Ezequiel 8:16 - Biblia Dc en Mixe de Quetzaltepec

¹⁶ Ënätës të xywyoownëjkxy jap tëja'p mëti'ipë tëkotsyow yajpatpën, ma Wintsën yë tsyajptëjk yajnitëkën, itkujky ma tëjkwiinën ets mëët yë wintsë'këntyakn, i'px mëkoxk jap yë ye'etyëjk kyoxtänëtë, japtsow ma jëxkë'ptsow yë tsajptëjk yajpaatyën ma yë'ëjëtyën ets wyinta'ak nyaaxkowtë maatsow yë xëëw pyëtsimyën, xëëw y'ëwtajtëp.

Biblia Mixe de Quetzaltepec

¹⁶ Ënätës të xywyoownëjkxy jap tëja'p mëti'ipë tëkotsyow yajpatpën, ma Wintsën yë tsyajptëjk yajnitëkën, itkujky ma tëjkwiinën ets mëët yë wintsë'këntyakn, i'px mëkoxk jap yë ye'etyëjk kyoxtänëtë, japtsow ma jëxkë'ptsow yë tsajptëjk yajpaatyën ma yë'ëjëtyën ets wyinta'ak nyaaxkowtë maatsow yë xëëw pyëtsimyën, xëëw y'ëwtajtëp.

Ezequiel 8:16 ပူးပေါင်းရင်းမြစ်များ

Deuteronomio 4:19

Ets ko näjyëtu'un mpa'at'ixtëty tsajpkëjxm ets xy'ixtëty yë xëëw po'o, ëkë matsa'a, këtii m'ëna'antëty ets ënät yë'ë xy'ëwtatantëpëty. Jä'ä ko yë Wintsën mëti'ipë miits mTiosajtëpën, yë'ë ojts yajkojëtë ets tëkokyë ja ye'etyëjk tuk'oy'atëty.

Jeremias 32:33

Jyëxkës të xytyuk'akëyëtë, ka'ap yë wyiin jyëjp të tyaktë. Ëjts xëmës të njamo'otë oypyë aaw ayuk ets jeexyë jyuukyajtën tyaj'oyëtë, yë'ëjëty ka'ap nijënu'un tmëjpëjkta'aktë ets ka'ap tsojkën'atë jyuukyajtën tyaj'oyëtëty.

Deuteronomio 17:3

ets t'ëwtajtnëty ja wiink wintsën, ëkë twinkoxtënaaynyëty oytyiijëty, tä yë xëëw, po'ojën, ëkë mëtsa'ajën, aakyë'ë mëti'ipë yë Wintsën ka'ap nt'oyjyawën ets ka'apë të tni'ënä'ämën.

Ezequiel 11:1

Ënet ja Dios ja myëk'ajtën ojts xyajpëtë'ëkyës etsës ojts wyoownëjkxy jam ma yajnitëkën yë Wintsën yë tsyajptëjk. Jam ma tëjk'aawën i'px mëkoxk jam yë ja'ay tyänëtë. Yë'ëjës ojts n'ixkäpy yë Jaazanías, yë Azur yë myaank ets Pelatías, yë Benaías yë myaank, mëti'ipë mëj'äämpy ijtpën ma naax kajpnën.

Jeremias 2:27

jä'ä ko yë'ëpaat yë kepy të t'ënëmaaynyëtë: Mijts nteety'äjtyp; yë'ëpaat yë tsaa të t'ënëmaaynyëtë: Mijts ntaak'ajtyp. E ëjts ni pën të xykyawinkutsë'ëkës, je'eyë të wya'akwinpitë koos të xy'ijxpaatë. E jääts ko muum ëyo'ontum të yajpaatë, jää pojën të y'ëna'antë: Nimiintëkës, yajtsoktëkës.

Joel 2:17

Wä'än yë teetyëjk tjë'ëtë tya'axtë, mëti'ipë jap tsajptëkoty tuuntëpën, mëti'ipë yajpatëpën itkujky ma ja wintsë'këntyaknën ets ma ja tëjkëtyaknën, wä'än t'ëna'antë: Mä'kx, Wintsën yë mnaax mkajpn; këtii xyajkutukëty ets mnaax mkajpn pën tyukxi'ikëtëty; këtii xy'ëwa'atsëty ets wiinkëtypë naax kajpn myëmëta'akëtëty ets y'ëna'antë mëti'ipë ka'ap yë Wintsën t'ëwtatën: ¿Maa ënät ja Tyiosëty?

Ezequiel 43:5

Ënet ja Wintsën ja myëk'ajtën ojts xyajpëtë'ëkyës ets xyajnëjkxyës ma ja tëja'awën tëkotytsyowpë, etsës n'ijxy ko tëë ja Wintsën ja myëj'ajt y'oyajtën tyajtuktujkta'ay ja tsajptëjk.

Ezequiel 45:19

Nëjkxëp yë teety wäänë tpëjkë'ëky ja jëyujk ne'pny mëti'ipë nye'pny'äjtypyën ja wintsë'kën ko ja poky yajtukunaxy ets nëjkx tkëxkoy maajaty ja tsajptëjk xenyën mëti'ipë yajpatpën tëja'ptsow ets maajaty taxkpëky ja tyäkën ja wintsë'këntyakn ets maajaty ja xenyën ja taxkpë japë tëkotsyowën.

Ezequiel 40:28

Ënätës ojts jap xywyoownëjkxy jootjotytsyow ma ja tëja'awën, ëpa'tkë'ëytsyowpë yajpaatyën. Ojts tkijpxy ja tëjk'aaw ëpa'tkë'ëytsyowpë, näjyëtu'un ja kijpxën tmëët'aty tä ja më'ëka'anypyën.

Ezequiel 10:3

Yë tsajpjotmëtë kukäjpxy jam ënety yajpaatë ëpa'tkë'ëmtsow ma tsajptëjkën ets tu'uk ja yoots të tyaj'ujtsta'ay ja tsajptëjk tëja'aw.

Jeremias 44:17

Ni'ikyës njaaktuuna'antë ja mëti'ipës xëmë ntuuntëpën. Ntukwintoyantëpës ja poom mëti'ipë nyiwintaj'ajtypyën ja tsajp; jëtu'unyëm tääjës ntuntën, tä ja n'aptëjkëtyës tuuntën, tä ja yajkutujkpëtëjk ets wintsëntëjkëty tuuntën mëti'ipë jam Judá yajpatën ets jampë Jerusalén të yajpaatën në'ëjoty tu'ujotypë;

2 Crónicas 29:6

Jä'ä ko ja n'ap'ajt nteety'ajtëmë ka'ap ja Wintsën tmëj'ijxtë, ëxëëkëty winë tuuntë ma Wintsënën ets ojts tpuwa'ktutnëtë. Ka'ap ojts ja Wintsën t'ëktuk'ijxpäjnëtë, wiinktsow ja jyot wyinma'any ojts tpëjktaknëtë, tääts jëtu'un ja jyëën tyëjk tukwa'ats t'ëxmajtsnëtë.

2 Reyes 23:11

Ojts tjëpëky ja awinax mëti'ipë jëtu'un këxë'kpën tä kwaayën, mëti'ipë ënety ja Judá yajkutujkpë të tuknipëjktaakën ets jam ja xëëw yajwintsë'ëkëty, mëti'ipë jam yajpatpën ma ja tsajptëjk yajnitëkën, winkon ma ijty y'ityën ja Natän-mélec, mëti'ipë kyëwent'ajtypyën japë tyunyën tsajptëkoty; ojts näjyëtu'un tyajnitoy ja pujxnwintëkäämpë mëti'ipë tyijtëpën xëëw pyujxnwintëkäämpë.

2 Reyes 23:5

Ojts näjyëtu'un t'ixkäjxta'ay ja teetytyëjkëty mëti'ipë ja Judá yajkutujkpë pyëjktakën ets jam tyuntëty ma ja tsajptëjkën tunkëjxm kopkëjxmëpë, mëti'ipë ja poom xëmë tyukwintooy tyukwinjäämtëpën; ets ja teetytyëjkëty mëti'ipë ja wyintsë'kën myooytyëpën ja Baal ets ja xëëw ja po'o, mëti'ipëjaty të tyajnikojtu'utën ets t'ëwtatë ets ja wiinkëtypë ja awinax: tä ja mëtsa'ajën mëjpë mutskpë, tä ja jaayxyëëwën ets ja mëtsa'akë'ëkën, mëti'ipë ënety ja yajkutujkpë të tpëjkta'aktën jampë tyuuntën Judá.

Ezequiel 23:35

Paaty ëjts maas nWintsën'atyën, jëtu'unës n'ëna'any: Mëët koos tëë xyjyä'äytyëkooynyë ets ja mjëxk të xytyuk'akëëynyës, kopkpëky ko xykyumëtowëty ko xim yam ja ye'etyëjk të xymyëët'aty ets ko mijts je'eyë të mpëyë'ëk'ëwtity.

2 Crónicas 7:7

Salomón ojts näjyëtu'un tkënu'kxy ja tsajptëjk ja nyitëja'aw itkujkpyë yajpaatyën mëti'ipë ënety wintuuytsyow wë'ëmpën ma ja Wintsën ja jyëën tyëjkën, jam ja wintsë'kën tyäjky mëti'ipë nino'oky nixämyën ets näjyëtu'un tkë'ëyäjky ja jëyujk on ja tsajpkaa on, jä'ä ko jam ma ja tsuxkpujxn wintsë'këntyaknën ka'ap ojts y'ëkmëtaknë mëët ja maywyintsë'kën, ja aay ujts, ja aaypyajk ujtspajk ets ja may on mëti'ipë yajktëpën ja ja'ay nino'oky nixämpyë.

2 Reyes 16:14

E ja wintsë'këntyakn mëti'ipë tsuxkpujxnën, jampë ënety wintuuytsyow yajpaatyën ma ja tsajptëjkën, ojts yë Acaz tyajjëwä'äky ets tpëjktäky anëkëjxytsyow ma ja wintsë'këntyaknën; jä'ä ko itkujky ënety të wyë'ëmnë maa ja wintsë'këntyaknën mëët ja Dios ja tsyajptëjk.

1 Reyes 8:29

Ni''ijxkëta'ak ya'atë tsajptëjk xëëny koots ma të xynyikäjpxyën ko jap myajpata'any. Mëtoow'it ja jëëytyak nu'kxtakën mëti'ipë ya'atë mtuunpë yam yajnajxypyën.

Ezequiel 8:15

Ënätës të xy'ënëëmë: ¿Tëë xy'ixyë? Mjaak timy y'ixäämpnyëm ni'ik ma'atpë.

Ezequiel 23:39

Ets jä'ä xëëw ma ojts ja y'u'unkëty tukwintsë'ëkëtën ja wiink tios, jä'ä xëëw ojts nyëjkxtë maas yë ntëjkën ets tyaj'ëxë'këtyë. Jëtu'un të y'ëtë'ëtstë maas ja nkë'ëmtëjkën.

Ezequiel 40:6

Ënet ojts ja ja'ay nyijkxy ma ja tëjkëtyaknën mëti'ipë yajpatpën xëëwpëtsëmtsyow ets pyejty ma tëjk yajniyujkwä'äkyën ets ojts tkijpxy ja tëjk'aaw ja nyiye'eypyäjn, jä'ä ojts pyëtsimy mäjtsk xajpk myëjwiinëty.

Ezequiel 43:8

ets ka'ap nëjkx t'ëkojnëtë yë kyutujkëntëjk ets jam tpëjktakëtëty yë nyitëjk'aaw winkon maas yë ntëjkën ets nëjkx yi'iyë tu'uk potsy t'akojtuk'aty. Yë'ëjëty ojts yë nxëëwës nëxi'ik tukxi'iktë ko aakjä'ä tyuuntë mëti'ipës n'ëxëëk'ijxypyën; paatykyëjxmës ëjts njoot'anpëky etsës nyaj'o'ktaaytyë.

Ezequiel 46:1

Ëjts Wintsën, jëtu'unës n'ëna'any: Yë tëjkëtyakn xëëwpëtsëmtsyowpë mëti'ipë yajpatpën jap tëja'p jootjotytsyow ëtuky y'itëty tëtujk xëëw, ma tyuunk xëëwëtyën; jää y'ëwa'atsëty po'kxënxëëw ets ko po'o pyi'k'atëty.

2 Reyes 21:5

Ojts näjyëtu'un ëpëky wiinkpë wintsë'këntyakn tyaj'oyë, jap ma ja tsajptëjkwiinën ma yaj'ëwtatëtyën ja xëëw po'o.

Jeremias 7:18

Yë y'u'unk y'ëna'k, yë'ë ja'axy myëmiintëp; yë u'unkteety yë'ë jëën yajmëjjëtyëp; e yë to'oxytyëjkëty yë'ë jëtsykyojxtëp ets ja tsajpkääky tyaj'oyëtë ets tukwintsë'ëkëja'antë ja tios mëti'ipë tyijtëpën Ja wintaj mëti'ipë yajkutujkpën jam Tsajpjotm.

Jeremias 8:2

jam nëjkx yajpëjktëwtë xëëw antuuy, po'o antuuy ets mëtsa'a antuuy, mëti'ipë ënety të t'ëwtatën, të tmëtuntën, të tpanëjkxtën ets të tyajtëwtën winë. Ni pën nëjkx kyapëjkmukëtë ets nyaaxtëkëtëty. Jëtu'un wyimputskëta'aka'antë tä të'ënyën.

Ezequiel 7:23

Jam xy'ixëty tu'uk yë pujxntejpxy, jä'ä ko ma kajpnën may yë ja'ay mëti'ipë nitujkëpën ko yaja'ay'ooky, ni'ikyë naax kajpn tyuktujknë mëët yë tsiptu'un tsipkajpxën.