Ezequiel 8:18 - Biblia Dc en Mixe de Quetzaltepec

¹⁸ Ëjts ajoot'anës yam winë ntuna'any. Ni pënës nkapa'ëyowa'any. Oy jënu'un xyamëkajpxtëtyës, ka'apës nmëtowa'any.

Biblia Mixe de Quetzaltepec

¹⁸ Ëjts ajoot'anës yam winë ntuna'any. Ni pënës nkapa'ëyowa'any. Oy jënu'un xyamëkajpxtëtyës, ka'apës nmëtowa'any.

Ezequiel 8:18 ပူးပေါင်းရင်းမြစ်များ

Proverbios 1:28

Jääts nëjkx xyjyamëkajpxtës, e ëjts ka'apës jää n'ëtsowa'any. Nëjkxëpës xyjya'ixtaaynyëtë, e ka'apës nëjkx ma xypyaatë.

Isaías 1:15

Ko mkë'ë xyajjë'ëktë ets mkajpxta'aktë, ëjts jëkämës nnas'ixë; oy jënu'un mkajpxta'aktëty kanaak ok, ëjts ka'apës nmëtoy; jä'ä ko miitsëty ujts ja mkë'ë m'aawëty mëët ja jot ne'pyny.

Isaías 59:1

Yë Wintsën yë myëk'ajtën ka'ap jëtu'un kyixy nyäxy tä oy tiijën ets ka'ap yajnitso'okëty, ka'ap nyatëty ets pën y'ëna'anëty ko ka'ap myëtoy.

Isaías 59:2

Jä'äjën tëy, yë'ëkyëjxm ko miitsëty të mpokytyuntë paaty ja Dios të mmëjëkämkä'äkëtë; yë'ëkyëjxm ko të mpokytyuntë paaty je'eyë ja tyatsk të t'apääntuky këtiipë tmëtowëty mëti'ipë mkajpxtëpën.

Jeremias 11:11

Paatykyëjxm n'ëna'anyës ko ntuknikäxantëpës yë ëyo'on jotmay mëti'ipë ka'ap tjëkyepy tkukä'äktëtyën. Oy jyaya'ax jyajoktëty, ka'apës nmëtowa'any. Ëjts Wintsën, ëjts ënaanp.

Jeremias 14:12

Yë'ë oy jënu'un y'ayuu'atëty, ëjts ka'apës nmëtowanë y'aaw y'ayuk, oy jënu'un tmëminëty aaypyajk ujtspajk ëjts nwintuuyës ets wintsë'kën nino'oky nixämpyë nkatimnyi''ijxë'ëkäämpyës. Nyajkutëkoyäämpyës mëët yë tsip, mëët yuu xëëw, mëët yë pa'am ëyo'on.

Jeremias 23:39

jëtu'un miitsëty nyajpëtë'ëka'antë tä tu'uk yë tsëmy kë'ëyën, mëët ja naax kajpn mëti'ipës ja m'aptëjk njamooytyën ets jëkäm nnajtsjëpipëja'antë.

Jeremias 44:3

mëët ko pyokytyuuntë, ojtsës xyajjoot'anpëktë ko t'ëwtajtë wiink tios ets tukwinjojktë ja poom ja tios ka'apë ojts mteety m'ap t'ëwtatën.

Jeremias 44:6

Ënet njoot'anpëjkyës ets n'ëwa'antäkyës, jëtu'un tä jeexyë yë jëën tsyooypyijkyën jam Jerusalén ets jam Judá ets të mya'taay ja naax kajpn, xit ko'ow të jya'ajtaay tyampaat je'eyëm jam.

Lamentaciones 1:5

Yë'ë myëtsip mëtaktëp, yë myëtsip winpäjtëp. Yë Wintsën yajmoon yajtujkëp mëët ko të pyokytyuny. Tsumy matsy yë y'u'unk y'ëna'k të yajnëjkxëtë myëtsip wiink naax wiink kajpn.

Lamentaciones 2:17

Tëë yë Wintsën tuny mëti'ipë të tmay të tajyën ets jëtu'un winë të tuny tä të tnikäjpxyën. Tëë tyajkutëkoy mëti'ipë tëëyëp nyikäjpxypën ko tyajkutuka'any, yë'ë të tyajnitukë ets mëtsip mnëxi'ik mtukxi'ikëtëty ets mëtsip mëj'äämpy të tyajnaxy.

Ezequiel 16:42

Jëtu'un nëjkx xyeemy ja ntsip n'äkës ets jotkujkës nëjkx nwë'ëmy; nëjkxëpës ntukjotkëtä'äky ets ka'apës nëjkx jëtu'un ja tsip äkë n'ëkmëët'ajnë.

Ezequiel 23:25

Nyajnaxäämpyës yë ntsip n'äkë ma mijtsën ets nëjkx ëxëëk mtunyë, nëjkxëp tnëtsuky yë mjëjp ets mtatsk; mëti'ipë ënety juuky jaakwë'ëmtëpën kupuxy nëjkx y'o'kta'atë. Nëjkxëp mpëjkxëty yë m'u'unk m'ëna'k ye'etyëjkpë to'oxytyëjkpë ets mijts nino'oky nëjkx m'ooky.

Ezequiel 24:13

Mijts Jerusalén tëë njayajwa'atsa'any ma të m'ëxëëkën ko naspëkë të mjuuky'äty, je'eyëp ko ka'ap mwa'atsy. Jäänëm tëy mwa'atsëty koos ënety ntsip n'äkë nyajnaxy ma mijtsën.

Ezequiel 9:10

Paaty ka'ap mpa'ëyowa'anyës, ni'ikyës yam n'amëtoowta'aja'antë tiijaty tyuuntëp kyajpxtëpën.

Ezequiel 9:5

Etsës të nmëtoy t'ënëëmë ja naaxwiinyëtë ja'ayëty: Panëjkxtë ets xytyukjëtitëtëty mëët ja naax kajpn, jam xyajtso'onta'aktëty maas yë ntsajptëjkën. Këtii xytsyë'ëkëtëty ni pën, yaj'o'kta'atë yë mëjja'aytyëjk, ëna'ktëjk, to'oxy'ëna'k, pi'k ëna'k ets to'oxytyëjk. Je'eyëp tëy ko këtii xymyëwa'antëty ja ja'ayëty mëti'ipë myëët'ajtëpën ja ijxpäjtën ma wyiinpokën. Ënet tyajtso'ontaktë mëët ja mëjja'aytyëjk mëti'ipë ënety jam ma tsajptëjkën yajpatëpën.

Miqueas 3:4

Nëjkxëp jëna'a xymyëkajpxtë yë Wintsën e yë'ë ka'ap nëjkx m'ëtsowëtë. Nëjkxëp nyäyu'utsyë ma ënety xyjyamëkajpxtën jä'ä ko ënety je'eyë të mtuuntëkoytyë.

Nahúm 1:2

Yë Wintsën ni'äkë'ajtp yë'ë ets nitsiptuunp: Ni'äkë'ajtp ma ja ja'ayëtyën mëti'ipë ëwa'ktujkëpën ets tyukjoot'anpëjkpy yë myëtsiptëjk.

Zacarías 1:2

Ëjts Wintsën, mëti'ipë maaytyääyëpën winë, mëkës ojts ntukjoot'anpëky yë m'ap m'okëty, paaty xy'ënëëmëty tyam yë naax kajpn, ko ëjts ënaanp: Wimpitë ma ëjtsën, etsës miitsëty niwinpittëty, Ëjts Wintsën, ëjts ënaanp.

Zacarías 7:13

ets y'ënäny: Jëtu'un ijxtëm yë'ëjëtyën ka'ap xymyëtoow'ijtës koos ojts njamëkajpxtë, näjyëtu'unës ëjts ka'apës nmëtoow'ita'any koos ënety xyjyamëkajpxtë.

Lucas 13:25

Ko ja kutëjk pyëtë'ëkëty ets ja tëjk'aaw tyaj'ëtukëty, pën jap ënety miits të mwë'ëmtë tëja'p, mjaakukajpxëtëp ma ja tëjk'aawën ets mja'ëna'antëty: Wintsën, yaj'ëwa'ats yë tëjk'aaw, tëkëjantëpës. Ënet ja kutëjk m'ëtsowëtëty: ka'apës nijawë mpën miitsëty.

1 Samuel 8:18

E koots ënety jëna'a xywyinkjawëtë ja yajkutujkpë mëti'ipë ënety kë'ëm të xywyin'ixtën, yë Wintsën ka'ap nëjkx m'ëk tuunëtë këwentë.