Ezequiel 7:2 - Biblia Dc en Mixe de Quetzaltepec

² Ëjts, Wintsën, jëtu'unës n'ënëëmë yë Israel Naax Israel kajpn: Winkoomp ja ëyo'on jotmay, wiinkoonp ja ëyo'on jëna'a ja naaxwiinyëtë kyutëkoyä'änyën.

Biblia Mixe de Quetzaltepec

² Ëjts, Wintsën, jëtu'unës n'ënëëmë yë Israel Naax Israel kajpn: Winkoomp ja ëyo'on jotmay, wiinkoonp ja ëyo'on jëna'a ja naaxwiinyëtë kyutëkoyä'änyën.

Ezequiel 7:2 ပူးပေါင်းရင်းမြစ်များ

Génesis 6:13

Ënet yë Dios t'ënëmaay ja Noé: Tyam tëëjës ntuknipëjktaakë koos yë naaxwiinyëtë ja'ay tu'kë'ëyë nyajkutëkooytya'aja'any. Jä'ä ko yë'ëjëty mëj këjää të pyokytyuntë. Paatykyëjxm ëxëëk yë ja'ayëty nyätyuun nyay'ënëmaayënëtë. Nyajkutëkooytya'ajäämpyës tu'kë'ëyë winë mapaat yë naaxwiinyëtë y'ëwtityën.

2 Crónicas 34:7

Wa'ats tjijtë'ktaay ja wintsë'këntyakn, ja Aserá ja y'awinax ets ja naaxpotsy; xit ko'ow tuuntaay. Jyijtaay ja poom ja nyiwintsë'këntyakn maajaty ja Israel kajpnën. Ok ojts wyimpijnë jam Jerusalén.

Isaías 47:7

Ets m'ënany: Ëjts xëmë wintaj'ataanp yajkutujkpë'ataanp. Mijts ka'ap ojts nijënu'un xymyëmay xymyëtajy wi'ix mkukëxëja'anyën.

Jeremias 12:4

¿Jëna'a jyëjpkëxa'any ja xëëw jëmëjt ma ja naaxwiinyëtë ka'ap anë'ëk tëëtsë'ëk y'ëk'ijnëty ets ma ja aay ujts ka'ap y'ëktëtsnëty? O'kta'ajanëp yë aayjëyujk ujts jëyujknë ets joon jëyujk mëti'ipë kääkëtijtëpën, mëët ko ja naaxwiinyëtë ja'ay ëxëëk y'ëtë'ëtstë y'ëna'antë ets y'ëna'antë ko mijts ka'ap xy'ixy yë tyuuntëko'oy kyajpxtëko'oyënëty.

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënety ja jëtu'unpë kyixy nyäxy?

Jeremias 51:13

Mijts Babilonyë, mëti'ipë nëpë'aay yajpatpën, mëti'ipë ka'ap nitii tyaj'ëmaaytyä'äkyën, tëë kyä'pxy mapaat mëj'äämpy të m'ityën, tëë kyä'pxy mapaat të mjuuky'ätyën.

Lamentaciones 1:9

Tëë yë nyëë pyoky yaj'ëxëëkëtë; ka'ap ojts tmëmay tmëtajy wi'ix wyimpëtsëma'any. Ka'ap nmëpëka'anmëty wi'ix të jyäty të kyëpetyën; ni pën kyajjotkujkmo'oyë. Ix Wintsën, wi'ixës o'ktëy njaty nkëpetyën ets wi'ix yë nmëtsipës nyämyëjaw nyäjyäänty jawëtyën.

Lamentaciones 4:18

Aak y'ijx'ijtëp maajaty najxëmën; ka'ap tjëkyepy wi'ix muum nëjkxmëtyën. Tyim paatyp ja xëëw ma n'o'ktä'ämyëtyën, tëë jëtu'un, o'ktä'ämyëp ënät.

Ezequiel 11:13

Tamës ënety ja Dios ja y'aaw y'ayuk nimëtyakë, ko ojts yë Pelatías jyëpijpkëtä'äky ooky, yë Benaías yë myaank. Ënätës nwintäky nnaaxkooy etsës mëk nyujkyäxy, n'ënanyës: Wintsën, ¿tyam jyaniwäänë'ajtpë yë Israel ja'ayëty ets ni'ikyë xyjyaak timy yajkutëkoyä'änyë?

Ezequiel 12:22

¿Tiitën yë Israel ja'ayëty jyatijantëp ko y'ëna'antë: Ix jënu'un yë xëëw jëmëjt të nyajxnë, mëti'ipë ja käjpxynyajxpëtëjk të tja''akajpxtën ka'ap nyäky tyuny nyäkjyätyë?

Ezequiel 21:2

Mijts ye'etyëjk, nëjkx jatëkok jam Jerusalén ets xynyikajpx xynyimëtya'akëty ko yë tsajptëjk mëti'ipë jamën o'ktëy jyata'any. Ëjts yë nxëëw mtukajpxpätëp ko ënety xynyimëtyä'äky wi'ix jya'ta'any yë Israel kajpn,

Ezequiel 21:25

E mijts, Israel yajkutujkpë, ëxëëk ja'ay ka'oyjyä'äy, miimp wiinkoonp ja nyixëëw ma myajtëytyunëtyën.

Ezequiel 21:4

Jëtu'un, mëëtës yë ntëypyujxn nyaj'o'kta'aja'any yë ja'ay, tu'knaxës nyaj'ooka'any wa'ats ja'ay ets pokyjyä'äy, anëkëjxytsyow ets ëpa'tkë'ëytsyow.

Ezequiel 21:7

Ko pën myajtëwëtëty tii ko myä'äxy, jëtu'un xy'ënëëmëty jä'ä ko të xynyijawë ko tää ja ëyo'on jotmay myiny kyëtä'äky, ënät nëjkx ja ja'ay tyëkëtë moonpë tujkpë ets nëjkx jëtu'unyë ja kyë'ë y'aaw tim nyajtstë'ëyëtya'atë; ni pën nëjkx jotmëk kyanäjyawëty, tu'ukyë jyänty tsyë'këtya'atëty. Tyimpatyp ja xëëw jëmëjt ma ja ëyo'on tyuna'any jyata'anyën. Ëjts Wintsën, ëjts ënaanp.

Ezequiel 35:5

Mijts xëmë mëtsip të mnäyajnaxyë ma Israel ja'ayëtyën ets jää të xynyipëtë'ëky ma ënety jam yajtëytyuntën, ma ja pyoky tkumëtowtën.

Ezequiel 7:1

Ënet ja Dios ojts xymyëkäjpxyës ets xy'ënëmaayës:

Ezequiel 7:3

Winkoomp ja xëëw jëmëjt jëna'a mijts Israel mkutëkoyä'änyën. Jamës yë n'äkë nkëxkäjxtaja'any ma mijtsën; ntuknikajpxäämpy wi'ixjaty m'ëtë'ëtsy m'ëna'anyën ets ntëytyuna'any jä'ä ko aakyë'ë mtuumpy mëti'ipë ëxëëkën.

Joel 1:15

Janty mon janty tuk nyajpatëmë, jä'ä ko tää myiny wyinkony ja Wintsën ja xyëëw. Ma Wintsën xyajkutëkoya'anëmën mëti'ipë maaytyääyëpën winë.

Amós 8:10

Ma ënety ja xëëw tyunyën jää nëjkx ja'ay tyëkëtë yaxpë mëët ko ënety t'ixtë may ja ja'ay y'o'knëtë, ja mëti'ipë ënety ëëwtëpën nän nëjkxëp tyëjkënëtë yaxpë mëët ko ënety may ja o'kpë; nëjkxëp ja wit xytyuktëkëtë monpë tukpë ets nëjkxëp ja mkuwaay xynyëkääptë mëët ko ënety ja ëyo'on jotmay të y'ity. Jëtu'un nëjkx mya'axtë tä ja'ay yä'äxyën mëti'ipë ja y'u'unk të y'ookyën tu'kpajkpë t'u'unk'atyën ets jëtu'un nëjkx jyëjpkukëxë mëët ja monyëtukyë.

Amós 8:2

etsës xyajtëëy: ¿Tii m'ijxyp, Amós? Etsës n'ëtsooy. Yë'ëjës n'ijxyp tu'kkatsy yë ujts tsa'am. Etsës xy'ënëmaay: Yë Israel ja'ayëty tëë tsyaamnëtë; paaty yë'ëjëty ka'apës n'ëkpoky myä'kxanë.

Mateo 24:6

Ko miits xymyëtoy'atëty ja tsip xii yaa ets ko ja ja'ay tsyiptuntëty, ka'ap mtsë'ëkëtëty, kopkpëky ko jëtu'un tyunëtëty jyatëtëty, je'eyëp ko ka'anëm ënety tpaaty ets ja naaxwiinyëtë kyukëxëty.

Deuteronomio 32:20

ets y'ënäny: Nikë oyës yë Israel ja'ayëty ntimjyä'äytyëkoyëty ets ntimy'ëxmatsëty, min n'ëk'ixyës tii winma'any pyatëp. Tëës yam kë'ëm n'ixy, ko yë'ëjëty je'eyë y'ëxëëkjot y'ëxëëk winma'anyëty, wi'ixës n'ëktuk'ijxpätëty.

1 Pedro 4:7

Winkoomp ja xëëw ma ja naaxwiinyëtë kyëxanën, paaty miits wijy kujk itë ets ja'amyätstë ja Dios.

Apocalipsis 20:8

ets ja naaxwiinyëtë ja'ay twin'ëëna'anëty tu'ktsajp'akëtä'äky, jëtu'un ja Gog ets Magog nyämyukëtëty tsiptuunpë mëët ni'ëmukë ja tsyiptuunpëtëjkëty.

Apocalipsis 7:1

Ko jëtu'un y'ëkjajty, ënätës n'ijxy ko ja tsajpjotmëtë kukäjpxy nimajktaxk tyänëtë jam taxk täk këjxm ma ja naaxwiinyëtë ja tyäkën. Jamts ja poj t'awa'ktuktë oymyëti'ipë pojëty, naaxwinkëjxypë, mejy wiinkëjxypyë ets ujtskëjxypë.