Ezequiel 7:7 - Biblia Dc en Mixe de Quetzaltepec

⁷ Winkoomp ma mkutëkoya'antën miitsëty naaxtsënääpyë kajpntsënääpyë; wiinkoonp ma axit ako'owë mjajta'aja'antën. Kukëxëjaanp ja xoontakën; jam kopkkëjxm.

Biblia Mixe de Quetzaltepec

⁷ Winkoomp ma mkutëkoya'antën miitsëty naaxtsënääpyë kajpntsënääpyë; wiinkoonp ma axit ako'owë mjajta'aja'antën. Kukëxëjaanp ja xoontakën; jam kopkkëjxm.

Ezequiel 7:7 ပူးပေါင်းရင်းမြစ်များ

Génesis 19:15

Tim xëënyënëp ënätynyë ko yë tsajpjotmëtë kukäjpxy t'ënëmaaytyë ja Lot: Pëtë'ëkoj tim poj'am ets tso'onkojtë timtyämyë mëët yë mto'oxytyëjk ets nimäjtskpë yë mnëëx. Ënet jëtu'un pën këtii m'ooka'any, ko ënety ëëtsëty nyajkutëkoytyë yë kajpn.

Génesis 19:24

Tä yë Dios tyajjëëntu'uy atsë'ëk ajawë jam Sodomë ets Gomorra.

Isaías 13:22

Jam ma ijty ja ja'ay kyëwent'atën, atsiinykyaa nëjkx jam myu'uy nyiitsy; ets ma ja ënä'ämpëtëjk të pyo'kxtën, maykyaa nëjkx jam tyëjkënë. Tim miin tim këtakp ja xëëw po'o ma ja Babilonyë kajpn o'ktëy jyata'anyën; wäänë jyak'ita'any.

Isaías 16:10

Ja xoontakën ets ja xikën ëwë'kën jam jyëjpkëxa'any kamjotm tu'ujotm; ka'ap ja jotkujk'ajtën y'ëkyajpaatanë kamjotm tu'ujotm tä të y'ityën, ka'ap ja tsatym y'ëkyajpëkanë tä të pya'tkë'p'atyën. Ja yaxën jojkën nëjkxëp jyëjpkëjxnë.

Isaías 17:14

Ko jyopy'äty janty'oy yaj'ixy y'ujts'aty, e ko tsyu'ujënyë tëë nyaxo'tstaaynyë. Jëtu'un jyatë ja ja'ayëty mëti'ipë je'eyë një'kxy'ajtëmë myëkäk myëpujtëpën, jëtu'un jyatë ja ja'ayëty mëti'ipë xit ko'ow të xyajwë'ëmëmën.

Isaías 22:5

Jä'ä ko yë Wintsën mëti'ipë maaytyääyëpën winë, tëë tuknipëjktaakë ko tyajmina'any yë ëyo'on, ma y'ooka'an tyëkoya'antën yë ja'ayëty ets ma mon tuk ja xëëw po'o yajpaata'anyën jam mëj joyjyotm ma yajwinkëma'ayën winë. Tëë ja mëjpotsy tjitë mëti'ipë kajpn nyapots'ajtypyën, jampaat kopkëjxm yajmëtoownë ko ja'ay jyë'ëtë ya'axtë.

Jeremias 20:7

Wintsën, mijts tëëjës xywyin'ëëny, kë'ëmës të nmëpëjkpë; ni'ik mmëkëty, paatyës ka'ap të xyajmëtä'äky. Janaam jatsojk je'eyës nyajnëxi'iky nyajtukxi'iky; aak xytyukxikpës yë ja'ay.

Jeremias 50:27

Yaj'o'ktaayëtë yë tsyiptuunpëtëjkëty, jam käjxta'atë ma o'ktaknën. Janty mon janty tuk yë'ëjëty yajpaatë, tëë nyija'tëtë ja xëëw po'o ma yajtëytyuntëtyën.

Ezequiel 12:28

Paaty mijts, jëtu'un xy'ënëëmëty. Ya'atë yë Wintsën të tkäjpxy: Yë n'aaw n'ayukës ka'ap pyo'oxa'any ets y'atëwëty; mëti'ipës të nikäjpxyën kopkpëky ko tyuna'any jyata'anyë. Ëjts Wintsën, ëjts ënaanp.

Ezequiel 30:3

mëti'ipë wiinkoonpën, wiinkoonp ja Wintsën ja xyëëw; mëti'ipë wiinkoonpën wintuky y'ita'any; ëyo'on jää itaanp ma tääpë xëëwën.

Ezequiel 7:12

Tyam, tëë ja xëëw tpaaty. Ma ja to'kpë yajkpë ka'ap tii t'ëktukxoontaknëty, yë'ëpaat mëti'ipë ajuupyën ka'ap ja mëk'ajtën t'ëkmëët'ajnëty wi'ix myonëty tyukëty. Ëwa'an'ajtën yam mëët ntëytyuna'anyës yë Israel ja'ayëty ko amëj akëjxm nyäyjyawëtë.

Joel 1:15

Janty mon janty tuk nyajpatëmë, jä'ä ko tää myiny wyinkony ja Wintsën ja xyëëw. Ma Wintsën xyajkutëkoya'anëmën mëti'ipë maaytyääyëpën winë.

Amós 4:13

Yë Wintsën mëti'ipë yajkojën yë tun kopk ets poj, mëti'ipë tyuknija'apën yë naaxwiinyëtë ja'ay tii tyunäämpyën, mëti'ipë yaj'awinpijtypyën yë kootspë të'kxën jajën, mëti'ipë y'aye'epyën yë itjot naaxjot këjxmëtypë naaxwiinyëtë apëtsëmy. Wintsën, Dios mëti'ipë maaytyääyëpën winë txëëwaty.

1 Pedro 4:17

Tëë ja tiempo tpaaty ma ja Dios tpaye'eyä'änyën ja jyä'äy. Ets pën jam ja paye'eyën tsyo'ontä'äky ma ëëtsajtëmën, ¿Wi'ixpëm jëtää jyata'antë mëti'ipë kyamëmëtoowtëpën ja oy aaw oy ayuk?