Filipenses 1:1 - Biblia Dc en Mixe de Quetzaltepec

¹ Pablo ets Timoteo, Jesukristë myëtuunpë, tyam ntuknikäxtë ja kajpxpo'kxën miitsëty mëpëjkpëtëjkëty ni'ëmukë jampë yajpaatën Filipos ets mëti'ipë nyikopk'ajtëpën ja mëpëjkpëtëjkëty ets ni'ëmukë jënu'un yajpaatën mëët tu'ukyë mëët ja Kristë.

Biblia Mixe de Quetzaltepec

¹ Pablo ets Timoteo, Jesukristë myëtuunpë, tyam ntuknikäxtë ja kajpxpo'kxën miitsëty mëpëjkpëtëjkëty ni'ëmukë jampë yajpaatën Filipos ets mëti'ipë nyikopk'ajtëpën ja mëpëjkpëtëjkëty ets ni'ëmukë jënu'un yajpaatën mëët tu'ukyë mëët ja Kristë.

Filipenses 1:1 ပူးပေါင်းရင်းမြစ်များ

Marcos 13:34

Jëtu'un ijxtëm tu'uk ja ye'etyëjkën mëti'ipë jëkäm nëjkxpën. Ko tsyoony, y'ëne'empy ja tyuunpë ets tuunkmooytyä'äy ja tyuunpëtëjk ets t'ënëëmë ja tëjk ijxpë ets tkëwent'atëty.

Juan 12:26

Pën jääjës pën xymyëtun'any, wä'änës xypyaminy; ets pën maas ënety nyajpaaty, jam näjyëtu'un yajpaata'any mëti'ipës ënety xymyëtuunpën. Pën jää pën xymyëtuna'anyës, yajmëjnaxanëp ja nTeetyës.

Hechos 1:20

Ets ja Pedro jyaak'ënany: Tyaapë jap jëtu'un kuja'ay myiny ma ja salmos nokyën, mëti'ipë ënaanpën: Apak ja tyëjk wyë'ëmanë, ka'ap jam pën y'ëktsëënaaynyëty. Näjyëtu'un y'ënä'äny: Wä'än ja wiinkpë kyutëkëty ma ja tyuunkën.

Hechos 20:28

Jëtu'un yam n'ënëëmëtë, jëjp'ixy m'ittëty ets näkyëwent'atëtë; näjyëtu'un ja mëpëjkpëtëjk këwent'atë, jä'ä ko ja Dios yë myëjaaw myëk'ajtën të tpëjktä'äky ma miitsëtyën ets xykyëwent'atëty mëti'ipë ja Dios jyä'äy'äjtypyën mëti'ipë të tku'ookën.

Hechos 9:13

Ko ja Ananías jëtu'un tmëtooy, tää y'ënäny: Wintsën, may yë ja'ay të xytyuk'ëwaanës ko tääpë ja'ay ëxëëk të y'ëti'itsy ets ëxëëk të tuny ja mnaax mkajn jam Jerusalén.

Romanos 1:1

Ëjts Pablo, Kristë Jesús myëtuunpë. Tiosës të xywoowtsoy etsës nmëtunëty, të xytyuknipëkyës ets nkajpxwa'kxëtyës ja y'aaw y'ayuk oypyë.

1 Corintios 16:10

Pën ja'ajtp ja Timoteo jam, ixtë mëyatë ets akujk jotkujk nyäjyawëtëty ma miitsëtyën, nän Dios yë tyuunk yajtu'uye'eyëp ijxtëm ëjtsën.

2 Corintios 1:1

Ëjts Pablo, Jesukristë y'ayuk kajpxwa'kxpë. Ëjts, mëët ja Timoteo ntuknikäxtës ya'atë noky ja mëpëjkpëtëjkëty mëti'ipë jam ye'eymyujktëpën Corinto ets ja Dios ja jyä'äyëty mëti'ipë yajpatëpën ma Acaya itjotmën.

Gálatas 1:10

Ëjts ka'apës yë'ëjëty n'ixta'ay etsës yë ja'ay xykyumayëty, yë'ëjës ntsojkën'ajtyp etsës yë Dios xykyumayëty. Ka'apës yë'ëkyëjxmëty winë ntuny ets naaxwiinyëtë ja'ay xy'oyjyawëtyës. Koos jeexyë ëjts oy nwë'ëma'any ma naaxwiinyëtë ja'ayëtyën, ka'ap ënety ja Kristë ëjts xy'ëktuunpë'ajnë.

Gálatas 3:26

Dios miits tyam ni'ëmukë m'u'unk'ajtënëtëp ko të xymyëpëktë ja Jesukristë,

Gálatas 3:28

Ka'ap ma y'ëktuunnë pën jutiis kajutiis, mëtuunpë ëkë kamëtuunpë, ye'etyëjk ëkë to'oxytyëjk, jä'ä ko tu'ukyë miitsëty ijxtëm ja ja'ay tu'ukpën, jä'äkyëjxm ko tu'ukyë mëët ja Kristë Jesús m'itë.

Efesios 1:1

Ëjts Pablo, Jesukristë y'ayuk kajpxwa'kxpë mëët ko ja Dios jëtu'un të tuknipëjktaakë. Yë'ëjës ya'atë noky ntuknikäjxtëp mëti'ipë ja Dios jä'ä''ajtëtëpën ets myëpëjktëp ja Kristë Jesús jam Éfeso.

Efesios 1:15

Paaty koos nnijawë ko miits xymyëët'atë ja mëpëjkën ma ja Wintsën Jesúsën ets ja tsyojkën jya'awën mëti'ipë myëët'ajtypyën ma ja nyaax kyajpnën wa'atspë,

Efesios 6:24

Wä'än ja Dios mkënu'kxëtë ni'ëmukë miitsëty mëti'ipë mtsojktëpën ja Wintsën Jesukristë mëët ja tsojkën ja'awën xëmëpë y'ityën.

Filipenses 2:19

Pën ënaanp ja Wintsën Jesús, nkäxëpës ja Timoteo ets nëjkx mku'ixëtë, etsës njotkujk'atëty ko tmëminëty ja aaw ayuk wi'ix ënety miits myajpaatën.

Filipenses 2:5

Näyjyëtu'un ja winma'any xymyëët'atëty ijxtëm ja Kristë Jesús tmëët'atyën.

Filipenses 3:12

Ka'apës n'ëna'any ko tëëjës tu'kë'ëyë npaataaynyë ëkë koos wa'ats ja'ay nyajpatnë ijxtëm ja Dios tsokyën. Yäjtsp pojpnëmës ets ja Kristë Jesús mpaata'anyës ijxtëmës yë'ë ëka'any të xypyäätyën.

Filipenses 3:3

jä'ä ko ëëtsajtëm jëtu'un nxëëwajtëm mëti'ipë ja ye'etyëjkajtën të yajnatsujk'ëwtityën, mëti'ipë y'ëwtajtëpën ja Dios mëët ja Kënu'kxymyëkajtën, ets yë'ë nätyukmëjja'awëm ja Kristë Jesús, ka'ap yë'ëjëty nätyukmëjja'awëm ja nëkëjxypyë.

Filipenses 3:8

Ni tiis tyam jëtu'un nka'ixy tsyowpaaty ijxtëm ja oyajtënën mëti'ipë yajmëët'ajtpën ko ja Kristë Jesús të yajnijawë, mëti'ipës nWintsën'ajtypyën. Mëët koos ja Kristë të nmëpëky tëëjës winë nyajtëkooytyä'äy, aak pu'uxmën tu'kë'ëyë winë njawës koos ja Kristë npaata'any,

1 Tesalonicenses 1:1

Ëjts Pablo, mëët ja Silvano ets Timoteo, tyam yë noky ntuknikäxtës ja mëpëjkpëtëjkëty mëti'ipë ye'eymyujktëpën jam Tesalónica, mëti'ipë ijtëpën tu'ukyë mëët ja Dios ets Wintsën Jesukristë. Wä'än ja Dios mmo'ojëtë ja kënu'kxën ets jotkujk'ajtën.

1 Tesalonicenses 2:2

Mnija'awëtëp näjyëtu'un ko oyës ojts nyajwinkäjpx nyajjëjpkajpxtë ëkë o'ktëyës nyajtuuntë jam Filipos, ojts ëëts ja Dios xypyutëkë ets myajtuk'ëwaanëtëty ja aaw ayuk oypyë. Aamëk jotmëkës ojts nkajpxwa'kxtë oy ja ëtujkpë jam ni'ik jyayajpaty.

2 Tesalonicenses 1:1

Yë Pablo, Silvano ets ja Timoteo, tkajpxpo'kxtë ja mëpëjkpëtëjkëty mëti'ipë jam Tesalónica yajpatëpën, ko tu'ukyë y'itë mëët ja Dios ets Wintsën Jesukristë.

2 Tesalonicenses 1:10

Jëtu'un jyata'any jä'ä xëëw ko ënety ja Wintsën myiny, ko jyä'äy myëjjaw jyääntyjawëtëty ets tyukxoonta'akëtëty ni'ëmukë. Jam miits näjyëtu'un myajpaatëty, jä'ä ko tëë xymyëpëktë mëti'ipës të nkäjpxy të nmëtya'aktën.

1 Timoteo 1:2

yajkajpxpo'kxy ja Timoteo mëti'ipë mëtëy yaj'u'unk'ajtpën ma mëpëjkënën. Wä'än ja Dios Teety ets ja Wintsën Jesukristë mmo'oyë ja kënu'kxën, pa'ëyo'owën ets ja jotkujk'ajtën.

1 Timoteo 3:8

Näyjyëtu'un ja mëpëjkpëtëjk mëti'ipë ja tuunk të yajtuknipëktën jap tsajptëkoty, yë'ë mëti'ipë jyëkyejpy yajwintsë'ëkëty, mëti'ipë ka'ap y'ëëwtëkoy kyajpxtëkoytyën, ka'apë y'uuktën myu'ukëtën ets ka'apë yi'iyë wit meeny tpa'ix tpawoontën.

Tito 1:1

Ja nyoky ja Pablo, Dios mëtuunpë ets Jesukristë y'ayuk kajpxwa'kxpë, mëti'ipë të yajkexyën ma ja ja'ayëtyën tëëpë ja Dios wyin'ixëtën ets tpaatëty ja mëpëjkën ets nijawëtëty ja tëyajtën mëti'ipë yajpatpën ma n'ijxpëjkëmën,

Tito 1:7

Mëti'ipë nyikopk'atëpën ja Dios ja nyaax kyajpn yë'ë mëpaat t'ixy ttuny mëti'ipë Dios y'oyjya'apën, paaty kyopkpëkyëty ets oy tsuj jyuuky'atëty. Ka'ap kyujuunta'akëty, ka'ap wyin'äkë'atëty, ni kya'uuk kyamu'ukëtëty, ni tsip tka'ixta'ajëty, ni meeny tka''atsokëty

Filemón 1:1

Pablo, mëti'ipë tsumy ijtpën ko ja Kristë Jesús ja y'aaw y'ayuk tkajpxwa'kxë ets ja nmëku'uk'ajtëm Timoteo tkexy ja kajpxpo'kxën ma ja Filemonkën, mëti'ipë yajmëku'uk'ajtpën ma ja tuunkën

Hebreos 13:23

Näyjyëtu'un n'ëwaanëtë ko nmëku'uk'ajtëm Timoteo të y'ëwa'atspëtsëëmnë. Pën ja'ajtp tsojk, nwowëpës ma miitsëtyën ko ënety nëjkx nku'ixëtë.

Santiago 1:1

Santiagë, Dios mëtuunpë ets ja Wintsën Jesukristë. Tkajpxpo'kxy ja Israel ja'ayëty, mëti'ipë yajpatëpën oymyaakajpnëty naaxwiinyëtë apëtsëmy.

1 Pedro 2:25

Jëtu'un miits të m'itë ijxtëm ja kupixyny tyëkoy'ityën, je'eyëp ko tëë jatëkok xynyiwinpitë ja Kristë, ets yë'ë mkëwent'atëtëty ijxtëm ja kupixyny këwent'ajtpën.

2 Pedro 1:1

Simón Pedro, Wintsën Jesukristë tyuunpë ets y'ayuk kajpxnajxpë, mtuknijayëtë ya'atë noky miitsëty, mëti'ipë ja Yajnitsokpë Jesukristë nTios'ajtëmë të tmëpëktën.

Judas 1:1

Judas, Jesukristë myëtuunpë, Santiagë myëkä'äx. Tyam mkajpxpo'kxëtë jënu'un ja Dios Teety të mëkajpxëtën, mëti'ipë ja Jesukristë ijx'ijtëtëp këwent'ajtëtëp.

Apocalipsis 1:1

Ya'atë ja Dios ojts tuknijawë ja Jesukristë, ets tuk'ëwaanëty ja tyuunpëtëjk mëti'ipë tunan jatanëpën tsojk. E tëë ja Jesukristë ja y'anklës tuknikexy ja Juan ets yë'ë winë tnikajpxta'ajëty,

Apocalipsis 1:20

Ja wëxtujkpë ja matsa'a mëti'ipë të xy'ixyën n'a'oykyë'ëjotyës ets ja wëxtujkpë cera tooytyakn aak pu'ts pujxnpë, yë'ë nyikäjpxyp: Ja wëxtujkpë matsa'a, yë'ë ja niwëxtujkpë ja ayukkajpxwa'kxpë mëti'ipë ijtëpën ma ja mëpëjkpëtëjk ye'eymyuktën; ets ja wëxtujkpë cera ato'oyën, yë'ë ja wëxtujkpë ja kajpn ma ye'eymyuktën ja mëpëjkpëtëjkëty.

Apocalipsis 19:10

Täätsës nnäkyoxtënaaytyakë tsajpjotmëtë kukäjpxy wyintum ets nwintsë'ëkëja'anyës e yë'ë je'eyës xynyëmaay: Këtii jëtu'un m'ëtë'ëtsy. Tiosës näjyëtu'un xytyuunpë'ajtp, ijxtëm mijtsën ets ijxtëm ja mmëku'uktëjkën mëti'ipë pyanëjkxtëpën ja aaw ayuk mëtëypyë, mëti'ipë ja Jesús kyajpxwa'kxën. Winjawë wintsë'ëkë ja Dios y'itëty. Ets jyaak'ënany: Ya'atë tëyajtën, yë'ë ja Dios ja kyäjpxynyajxpëtëjk winma'anymyooyë.

Apocalipsis 2:12

Nnijayë ja tsajpjotmëtë kukäjpxy jampë yajpaatyën Pérgamo: Jëtu'un y'ënä'äny mëti'ipë myëët'ajtypyën ja jëjpxu'unypë tëypyujxn mäjtsk atu'umpë mye'eyëtyën:

Apocalipsis 2:8

Yë'ë yajnija'ayëp yë tsajpjotmëtë kukäjpxy jampë yajpaatyën Esmirna: Jëtu'un y'ënä'äny mëti'ipë tso'ontakpën ets mëti'ipë tyukjëjpkëjxypyën, mëti'ipë o'kën ets mëti'ipë të jyuukpyikyën jatëkok.

Apocalipsis 22:9

Tääts xynyëmaayës: Këtii jëtu'un m'ëtë'ëtsy. Tiosës xytyuunpë'ajtp, näjyëtu'unës ijxtëm mijtsën, ijxtëm ja mmëku'uktëjkën mëti'ipë ja Dios ja y'aaw y'ayuk kyajpxwa'kxëtëpën ets näjyëtu'unës tä mëti'ipë myëjpëjktaktëpën ja jaaypyetypë myinyën ma ya'atë nokyën. Wintsë'ëkë ja Dios.