Ezequiel 8:15 - Biblia Dc en Mixe de Quetzaltepec

¹⁵ Ënätës të xy'ënëëmë: ¿Tëë xy'ixyë? Mjaak timy y'ixäämpnyëm ni'ik ma'atpë.

Biblia Mixe de Quetzaltepec

¹⁵ Ënätës të xy'ënëëmë: ¿Tëë xy'ixyë? Mjaak timy y'ixäämpnyëm ni'ik ma'atpë.

Ezequiel 8:15 ပူးပေါင်းရင်းမြစ်များ

2 Timoteo 3:13

E ja ëxëëkja'aytyëjkëty ets ja win'ë'ëmpëtëjkëty ni'ikyë y'o'ktëwa'antë, win'ëënantëp ni'ikyë ets näjyëtu'un yajwin'ëëna'antë.

Ezequiel 8:9

Ënätës të xy'ënëëmë: Jap tëkë ets xy'ixëty wi'ix ëxëëk y'ëtë'ëtstën y'ëna'antën.

Ezequiel 8:6

Etsës të xy'ënëëmë: ¿M'ijxyp wi'ix ëxëëk y'ëtë'ëtstë y'ëna'antën yë Israel ja'ayëty, mëti'ipës yë ntsajptëjk xytyukmëjëkämkäktëpënë? Ets tyam wiinkpë xy'ixëty mëti'ipë ni'ik ëxëëkën.

Ezequiel 8:14

Etsës të xywyoownëjkxy ma Wintsën ja tsyajptëjk yajnitëkën, anëkëjxmtsowpë. To'oxytyëjk jam yajpatëp, yë'ë nyijëëy nyiyaxtëp yë tios Tamuz.

Ezequiel 8:16

Ënätës të xywyoownëjkxy jap tëja'p mëti'ipë tëkotsyow yajpatpën, ma Wintsën yë tsyajptëjk yajnitëkën, itkujky ma tëjkwiinën ets mëët yë wintsë'këntyakn, i'px mëkoxk jap yë ye'etyëjk kyoxtänëtë, japtsow ma jëxkë'ptsow yë tsajptëjk yajpaatyën ma yë'ëjëtyën ets wyinta'ak nyaaxkowtë maatsow yë xëëw pyëtsimyën, xëëw y'ëwtajtëp.

Ezequiel 5:11

Ëjts mëti'ipë Wintsën'ajtpën, ëjts ënaanp ets nkë'ëmjuukyajtënës yam ntukajpxpejtyp: Jä'ä ko miitsëty tëë yë ntsajptëjkës xyaj'ëxëëkëtë mëët yë awinax ka'apë ëxëëkpë ets aakjä'ä të xytyuunëtë, mëti'ipë yaj'ëxëëk'ijxpën, näjyëtu'un miitsëty nyajkutëkoyantëp yam ka'ap mpa'ëyowa'antë.