Filipenses 2:11 - Biblia Dc en Mixe de Quetzaltepec

¹¹ ets ni'ëmukë tkajpxpaatëty ko Jesukristë, yë'ë Wintsën. Dios myëj'ajtën jyääntyajtën oypyë.

Biblia Mixe de Quetzaltepec

¹¹ ets ni'ëmukë tkajpxpaatëty ko Jesukristë, yë'ë Wintsën. Tios myëj'ajtën jyääntyajtën oypyë.

Filipenses 2:11 ပူးပေါင်းရင်းမြစ်များ

1 Juan 4:15

Pën nyikäjpxyp ko ja Jesús Dios y'U'unk'atyë, yë'ë mëët ja Dios jyuuky'äty ets Dios jam yajpaaty ma yë'ëjën.

Romanos 14:11

Jä'ä ko jëtu'un ja Dios ja y'aaw y'ayuk kyëxja'ayëty: Jëtu'un ja Wintsën y'ënä'äny: Ijxtëm tyiyëtyën koos njuuky'äty, ni'ëmukë ja naaxwiinyëtë ja'ay xywyinkoxtänëtyës, ni'ëmukë ja ja'ay y'ëna'antëty koos nTiosëty.

Juan 13:13

Miitsëty jä'äs xytyijtë Yaj'ijxpëjkpë ets Wintsën ets tëy jëtu'un m'ëna'antë, yë'ëjës jëtu'unpë ntuunk'ajtyp.

1 Juan 4:2

Yë'ë miits mtuknijawëtëp pën myëët'ajtyp ja Dios ja kyënu'kxymyëk'ajtën; mëti'ipë myëpëjkpyën ko Jesukristë të myiny yaa naaxwiiny tä ja'ayën.

Romanos 14:9

Paaty ja Kristë y'o'ky ets jyuukpyijky jatëkok, jëtu'unts tniwintsën'atëty mëti'ipë juukyëtyën ets mëti'ipë ookyëtyën.

1 Corintios 12:3

Paaty miits tyam ntuk'ëwaanëtë ko pën y'ëna'anëty: Kajpxpoky ja Jesús y'ity, ka'ap ënety ja Dios yë'ëjëty ja Jya'awënëty yajkäjpxyë ets näjyëtu'un ka'ap pën y'ëna'anëty: Jesús yë'ë Wintsën, pën ka'ap ja Dios yëë ja myëjaaw myëk'ajtën yajkäjpxyë.

Juan 14:13

Ets tu'kë'ëyë mëti'ipë miits m'amëtoowtëpën ëjts nxëëwkyëjxmës, ntunäämpyës, ets mëët ja Dios U'unk yaj'ixëty ja Dios Teety ja myëj'ajt jyääntyajtën.

1 Pedro 1:21

Mëët yë'ë ko yë Kristë të xymyëpëktë paaty ja Dios näjyëtu'un xymyëpëktë, mëti'ipë të tyajjuukpyikyën ja Kristë jatëkok ets të tmëjjaw të tjaantyjyawë, jëtu'unts të xypyëjkta'aktë ja mjot mwinma'anyëty ma Tiosën ets xy'a'ix xyjyëjp'ixtë.

1 Corintios 8:6

Mëët ëëts'ajtëmë, tu'ukyë je'eyë ja Dios, ja Dios Teety yë'ë winë të tyajtso'ontakta'ay ets yë'ë ëëts nnijuuky'ajtëmë. Näy tu'ukyë ja Wintsën Jesukristë, paaty tu'kë'ëyë winë jää yajpata'ay näjyëtu'un ëëts'ajtëmë.

Apocalipsis 3:5

Pën mëtaktëp, näjyëtu'un poop witxë y'ita'antë ets ka'apës ja xyëëw nyajtëkoyanëtë jap nokyjoty mëti'ipë ja juukyajtën myë'ijtypyën, ni'ikyës nkajpxkëxë'ëka'antë maajës yë nTeetyën ets ma ja anklëstëjkëtyën.

Mateo 10:32

Pën xynyikajpxpës ma ja'ayën, näjyëtu'unës nikajpxa'any maas ja nTeetyën tsajpjotmëpë.

Hechos 10:36

Dios ojts tmëkäjpxy ja Israel ja'ay ja y'u'unk y'okëty, tuk'ëwaanë ja jotkujk'ajtën mëët ja Jesukristë, ko yë'ë nyiwintsën'ajtääpy winë.

Hechos 2:36

Wä'än ja Israel ja'ay nija'awëtya'atë ko tyiyëty jyääntyëty ko ja Jesukristë, mëti'ipë miits myajkruutspäjtën, tëë ja Dios tpëjktä'äky Wintsën ets Kristë.

Juan 9:22

Jëtu'un ja tyaak tyeety ojts y'ëna'antë jä'ä ko tsyë'ëkëtë, tëë ënety ja jutiis ja'ayëty tkäjpxy'atë ko ka'ap tkupëka'antë jap tsajptëkoty tu'kë'ëyë mëti'ipë ënantëpën ko Jesús yë'ë Kristë.

Juan 5:23

e ja Dios U'unk näjyëtu'un yajwintsë'ëkëty ijxtëm ja Dios Teetyën. Pën ka'ap twintsë'ëkë ja Dios U'unk, nän ka'ap twintsë'ëkë ja Dios Teety mëti'ipë kyejxypyën ja Dios U'unk.

Salmos 110:1

Jëtu'un yë Wintsën t'ënëmaay yë nWintsënës: Yaatsow u'unyë maas yë n'a'oykyë'ëjën, yaa jëtu'un m'u'unyëty koonëm yë mmëtsiptëjk xymyëmëtakta'ajëty.

2 Juan 1:7

May ja win'ë'ëmpë yaa naaxwiiny mëti'ipë ënantëpën ko ja Jesukristë ka'ap myiiny tä ja'ayën. Pën jëtu'un ënantëpën, win'ë'ëmpë jä'äjëty ets myëtsip'ajtëp ja Kristë.

1 Corintios 15:47

Ja jëwyiinpë ja ye'etyëjk mëti'ipë ojts yajtuk'oytyunyën ja naax, naaxwiinyëtë ja'ay jä'ä; e ja mëmäjtskpë, tsajpjotmëpë jä'ä.

Romanos 15:9

Näyjyëtu'un ojts tniminy mëti'ipë ka'ap jyutiisëty ets tmëjjaw tjaantyjawëtëty ja Dios ko tëë pya'ëyowëtë, ijxtëm ja Dios ja y'aaw y'ayuk kyëxja'ayëtyën: Paaty mijts nmëjjaw njaantyjyawë ma ja ja'ayëtyën mëti'ipë ka'ap jyutiis'atën etsës nkuuy'ëwëty ja mxëëw.

Juan 20:28

Ënet ja Tomás y'ëtsooy: Mijts nteety'äjtyp, mijts nTios'ajtyp.

Juan 17:1

Ko ja Jesús jëtu'un y'ënaantaay ënät jam tsajpkëjxm pya'at'ijxy ets ja Dios nja'amyejtsy: Dios Teety, tëë ja xëëw jëmëjt tpatnë, mëjjaw jaantyjawë ja m'U'unk ets näjyëtu'un nmëjjaw njaantyjawëtëty.

Juan 12:42

Ënet may ja jutiis ja'ayëty ojts tmëpëktë ja Jesús, wintsëntëjkpaat tmëpëjktë. Je'eyëp ko ka'ap tnikajpxtë nikëxë'ëky, jä'ä ko tsyë'këtëp ja fariseë ja'ayëty këtiipë y'ixkäxëtëty jap tsajptëkoty.

Lucas 2:11

Tëë tyam myëxu'unk'aty jam David kyajpnjotm ja Yajnitsokpë, yë'ë ja Kristë, ja Wintsën.

Jeremias 23:6

Ko ënety yë'ë y'ëne'emy, yë Judá ja'ayëty jotkujk nëjkx yajpaatë ets Jerusalén ja'ayëty ka'ap nëjkx tii jotmay tpaatë. Jä'ä nëjkx tijtë ja Wintsën: Yë Wintsën yë'ë xyajmëtakëm.

Salmos 18:49

Paaty nmëjpëjktä'äky ma ja naax kajpnën ets nkuuy'iyës ja mxëëw.

Juan 14:23

Tä ja Jesús y'ëtsoowë: Pën xytsyojkpës, myëjpëjktäkpy ja n'aaw n'ayukës; ets tsokanëp ja nTeetyës, ets nTeetyës mëët nmina'anyës etsës nyajpaata'antë mëët yë'ë.

Juan 13:14

Pën ëjts Yaj'ijxpëjkpë ets Wintsën tëë ja mteky mpujëmë, näjyëtu'un miits mpaat'atëtë ets mnäyajtekpyujëtëty nixim niyam.