Filipenses 1:7 - Biblia Dc en Mixe de Quetzaltepec

⁷ Jëtu'un pyaat'atyë ko miits nmëmay nmëtajtëty, jä'ä ko mëk miits n'oyjyawëtë ets jä'ä ko nän mëët miits n'itë ma ja Dios ja kyënu'kxënën, oyës tsumy matsy nyajpaaty ëkë oyës ja kutuunktëjk nwinkuwa'akëty, ja oy aaw oy ayuk jootjoty nwinma'anyjyotyës yajpaaty.

Biblia Mixe de Quetzaltepec

⁷ Jëtu'un pyaat'atyë ko miits nmëmay nmëtajtëty, jä'ä ko mëk miits n'oyjyawëtë ets jä'ä ko nän mëët miits n'itë ma ja Tios ja kyënu'kxënën, oyës tsumy matsy nyajpaaty ëkë oyës ja kutuunktëjk nwinkuwa'akëty, ja oy aaw oy ayuk jootjoty nwinma'anyjyotyës yajpaaty.

Filipenses 1:7 ပူးပေါင်းရင်းမြစ်များ

Hechos 20:23

Yi'iyës nija'ap, ko oymyaajëty ntimnyijkxyës, jëtu'unës ja Kënu'kxymyëkajtën xy'ënëëmë ko ja pujxntëjk ets ja ëyo'on jotmayës jam xyjyëjp'ijxp.

Hechos 21:33

Ënet ja mëj tsiptuunpë wintsën tmajtsy ja Pablo ets tni'ënä'ämëy ets yajkë'ëtsumëty mëët mäjtsk ja pujxntejpxy. Ok tyajtëy pën ja'ay ets tii të tuuntëkoy.

1 Corintios 13:7

Ko yajmëëtëty ja oyjyot oywyinma'any, yajku'ëyo'owëp winë, nmëpëjkmëp tu'kë'ëyë, njëjp'ijxmëp tu'kë'ëyë ets nmëtënä'ämyëp tu'kë'ëyë winë.

1 Corintios 9:23

Paatyës ya'atë jëtu'un ntuny koos ja aaw ayuk oypyë nkajpxwä'kxy, etsës ëjts näjyëtu'un npaatyës ja kënu'kxën.

2 Corintios 3:2

Miits jëtu'un mnajxtëp ijxtëm ja noky tsyä'äyën mëti'ipës nyajmëyajtëpën: këxja'aypyë y'ityën ma ja jot winma'anyën, mëti'ipë ni'ëmukë y'ixy'ajtëpën ets jyëkyejpy tkajpxtëty.

2 Corintios 7:3

Ka'apës yë'ëkyëjxm jëtu'un n'ëna'any ko miits ni'ojëtë, miits të nëëmëtë ko tyam n'aaw'at njot'atë ets tu'ukyë njuuky'ajtmëty ets tu'ukyë n'o'kmëty.

Gálatas 5:6

Ko tu'ukyë nyajpatëmë mëët ja Kristë Jesús, ka'ap tii y'ëktsow'ajnë ko ja'ay yajnatsujk'ëwtity ja ye'etyëjkajtën ëkë ko ka'ap. Yi'iyë tuunëp ko nyajnikëxë'kmëty ja mëpëjkën ets ko nmëku'uk'ajtëm n'oyjya'awëmëty.

Efesios 3:1

Paatyës, ëjts Pablo, yap tsumy n'ity mëët yë'ëkyëjxm koos ja Kristë nmëtuny ets miits xytyuk'oy'attëty mëti'ipë ka'ap jyutiis'atën.

Efesios 4:1

Paaty ëjts, maas yap tsumy n'ityën koos yë Wintsën Jesukristë tmëpëky, tyam miits nmënu'kxta'aktë ets jëtu'un mjuuky'attëty ijxtëm ja ja'ayëtyën mëti'ipë ja Dios të myëkajpxëtën, ijxtëm miitsëty ojts mjuuky'atën.

Efesios 6:20

Tëës ja Dios xykyexy etsës yë aaw ayuk oypyë nkajpxwa'kxëty, mëti'ipës të nkutsumtsyëënën. Ja'amyätstë ja Dios etsës amëk jotmëk nikajpx nnimëtya'akëty, ijxtëm pyäätyën.

Filipenses 1:12

Mëku'uktëjkëty, ntsojkpyës ets xynyijawëtëty ko mëti'ipës të xyäty të xykyëpetyën yë'ëkyëjxm të jyëtu'un'aty ets myëjtëkëty ja oy aaw oy ayuk.

Filipenses 1:13

Koos yap jëtu'un tsumy n'ity tëë tyuny etsës nikajpx nimëtya'akëty ja Kristë mayjä'äyjoty ets näjyëtu'un ma ja kutuunktëjkëtyën ets ma oy pyënëtyën.

Filipenses 1:14

Ets ko të t'ixtë ko jap tsumy n'ityës, may ja nmëku'uk'ajtëmë të jyotmëkta'aktë ets të nimëtya'aktëty ja oy aaw oy ayuk amëk jotmëk ets yi'iyë tu'ukyë tyuk'ijxpäjtëp ja Wintsën.

Filipenses 1:5

jä'ä ko tu'knax të ntu'unëmë ets myëjwiin kyëjääjëty ja aaw ayuk oypyë, tyimtso'ontäky ko ojts mmëpëktë ets tyampaat.

Filipenses 2:22

E tëë xynyijawëtë wi'ix ja Timoteo oytyunyën ets wi'ixës ja Dios ja y'aaw y'ayuk oy mëët të nkajpxwä'kxyën; jëtu'un të xypyutëkë ijxtëmës jeexyë yë'ë nmaankëtyën.

Filipenses 4:14

Oy jyajëtu'unëty, miitsëty tëë oy mwinma'anypyaatë ko të xypyutëkëtës ma amaayjoty jotmayjoty të nyajpaatyënës.

Filipenses 4:15

Mnija'awëtëp miits, Filipo ja'ayëty, koos ntso'ony jam Macedonia, ko ënety miits tëë ëka'any xynyijawëtë ja aaw ayuk oypyë. Ka'apës pën wiinkëtypë mëpëjkpëtëjk xymyooytyë ja putëjkën, miitsës ojts xymyo'otë.

Filipenses 4:3

Ets mijts mëku'uk, mëti'ipës oy të xypyutëkën ma ja Kristë yamëtunyën, n'amëtoopyës ja mëyajtën ets xypyutëkëty ya'atë to'oxytyëjkëty. Yë'ë mëk ojts tyuntë mëët ëjts ma yajkajpxwä'kxyën ja oy aaw oy ayuk, näjyëtu'un ja Clemente ets wiinkëtypë mëti'ipës mëët të ntuunmuktën. Kuja'ay ja xyëëw y'ijnëtë nokyjoty ma ja ja'ay xyëëwëtyën mëti'ipë juuky'ajtëpën xëmëkyëjxm.

Colosenses 4:18

Ëjts Pablo, ëjts yam kë'ëm njääpy ya'atë kajpxpo'kxën ets miits ntuknijayëtë. Xyjä'ämyätstëpës koos yam tsumy n'ity. Dios mkënu'kxëtëp.

Colosenses 4:3

Tuknija'amyäjtsëtëkës ja Dios ets ja në'ë tu'u y'ëwa'atsëty ets nkajpxwa'kxëtyës ja Kristë ja y'aaw y'ayuk, mëti'ipë ijty kayajnija'apën ets mëti'ipës tsumy nku'ijtëpën.

1 Tesalonicenses 5:5

Jam miits m'itë ajajëntum xëënytyum. Ka'ap y'akootstuuyëty nyajpatëmë.

2 Timoteo 1:8

Këtii mtsëtyunëty ko ja Jesukristë xynyikajpx xynyimëtya'akëty ets ëjts nän këtiis xytyuktsëtyunëty koos yap tsumy nku'itë ja Wintsën. Nikë yë'ë mmëmay mmëtaj ja mëk'ajtën mëti'ipë ja Dios mmooyëpën ets xymyëmëta'akëty ja ëyo'on jotmay mëti'ipë mpatypyën mëët ko ja oy'aaw oy'ayuk të xypyääty.

2 Timoteo 2:9

Ets mëët yë'ë koos ja oy aaw oy ayuk nkajpxwä'kxy paatyës n'ëyoy ets paatyës n'ity tsumy xotsy mëët yë pujxntejpxy jëtu'un tääjës jeexyë tëë nyajja'ay'ookyën; je'eyëp ko yë Dios yë y'aaw y'ayuk ka'ap tjëkyepy wi'ix yajkutsum yajkuxotsëty.

Filemón 1:13

Tëës n'ëkmaay n'ëktajpë ets jeexyë yaa wyi'imy maajës nyajpaatyën tsumy matsy ets jeexyë yë'ë ja Jesukristë ja y'aaw y'ayuk tkajpxwa'kxë ijxtëm mijtsën.

Hebreos 3:1

Paaty mëku'uktëjkëty, ninu'un ja Dios mja'ay'atëtën, tëëpë yajyaxtsowtën, pëjkta'aktë mjootjoty mwinma'anyjyotyëty ja Kristë Jesús, ja ayukkajpxwa'kxpë, ja mëj teety wintsën.

1 Pedro 4:13

Ni'ikyë mëpaat jotkujk myajpaatë ko xymyënax xyajnaxtëty ja ëyo'on jotmay mëti'ipë ja Kristë näjyëtu'un myënajx yajnajxën, ets näjyëtu'un mxoonta'aktëty ko ënety nyikëxë'ëky ja mëj'ajtën oyajtën ko Kristë myinëty.

1 Pedro 5:1

Nkajpxwijäämpyës tyam ja mëjja'aytyëjkëty ma miits jam mye'eymyuktën, ëjts mëja'aynyës näjyëtu'un ijxtëm yë'ëjëtyën ets n'ijxës ja Kristë ko y'ëyooy; xypyatpës näjyëtu'un tä yë'ëjëtyën ja mëj'ajtën oyajtën mëti'ipë ok nikëxë'ëkaanpën.

2 Pedro 1:13

Maas njaak juuky'ätynyëm, xypyatpës ets ntukja'amyätstëty ya'atë kajpxwijën.

1 Juan 3:14

Nnija'awëm ëëtsajtëm ko nmëët'ajtëm ja xëmëkyëjxmëpë ja juukyajtën, jä'äkyëjxm ko nätsyojkëm nixim niyam. Pën ja myëku'uk kyatsojkpy, o'kën kyë'ëjotm ja y'ity.