Ezequiel 7:27 - Biblia Dc en Mixe de Quetzaltepec

²⁷ Mon tuk nëjkx nyäxyoxyë yë yajkutujkpë, yë ënä'ämpë näjyëtu'un nëjkx je'eyë tsyë'kënë ets ni'ikyë ja naax kajpn t'ëtsë'ëkëja'any. Jëtu'unës ntuna'any tä winë tuntë tkajpxtën ets jëtu'unës ja nyëë pyoky mpaye'eyä'äny tä tpaye'eytyën ja nyëë pyokyëty. Jëtu'unës xy'ixkaptëty ko ëjts Wintsën.

Biblia Mixe de Quetzaltepec

²⁷ Mon tuk nëjkx nyäxyoxyë yë yajkutujkpë, yë ënä'ämpë näjyëtu'un nëjkx je'eyë tsyë'kënë ets ni'ikyë ja naax kajpn t'ëtsë'ëkëja'any. Jëtu'unës ntuna'any tä winë tuntë tkajpxtën ets jëtu'unës ja nyëë pyoky mpaye'eyä'äny tä tpaye'eytyën ja nyëë pyokyëty. Jëtu'unës xy'ixkaptëty ko ëjts Wintsën.

Ezequiel 7:27 ပူးပေါင်းရင်းမြစ်များ

Ezequiel 18:30

Tyam yë mpoky ntukwinmëtowa'antë, wi'ixjaty winë të xytyuuntëkoytyën, miitsëty Israel ja'ayëty. Ëjts Wintsën, ëjts ënaanp. Nikë tim ëxmatstë yë m'ëxëëk juukyajtënëty, këtiipë kë'ëm mpoky tsyëëmë'ëktëty ko ënety axit ako'owë mjatë mkëpätë.

Santiago 2:13

Pën ja myëku'uk ka'ap tpa'ëyoy, näjyëtu'un ja Dios ka'ap pya'ëyowa'anyë; pën ja myëku'uk pya'ëyoopyën, yë'ë ja oyajtën pyatäämpy ko ënety ja paye'eyën y'ity.

Mateo 7:2

Jä'ä ko yë Dios näjyëtu'un yë mpoky mtukwinmëtowa'anëtë tä ja mmëku'uk ënety ja pyoky të wytyukwinmëtowtën; jëtu'un tä ja mmëku'uk xytsyoktën jyä'äy'atëty näjyëtu'un miitsëty ja'ay'atë.

Joel 3:17

Ënet nëjkx miits xynyijawëtë ko jamës ntsëënë Sión, ma ja kopkën kënu'kxypyë. Yë Jerusalén kënu'kxykyajpn y'ita'any: Ka'ap nëjkx nijëna'a yë myëtsip y'ëkmëmëtakënë.

Ezequiel 26:16

Tëkokyë ja yajkutujkpëtëjk nëjkxëp jam wyä'ätsë'kta'atë ma y'ënyääypyäjnëtyën ets nëjkxëp ja wyit tjäänta'atë mëti'ipë ënety myë''ënä'ämtëpën; tsë'ëkë mëët nëjkx nyaaxwäätstë jatëkok ets janaam jatsojk tsyëtyuytyëty ko ënety m'ixyë.

Ezequiel 21:25

E mijts, Israel yajkutujkpë, ëxëëk ja'ay ka'oyjyä'äy, miimp wiinkoonp ja nyixëëw ma myajtëytyunëtyën.

Isaías 3:11

Janty mon janty tuk yajpaaty ja ëxëëk ja'ay, jä'ä ko ëxëëk jyata'any. Jëtu'un nëjkx ja Wintsën tyukumëtoyë tä ënety ja nyëë pyoky kyëjääjëtyën.

Salmos 9:16

Yë Wintsën tëë kë'ëm nyänyikëxë'ëkyë ko të tuny ja nipaye'eyën. Ja ëxëëk ja'ay tsumy matsy të wyi'imy ma ja majtstaknën mëti'ipë kë'ëm të tyaj'oyën.

1 Reyes 20:28

Ënet jam tu'uk yë Wintsën yë myëtuunpë tnimiiny yë yajkutujkpë mëti'ipë jam ënä'ämpën Israel ets y'ënëmaayë: Jëtu'un yë Wintsën y'ënä'äny: Jä'ä ko yë sirië ja'ayëty të y'ëna'antë ko jamës nWintsën'aty kopkkëjxm ets ka'ap jyamëty joyjotm, ëjts nkë'ëyakäämpyës nitëkokyë yë'ëjëty ma miitsëtyëty. Jëtu'un xynyijawëty ko ëjts Wintsënajtp.

Job 8:22

e yë mmëtsip wintsëtyu'un jëjptsëtyu'un wyë'ëma'antë ets ja ëxëëkja'aytyëjk ja jyëën tyëjkëty, nëjkxëp yajijta'ay.

Salmos 35:26

Wä'än twë'ëmtë tsëtyu'unmëët ets wä'än tkumon tkutukëtë mëti'ipës xytyukxoontaktëpën koos n'ëyo'onpaaty; wä'än twë'ëmtë tsëtyu'unmëët mëti'ipë mëj këjxm näjya'awëtëpën këtiinëm ëjts.

Salmos 109:18

Wä'än tyajtuknikäjpxy ja ëxëëkpë tä jeexyë yë wit yajtukxoxyën, ets tyuktëkëtëty jyootjoty pyajkjoty tä nëëjën ëkë onën,

Salmos 109:19

wä'än jëtu'un tnipëk'aty tä nijänën, ets myoxtsumyë tä wëënën.

Salmos 109:29

Wä'än yë nmëtsiptëjkës tsëtyu'unpata'atë. Wä'än tsëtyu'unmëët twë'ëmta'atë jëtu'un tä jeexyë wit mëët wyë'ëmtën.

Ezequiel 8:1

Ma myëkoxk anyën yë mëtëtujk po'opë, ma tëtujk jëmëjt y'apetyën, jamës ënety n'u'unyë maas yë ntëjkën mëët yë mëjja'aytyëjkëty mëti'ipë Judá kukajpnajtëpën. Ajotkumonë ojts yë Wintsën tpëjktä'äky yë kyë'ë maas ëjtsën,

Ezequiel 7:3

Winkoomp ja xëëw jëmëjt jëna'a mijts Israel mkutëkoyä'änyën. Jamës yë n'äkë nkëxkäjxtaja'any ma mijtsën; ntuknikajpxäämpy wi'ixjaty m'ëtë'ëtsy m'ëna'anyën ets ntëytyuna'any jä'ä ko aakyë'ë mtuumpy mëti'ipë ëxëëkën.

Ezequiel 14:23

Jëtu'un nëjkx mjotkujkëtë ko xy'ixtëty wi'ix ënety winë të tuntën. Ënet nëjkx xyjyä'äkyukëtë ko mëtëyës winë ntuny ko yë Jerusalén yë ëyo'on të ntuknikexyës. Ëjts Wintsën, ëjts ënaanp.