Filipenses 1:27 - Biblia Dc en Mixe de Quetzaltepec

²⁷ Wä'än t'ixy tii tuunëp jajtëp, juuky'atë miits ijxtëm y'ënä'änyën ja oy aaw oy ayuk ma Kristë yajnimëtyä'äkyën. Oy miits nninëjkxtëty ëkë nkaninëjkxtëty, nijawëpës ko tu'ukyë m'itë ets tu'ukyë ja mwinma'any yajpaatë ets xytyuntë wi'ix ja ja'ay oy tmëpëktëtyën ja oy aaw oy ayuk,

Biblia Mixe de Quetzaltepec

²⁷ Wä'än t'ixy tii tuunëp jajtëp, juuky'atë miits ijxtëm y'ënä'änyën ja oy aaw oy ayuk ma Kristë yajnimëtyä'äkyën. Oy miits nninëjkxtëty ëkë nkaninëjkxtëty, nijawëpës ko tu'ukyë m'itë ets tu'ukyë ja mwinma'any yajpaatë ets xytyuntë wi'ix ja ja'ay oy tmëpëktëtyën ja oy aaw oy ayuk,

Filipenses 1:27 ပူးပေါင်းရင်းမြစ်များ

Efesios 4:1

Paaty ëjts, maas yap tsumy n'ityën koos yë Wintsën Jesukristë tmëpëky, tyam miits nmënu'kxta'aktë ets jëtu'un mjuuky'attëty ijxtëm ja ja'ayëtyën mëti'ipë ja Dios të myëkajpxëtën, ijxtëm miitsëty ojts mjuuky'atën.

1 Corintios 1:10

Mëku'uktëjkëty, Wintsën xyëëwkyëjxm miits tyam nmënu'kxta'aktë ets mnäkyäjpxyjyä'äkyukëtëty këtiipë mnäpyëjkwa'kxëtëty. Tu'ukyë mëpaat mjuuky'atë, tu'ukyë mmaytyëty mtajtëty, tu'ukyë tii xytyuknipëjktaakëtëty.

2 Pedro 3:14

Paaty, mëku'uktëjkëty, tsojk njëjp'ijxëmë ko jëtu'un jyata'any; tuntë ja Dios ja tyuunk mapaat ja tiempo jyaak jää'atyën ets ja Dios mpaatëtëty akujk jotkujk; nitii poky nitii ëxëëkajtën xykyamëët'atëty ko ënety myiny.

Colosenses 1:10

Yë'ë miits ntukni'amëto'owëtëp ets mjuuky'attëty ijxtëm pyaat'atyën mëti'ipë myëpëjktëpën ja Wintsën; yë'ë mtuntëp mëti'ipë yë'ë tyukjotkëtäkpyën, mëti'ipë oy tsuj winpëtsëëmpën ets ja Dios oy xynyijawëtëty.

Judas 1:3

Mëku'uktëjkëty, janty jotkujkës näjyawëty ko miits ya'atë noky ntuknijayëtë, jä'ä ko yë'ëjës jap nnikäjpxy nimëtyäkpy ja nitsokën mëti'ipë nmëët'ajtëmën; e paaty ya'atë noky yam ntuknijayëtë ets nmënu'kxta'aktë ko tu'ukyë xyaj'itëty ja mëpëjkën mëti'ipë ja Dios të mo'ojëtën.

1 Tesalonicenses 4:1

Mëku'uktëjkëty, yë'ë miits ntuk'ënëmaaytyëp wi'ix mjuuky'attëty ijxtëm ja Dios tukjotkëtä'äkyën, ets tam jëtu'un xytyuntë. Tyam miits njaaktuknipëktë ets nmënu'kxta'aktë ma Wintsën Jesús yë xyëëwën ets jëtu'un mjuuky'atëty.

Filipenses 2:12

Jëtu'un yam nëëmëtë mëku'uktëjkëty, ijxtëm xëmë të xymyëmëtowtënës, ka'ap jyääyëty koos të njam'aty ma miitsëtyën; mmëmëtoowtëkës tyam ni'ik maas jëkäm nyajpaatyën. Yajtsowpaatë mëët ja ko ëwaatsëtum myajpaatë,

Filipenses 3:18

Tëë miits kanaak ok n'ënëëmëtë ets tyam jatëkok nëëmëja'antë jëëpy yaxp, ko jam may mëti'ipë myëtsip'ajtëpën ja Kristë, mëti'ipë ojts y'ookyën kruutskëjxm,

2 Corintios 13:11

Tyamës nkajpxwë'ëmy mëku'uktëjkëty, ntukmëtsojktëp ets akujk jotkujk mjuuky'atëty. Yë'ë ixta'atë mëti'ipë wa'atsën. Patuntë mëti'ipë ojts ntuknijayëtën ets itë tu'ukyë mëët ja jotkujk'ajtën. Pën mtuuntëp jëtu'un, m'itantëp mëët ja Dios mëti'ipë ja oyjyot oywyinma'any yäjkpyën tëy tëtä'äky.

Hechos 4:32

Ja mayjyä'äy mëti'ipë myëpëjktën ja Jesús, tu'ukyë ijty ja jyot wyinma'any tyaj'itë; ni pën ja pyëjktä'äky tkajä'äpëjktä'äky nätyu'uk, aak tu'knax tyajtuntë.

Salmos 133:1

Ëk'ixtë wi'ixpëm jyänty oyëty ko jëëky mëku'uk tu'kmukyë yajpaatë.

Jeremias 32:39

Ëjts kë'ëm nyajkutukäämpy ets yi'iyë tmëmay tmëtajtëty wi'ixës xyajmëjnaxtëtyën ets oy jyuuky'atëty, näjyëtu'un yë y'u'unk y'okëty.

2 Pedro 3:11

Ko jëtu'un winë kyutëkooytya'aja'any, miitsëty ni'ikyë mëpaat wa'ats mjuuky'atë ets xywintsë'ëkëtëty ja Dios.

1 Corintios 15:58

Paaty, mëku'uktëjkëty mëti'ipës ni'ik ntsojktëpën, tu'ukyë ja mwinma'any xyaj'itëty; tuun'ëtë'ëtstë mëti'ipë ja Wintsën tsyojkpyën; jä'ä ko mnija'awëtëp miits ko ka'ap nyama'ata'any ja tuunk mëti'ipë mtuuntëpën mëët ja Wintsën.

Romanos 1:16

Ka'apës ntuktsëtyuny ja oy aaw oy ayuk, jä'ä ko ja Dios ja myëk'ajtën ets tpaatëty ja nyitsokën ni'ëmukë ja ja'ayëty mëti'ipë mëpëjktëpën, jëyëjp yë jutiis ja'ayëty ets näjyëtu'un ja ka'apë jyutiisëty.

Santiago 3:18

Mëti'ipë tsyojktëpën ets jyää'atëty ja jotkujk'ajtën, yë'ë nyiptëp kyojtëp ja jotkujk'ajtën ets tuk'oy'ata'antë ja oypyë ja nipaye'eyën.

Filemón 1:5

jä'ä ko tëëjës nijawë ko xymyëpëky ja Wintsën Jesús ets ko xytsyoky xyjyawë mëti'ipë juuky'ajtëpën wa'ats.

Tito 2:10

Ka'ap tii tontëty tmäätstëty, wintsë'ëkë mëjjawë y'itëty ets ja'ay ni'ëmukë t'ixtëty ko oy yë ijxpëjkën mëti'ipë Dios yajnitsokpë jyä'ä'ajtypyën.

2 Timoteo 4:7

Tëës nmëmëtä'äky ja tsip, tëëjës nja'ty maajës ënety nja'ta'anyën, ka'apës të n'ëxmatsy ja mëpëjkën.

1 Timoteo 1:11

Ya'atë mëtëypyë ijxpëjkën yë'ë mëët nyäpyäätyë ja oy aaw oy ayuk mëti'ipës të xytyuknipëkyën ja Dios kënu'kxypyë.

Hechos 2:46

Jëpom jëpom ijty nyiye'eypyätë ma ja tsajptëjkën ets ma ja tyëjkëtyën ets ja tsajpkääky tujkwa'kxtë ets ijty xoontä'äky kyäytyë y'uuktë yujy tëtä'äky.

Mateo 12:25

Nyija'awëy ja Jesús wi'ix ja ja'ay myäytyën tyajtën, paaty t'ënëmaay: Tu'kë'ëyë naax kajpn mëti'ipë kanaakpëky të nyäwyä'kxyën aak mëtsip nye'ixëtë, tääts kë'ëm nyäyajkutëkoyë; näjyëtu'un ja kajpn ëkë ja'ay tu'kjëën tu'ktëjkpë të nyäwya'kxëtën ¿wi'ix ja myëk'ajtën kyutujkën t'ëkmëët'atëty?

Proverbios 22:23

jä'ä ko Dios yë'ë kuwanëp yë ëyoopëja'ay ets ëxëëk tuna'any ja mëti'ipë ënety ja ëyoopëja'ay ëxëëk tyuunpyën.

1 Tesalonicenses 3:6

E ja Timoteo ojts ja wyimpity ets tmëja'ajty ja ayuk oypyë wi'ix miits mmëpëktën ets ko ja mëku'uk oy xytsyoktë xyjyawëtë. Jëtu'unës të xynyëëmëtë ko xëmës miits xyjyä'ämyätstë ets ko näjyëtu'un ja tsojkën xymyëët'atë etsës xyjyapaata'an xyjya'ixa'antë, ijxtëm ëëts miits nja'ixa'antën näjyëtu'un.

Colosenses 1:4

Jä'ä ko tëëjës nnijawëtë wi'ix miits xymyëpëktën ja Kristë Jesús ets ko xytsyoktë mëti'ipë ja Dios kajpn'ajtëtëpën.

Filipenses 2:24

oyës njanijawë ma Wintsënën ets miits kë'ëm nëjkx nku'ixëtë.

Efesios 1:15

Paaty koos nnijawë ko miits xymyëët'atë ja mëpëjkën ma ja Wintsën Jesúsën ets ja tsyojkën jya'awën mëti'ipë myëët'ajtypyën ma ja nyaax kyajpnën wa'atspë,

Efesios 1:13

Yajkukajpxëp ja Kristë, näjyëtu'un miitsëty ko të xymyëtowtë ja mëtëypyë ja aaw ayuk, oy aaw oy ayuk mëti'ipë yajnitsokpën ets xymyëpëjktë, jëtu'un ojts miitsëty mwë'ëmtë tä tii yajtsa'ayën mëët ja Dios ja jyot myëjaaw ets yë'ë mjä'ä'ata'anëtë.

Gálatas 1:7

Tim tëypyë ka'ap ma wiinkpë aaw ayuk oypyë. Mëti'ipë tuunëp jajtëpën yë'ë ko tää ja'ay mëti'ipë yajma'atäämpyën je'eyë ja mmëpëjkënëty ets jëtu'un ja oy aaw oy ayuk mëti'ipë Kristë jyä'ä'ajtypyën tjayajtëkatsanë.

2 Corintios 9:13

Ko yë'ë tmëjjaw tjaantyjawëtëty ja Dios, jëtu'un ya'atë putëjkën tyajnikëxë'ëka'any ko miits xypyatuntë ja oy aaw oy ayuk mëti'ipë ja Kristë nyikäjpxypën. Näyjyëtu'un yë'ëjëty tmëjjawëja'antë ja Dios ko miits ja putëjkën xyaktë ma yë'ëjëtyën ets ma ja wiinkëtypën.

2 Corintios 4:4

Jä'ä ko ka'ap myëpëktë, ja mëpëjkën yääyëpë naaxwiinyëtën yë'ë yajwinma'anytyëkajtsëtëp këtiipë t'ijxpaatëty ja jajën të'kxën, ja oy aaw oy ayuk ma yajnimëtyä'äkyën ja Kristë ja myëj'ajt jyääntyajtën, ja Kristë mëti'ipë Dios nyäjxypyën.

Romanos 15:29

Nija'apës ko mëj këjää ja Kristë xykyënu'kxa'anëmë ko ënety nja'tyës jam ma miitsëtyën.

Romanos 15:16

etsës nmëtunëty ja Jesukristë ets ja ja'ay tuk'oy'atëty mëti'ipë ka'ap jyutiis'atën. Yë'ës ntukmëtuumpy ja Jesukristë etsës nkajpxwa'kxëty ja oy aaw oy ayuk mëti'ipë tso'onën ma ja Tiosën. Jëtu'untsës ntuny ets y'itëty mëti'ipë ka'ap jyutiisëty ijxtëm ja wintsë'kën mëti'ipë Dios y'oyjya'apën, mëti'ipë Kënu'kxymyëkajtën të tyajwa'atsyën.

Romanos 10:8

¿Pën ënaanp?: Ja aaw ayuk wiinko ja yajpaaty ma m'aaw mjotmën. Yë'ë jëtu'un ya'atë ja aaw ayuk mëti'ipës ja'ay n'ëwa'anëtëpën.

Romanos 1:9

Dios, mëti'ipës ëmuumtu'ukjot nmëtuumpyën ets nnikäjpxy nnimëtyä'äkyës ja y'u'unk, yë'ë y'ijxyp nyija'ap ko miits xëmë nja'amyätstë koos ja Dios nmëkäjpxy.

Romanos 1:5

Jesukristë mëyajtën të tuny etsës të xyajnaxy oy ayukkajpxwa'kxpë, jëtu'unts oymyaatsowëty ja ja'ay tmëpëktëty ja Jesukristë ets tmëmëtowtëty.

Hechos 24:24

Kom ok ja Félix jam jyä'äjty mëët ja tyo'oxytyëjk Drusila, jutiis ja'ay jä'ä. Ets ja Pablo yajyaxtsooy ets tnimëtya'akëty ja mëpëjkën ma ja Kristë Jesusën.

Salmos 122:3

Jerusalén, ja kajpn mëti'ipë ojts yajtuknikojën ets ja ja'ay jam nimay myuktëty.

Filipenses 1:5

jä'ä ko tu'knax të ntu'unëmë ets myëjwiin kyëjääjëty ja aaw ayuk oypyë, tyimtso'ontäky ko ojts mmëpëktë ets tyampaat.

Filipenses 3:20

E ëëts'ajtëmë, jam tsajpjotm nkukajpn'ajtëmë, yë'ë njëjp'ijxëmë ko tsajpjotm tsyoonëty ja Yajknitsokpë, ja Wintsën Jesukristë,

Filipenses 4:1

Paaty, mëku'uktëjkëty, mëti'ipës njatsojkpyën yë'ë ets jeexyë nëjkx nku'ixëtë; miitsëty mëk n'oyjawëtë ets ntukxoontaktëp; jëtu'un njawëtë ijxtëm tu'uk ja kuma'ayënën. Itë jëtu'un mëk ma ja Wintsën xymyëpëktën.

1 Crónicas 19:12

ets t'ënëmaay: Pën yë sirië ja'ayëty ka'ap xyajmëtä'äkyës mijts ënät xynyiminëpës ets xynyiwaantu'utëtyës, e pën mijts ka'ap yë Amón ja'ayëty myajmëtä'äkyë ënätyë ninëjkxëty ets niwaantu'utëty.