Ezequiel 7:16 - Biblia Dc en Mixe de Quetzaltepec

¹⁶ Wä'än jëtää jam pën kopkkëjxm nyajtskääkëty, tä muuxyën mëti'ipë tsë'ëkëkäkpën; tëkokyë y'o'kta'aja'antë mëët ja nyëë pyokyëty.

Biblia Mixe de Quetzaltepec

¹⁶ Wä'än jëtää jam pën kopkkëjxm nyajtskääkëty, tä muuxyën mëti'ipë tsë'ëkëkäkpën; tëkokyë y'o'kta'aja'antë mëët ja nyëë pyokyëty.

Ezequiel 7:16 ပူးပေါင်းရင်းမြစ်များ

Isaías 59:11

Aakjëtu'un ni'tsëmë osën, aakjëtu'un nmu'ujëmë pakën; yajxon yaj'ëwxity yë nitsokën ets ka'ap tsyojkminy; yajxon njajanty'ëwxijtëmë, ni'ikyë nmëjëkämkäkëm.

Isaías 38:14

Je'eyës njaak ajëjy tä kuukën, tä pakën. Tëës ja nwiin nyatimy'ënu'kxënë mëët koos jam tsajpkëjxm mpa'at'ixy. Wintsën ëjts ëxëëkës näjyawëty, tun mëyajtën mijtsës ni ijxkëtak.

Esdras 9:15

Wintsën, Wintsën, mëti'ipë yë Israel ja'ay y'ëwtajtëpën, mijts janty'oy mjot mwinma'any xyajkëxë'ëky ma ëëtsëtyën, mijtsën të xyajkutuky ets ja ja'ay ka'ap tyimkëjxta'ajëty, jëtu'un ijxtëm tyam yaj'ixy yajtunyën. Ëëtsëty tëë nëë poky njanty myëtëkëtës ma mijtsën; paatykyëjxm ka'ap tjëkyepy wi'ix ëëts nyajpaatëtyën ma mijtsën.

Isaías 37:31

Ja Judá ja'ayëty mëti'ipë jaakwë'ëmtëpën, jëtu'un nëjkx yontë jyiitstë tä aay ujtsën. Nëjkxëp tyiktskä'äktë ets nëjkxëp tyëëmpätë,

Ezequiel 36:31

Ets ko xyjyä'ämyätstëty wi'ix ëxëëk të mjuuky'atën ets wi'ix winë ëxëëk të xytyuntën, kë'ëm nëjkx xytyëtyu'unjawëtë ja mnëëjëty mpokyëty ets ja ëxëëkpë ja mjuukyajtënëty.

Jeremias 44:28

Tim niwäänë nëjkx kyä'äktë tsipjoty ets nëjkx jap tsyoontë Egiptë ets myintëty Judá. Jëtu'un nëjkx nijawëtë pën ënety ja y'aaw y'ayuk atëëp, pën yë'ëjëty ëkë pën ëjts.

Jeremias 44:14

Tääpë Judá ja'ayëty jyaakjuuky'atën, nitu'uk nëjkx kyatso'oktë jap Egiptë, ni pën nëjkx kyawë'ëmy juuky. Ets oy ënety jya'ënantëpë wyimpita'antë jatëkok, ka'ap nëjkx tjëkyepy wyimpitë; wä'än jëtää yi'iyë wyimpitëty mëti'ipë ënety jap oywyi'ix jaakkäktëpën.

Jeremias 31:9

Tam mëti'ipë minaanpën kajpxtakp, tam mëti'ipë minaanpën jëëpy yaxp. Jamës nyajnëjkxa'antë ma nëë ka'ap y'ëmaayëtyën ets Joytyuuyës nyajye'eya'antë këtiipë y'anäp y'atä'pxëtëty, jä'ä ko ëjts yë Israel kajpn xytyeety'ajtp ets Efraín yë'ëjës nkä'äxkopk'ajtyp.

Isaías 1:9

Kooxyëp yë Wintsën, mëti'ipë maaytyääyëpën winë ka'ap ni pën të tyajwë'ëmy juuky ma ëëtsajtëmën, jëtu'un jeexyë të njajtëm tä yë Sodomë kajpnën ets Gomorra kajpnën.

Salmos 55:2

Mëtoow'ijtkës, ëtsoowkës; mon tukës nyajpaaty, paaty yam mijts nmëkäjpxy, janty oytsyë'kënës nmëtoownë yë nmëtsiptëjkës yë y'aaw yo'kn. Yë'ëjëty je'eyës xyajjë'ë xyajya'axtë etsës xynyipëtë'ktë.

Jeremias 9:19

Jampaat Sión, tsyoony yë mëto'owën ko yë ja'ay tmëjë'ë tmëya'axtë ja pëjkën ijxën: Janty mon janty tuk ëëtsajtëm nyajpatëmë, jä'ä ko xit ko'ow të njajta'ayëmë. O'ktëy të njajtëmë. Koonëm ja nnaax'ajt nkajpn'ajtëm ënät n'ëxmajtsmëty, xit ko'ow të jyajta'ay ja ntëjk'ajtëmë.

Ezequiel 14:22

Niwäänë nëjkx wyë'ëmtë mëti'ipë y'u'unk y'ëna'k jyaak mëkä'äktëpën. Ko ënety jam nyëjkxtë ma miitsëtyën, ënät nëjkx xy'ixtë wi'ix ënety winë tuntë ets tiijaty ënety të tuntën ets jëtu'un nëjkx mjotkujkmo'ojëtë ma ënety ja ëyo'on jam Jerusalén të nyajkëtä'äkyënës.

Ezequiel 34:6

Jëtu'unyë jam aayjyotm ujtsjotm ets jam kopkëjxm të ye'eywya'kxta'atë, xiitsow yaatsow të kyuye'eyëtya'atë ets ka'ap pën të myëmay të myëtajëtë ets të y'ixta'ajëtë.

Nahúm 2:7

Tsum matsy tyajnëjkxtë wiink naax wiink kajpn ja to'oxytyëjk mëti'ipë yajkutujkpën; tam pyanëjkxyë ja mëti'ipë pujëtu'unëyëpën, je'eyë jyë'ëtë ya'axtë pakën ets jyänty nyäkyätsykyoxëtë.

Sofonías 1:14

Tëë tyimwiinkony yë Wintsën yë xyëëw. Tim winkon, pe'tym wyinkony. Ta'amëm nëjkx yë ja'ay tjawëtë ko ënety ja Wintsën ja ëyo'on tyaj'ity: Yë'ëpaat yë ja'ayëty mëti'ipë jotmëkëtyën nëjkxëp y'ayaxtu'utë.

Isaías 59:12

Tëë yajxon mijts nyajjoot'anpëktë, ja nëë poky mëti'ipës të ntuntën jä'äs xëmë ka'ap xyajjotkujk'atë; ëxëëk ëëts të n'ëtë'ëtstë ets tëë mëj këjää ja nëë poky ntuntës.

Jeremias 3:21

Jam të'ëts'itjotm, jam tunkëjxm yajmëtoy ja aaw yo'kn: Israel ja'ay yë'ëjëty mëti'ipë jëëytyëp yaxtëpën, mëti'ipë y'amëtoowtëpën ets yajpa'ëyowtëty. Tëë tyu'utëkoytyë ma ja në'ë tu'ujën oypyë ets të xyjyä'äytyëkooynyëtës, ëjts Wintsën, mëti'ipë Tyios'ajtpën.