Filipenses 2:1 - Biblia Dc en Mixe de Quetzaltepec

¹ Pën tëë mmo'ojëtë ja Kristë ja mëk'ajtën ets ja mjëëky mmëku'uk xyjyotmëkwinkajpxëtëty, xyajjotmëkta'aktëty, ets tu'ukyë ja winma'any xymyëët'atë ets xypya'ëyowtëty ja ja'ay,

Biblia Mixe de Quetzaltepec

¹ Pën tëë mmo'ojëtë ja Kristë ja mëk'ajtën ets ja mjëëky mmëku'uk xyjyotmëkwinkajpxëtëty, xyajjotmëkta'aktëty, ets tu'ukyë ja winma'any xymyëët'atë ets xypya'ëyowtëty ja ja'ay,

Filipenses 2:1 ပူးပေါင်းရင်းမြစ်များ

Colosenses 3:12

Mëk miits yë Dios mtsokëtë ets tëë mwin'ixëtë ets jam myajpaatëty ma ja kënu'kxypyë nyaax kyajpnën. Tuk'itëtë ja pa'ëyo'owën, oyjä'äyajtën, yujyajtën, tëtä'äkyajtën, nätsyokë ets ja mä'kxtujkën.

1 Juan 4:12

Dios, ka'ap pën të y'ëk'ijxëpë. Pën nätsyojkëm ëëtsajtëm nixim niyam, yë'ë xëmë yajpaata'any ma ëëtsajtëmën ets ja tsojkën ja'awën mëtëy tyaj'awinpita'any ma ëëtsajtëmën.

2 Corintios 13:14

Ja myëj'ajt y'oyajtën ja nwintsën'ajtëm Jesukristë, ja Dios ja tsyojkën jya'awën ets ja Kënu'kxypyë ja Mëk'ajtën wä'än tyajpaaty ma miitsëtyën ni'ëmukë.

Colosenses 2:2

Paatyës jëtu'un ntuny jä'äkyëjxm koos ntsoky ets ni'ëmukë mjotmëkta'aktëty ets m'itëty tu'ukyë mëët ja nitsokën ets xymyëët'atëty kä'pxy ja wijyajtën kejyajtën, jëtu'unts xyjyä'äkyukëtëty xymyëtoowkukëtëty ja Dios ja jyä'ä mëti'ipë ijty kayajnija'apën, yë'ë jëtu'un ja Kristë.

1 Corintios 12:13

Yë'ëkyëjxm ko tëë ni'ëmukë nnëëpäjtëmë mëët ja Kënu'kxymyëkajtën paaty tu'ukyë nyajpatëmë ijxtëm ja ni'kx kopkën tu'ukyëpë, wä'än tjutiis ja'ayëty ëkë wä'än tkajutiis ja'ayëty, wä'än tmëtuunpëty ëkë tkamëtuunpëty.

Salmos 133:1

Ëk'ixtë wi'ixpëm jyänty oyëty ko jëëky mëku'uk tu'kmukyë yajpaatë.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Gálatas 4:6

Paaty ojts tkexy ja y'u'unk myääy ma ja n'aaw'ajt njot'ajtëmën ets tyaj'ijxë ko xy'u'unk'ajtëmë, jëtu'unts ja Jya'awën xyaj'ëna'anëmë: Abbá. Tatë

Hechos 4:32

Ja mayjyä'äy mëti'ipë myëpëjktën ja Jesús, tu'ukyë ijty ja jyot wyinma'any tyaj'itë; ni pën ja pyëjktä'äky tkajä'äpëjktä'äky nätyu'uk, aak tu'knax tyajtuntë.

1 Juan 3:24

Pën ja y'ënä'ämën pyatuunëp, yë'ë ënety ja Dios mëët tu'ukyë y'ity. Ja Kënu'kxymyëkajtën mëti'ipë të xymyo'oyëmën, yë'ë xytyuknija'awëm ko yë'ë mëët tu'ukyë nyajpatëmë.

Juan 17:13

Tyamtsës nnëjkxy ma mijtsën; e paatyës jëtu'un n'ëna'any jä'ä ko jaaktyaanëmës njaakyajpaaty naaxwiiny, ets ëmuumtu'ukjot xyoonta'aktëty ijxtëmës ëjts nxoontä'äkyën.

1 Juan 4:16

Jëtu'un të nnija'awëm ets të nmëpëjkëmë ko ja Dios xytsyojkëm. Dios, tsojkp ja'ap yë'ë, pën ja tsojkën myëët'ajtyp, Dios mëët yajpaaty ets Dios jam yajpatp ma yë'ëjën.

Filipenses 3:3

jä'ä ko ëëtsajtëm jëtu'un nxëëwajtëm mëti'ipë ja ye'etyëjkajtën të yajnatsujk'ëwtityën, mëti'ipë y'ëwtajtëpën ja Dios mëët ja Kënu'kxymyëkajtën, ets yë'ë nätyukmëjja'awëm ja Kristë Jesús, ka'ap yë'ëjëty nätyukmëjja'awëm ja nëkëjxypyë.

1 Corintios 3:16

¿Këtii xynyijawëtë ko miitsëty, jëtu'un yë Dios myajnaxëtë ijxtëm tu'uk yë tsajptëjkënë ets ko ja Kënu'kxymyëkajtën yë'ë jap tsënääpy ma miitsëtyënë?

Romanos 8:26

Jëtu'un ja Kënu'kxymyëkajtën xypyutëjkëmë ma tii ntsipja'awëmën. Jä'äkyëjxm ko nkajajtëm wi'ix ja Dios nja'amyäjtsmëtyën ijxtëm pyaat'atyën, yë Kënu'kxymyëkajtën ëëts xykyunu'kxtakëm ma ja Tiosën, jä'ä ko ka'ap ja aaw ayuk yajpaaty wi'ix yajkajpxpëtsëmëtyën.

Romanos 5:5

Ya'atë mëpëjkën ka'ap maa tëkatsy xyajwë'ëmëty, jä'ä ko yë Dios tëë xymyo'oyëm ja tsyojkën jya'awën ma njoot'ajt nwinma'any'ajtëmën mëët ja kënu'kxymyëk'ajtën.

Hechos 2:46

Jëpom jëpom ijty nyiye'eypyätë ma ja tsajptëjkën ets ma ja tyëjkëtyën ets ja tsajpkääky tujkwa'kxtë ets ijty xoontä'äky kyäytyë y'uuktë yujy tëtä'äky.

1 Pedro 1:2

mëti'ipëjaty ja Dios Teety ojts wyinwitsëtën tëëyëp ijxtëm yë'ë të tuknipëjktaakën. Ja Dios ja myëk'ajtën miits të mwinma'anymyo'ojëtë ets xymyëmëtowtëty ja Jesukristë ets wa'ats mwë'ëmtëty mëët ja nye'pyny. Wä'än ja Dios ni'ik mmo'ojëtë ja kënu'kxën ets ja jotkujk'ajtën.

Hebreos 6:18

Ya'atë mäjtskpëkpyë mëti'ipë ka'ap tyëkatsyën ets ka'ap tjëkyepyën yë Dios wyin'ëënëty, paaty të n'ëxajëm ja jotkujk'ajtën, ko të n'ixta'ayëm ja Dios myajts'ijtën ets të ntukjotkujk'ajtëm ja ëwxijt mä'kxtujkën mëti'ipë të xymyo'oyëmën.

Filipenses 1:8

Dios nyija'ap ko miits mëk nja'ixa'antë mëët ja Wintsën Jesukristë ja tsyojkën jya'awën.

Efesios 4:4

Tu'ukyë ëëts'ajtëmë nyajpatëmë ijxtëm ja ni'kx kopkën ets tu'ukyë ja Kënu'kxymyëkajtën yajpaaty, jëtu'un ijxtëm ja Dios të xytyukwinwa'anëmën tu'ukyë ja mëti'ipë yajjëjp'ijxpën.

2 Corintios 2:14

Nkukajpxëpës ja Dios ko xëmë xyajmëtakëmë mëët ja Kristë ja xyëëw, ets yajnijawë ja y'aaw y'ayuk ko ëëtsajtëm nkajpxwa'kxëmë, mëti'ipë ye'eywya'kxpën ijxtëm ja pa'akxu'kpë nëëjën.

1 Corintios 15:31

Tëy miits nëëmëtë mëku'uktëjkëty, koos janaam jatsojkës n'ity o'kënjëjp'am ets tëyës n'ëna'any ko yë'ëjës ntukjotkujk'ajtyp ko miits ja Kristë të xymyëpëktë.

Juan 14:27

Tyam ntukmëwë'ëmtë ja jotkujk'ajtën. Nmooytyëp miits ja jotkujk'ajtën, je'eyëp ko ka'ap yë'ëjëty jëtu'unpë mëti'ipë yajktëpën yë naaxwiinyëtë ja'ay. Këtii mmaytyëty mtajtëty ets këtii mtsë'ëkëtëty.

Juan 14:18

Ka'ap miits ku'ooky u'unkën nyajwë'ëma'antë; winpitaanpës jatëkok ets miits mëët nyajpaata'anyës.

Lucas 2:25

Jam ënety tu'uk ja ja'ay tsyëënë Jerusalén, Simeónk'ajtp. Oy ets wa'ats jyuuky'äty ma Tiosën, wyintsë'këp ja Dios ets y'owëxijtyp jëna'a ja Israel ja'ay nyitso'oka'antën. Ja Simeón myëët'ajtyp ijty ja Kënu'kxymyëkajtën,

Isaías 16:11

Jëtu'unës yë njot nwinma'any tsyëtyuy tä tu'uk yë kow y'ënaankëtä'äkyën mëët ko ja Moab ets ja Quir-haréset o'ktëy jyatë kyëpätë.