Filipenses 2:12 - Biblia Dc en Mixe de Quetzaltepec

¹² Jëtu'un yam nëëmëtë mëku'uktëjkëty, ijxtëm xëmë të xymyëmëtowtënës, ka'ap jyääyëty koos të njam'aty ma miitsëtyën; mmëmëtoowtëkës tyam ni'ik maas jëkäm nyajpaatyën. Yajtsowpaatë mëët ja ko ëwaatsëtum myajpaatë,

Biblia Mixe de Quetzaltepec

¹² Jëtu'un yam nëëmëtë mëku'uktëjkëty, ijxtëm xëmë të xymyëmëtowtënës, ka'ap jyääyëty koos të njam'aty ma miitsëtyën; mmëmëtoowtëkës tyam ni'ik maas jëkäm nyajpaatyën. Yajtsowpaatë mëët ja ko ëwaatsëtum myajpaatë,

Filipenses 2:12 ပူးပေါင်းရင်းမြစ်များ

Esdras 10:3

Ëëtsëty tyamës nikajpxtë ko n'ëxmatsantëpës ja nto'oxytyëjkëty mëti'ipë ka'ap y'Israel ja'ayëtyën mëët ja y'u'unk y'ëna'këty, jëtu'un ijxtëm ja ënä'ämën tëyajtën jap myinyën mëti'ipë mijts mnija'apën, mëti'ipë Wintsën jyä'ä'ajtypyën.

Salmos 119:120

Tsëyuupyës yë njot nini'kx mijts mwintuuy mëët yë tsë'ëkë. Ëjts nwinkutsë'këpës yë m'ënä'ämën mtëyajtën.

Salmos 2:11

Ëwtatë ets wiinkoxtänëtë ja Wintsën mëët ja xoontakën ets ja wintsë'kën. Winta'ak naaxkowtë ma yë'ëjën mëët yë winkutsë'kën, këtiipë jyoot'anpëkëty ets këtiipë muum tu'u'aay m'ooktëty, jä'ä ko yë'ë pojën jyoot'anpëky. Jotkujk ets xoontä'äky yë ja'ay yajpaaty mëti'ipë y'ixtääpyën yë näkyëwent'atë ma yë'ëjën.

Proverbios 10:16

Yë oyjyä'äy, yë'ë kyuma'ayën'ajtyp yë juukyajtën; yë ëxëëk ja'ay, yë'ë kyuma'ayën'ajtyp yë poky.

Proverbios 13:4

Yë nuux mëti'ipë jyatsojkën'ajtypyën ka'ap tpaaty. Mëti'ipë ja'ay tuunp ye'epyën, yajxon nyäyajjotkujktä'äkyë.

Isaías 66:2

Ëjts ojts winë nyajkojta'ayës, ets jëtu'un ojts tsyo'onë'ëky tsyo'ontä'äky. Ëjts, Wintsën, ëjts ënaanp.

Isaías 66:5

Mëtoow'itë ja Wintsën ja y'aaw y'ayuk, miitsëty ninu'un xymyëj'ix xymyëjpëjkta'aktën ja y'aaw y'ayuk. Tä naakën mjëëky mmëku'ukëty mëti'ipë mwiink'ijxëtëpën, mëti'ipë m'ixjëtijt mpajëtijtëtëpën ko xykyajpxpaatë yë nxëëwës ets y'ëna'antë: Wä'än yë Wintsën tyaj'ixyë yë myëj'ajt y'oyajtën; n'ixantëpës. Je'eyëp ko yë'ëjëty nëxi'iky tukxi'iky wyë'ëma'antë.

Mateo 11:12

Ma jyuuky'ätyën yë Juan Yajnëëpäjtpë ets tyampaat, yë tsajpjotmëpë kuttujkën mëk tsyippaaty. Mëti'ipë kumëjaaw näjya'awëyëtëpën ëxëëk tjanty ixtë ets tyim yajkutëkoyantëp.

Mateo 11:29

Kupëktë ëjts ja n'ijxpëjkën ets jatë ëjts ja ntu'unën, mä'kxtujkpës, ets yujy tëtä'äkyës ja nwinma'any, jëtu'unts xypyaatëty ja po'kxën.

Hechos 16:29

Ojts ja pujxntëjk këwent'ajtpë t'amëtoy ja kutë'kxn, ets tyëjkëy tsëyuuypyë pujxn tëkoty ets nyäkyoxtënaaytyakë Pablo ets Silas wyintuuy.

Hechos 9:6

Ets ja Saulo tsyëyuuypyijky ets y'ënäny: ¿Tii mtsojkpy etsës ntunëty? Ënet ja Wintsën y'ënëmaayë: Pëtë'ëk ets nëjkx kajpnjotm. Jamts myajtuk'ëwaanëty mëti'ipë mtunëpën.

Romanos 2:7

Myo'ojäämpy ja juukyajtën xëmëkyëjxmëpë mëti'ipë y'ijxtaaytyëpën ja mëj'ajt oyajtën, xoontakën ets ka'apë kyixy nyäxyën, ets të tuntë xëmë ja oypyë;

1 Corintios 15:58

Paaty, mëku'uktëjkëty mëti'ipës ni'ik ntsojktëpën, tu'ukyë ja mwinma'any xyaj'itëty; tuun'ëtë'ëtstë mëti'ipë ja Wintsën tsyojkpyën; jä'ä ko mnija'awëtëp miits ko ka'ap nyama'ata'any ja tuunk mëti'ipë mtuuntëpën mëët ja Wintsën.

1 Corintios 2:3

Yaj'ayow yaj'ama'at jam nmiinyës ma miitsëtyën ets tsë'ëkë tsë'ëkë.

1 Corintios 4:14

Ka'ap miits ya'atë yë'ëkyëjxm ntuknijayëtë ets mtsëtyuntëty, nkajpxwijtëp jëtu'un, ijxtëmës nkë'ëm u'unkën jä'ä ko ntsojktëp miitsëty.

2 Corintios 7:15

Ets Tito mtsojkëtëp tyam wäänëni'ik ko tja'amyetsy ko miits xymyëmëtowtë ets ko mëët ja wintsë'kën ojts xykyupëktë.

Efesios 6:5

Miits mëtuunpëtëjkëty nitookpyë, mëtoow'itë yë mwintsënëty naaxwiinypë. Mëtuntë mëët yë wintsë'kën ets tëyajtën ijxtëm jeexyë xymyëmëtuntën ja Kristë.

Filipenses 1:27

Wä'än t'ixy tii tuunëp jajtëp, juuky'atë miits ijxtëm y'ënä'änyën ja oy aaw oy ayuk ma Kristë yajnimëtyä'äkyën. Oy miits nninëjkxtëty ëkë nkaninëjkxtëty, nijawëpës ko tu'ukyë m'itë ets tu'ukyë ja mwinma'any yajpaatë ets xytyuntë wi'ix ja ja'ay oy tmëpëktëtyën ja oy aaw oy ayuk,

Filipenses 1:29

Kristë mëët ja Dios të tuny ja mëyajtën ka'ap yi'iyëty ko xymyëpëktë ja Kristë, näjyëtu'un ko Kristëkyëjxm xymyënax xyajnaxtëty ja ëyo'on jotmay.

Filipenses 1:5

jä'ä ko tu'knax të ntu'unëmë ets myëjwiin kyëjääjëty ja aaw ayuk oypyë, tyimtso'ontäky ko ojts mmëpëktë ets tyampaat.

Filipenses 1:6

Njëjp'ijxypës ko ja oypyë tuunk mëti'ipë ja Dios yajtso'ontakën ma miitsëtyën, yë'ë oy yajtu'uye'eyäämpy koonëm ja Jesukristë wyimpitëty.

Filipenses 2:19

Pën ënaanp ja Wintsën Jesús, nkäxëpës ja Timoteo ets nëjkx mku'ixëtë, etsës njotkujk'atëty ko tmëminëty ja aaw ayuk wi'ix ënety miits myajpaatën.

Filipenses 4:1

Paaty, mëku'uktëjkëty, mëti'ipës njatsojkpyën yë'ë ets jeexyë nëjkx nku'ixëtë; miitsëty mëk n'oyjawëtë ets ntukxoontaktëp; jëtu'un njawëtë ijxtëm tu'uk ja kuma'ayënën. Itë jëtu'un mëk ma ja Wintsën xymyëpëktën.

Filipenses 4:15

Mnija'awëtëp miits, Filipo ja'ayëty, koos ntso'ony jam Macedonia, ko ënety miits tëë ëka'any xynyijawëtë ja aaw ayuk oypyë. Ka'apës pën wiinkëtypë mëpëjkpëtëjk xymyooytyë ja putëjkën, miitsës ojts xymyo'otë.

1 Tesalonicenses 1:3

Xëmës miits nja'amyätstë nTeety'ajtëm Dios nmëpëjktsoy ko mtuntë mëët ja mëpëjkën ets ko xyjyëjp'ixtë ja Wintsën Jesukristë ets ko të mputëkëtë ets xymyënax xyajnaxtë amëk jotmëk ja ëyo'on jotmay.

2 Timoteo 2:10

Paatyës nkupëky akujk jotkujk oymyëti'ipë ëyo'onëty ets tpaatëty ja nitsokën ets ja Jesukristë ja y'oyajtën mëti'ipë ja Dios të wyinwitsëtën.

Hebreos 12:1

Paaty, ko të nnija'awëmë ko may ja ja'ay na'ëwtity yajpaatë mëti'ipë të myëpëktën, tsojk n'ëxmajtsëm tu'kë'ëyë mëti'ipë ëxëëktuunpën, ets ja poky mëti'ipë yajwinma'anyjyo'pën ets ntu'unmëty mëti'ipë ja Dios tsyojkpyën, ijxtëm ja ja'ay myëjaaw t'ixyën mëti'ipë pëyë'kijpxtëpën.

Hebreos 4:1

Paatykyëjxm ma tyam njaakyajpatëmën ets ntëjkëmëty ma Dios ja pyo'kxtaknën, mëpaat näkyëwent'ajtëmë këtiipë pën wyë'ëmëty.

Hebreos 4:11

Tsojk njotmay'ajtëm ets ntëjkëmëty ma ya'atë po'kxtaknën këtiipë ja jëtu'unpë ja winma'any npanëjkxmëty ijxtëm y'ëtëtstën mëti'ipë ka'ap tmëpëjktën ja Dios.

Hebreos 5:9

Ets ko ojts tyaj'apaatë ja tyuunk, ënät ojts nyäxy yajnitsokpë xëmëkyëjxm ma ja mëti'ipë mëmëtoowëpën,

1 Pedro 2:11

Mëku'uktëjkëty jëtu'un yam miits nmënu'kxta'aktë tääjës jeexyë ëjts njaaypyo'kxyjyä'äyëtyën tëyëpë nyäxyën yaa naaxwiiny; ko ka'ap xyajmëta'aktëty ja yääyëpë naaxwiiny yajxoontä'äkyën mëti'ipë ja n'anëmë'ajtëm ka'ap tkupëkyën.

2 Pedro 3:18

Yë'ë ni'ik nijawëtë ja Wintsën, ja yajnitsokpë Jesukristë, ets wäänëni'ik yääktë pätë ma ja tsojkën ja'awën. Nmëjja'aw nkënu'kxyjya'awëm tyam ets xëmëkyëjxm. Jëtu'un y'itëty.