Ezequiel 7:3 - Biblia Dc en Mixe de Quetzaltepec

³ Winkoomp ja xëëw jëmëjt jëna'a mijts Israel mkutëkoyä'änyën. Jamës yë n'äkë nkëxkäjxtaja'any ma mijtsën; ntuknikajpxäämpy wi'ixjaty m'ëtë'ëtsy m'ëna'anyën ets ntëytyuna'any jä'ä ko aakyë'ë mtuumpy mëti'ipë ëxëëkën.

Biblia Mixe de Quetzaltepec

³ Winkoomp ja xëëw jëmëjt jëna'a mijts Israel mkutëkoyä'änyën. Jamës yë n'äkë nkëxkäjxtaja'any ma mijtsën; ntuknikajpxäämpy wi'ixjaty m'ëtë'ëtsy m'ëna'anyën ets ntëytyuna'any jä'ä ko aakyë'ë mtuumpy mëti'ipë ëxëëkën.

Ezequiel 7:3 ပူးပေါင်းရင်းမြစ်များ

Génesis 6:13

Ënet yë Dios t'ënëmaay ja Noé: Tyam tëëjës ntuknipëjktaakë koos yë naaxwiinyëtë ja'ay tu'kë'ëyë nyajkutëkooytya'aja'any. Jä'ä ko yë'ëjëty mëj këjää të pyokytyuntë. Paatykyëjxm ëxëëk yë ja'ayëty nyätyuun nyay'ënëmaayënëtë. Nyajkutëkooytya'ajäämpyës tu'kë'ëyë winë mapaat yë naaxwiinyëtë y'ëwtityën.

Isaías 47:7

Ets m'ënany: Ëjts xëmë wintaj'ataanp yajkutujkpë'ataanp. Mijts ka'ap ojts nijënu'un xymyëmay xymyëtajy wi'ix mkukëxëja'anyën.

Jeremias 13:14

Ënätës jëtu'un nyajjajtaja'any tä ja'ay tu'ts tukpu'ujën, xim yam nëjkx tsyiptuntë, tu'k u'unk tu'k ëna'k. Ka'apës npa'ëyowa'antë; nëjkxëpës nyajkutëkooytya'atë, ka'apës nimona'any nituka'any ets ka'apës nmëjjawëja'any. Ëjts Wintsën, ëjts ënaanp.

Ezequiel 11:21

E mëti'ipë ënety juuky'ajtëpën ëxëëk ets yi'iyë tyuuntëp kyajpxtëp mëti'ipë yaj'ëxëëk'ijxpën ets ka'apë yaj'oyjyawën, ntukumëtowantëpës ja tyu'unënëty kyajpxënëty. Ëjts Wintsën, ëjts ënaanp.

Ezequiel 16:38

Ets yë'ë ntukpatëkëjäämpy ko ënety të xyajwintsë'këntyëkoy ja pëjkën ukën ets ko ënety të myajja'ay ooky, atsip a'äkë nëjkx nyaj'ooky.

Ezequiel 16:43

Mijts tëë xyjyä'äytyëkoy wi'ix ojts m'ëna'k'atyën, je'eyës ojts xyajjoot'anpëky mëët ko yi'iyë ja ëxëëktu'un ëxëëk kajpxën të xyajtu'uye'ey ëxëëkpë tsaatsypë; paatykyëjxm mijts ntëytyuna'any ko ka'ap tii oy të xytyuny. Ëjts Wintsën, ëjts ënaanp.

Ezequiel 16:59

Ëjts Wintsën, jëtu'unës n'ëna'any: Ko nmo'ojäämpy yam ja tëytyu'unën ijxtëm mnitëkëtyën, jä'ä ko ka'ap të xypyatuny ja m'aaw m'ayuk mëti'ipë käjpxytyu'unën'ajtpën.

Ezequiel 18:30

Tyam yë mpoky ntukwinmëtowa'antë, wi'ixjaty winë të xytyuuntëkoytyën, miitsëty Israel ja'ayëty. Ëjts Wintsën, ëjts ënaanp. Nikë tim ëxmatstë yë m'ëxëëk juukyajtënëty, këtiipë kë'ëm mpoky tsyëëmë'ëktëty ko ënety axit ako'owë mjatë mkëpätë.

Ezequiel 21:25

E mijts, Israel yajkutujkpë, ëxëëk ja'ay ka'oyjyä'äy, miimp wiinkoonp ja nyixëëw ma myajtëytyunëtyën.

Ezequiel 22:31

Paatykyëjxmës të nyajkëtä'äky yë ëyo'on ma yë'ëjëtyën etsës të nyajtooytyëkoytyë mëët ja ntsip n'äkës, etsës të ntukëpätë mëët ko të tyuuntëkoytyë. Ëjts Wintsën, ëjts ënaanp.

Ezequiel 24:14

Ëjts Wintsën, ëjts ënaanp ets jëtu'un tyuna'any jyata'anyë. Ëjts jëtu'un kë'ëm nyajtunan nyajjatanëp ets ka'ap mpa'ëyowa'any ets ka'apës jatëkok nwinma'anytyëkatsa'any. Yë'ë ntuktëytyunäämpy ko ëxëëk të m'ëtë'ëtsy të m'ëna'any. Ëjts Wintsën, ëjts ënaanp.

Ezequiel 33:20

Miitsëty je'eyëm m'ënaan'ëtë'ëtstë: Yë Wintsën ka'ap oy tuny ja nipaye'eyën. E ëjts nipaye'eyäämpyës nitu'ukjaty miits ja mpokyëty ets jëtu'unës ja tëytyu'unën nyajnaxa'any ma miitsëtyën jëtu'un tä ënety winë të xytyuntën.

Ezequiel 36:19

ets yë'ëjës ojts ntuktëytyuntë koos jëtu'unyë n'awojpwa'kxtaaytyë wiink naax wiink kajpn.

Ezequiel 5:12

Tu'kpëky ma ja tëkëëk pëkpyën, yuu xëëwës ntukyaj'ookäämpy ets pa'am ëyo'on ets ja mëmäjtskpëkpyë nëjkxëp yë myëtsip yaj'ookëtë mëti'ipë ënety të yajnatukyën, e ja mëtëkëëk pëkpyë jëtu'unyës nwojpwa'xta'aja'antë naaxwiinyëtë apëtsëmy. Etsës mpapo'oja'antë mëët yë tëypyujxn nkë'ëkëjxmës.

Ezequiel 5:13

Jëtu'unës nëjkx ja n'äkë nyajnaxy ma yë'ëjëtyën; yë'ëjës ntuk'ëwa'anxäämäämpy etsës njotkujkëty. E ko ënety winë të ntunyës tääts nëjkx tnijawëtë, ko ëjts mëti'ipë Wintsën'ajtpën ojtsës njanikäjpxy maas ënety tëë ntukjoot'anpëknëtën.

Ezequiel 7:2

Ëjts, Wintsën, jëtu'unës n'ënëëmë yë Israel Naax Israel kajpn: Winkoomp ja ëyo'on jotmay, wiinkoonp ja ëyo'on jëna'a ja naaxwiinyëtë kyutëkoyä'änyën.

Ezequiel 7:27

Mon tuk nëjkx nyäxyoxyë yë yajkutujkpë, yë ënä'ämpë näjyëtu'un nëjkx je'eyë tsyë'kënë ets ni'ikyë ja naax kajpn t'ëtsë'ëkëja'any. Jëtu'unës ntuna'any tä winë tuntë tkajpxtën ets jëtu'unës ja nyëë pyoky mpaye'eyä'äny tä tpaye'eytyën ja nyëë pyokyëty. Jëtu'unës xy'ixkaptëty ko ëjts Wintsën.

Ezequiel 7:4

Ka'ap mpa'ëyowa'any; yë'ë ntuktëytyunäämpy ko ëxëëk m'ëtë'ëtsy m'ëna'any ets xykyëpätëty mëti'ipë të xytyuuntëkoyën. Jëtu'un xynyijawëtëty ko ëjts Wintsën.

Ezequiel 9:10

Paaty ka'ap mpa'ëyowa'anyës, ni'ikyës yam n'amëtoowta'aja'antë tiijaty tyuuntëp kyajpxtëpën.

Oseas 12:3

Ka'anëm ënety myëxu'unk'atynyëm ko yë Jacob tkunajxy yë y'äjty ets ko ojts myëjnë'ajnë tsiptuun mëët yë Dios.

Amós 8:2

etsës xyajtëëy: ¿Tii m'ijxyp, Amós? Etsës n'ëtsooy. Yë'ëjës n'ijxyp tu'kkatsy yë ujts tsa'am. Etsës xy'ënëmaay: Yë Israel ja'ayëty tëë tsyaamnëtë; paaty yë'ëjëty ka'apës n'ëkpoky myä'kxanë.