Ezequiel 9:10 - Biblia Dc en Mixe de Quetzaltepec

¹⁰ Paaty ka'ap mpa'ëyowa'anyës, ni'ikyës yam n'amëtoowta'aja'antë tiijaty tyuuntëp kyajpxtëpën.

Biblia Mixe de Quetzaltepec

¹⁰ Paaty ka'ap mpa'ëyowa'anyës, ni'ikyës yam n'amëtoowta'aja'antë tiijaty tyuuntëp kyajpxtëpën.

Ezequiel 9:10 ပူးပေါင်းရင်းမြစ်များ

Ezequiel 7:4

Ka'ap mpa'ëyowa'any; yë'ë ntuktëytyunäämpy ko ëxëëk m'ëtë'ëtsy m'ëna'any ets xykyëpätëty mëti'ipë të xytyuuntëkoyën. Jëtu'un xynyijawëtëty ko ëjts Wintsën.

Ezequiel 11:21

E mëti'ipë ënety juuky'ajtëpën ëxëëk ets yi'iyë tyuuntëp kyajpxtëp mëti'ipë yaj'ëxëëk'ijxpën ets ka'apë yaj'oyjyawën, ntukumëtowantëpës ja tyu'unënëty kyajpxënëty. Ëjts Wintsën, ëjts ënaanp.

Ezequiel 8:18

Ëjts ajoot'anës yam winë ntuna'any. Ni pënës nkapa'ëyowa'any. Oy jënu'un xyamëkajpxtëtyës, ka'apës nmëtowa'any.

Isaías 65:6

E tyaapë tyunyë jyätyën aak këxja'ay myiny maas ëjtsën, ëjts ka'apës jëtu'unyë nyajninaxa'any ëkë je'eyë nnäkyë'ëmëkitanënës. Ëjts ëxëëkës yam ntuna'any tääpë ja'ayëty,

Oseas 9:7

Tëë tpaaty ja xëëw po'o ma ja tëytyu'unën y'ita'anyën. Tëë tpaaty ja xëëw po'o ma tkëpäta'antën ja ja'ay ja y'ëxëëktu'un y'ëxëëk kajpxënëty. Israel nyijawëp ënät ko tpaatëty ja xëëw po'o. Miitsëty jëtu'un m'ëna'antë: Yë Dios yë kyäpxynyajxpë winma'anytyuk yë'ë ets tsuujajtp lokëjajtp. Yë'ëjëty paaty jëtu'un y'ëna'antë jä'ä ko ëxëëk nyäyjyawëtë, jä'ä ko mëj këjää yë pyokyëty.

Ezequiel 5:11

Ëjts mëti'ipë Wintsën'ajtpën, ëjts ënaanp ets nkë'ëmjuukyajtënës yam ntukajpxpejtyp: Jä'ä ko miitsëty tëë yë ntsajptëjkës xyaj'ëxëëkëtë mëët yë awinax ka'apë ëxëëkpë ets aakjä'ä të xytyuunëtë, mëti'ipë yaj'ëxëëk'ijxpën, näjyëtu'un miitsëty nyajkutëkoyantëp yam ka'ap mpa'ëyowa'antë.

Hebreos 10:30

Nnija'awëm ëëtsajtëm ko Dios të y'ënä'äny: Ëjts xypyaat'ajtp ets yajpaye'eyëty, ëjts ntukëpätëp. Ets ko näjyëtu'un y'ënä'äny: Yë Wintsën pyaye'eyäämpy yë nyaax kyajpn.

Joel 3:4

¿Tiitën mtsojktëp ma ëjtsën? miitsëty Tirë ja'ayëty, Sidónja'ayëty ets Filistejë ja'ayëty. ¿Jam tii ëxëëk xytyuunwinpita'antë? ¿Ëkë jamës tii xytyukkëpäta'antë? Oy ko xytsyoktë, tyam nmo'otëty mëti'ipë mnitëjkëyëtëpën.

Ezequiel 22:31

Paatykyëjxmës të nyajkëtä'äky yë ëyo'on ma yë'ëjëtyën etsës të nyajtooytyëkoytyë mëët ja ntsip n'äkës, etsës të ntukëpätë mëët ko të tyuuntëkoytyë. Ëjts Wintsën, ëjts ënaanp.

Ezequiel 9:5

Etsës të nmëtoy t'ënëëmë ja naaxwiinyëtë ja'ayëty: Panëjkxtë ets xytyukjëtitëtëty mëët ja naax kajpn, jam xyajtso'onta'aktëty maas yë ntsajptëjkën. Këtii xytsyë'ëkëtëty ni pën, yaj'o'kta'atë yë mëjja'aytyëjk, ëna'ktëjk, to'oxy'ëna'k, pi'k ëna'k ets to'oxytyëjk. Je'eyëp tëy ko këtii xymyëwa'antëty ja ja'ayëty mëti'ipë myëët'ajtëpën ja ijxpäjtën ma wyiinpokën. Ënet tyajtso'ontaktë mëët ja mëjja'aytyëjk mëti'ipë ënety jam ma tsajptëjkën yajpatëpën.

2 Crónicas 6:23

Mijts mëtoow'itëp jam tsajpjotm ets tun ja mtuunk ets nipaye'ey ja mtuunpë. Mijts mtëytyunëp ja tuuntëkoopyë kajpxtëkoopyë ets kë'ëm ëxëëk tmëjatëty ko ënety ëxëëk y'ëti'itsy y'ënä'äny ets mijts näjyëtu'un mnipaye'eyëp ja ja'ay mëti'ipë nanëkookyëjxm yajtëytyuunpën.

Deuteronomio 32:41

Koos ënety tëë ntuknipëjktaakë, etsës ja ëyo'on nyaj'ita'any, ets jëtu'un ja nëë poky nipaye'eyëtyës, ëxëëkës nëjkx ntuny ja nmëtsiptëjkës, ets ntukumëtowa'antës, mëët wi'ixës të xytyimtuntën. Ja mëti'ipës ënety xy'ëxëëk'ijxypyën, ëxëëkës nëjkx nyajjaty nyajkëpety.

Isaías 13:18

Jëtu'unyë nëjkx tkuti'pxtë ja ëna'ktëjkëty. Jä'ä tëyëty nijënu'un ja pa'ëyo'owën najts'ëyo'owën tkamëët'atë; oy myëj ja'ay myutsk ja'ayëty ets myëxu'unkëty, ka'ap tpa'ëyowa'antë.

Lamentaciones 1:5

Yë'ë myëtsip mëtaktëp, yë myëtsip winpäjtëp. Yë Wintsën yajmoon yajtujkëp mëët ko të pyokytyuny. Tsumy matsy yë y'u'unk y'ëna'k të yajnëjkxëtë myëtsip wiink naax wiink kajpn.

Ezequiel 9:11

Ënet ja ja'ay të wya'akwinpity linë wit mëëtpë, jampë wyëënkëjxy tmëëtëtyën mëti'ipë tyukjääpyën ets të y'ënä'äny: Tëës yam npatuny ja ënä'ämën mëti'ipës të xytyuknipëkyën.

Ezequiel 23:49

Tääpë nimäjtskpë to'oxytyëjkëty kopkpëky ko tkumëtowtëty yë nyëë pyokyëty ets ko të t'ëwtatë wiinkpë tios ka'apë Tiosëtyën. Jëtu'un nëjkx miitsëty xynyijawëtë ko ëjts Wintsën.

Ezequiel 24:14

Ëjts Wintsën, ëjts ënaanp ets jëtu'un tyuna'any jyata'anyë. Ëjts jëtu'un kë'ëm nyajtunan nyajjatanëp ets ka'ap mpa'ëyowa'any ets ka'apës jatëkok nwinma'anytyëkatsa'any. Yë'ë ntuktëytyunäämpy ko ëxëëk të m'ëtë'ëtsy të m'ëna'any. Ëjts Wintsën, ëjts ënaanp.

1 Reyes 8:32

Mijts Wintsën mmëtowëp jap tsajpjoty ets mijts kë'ëm mtunëp winë. Mijts mnipaye'eyëp ja m'u'unk m'ëna'k. Mtëytyunëp mëti'ipë ënety pokymyëëtën jëtu'un tä pyäätyën ja y'ëxëëktu'un y'ëxëëkkajpxën ets ja wa'ats ja'ay mëti'ipë ka'ap pyokymyëëtëtyën xynyipaye'eyëty.

Ezequiel 7:3

Winkoomp ja xëëw jëmëjt jëna'a mijts Israel mkutëkoyä'änyën. Jamës yë n'äkë nkëxkäjxtaja'any ma mijtsën; ntuknikajpxäämpy wi'ixjaty m'ëtë'ëtsy m'ëna'anyën ets ntëytyuna'any jä'ä ko aakyë'ë mtuumpy mëti'ipë ëxëëkën.

Ezequiel 16:43

Mijts tëë xyjyä'äytyëkoy wi'ix ojts m'ëna'k'atyën, je'eyës ojts xyajjoot'anpëky mëët ko yi'iyë ja ëxëëktu'un ëxëëk kajpxën të xyajtu'uye'ey ëxëëkpë tsaatsypë; paatykyëjxm mijts ntëytyuna'any ko ka'ap tii oy të xytyuny. Ëjts Wintsën, ëjts ënaanp.

Ezequiel 17:19

Ëjts Wintsën, njuukyajtënës yam ntukajpxpejtyp; tëë tukxi'iky ja käjpxytyu'unën mëti'ipës ojts mëët njatunyën ets ka'ap të tpatuny ja aaw ayuk ijxtëmës ojts xytyukwinwanën; paatykyëjxmës n'amëtoowta'aja'any maajaty të xymyëtëkoyës.

Ezequiel 43:3

Jëtu'unës të n'ixy tääjës ojts n'ëk ijxpën ko ja Wintsën ja Jerusalén kajpn tyajkutëkooy ets jëtu'un tääjës ojts jam n'ixyën Quebar. Tëës nwintä'äky naaxkoy,

Zacarías 11:6

Näyjyëtu'unës ëjts ka'apës mpa'ëyowa'antë yë ja'ayëty mëti'ipë yaa tsënaaytyëpën ma ya'atë naax kajpnën, ni'ikyës nkë'ëyajkta'aja'antë ma jyiiky myëku'ukëtyën ets ma kyutujkpëtëjkëtyën. Ets yë'ëjëty tyajkutëkoya'antë yë naax kajpn ets ni pën nkayajtso'oka'anyës ma kyë'ë y'aawëtyën. Ëjts Wintsën, ëjts yam ënaanp.