Ezequiel 7:23 - Biblia Dc en Mixe de Quetzaltepec

²³ Jam xy'ixëty tu'uk yë pujxntejpxy, jä'ä ko ma kajpnën may yë ja'ay mëti'ipë nitujkëpën ko yaja'ay'ooky, ni'ikyë naax kajpn tyuktujknë mëët yë tsiptu'un tsipkajpxën.

Biblia Mixe de Quetzaltepec

²³ Jam xy'ixëty tu'uk yë pujxntejpxy, jä'ä ko ma kajpnën may yë ja'ay mëti'ipë nitujkëpën ko yaja'ay'ooky, ni'ikyë naax kajpn tyuktujknë mëët yë tsiptu'un tsipkajpxën.

Ezequiel 7:23 ပူးပေါင်းရင်းမြစ်များ

Ezequiel 9:9

Ënet ja Dios xy'ëtsooyës: Mëj këjää të pyokytyuntë Israel ja'ayëty ets Judá ja'ayëty. Ujts yë naax kajpn yajpaaty mëët yë o'kën tëko'oyën; ka'ap jyam'aty oypyë nipaye'eyën. Jëtu'un yë myäytyë tyajtë ko tëëjës nja'atyëkooynyë yë naax kajpn ets ka'apës n'ixy mëti'ipë tyuuntëpën kyajpxtëpën.

Jeremias 27:2

ets t'ënëmaay: Oytyun yë po'otejpxy ets tsajpkaakukë'ë ets mnätyukyo'ktëyëtëty.

Oseas 4:2

Yi'iyë mëjnajxnëp wi'ix wiinkë'ëy akë'ëy Dios xyëëw tukajpxpätëtyën ets y'ayuk ka'ap tkuuytyuntë, ja näwyin'ëën näwyinxajën ets ja ka'apë myëtëyëtyën, ma yaja'ay ooktën, ma myäätstën, ma pëjkën ukën ka'ap twintsë'ëkëtën ets ma je'eyë tsyiptuntën ets janaam jatsojk myëku'uk tyaj'ooktë.

Ezequiel 11:6

Miitsëty tëë may myajja'ay ooktë ma naax kajpnën, tëë xyaj'ujtsta'atë në'ë tu'u mëët yë o'kpë.

2 Reyes 21:16

Ëpëky ja nëë poky mëti'ipë ja Manasés tyuktuunën ja Judá ja'ay ets mëti'ipë yë'ë kë'ëm tyuunën Wintsën wyintum; këjää ojts ja ja'ay tyaj'ok tyajtëkooynyë ka'apë tii poky tmëëtëtyën jam Jerusalén.

Nahúm 3:10

E yë Tebas kajpn ojts tsumy matsy wiink naax wiink kajpn yajmënëjkxnë; yë y'u'unk y'ëna'këty jam yajmëjjëpijptaaytyë ma potsy tyäkyën; mëti'ipë ënety wyintsën'ajtypyën je'eyë ojts yaj'ijxpëtsëëmnëtë ets tsyiptuunpëtëjk aak kë'ëtsumy ojts yajmënëjkxnëtë mëët yë pujxn jo'oky.

Miqueas 7:2

Ka'ap naaxwiiny pën yë ja'aynyë mëtëypyë jyuuky'ätyën ets mëti'ipë Dios wyinkutsë'këpën; aakyë'ë jyëjp'ijxtëp jëna'a tsyiptun tyipkajpxtën; nixim niyam o'kënjëjp'am nyäy'ixa'anëtë.

Miqueas 2:2

Y'atsojktëp yë naax kam ets jyä'äpëjktëp; y'atsojktëp ets mya'tstëp yë jëën tëjk. O'ktëy tuntë yë jyiiky myëku'uk mëët yë y'u'unk y'ëna'k, mëti'ipë ja naax kam jyä'ä'ajtypyën ets mëti'ipë të yajtukumayën.

Ezequiel 22:27

Yë ënä'ämpëtëjkëty mëti'ipë yajpatëpën ma ya'atë kajpnën jëtu'un jyä'äy'atë waxën mëti'ipë piw nuuk tyuunpyën yë y'o'kpë; yaja'ay'ookaanp je'eyë ets tyämäämpy jyä'ätsäämpy ja jot ne'pny ko kyumeenytyä'äky.

Ezequiel 22:13

Ëjts mëkës yam mijts ntukjoot'anpëky jä'ä ko je'eyë ëyoopëja'ay amëjaaw xyajmëtuny ets mijts mkumeenytyä'äky ets myajja'ay o'kp näjyëtu'un.

Ezequiel 22:9

Mëët ko je'eyë wyin'ëëntë, mëti'ipë yajpatëpën ma mijtsën paaty yë wiinkëtypë ja'ay y'ooktë tyëkoytyë; nyinëjkxtëp ja tëkatsypë ja tios mëti'ipë jam tunkëjxm kopkkëjxm nyixëëwtuuntëpën ets tuntë ka'apë tyuunëtyën.

Ezequiel 8:17

Ënätës yë Wintsën të xy'ënëëmë: ¿M'ijxypyë? Ka'ap yë Judá kajpn kyu'uxyë mëët ja ëxëëktu'un ëxëëk kajpxën, tëë ja jëën tsip tyajtëjkëtyä'äy ma ja naax kajpnën. Janaam jatsojk je'eyë ëxëëkjaty tii tuntë etsës xyajjoot'anpëktë ets jyä'ty njëjpjotyës ëxëëk yowë xyuuktë jyoktë.

Lamentaciones 3:7

Kemy jotypyën të xypyëjktä'äkyës mëti'ipë ka'ap tmëëtëtyën pëtsëëmtakn; etsës të xytyuktsuumtä'aty yë pujxntä'äky;

Jeremias 40:1

Ojts yë Jeremías myëkäjpxyë yë Wintsën, tëë ënety yë Nabuzaradán yaj'ëwaatsëpëtsëmyë jam Ramá. Yë Nabuzaradán jam ojts tpaaty yë Jeremías mëët yë Jerusalén ja'ayëty ets Judá ja'ayëty tsumy matsy mëti'ipë ënety yajmënëjkxantëpën jam Babilonyë.

Jeremias 22:17

Mijts yi'iyë mmëmääpy mmëtäjpy wi'ix ja wit meeny xypyaatëty mëët ja antakën; myaj'o'k ja ka'apë tii poky tunyën ets o'ktëy xytyuny xy'ënëëmë ja mnaax mkajpn.

Jeremias 7:6

ets ka'ap xyaj'ëyowtë mëët yë tuunk yë jëpyokxy jyä'äy, yë ku'ooky u'unk, ku'ookytyo'oxy ets ka'ap xyaj'ooktë ja'ay ka'apë tii poky tunyën ma ya'atë it naaxwiinyëtën ets ka'ap xy'ëwtatë wiink tios mëti'ipë nëjkx ok ëxëëk xykyujatëtën,

Jeremias 2:34

Aak ëxëëk ja mwit mtujkxy yajpaaty mëët ja ëyoopëja'ay ja jyot nye'pyny ets mëti'ipë ka'ap tii poky tmëët'atën, mëti'ipë nimaa të xykyakupaatën myeetsy.

Isaías 59:7

Mtimnyëëkajp mtimyujkajptëp yë mtekyëty ets ëxëëkpë xytyuna'antë, xyaj'ooka'antë ja mjëëky mëku'ukëty. Aakyë'ë mëmaay mëët'ajtëp wi'ix myajja'ay ooktëtyën maajaty mnaxtën xit ko'ow winë xytyuunta'atë.

Isaías 59:3

Miitsëty ujts ja mkë'ë m'aawëty mëët ja jot ne'pyny ja mkë'ëwa'axyëty tëë yajja'ay'ooktë; aak je'eyë mwin'ëëntë, aakjä'ä mnikajpx mnimëtyaktëp wi'ix tii xytyuuntëkoytyën.

Isaías 1:15

Ko mkë'ë xyajjë'ëktë ets mkajpxta'aktë, ëjts jëkämës nnas'ixë; oy jënu'un mkajpxta'aktëty kanaak ok, ëjts ka'apës nmëtoy; jä'ä ko miitsëty ujts ja mkë'ë m'aawëty mëët ja jot ne'pyny.

2 Reyes 24:4

ets ko ja ne'pny ënety nëkoo të tam të tjä'ätstë jam Jerusalén. Paatykyëjxm ja Wintsën ka'ap ojts y'ëkpokymyä'kxënëtë.

Jeremias 6:7

Jam Jerusalén jëtu'un jam ëxëëkpë yajpaaty tä muum nëë myuutyën. Tsip jam tuunëp, ëxëëk ja'ay jam nyätyunyë; näyajtsëtyujt näyajwintëkooyëp ja'ay je'eyë ets aak pëjk aak ijxëtëp.

Ezequiel 18:12

yaj'ëyoopy ja ëyoopëja'ay ets mëti'ipë yajmëyäjtypyën winë ni'ikyë tmeetsy, ka'ap tmooywinpity mëti'ipë të tpëjkën; tyuk'ijxpejtyp wiink tios ets yë'ë tyuunpy ëxëëkpës n'ixyën,

Ezequiel 45:9

Ëjts Wintsën, jëtu'unës n'ëna'any: Miitsëty yajkutujkpëtëjk, jëtu'un myaj'ënëëmëtë ko Wä'än najääyë tkexy tnaxy yë tsip käjpxy. Këtii nëkoo o'ktëy xytyimtuntë ëyoopëja'aytyëjk. Tuntë ja mëti'ipë mëtëyën ets nipaye'eytyë winë tëy tëtä'äky. Këtii yë nyaax kyam xy'ëkpëjkënëtë yë nnaax nkajpnës. Ëjts Wintsën, ëjts jëtu'un ni'ënä'ämëp.

Ezequiel 8:16

Ënätës të xywyoownëjkxy jap tëja'p mëti'ipë tëkotsyow yajpatpën, ma Wintsën yë tsyajptëjk yajnitëkën, itkujky ma tëjkwiinën ets mëët yë wintsë'këntyakn, i'px mëkoxk jap yë ye'etyëjk kyoxtänëtë, japtsow ma jëxkë'ptsow yë tsajptëjk yajpaatyën ma yë'ëjëtyën ets wyinta'ak nyaaxkowtë maatsow yë xëëw pyëtsimyën, xëëw y'ëwtajtëp.

Ezequiel 12:19

Ets xy'ënëëmëty yë naaxtsënääpyë kajpn tsënääpyëty mëti'ipë yajpatëpën ma Jerusalén naaxwiinyëtën: Ya'atë yë Wintsën të tkäjpxy: Mon tuk nëjkx mkaytyë m'uuktë ets tsë'ëkë tsë'ëkë nëjkx mnëë uuktë; kutëkoyaanp yë naax kajpn ets tukwa'ats wyë'ëma'any, mëët ko je'eyë ja ja'ay tsyiptun tyipkajpxtë.