Ezequiel 6:7 - Biblia Dc en Mixe de Quetzaltepec

⁷ Ko ënety xy'ixtë ja'ay may y'o'knë, täänëm nëjkx xy'ixkaptës ko ëjts jëtu'un Wintsënajtp.

Biblia Mixe de Quetzaltepec

⁷ Ko ënäty xy'ixtë ja'ay may y'o'knë, täänëm nëjkx xy'ixkaptës ko ëjts jëtu'un Wintsënajtp.

Ezequiel 6:7 ပူးပေါင်းရင်းမြစ်များ

Ezequiel 38:23

Jëtu'un may yë naax kajpn ntuk'ixa'anyës ko ëjts mëjës ets wa'atsës. Ëjts näynyikëxë'ëkanëpës ma yë'ëjëtyën ets nëjkxëp tnijawëtë ko ëjts Wintsën.

Ezequiel 35:15

Mijts ojts mxoontä'äky ko kyutëkooy ja it naaxwiinyëtë mëti'ipë yë Israel ja'ayëty yajmooytyën ets tjä'ä'atëty, je'eyëp ko mijts nän timjëtu'un mjata'any: Mijts Seir kopk aanë'ëk tëëtsë'ëk mkawinpita'any, mëti'ipë Edom jyä'ä'ajtypyën. Ënätnëm xynyijawëtëty ko ëjts Wintsën.

Ezequiel 30:26

Nwojpwa'kxäämpyës yë Egiptë ja'ayëty ma wiinkëtypë naax kajpnën ets nëjkx t'ijxpaatë ko ëjts Wintsën.

Ezequiel 28:23

Ntuknikäxäämpy yë pa'am ëyo'on ets jot ne'pny pyëyë'ëka'any ma mnaax mkajpnën; mayjyä'äy ookantëp kupuxy ma mnaax mkajpnën xiitsow yaatsow. Ënet nëjkx yajnijawë ko ëjts Wintsën.

Ezequiel 26:6

ets nyaax kyajpn mutskëtypë mëti'ipë yajpatëpën nëëwintë'ëtstuuy aak kupuxy y'ooka'antë. Ënet nëjkx tnijawëtë ko ëjts Wintsën.

Ezequiel 25:17

Ntuunwinpitäämpyës ets jëtu'un nyanaxa'anyës yë ntsip n'äkës ma yë'ëjëtyën. Koos ënety jëtu'un ntuny, jäänëm nëjkx tnijawëtë ko ëjts Wintsën.

Ezequiel 24:27

Jä'ä xëëw nëjkx mkajpxë'ëky ets jyëkyejpy nëjkx mëët mëtyä'äky mëti'ipë ënety të kyäktso'okyën. Jëtu'un ijxpäjtën m'itëty ma naax kajpnën ets nëjkx tnijawëtë ko ëjts Wintsën.

Ezequiel 24:24

Yë Ezequiel yë'ë nëjkx xy'ijxpäjtën'atë ets tu'kë'ëyë mëti'ipë yë'ë tyuunpyën näjyëtu'un miitsëty winë xytyuntëty. Ko ënety jëtu'un winë tyunyë jyätyë jää nëjkx xynyijawëtë ko ëjts Wintsën.

Ezequiel 23:49

Tääpë nimäjtskpë to'oxytyëjkëty kopkpëky ko tkumëtowtëty yë nyëë pyokyëty ets ko të t'ëwtatë wiinkpë tios ka'apë Tiosëtyën. Jëtu'un nëjkx miitsëty xynyijawëtë ko ëjts Wintsën.

Ezequiel 20:44

Miitsëty Israel ja'ayëty, ko ënety oy ntsoktë njawëtë, ma ka'ap nja'amyätsa'anyës wi'ix ëxëëk të mjuuky'atën, ma yi'iyë ja nxëëwës myëjnajxyën, ënät nëjkx xynyijawëtë ko ëjts Wintsën. Ëjts Wintsën, ëjts ënaanp.

Ezequiel 20:42

Ko ënety jam nyajtëkë Israel kajpnjoty, ma ja naax kajpnën mëti'ipë ja mteety m'apëty ojts ntukwinwanëtës, ënät nëjkx xynyijawëtë ko ëjts Wintsën.

Ezequiel 20:38

Nyajjëwa'akäämpyës ma miitsëtyën yë käjpxy kumëtoownajxpë ets mëti'ipë ëxëëk ëtëtstëpën ets nyajtso'onta'aja'anyës ma yajpaatën wiink naax wiink kajpn ma tyam tsyëënëtën; je'eyëp ko yë'ëjëty ka'ap tyëkëja'antë ma Israel yë nyaaxjotmën. Ënet xynyijawëtëty ko ëjts Wintsën.

Ezequiel 15:7

Mëtsipës nänyikajpxa'anyë ma yë'ëjëtyën. Jyakukä'äktëp tu'kpëky ja jëën je'eyëp ko nän jëënjoty nëjkx kyukääkëtë. E koos ënety ëjts nänyikäjpxyë mëtsip ma yë'ëjëtyën jäänëm nëjkx xy'ixkaptës ko ëjts Wintsënajtp.

Ezequiel 14:8

Tyamës mëët näy'ixëtëty tääpë ja'ay ets ntëytyunäämpyës yam mëti'ipë nëjkx ijxpät wyi'imyën, mëti'ipë nëjkx ja'ay tnimëtya'aktën etsës njo'otsa'any maas yë nnaax nkajpnën. Ets nëjkx miitsëty xynyijawëtë ko ëjts Wintsën.

Ezequiel 13:23

Paaty miitsëty ka'ap tii xy'ëkwin'ijxnëtëty ka'apë myëtëyëtyën ets ka'ap m'ëk win'ë'ënëtëty ma tii xykyajpxnaxtën. Ëjts nyajtso'okäänpyës yë nkajpnës ma miitsëty o'ktëy xytyuntën ets jëtu'un nëjkx xynyijawëtë ko ëjts Wintsën.

Ezequiel 13:21

nyajpëtsëmäämpyës yë nnaax nkajpnës ma miitsëty o'ktëy xytyuntën ets ma të yajtukwin'ëëntën yë kumots mëti'ipë të nyätyukuyä'äpëtën, këtiipë jatëkok yajwin'ëëntëty. Ënet nëjkx xynyijawëtë ko ëjts Wintsën.

Ezequiel 13:14

Ets njitë'ëka'anyës tääpë yë potsy mëti'ipë të xyjyaamnikoytyën; jëtu'unyës naaxkëjxy nyajijtkëta'aka'any ets nëjkx ja y'ëjx nyijijtu'uty. Jëtu'un, jijtë'ëkaanp tääpë yë potsy ets nëjkx mnijijtpätëtë. Ënet nëjkx xy'ijxpaatë ko ëjts Wintsën.

Ezequiel 13:9

Nkoxäämpyës yë käjpxynyajxpëtëjkëty mëti'ipë ka'ap tii mëtëy twinkëma'atën ets mëti'ipë win'ë'ëntëpën. Ka'ap tjëkyepy jam yajpaatëty ma tyu'ukmuktën yë Israel ja'ayëty; ka'ap nëjkx yë xyëëw yajkëxja'atë ma myintën këxja'ay yë Israel ja'ay yë xyëëwëty ets ka'ap nëjkx tyëkëtë ma Israel ja'ay nyaaxjotëtyën. Ënet nëjkx xy'ijxpaatës ko ëjts Wintsënajtp.

Ezequiel 12:15

Ko ënety të nyajkääkwa'kxtës wiink naax wiink kajpn ets wiink naaxwiinyëtë, jää nëjkx xy'ijxpaatës ko ëjts Wintsën.

Ezequiel 11:12

ets nëjkx xynyijawëtë ko ëjts Wintsën. Miitsëty ka'ap jëtu'un të mjuuky'atë tääjës të ni'ënä'ämën ets ka'ap të xypyatuntë yë ntëyajtënës, miitsëty jëtu'un winë të xytyuntë tä ja'ayëtyën mëti'ipë wiink naax wiink kajpnëtyën.

Ezequiel 11:10

Nëjkxëp kupuxy m'ooktë. Mpaye'eyäämpyës yë mnëë mpokyëty mapaat yë Israel naaxwiinyëtë jyëjpkëxyën ets xy'ixkaptëty ko ëjts Wintsën.

Ezequiel 9:7

Ënet ok t'ënëmaay: Nëjkxtë ma tsajptëjkën ets yaj'ëxë'këtya'atë; yaj'ujtsta'atë mëët yë o'kpë. Ënet tsyo'ontë ets ojts nyëjkxtë yaja'ay o'kpë.

Ezequiel 7:9

Ka'ap mpa'ëyowa'any; yë'ëkyëjxm ntëytyuna'any ko ëxëëk të m'ëtë'ëtsy të m'ëna'any ets xykyëpätëty ja m'ëxëëktu'un m'ëxëëk kajpxën. Ets nëjkx xy'ixkaptës ko ëjts miitsëty ntëytyuuntëp.

Ezequiel 7:4

Ka'ap mpa'ëyowa'any; yë'ë ntuktëytyunäämpy ko ëxëëk m'ëtë'ëtsy m'ëna'any ets xykyëpätëty mëti'ipë të xytyuuntëkoyën. Jëtu'un xynyijawëtëty ko ëjts Wintsën.

Ezequiel 6:13

E ko ënety t'ixtë ja o'kpë ma ja y'awinaxëtyën ets ma ja wyintsë'këntyaknëtyën, jam tunkëjxm kopkkëjxm, ma ja tsaatunën, ma ja kepypya'tkën, ma ja xoj pa'tkën ets maajaty ja wiinkëtypë ja awinax të t'ëwtatën ets të tmo'otën yë wyintsë'kën, ënät nëjkx xy'ixkaptës ko ëjts Wintsënajtp.

Lamentaciones 4:9

Nikë oy mëti'ipë pojën o'kën tsipjoty këtiinëmëm mëti'ipë yuu'o'ktëpën, jä'ä ko mëti'ipë të yuu'ooktën jeky të y'ëyowtë, ko të tyëkoy'äty ja ka'ayën ukën.

Jeremias 25:33

Jëtu'unyë nëjkx nyaaxmë'o'këtya'atë ja ja'ayëty mëti'ipë ënety ja Wintsën yaj'o'kpyën jä'ä xëëw. Ni pën nëjkx kyaniya'axëtë ets ni pën nëjkx kya'ëna'any ets nyaaxtëkëtëty; jëtu'un tä të'ënyën, jëtu'un nëjkx nyaaxmëpuutsë.

Jeremias 18:21

E mijts myajkutukëp ets ja y'u'unk y'ëna'k yuu'ooktëty ëkë kupuxy y'ooktëty. Wä'än yë pa'am ëyo'on yë'ë yaj'ookëtë ets ja y'ëna'ktëjkëty wä'än jam tsipjotm t'ooktë.

Jeremias 14:18

Koos nëjkxy nkamjoty, xii yaajës muum o'kpë n'ixy mëti'ipë tsipjoty të y'ooktën; koos kajpnjoty ntëkë, yë'ëjës ntuk'ijxpejtyp ja'ay mëti'ipë të yuu'ooktën. Yë'ëpaat yë käjpxynyajxpëtëjkëty ets teetytyëjkëty tsyo'onëtë, nyëjkxnëtë muum wiink kajpn ma ka'ap t'ixy'atën.

2 Reyes 19:19

E tyam mijts myaj'amëtoy myajpëjktsoy Wintsën, ma mijts myaj'ëwtatyën, koos xynyiwaantu'utëty ets ëwaatsëtuuy xyajwë'ëmtëtyës këtiipës tääpë ja'ayëty ëxëëk xytyuntëty, jëtu'un tëkokyë ja naax kajpn tnijawëtëty ko mijts tu'uk mWintsën, mëti'ipë mëpaat yë naaxwiinyëtë ja'ay t'ëwtatyën.

Éxodo 14:18

Koos ënety jëtu'un të nyajkëxë'ëky ja nmëj'ajtënës ma ja mëj'ënä'ämpën, mëët nitëkokyë ja tsyiptuunpëtëjk ets ja kyepywyintëkäämpëty ets ja kyëwaayëty, ënätnëm nëjkx ja Egiptë ja'ayëty y'ëna'antë ko janty ëjtstëm jëtu'un Wintsën.

Éxodo 14:4

E ëjts tëëjës kë'ëm ntuknipëjktaakë ets mëj'ënä'ämpë yë mëkwinma'any tpaatëty ets mpapo'ojëtëty, ëjts ntuk'ixäämpyës yam yë nmëj'ajtënës ets tëkokyë yë tsyiptuunpëtëjkëty, jëtu'un nijawëtëty yë Egiptë ja'ayëty ko ëjts Wintsën. Yë Israel ja'ayëty jëtu'un ojts tjantytyuntë.

Éxodo 7:5

Koos ënety të nyaj'ixyë ja nmëjajtën jap Egiptë, ets koos ënety të njuuty ja Israel kajpn, jëtu'un nëjkx yë Egiptë ja'ay nijawëtë ko ëjts Wintsën.

Ezequiel 6:6

Maajaty mjuuky'atën, nyajkutëkoyäämpyës yë wintsë'këntyakn ma xy'ëwtatën yë wiink tios ets xit ko'ow jyajta'ajëty. Yë mwintsë'këntyaknëty xit ko'ow nëjkx jyajta'ay ets y'awinaxëty piw nuuk jyajta'aja'any; yë wintsë'këntyakn ma poom tyoyën nëjkxëp yajijtë'kta'ay; tëkokyë mëti'ipë të xy'oytyuntën nëjkxëp kyutëkooytyä'äy.

Ezequiel 6:8

Nyajtso'okäänpyës ja'ay nitu'uk nimäjtsk mëti'ipë ënety të kyäktso'oktën wiink naax wiink kajpn.

Ezequiel 12:19

Ets xy'ënëëmëty yë naaxtsënääpyë kajpn tsënääpyëty mëti'ipë yajpatëpën ma Jerusalén naaxwiinyëtën: Ya'atë yë Wintsën të tkäjpxy: Mon tuk nëjkx mkaytyë m'uuktë ets tsë'ëkë tsë'ëkë nëjkx mnëë uuktë; kutëkoyaanp yë naax kajpn ets tukwa'ats wyë'ëma'any, mëët ko je'eyë ja ja'ay tsyiptun tyipkajpxtë.

Ezequiel 20:26

Ojts n'ëxmajtsnës ets nyäyaj'ëxëëktëkëtëty mëët ja wintsë'kën mëti'ipë myooytyëpën ja awinax ets yë'ëpaat ma ja y'u'unk y'ëna'këty kä'äxkopkpë tukwintsë'ëkëtë ja ka'apë tiosëtyën. Ya'atë paatyës jëtu'un ntuuny ets tsyë'ëkëtëty ets nijawëtëty ko ëjts Wintsën.

Ezequiel 22:16

nëjkxëpës xyajnipäxëtëkëtë ko ënety ëxëëk mjatë mkëpätë ma wiinkëtypë naax kajpnën, e kopkpëky jëtu'un jyatëty kyëpätëty jä'ä ko ënätës nëjkx xy'ixkaptë ko ëjts Wintsën.

Ezequiel 32:15

Koos yë Egiptë kajpn nyaj'awinpitëty tä yë itjotmën aanë'ëk tëëtsë'ëkpë ets ja naax kajpn tukwa'ats wyë'ëmëty, ka'ap jap pën y'ëktsënaaynyëty, ënät nëjkx tnijawëtë ko ëjts Wintsën.