Ezequiel 7:15 - Biblia Dc en Mixe de Quetzaltepec

¹⁵ Jap tëja'p tsip jap tuunëp, tëkoty yuu pa'am jap. Mëti'ipë kajpnjoty yajpatëpën tsipjoty y'ooka'antë, e mëti'ipë kamjoty yajpatëpën yuu xëëw, yuu pa'am yaj'ookanëtëp.

Biblia Mixe de Quetzaltepec

¹⁵ Jap tëja'p tsip jap tuunëp, tëkoty yuu pa'am jap. Mëti'ipë kajpnjoty yajpatëpën tsipjoty y'ooka'antë, e mëti'ipë kamjoty yajpatëpën yuu xëëw, yuu pa'am yaj'ookanëtëp.

Ezequiel 7:15 ပူးပေါင်းရင်းမြစ်များ

Jeremias 14:18

Koos nëjkxy nkamjoty, xii yaajës muum o'kpë n'ixy mëti'ipë tsipjoty të y'ooktën; koos kajpnjoty ntëkë, yë'ëjës ntuk'ijxpejtyp ja'ay mëti'ipë të yuu'ooktën. Yë'ëpaat yë käjpxynyajxpëtëjkëty ets teetytyëjkëty tsyo'onëtë, nyëjkxnëtë muum wiink kajpn ma ka'ap t'ixy'atën.

Ezequiel 5:12

Tu'kpëky ma ja tëkëëk pëkpyën, yuu xëëwës ntukyaj'ookäämpy ets pa'am ëyo'on ets ja mëmäjtskpëkpyë nëjkxëp yë myëtsip yaj'ookëtë mëti'ipë ënety të yajnatukyën, e ja mëtëkëëk pëkpyë jëtu'unyës nwojpwa'xta'aja'antë naaxwiinyëtë apëtsëmy. Etsës mpapo'oja'antë mëët yë tëypyujxn nkë'ëkëjxmës.

Lamentaciones 1:20

Wintsën ix yë nmonyë ntukyës, tim ma'tääpyës njawë njot nini'kx. Je'eyës yë n'aaw njot nja'awënë y'atijmujknë ko të nkäjpxykyumëtoownaxyës. Jap tëja'p yo'kpuxyës jap yë n'u'unk n'ëna'k y'ooktë, e yaa tëkoty nän o'kën yap ijtp.

Ezequiel 6:12

Mëti'ipë jëkäm yajpatëpën pa'am ëyo'on nëjkx yaj'ookëtë, mëti'ipë winkon yajpatëpën tsip käjpxy nëjkx yaj'ookëtë, e mëti'ipë kajpnjoty wë'ëmtëpën juuky, yuu nëjkx jyaak yaj'ookëtë. Jëtu'un nëjkx nyajkëxy nyajnaxyës yë ntsip n'äkës.

Ezequiel 6:11

Ënet ja Wintsën xy'ënëmaayës: Jë'ë ya'ax, näkyox nänyäpët; tukyaax tukjokë ja ëyo'on jotmay mëti'ipë ja Israel ja'ay myëët'atantëpën, jä'ä ko yë'ëjëty yaj'o'kta'ajanëtëp yë yuu xëëw, tsip käjpxy ets yuu pa'am.

Ezequiel 12:16

Nëjkxëpës tu'uk mäjtsk nyajke'eky tsipjoty, yuujoty, pa'amjoty ets tnimëtya'aktëty ma ja naax kajpnën ma ënety yajpaatën wi'ix ëxëëk o'ktëy të y'ëtë'ëtstë y'ëna'antën ets nijawëtëty ko ëjts Wintsën.

Lamentaciones 4:9

Nikë oy mëti'ipë pojën o'kën tsipjoty këtiinëmëm mëti'ipë yuu'o'ktëpën, jä'ä ko mëti'ipë të yuu'ooktën jeky të y'ëyowtë, ko të tyëkoy'äty ja ka'ayën ukën.