'ixy etsës ja kuma'ayën n'ëxajëty ko ja Kristë mëët n'ityës, jëtu'un ijxtëm të tuknipëjktaakën yë Dios mëti'ipë tu'kë'ëyë winë tyuunpyën ijxtëm tsokyën.

1 Corintios 12:6

Kanaakjëjp ja mëk'ajtën mëti'ipë ja'ay yajmooytyëpën, je'eyëp ko tu'ukyë ja Dios, mëti'ipë tyuunpyën winë ets mëti'ipë winë yäjkpyën.

2 Tesalonicenses 1:11

Jä'ä ko jyëtu'unëty, paaty ja Dios xëmë ntuknija'amyätsëtë, n'amëtow nmpëjktsowtës ets xytyuntëty xykyajpxtëty oypyë ijxtëm pyaat'atyën mëti'ipë Dios të wyinwitsëtën. Wä'än yë myëk'ajtën tyajkëxë'ëky oy ma miitsëtyën mëti'ipë mtsojkën'ajtëpën ets ma mtuunkëtyën ko mëpëktë.

Efesios 1:5

Tëë ënety tuknipëjktaakë ko ja Jesukristë mëët xy'u'unkniwa'ana'anëmë, jëtu'un ijxtëm ënety të tmëmay të tmëtajyën ko ja oyjyot oywyinma'any jëtu'un tmëëtëty.

Efesios 2:8

Dios të tuny ja mëyajtën ets të myajnitso'okëtë ko të mëpëktë. Ka'ap yë'ëkyëjxmëty ko miits oy tii të xytyuntë, Dios të tuny ja mëyajtën.

1 Reyes 8:58

Wä'än tyaj'oyë ja n'aaw'ajt njot'ajtëmë ets ntu'uye'eymyëty ma oypyë në'ë'aaw tu'u'aawën, tääts yi'iyë nmëma'ay nmëtajmëty ja y'ënä'ämën tyiyajtën, ja y'aaw y'ayuk ets tuunk mëti'ipë ojts tyajwë'ëmyën mëët ja nteety'ajt n'ap'ajtëmë.

Salmos 119:36

Mijts myajkutukëp etsës yë njot nwinma'any tsojkën'atëty yë m'ënä'ämën mtëyajtën ets këtii yë'ë ja wit meeny mëti'ipë ja win'ë'ënën mëët yajpaatyën.

Lucas 12:32

Këtii mtsë'ëkëtë, oy miits mja'itë ijxtëm niwäänëpë ja kupixynyën, ja Dios mëët ja y'oyjyot y'oywyinma'any tëë tuknipëjktaakë ko mo'oja'anëtë ja kyutujktakn.

Efesios 1:9

ets të xytyuk'ijxëm ja wyinma'any mëti'ipë ijty ka'ap yajnijawën wi'ix të tuknipëjktaakën tyajwintu'upëka'any mëët ja Kristë.

Juan 6:65

Ets jyaak'ënany: Paty miits nëëmëtë ko ka'ap tjëkyepy pën xynyiminëtyës pën ka'ap ja Dios Teety wyoowminyë.

Jeremias 32:38

Nëjkxëp yë'ë nkajpniwa'anyës etsës nëjkx xyTyios'atë.

Romanos 9:11

Naamka'anëm ënety myintë kyä'äxtë, ka'anëm ënety tii tuntë oy ka oy, ko ja Rebeca ja Dios y'ënëmaayë: Ja mëjpë myëtunëp ja mutskpë, näjyëtu'un ijxtëm ja Dios ja y'aaw y'ayuk kyëxja'ayëtyën: Ntsojkës ja Jacob, Esaú ka'ap. Jëtu'un ojts wyi'imy nijawë ko ja Dios myëët'ajtyp ja kuttujkën ets twin'ixëty mëti'ipë yë'ë tsyojkpyën, mëti'ipë yë'ë myëkajpxäämpyën oy ënety tii oy pën të tkatuny.

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Proverbios 21:1

Yë jyot wyinma'any yë yajkutujkpë, jëtu'un tyu'uye'ey tä tu'uk yë mëjnëëjën, jä'ä ko Wintsën kë'ëm yajtu'uye'epy ijxtëm tsokyën.

Esdras 1:1

Ma ja Ciro mëtu'uk jëmëjt ëka'any y'ëne'emyën, jampë yajkutukyën Persië, jää ojts ja Wintsën ja y'aaw y'ayuk y'atëy; mëti'ipë ja Jeremías ojts tnikäjpxyën, Wintsën ojts kë'ëm t'ënëëmë yë Ciro ets tkajpxwa'kxëty ja aaw ayuk kajpn apëtsëmy, mëti'ipë ënaanpën:

Esdras 7:27

Ënet ja Esdras tmëpëjktsooy ja Wintsën ets t'ënëmaay: Kënu'kxy mëjjawë mijts Wintsën teety m'ity mëj këjää, mëët ko të xy'atëk të xytyuktëkë ja yajkutujkpë ets tmëmay tmëtajëty ja mtsajptëjk jampë yajpaatyën Jerusalén,

Esdras 1:5

Ja kopktëjkëty, Judá ja'ayëty ets Benjamín ja'ayëty, ja teetytyëjkëty ets ja Leví ja'ayëty, mëti'ipë ja Wintsën të myëkajpxëtën, jotkujk ojts nyäyjyawëtë, ënät tuknipëjktakëtyë nyëjkxa'antë jam Jerusalén, ja Tsajptëjk kyoj'oyëjantëp, mëti'ipë ja Wintsën tyëjk'ajtypyën.

2 Crónicas 30:12

Wintsën kë'ëm yajkutujk ets ja ja'ay may tja'akyukëtëty ja aaw ayuk mëti'ipë ja yajkutujkpë ets ja kutuunktëjk nyi'ënä'ämëtën, mëti'ipë ja Wintsën ënety të tyuknipëkëtën.

Juan 6:45

Jëtu'un ja Dios ja kyäjpxynyajxpë y'ënantë: Ni'ëmukë ja Dios tyaj'ijxpëka'any. Paaty mëti'ipë myëtoow'ijtëpën ja Dios Teety ets tjatë mëti'ipë tuk'ijxpëjkëtëpën, ëjts xynyimiintëp.

Isaías 26:12

Wintsën, mijts ëëts xyaj'oy'ijtp, mijts mtëy'ajtën'ajtp; mijts myaj'apatëtyääpy mëti'ipës nmëmaay nmëtajtëpën ntuna'antë.

Salmos 141:4

Jëpëk jëtun yë ëxëëk jot ëxëëk winma'any maas ëjtsën; këtii xyajkutukëty etsës tëkatsy winë ntunëty nkajpxëty ëkë nyajpaatëtyës ma ëxëëkja'aytyëjk ye'eymyuk nyajxmuktën.

Nehemías 2:4

¿Tii mtsojkpy ntunëtyës mëët mijts? Ënätës ja Wintsën tsajpjotmëpë ja winma'any n'amëtooy etsës n'ëtsowëty ja yajtë'ëwën,

1 Pedro 1:3

Tsojk nmëjja'aw njaantyjya'awëm ja Dios, ja Wintsën Jesukristë Tyeety, ko të xypya'ëyo'owëmë ets ja nwinma'any'ajtëm të tyaj'ajämë mëët ko ja Jesukristë të jyuukpyiky. Jëtu'un ëëtsajtëm nija'awëmë ko nmëët'ajtëm ja juukyajtën.

Hechos 11:21

Mooyëtë ja Wintsën ja myëk'ajtën ets may ja ja'ay ja y'ëxëëk winma'any t'ëxmajtstë ets tmëpëjktë ja Wintsën.

Salmos 110:3

Yë mnaax mkajpn mëj'äämpy mpëjkta'aka'anyë jä'ä xëëw ma ënety ja mmëtsip xymyëmëtä'äkyën jam tsipjotm. Jëtu'un xëmë mnäjyawëtëty tä jeexyë m'ëna'kën winjëpom tä yë maanik kyä'äyën jopyëp jam tunkëjxm.

Job 33:29

Jëtu'un yë Dios tyajjuuky'äty yë naaxwiinyëtë ja'ay janaam jatsojk;

Lucas 2:14

Mëjjaw jaantyjawë ja Dios nyäxy tsajpjotmëpë, ets wä'än jotkujk ja naaxwiinyëtë ja'ay tyajpaatë mëti'ipë tyuk'oy'ajtëpën ko ja mëyajtën të tuny.

Romanos 12:3

Jä'äkyëjxm ko ja Dios ja mëyajtën të tuny ma ëjtsën, paaty miits nëëmëtë ko ka'ap je'eyë mnämyëmay mnämyëtajëtëty ets mnämyëjpëjkta'akëtëty. Yë'ë mëmay mëët'ajtëp wi'ix ja Dios të mmo'ojëtën ja wijyajtën kejyajtën mëët ja mëpëjkën.