Ezequiel 7:24 - Biblia Dc en Mixe de Quetzaltepec

²⁴ Ëjts nyajminäämpyës yë ja'ay mëti'ipë ëxëëkja'ayëtyën ets yë'ë tjä'ä'atëty yë tëjk mëti'ipë jam ma naax kajpnën. Nyajkëxäämpyës yë myëj'ajt kyëjxm'ajtën yë ja'ayëty mëti'ipë tyam ënä'ämtëpën; nyajkutukäämpyës ets kyutëkooytya'ajëty maajaty t'ëwtatën yë y'awinaxëty.

Biblia Mixe de Quetzaltepec

²⁴ Ëjts nyajminäämpyës yë ja'ay mëti'ipë ëxëëkja'ayëtyën ets yë'ë tjä'ä'atëty yë tëjk mëti'ipë jam ma naax kajpnën. Nyajkëxäämpyës yë myëj'ajt kyëjxm'ajtën yë ja'ayëty mëti'ipë tyam ënä'ämtëpën; nyajkutukäämpyës ets kyutëkooytya'ajëty maajaty t'ëwtatën yë y'awinaxëty.

Ezequiel 7:24 ပူးပေါင်းရင်းမြစ်များ

Ezequiel 28:7

nyajminäämpyës yë jaaypyaat jaaypyo'kxy ma mijtsën ets ëxëëk mtunëtëty, ja'ay mëti'ipë mëkëtyën, mëti'ipë jyuutäämpyën yë tyiypyujxn ets myaj'ooka'anyë, mijts oypyë tsujpë ets wijypyë ets yajnaaxkujitëja'any yë m'oyajtën mëj'ajtën.

Ezequiel 33:28

Aanë'ëk tëëtsë'ëk ets axit ako'owë yë naax kajpn nyajwë'ëma'anyës, mpëjkëjäämpyës ja naax kajpn ja myëk'ajtën mëti'ipë nätyukyajmëjnajxëpën. Ja Israel ja tyun kyopk nëjkxëp tyëëtsë'kta'ay; ka'ap nëjkx jam pën y'ëknajxnë.

Ezequiel 21:31

etsës nyajkëta'aka'any yë n'äkë ma mijtsën tä jëënpatoyën ets nkë'ëyaka'any ma ja'ayën ka'apë pya'ëyoyën ets mëti'ipë yaja'ay o'kpën.

Salmos 106:41

ojts jam t'ëxmatsy ma ja ja'ayëty ka'apë ja Dios t'ëwtatën, ets ojts ja myëtsiptëjk myëmëtakënëtë,

Ezequiel 24:21

Ënëëmë yë Israel kajpn: Jëtu'un yë Wintsën y'ënä'äny: Nyaj'ëxëëkëjäämpyës yam yë ntsajptëjkës, mëti'ipë m'oy'ijxtëpën, mtsojktëpën ets mëj'äämpy mnäyjyawëtë ko jyääjëty ets yë'ë mtukjotmëk'ajtëp; yë m'u'unk m'ëna'këty ye'etyëjk to'oxytyëjk mëti'ipë jam Jerusalén të xyajwë'ëmtën ja'ay nëjkx yaj'o'kta'ajëtë.

Ezequiel 21:2

Mijts ye'etyëjk, nëjkx jatëkok jam Jerusalén ets xynyikajpx xynyimëtya'akëty ko yë tsajptëjk mëti'ipë jamën o'ktëy jyata'any. Ëjts yë nxëëw mtukajpxpätëp ko ënety xynyimëtyä'äky wi'ix jya'ta'any yë Israel kajpn,

Lamentaciones 5:2

Aak wiink naax wiink kajpn yajpaaty mëti'ipë ijty ëëts njä'ä'ajtëpën; ja njëën ntëjkëtyës wiink ja'ay ja tyam jyä'ä'ajnëtëp.

Jeremias 12:12

Ma ja tun kopkën mëti'ipë yajpatëpën jam të'ëts'itjotmën tëë jam myintë ja ja'ayëty mëti'ipë ëxëëk të y'ëtë'ëtstë y'ëna'antën, jä'ä ko ëjts Wintsën, nmëëtës yë ntëypyujxn mëti'ipë yë naax kajpn yajkutëkoyäämpyën wä'än timmyaajëty ets ka'ap ja jotkujk'ajtën y'ita'any.

Jeremias 6:12

Jyëën tyëjkëty, kyam tyu'ujëty ets y'u'unk tyo'oxytyëjkëty, wiink ja'ay nëjkx tjä'ä'ajta'ay. Jä'ä ko tëëjës ntuknipëjktaakë koos ntëytyuna'any ya'atë ja'ayëty mëti'ipë tsënaaytyëpën ma ya'atë kajpnën. Ëjts Wintsën, ëjts ënaanp.

Jeremias 4:7

Jëtu'un ja mmëtsip të mnitsoonyë tä kaa pyëtsimyën ma myä'äy pyo'kxyën, tää ja wyinkony mëti'ipë yajkutëkoyäämpyën ja naax kajpn; tëë ja nyaax kyajpn t'ëxmatsy ets tyajkutëkoyä'äny ja mnaax mkajpn ets xit ko'ow tuunta'aja'any.

Isaías 5:14

Jëtu'un tä kaa tni'ëwë'ëkyën yë jyi'kxy, jëtu'un ja naaxwiinyëtë y'ëwa'atsa'any, ets ja naax kajpn jap kyuka'anaxa'any mëët ja y'ënä'ämpëtëjk, jä'ä ja ja'ayëty jëtu'un jatantëp mëti'ipë ja wit meeny ka'ap ëmaay tjawëtën ets xëmë xyëëwtuntë.

Salmos 83:12

mëti'ipë ojts tjaniwa'ana'antën ja it mëëynyak jotpë mëti'ipë Dios jyä'ä'ajtypyën.

Génesis 47:26

Jëtu'un ojts yë José tyajwë'ëmy yë ënä'ämën, ko tëkokyë yë naax kajpn kopkpëky ko tmo'otëty yë yajkutujkpë tu'kpëkyäty ma ja mëkoxkjatypyën, jënu'un ënety winë tyaj'it tyajwintëwtën ma ja nyaax kyamëtyën. Ya'atë ënä'ämën kuttujkën je'eyëm tyampaat tpatuntë yë ja'ayëty, yi'iyë yë teetyëjkëty ka'ap nitii ayajk ako'onën tyaktë, jä'ä ko yë nyaaxëty ka'ap ojts tkë'ëyaktë ma yajkutujkpën.

Salmos 74:7

Tëë jap yë jëën tpëjkta'aktë tsajptëkoty; ka'ap nijënu'un yë winkutsë'kën të tmëët'atë ma mtsajptëjkën, tëë yajxon tim nyaaxkujijtëtya'atë.

Jeremias 17:4

Kwanë ko xy'ëxmatsëty ja itjot naaxjot mëti'ipë njatukkumaayën ets mmëtun m'ëyowëty ma ja mmëtsipën wiink naax wiink kajpn ma ka'ap xy'ixy'ätyën, jä'ä ko mëkës të xyajjoot'anpëky, jëtu'unës ja ntsip n'äkë xyajtooypyiky jëënën mëti'ipë nyo'ktëkoopyën winë.

Sofonías 1:13

Paaty yë'ëjëty wa'ats yajmä'tsta'aja'antë ma tyaj'itën yu'utsy kë'ëy yë wyit myeenyëty, yë jyëën tyëjkëty nëjkxëp kyutëkooytya'atë. Oy nëjkx jyatëjkkojtë, ka'ap nëjkx yë'ë tuktsëënëtë; oy nëjkx ja tsatsym kam tjanipëjktaakëtë, ka'ap nëjkx yë tsatym nyëë t'uuktë.