Ezequiel 8:12 - Biblia Dc en Mixe de Quetzaltepec

¹² Etsës të xy'ënëëmë: ¿Ix wi'ix y'ëtë'ëtstën yë Israel mëjja'aytyëjk yu'utsy me'ty?, aaktam yë y'awinaxëty nitu'ukjaty. Yë'ë jëtu'un yë myäytyë tyajtë ko ëjts ka'apës yowë tii n'ixy, ko tëëjës yë kajpn nja'atyëkooynyë.

Biblia Mixe de Quetzaltepec

¹² Etsës të xy'ënëëmë: ¿Ix wi'ix y'ëtë'ëtstën yë Israel mëjja'aytyëjk yu'utsy me'ty?, aaktam yë y'awinaxëty nitu'ukjaty. Yë'ë jëtu'un yë myäytyë tyajtë ko ëjts ka'apës yowë tii n'ixy, ko tëëjës yë kajpn nja'atyëkooynyë.

Ezequiel 8:12 ပူးပေါင်းရင်းမြစ်များ

Isaías 29:15

Janty mon janty tuk yajpaatë ja'ayëty mëti'ipë yu'tstëpën ja tyëko'oyënëty ma Wintsënën, mëti'ipë koots tuuntëkooytyëpën ets y'ëna'antë: Ka'ap pën xy'ijxëmë, ka'ap pën nijawë.

Ezequiel 9:9

Ënet ja Dios xy'ëtsooyës: Mëj këjää të pyokytyuntë Israel ja'ayëty ets Judá ja'ayëty. Ujts yë naax kajpn yajpaaty mëët yë o'kën tëko'oyën; ka'ap jyam'aty oypyë nipaye'eyën. Jëtu'un yë myäytyë tyajtë ko tëëjës nja'atyëkooynyë yë naax kajpn ets ka'apës n'ixy mëti'ipë tyuuntëpën kyajpxtëpën.

Ezequiel 8:15

Ënätës të xy'ënëëmë: ¿Tëë xy'ixyë? Mjaak timy y'ixäämpnyëm ni'ik ma'atpë.

Efesios 5:12

Tsëtyu'un je'eyë xytyukpatmëp ko nnimëtyakmëty mëti'ipë tyuuntëpën ayu'utsy ame'tsyë.

Salmos 10:11

Yë ëxëëk ja'ay jëtu'un myäy tyäjy ko Dios jyä'äytyëkoopy winë, ko je'eyë nyäwyinkumatsëty tääts ka'ap tii t'ixy.

Ezequiel 20:1

Ma myajk anyën ja mëmëkoxk po'opë, ja mëwëxtujk jëmëjtpë, ojts yë mëjja'aytyëjk tninëjkxtë ja Dios ets winë tyajtëwa'antë, ënät jam nyaaxwä'tstaaytyë ëjts nwintuuyës.

Ezequiel 14:1

Ojts may yë mëjja'aytyëjk xynyimintës ets Wintsën winë tyajtëwa'antë.

Ezequiel 8:17

Ënätës yë Wintsën të xy'ënëëmë: ¿M'ijxypyë? Ka'ap yë Judá kajpn kyu'uxyë mëët ja ëxëëktu'un ëxëëk kajpxën, tëë ja jëën tsip tyajtëjkëtyä'äy ma ja naax kajpnën. Janaam jatsojk je'eyë ëxëëkjaty tii tuntë etsës xyajjoot'anpëktë ets jyä'ty njëjpjotyës ëxëëk yowë xyuuktë jyoktë.

Ezequiel 8:11

Nitëkë'px majk jap yë Israel mëjja'aytyëjk tyaktë yë wintsë'kën, tap yë Jaazanías, yë Safán yë myaank, yë'ë jap y'ëwtajtëp tääpë awinax. Aaktam tkë'ëkë'ë'atë jyëën xijtnëty, yajxon yëkjok jam tjanty pyëjkta'aktë mëët yë poom jok.

Salmos 73:11

Tääts kë'ëm nyäyajtëwëtë: Wä'än jëtää Dios t'ëknijawëtyë?, Ëk wä'än jëtää tnijawëty yë Ni'ik Këjxmëpë?

Salmos 14:1

Ja'ay mëti'ipë winma'anytyukën ënaanp ko ka'ap ma Dios, tëë wyinma'any tyëkooytya'atë, aakyë'ë të tuntë ëxëëkpë. Ka'ap ma pën mëti'ipë oypyë tyunëpën.

Isaías 47:10

Mijts yi'iyë të xymyëmay të xymyëtajy ja m'ëxëëktu'un m'ëxëëk kajpxën ets të m'ëna'any: Ni pën xykya'ixyës. Ja mwijyajtën ets ja m'ijxpëkyajtën yë'ë të mnätyukwin'ëënyë, ets të mmay të mtajy: Ëjtsyë jëtu'un tu'uk, ka'ap pën wiinkpë.

Ezequiel 8:13

Ets ojts jyaak tim y'ënä'äny: Mjaak'ixäämpnyëm yë ni'ik ma'atpë tuntën.

Sofonías 1:12

Jä'ä xëëw jëtu'unës yë Jerusalén kajpn ntuk'ixëja'any ntukwoonëja'any tä ja'ay kutë'kxy akootstuuy y'ixy wyoonyën. Etsës ntëytyuna'any mëti'ipë jotkujk'ajtëpën ets tu'k'ityë yajpaatë tä yë tsatym nyëë nyimaanaxyën ets mëti'ipë kë'ëm nämyä'äy nätyajëpën: Yë Wintsën oy ka'oy winë tuny.

Deuteronomio 27:15

Poky yë ja'ay wyë'ëmëty mëti'ipë yajkojpyën yë awinax, ja awinax mëti'ipë pujxn mëët y'oytyunyëtyën ets ja ja'ay mëti'ipë tyuunk'ajtypyën janty'oy ja ijxën tmo'ojëty ets ënät tpëjkta'akëty muum yu'utsytyuuy. Yë jëtu'unpë y'ëxëëk'ijxyp yë Wintsën. Ënet ja ja'ay y'ëtsowtëty: Oy, jëtu'un'atëp.

2 Reyes 17:9

Yë Israel ja'ayëty ojts tëkatsypë ja aaw ayuk tuknipëtsëëmnëtë ja Wintsën, xii yaa ojts muum tkojnëtë ja tuuntakn kajpxtakn ma kyajpnëtyën, nän timjëtu'un ma ja këwent'ajtakn tmëët'atën ets ma ja itjotmën mëti'ipë këwent'atyën.