Ezequiel 6:3 - Biblia Dc en Mixe de Quetzaltepec

³ jëtu'un xy'ënëëmëty: Mëtoow'itë miitsëty Israel kopkëty wi'ix yë Dios t'ënëëmja'anyën yë tun kopk, mëjnëë ets joy jot: Nyajminäämpyës yë tsip mëti'ipë nëjkx tyajkutëkoyën yë wintsë'këntyakn ma tyam xy'ëwtatën wiink tios.

Biblia Mixe de Quetzaltepec

³ jëtu'un xy'ënëëmëty: Mëtoow'itë miitsëty Israel kopkëty wi'ix yë Tios t'ënëëmja'anyën yë tun kopk, mëjnëë ets joy jot: Nyajminäämpyës yë tsip mëti'ipë nëjkx tyajkutëkoyën yë wintsë'këntyakn ma tyam xy'ëwtatën wiink tios.

Ezequiel 6:3 ပူးပေါင်းရင်းမြစ်များ

Miqueas 6:2

Mëtoow'itë miitsëty tun kopk, mëti'ipë ja naaxwiinyëtë tsyëëm'ijtëpën ta'tspëky; yë Wintsën yë'ë pyaye'eyäämpy ja tyuuntëko'oy kyajpxtëko'oyën ja nyaax kyajpn, näy'ojjanëtëp mëët ja Israel kajpn.

Ezequiel 36:8

E miitsëty tun kopkëty, mëti'ipë yajpatëpën ma Israel ja'ayëtyën, ujts nëjkx myajpaatë mëët ja aay kepy mëjjëtypë mëti'ipë tëëmpäjtpën mëti'ipës yë nnaax nkajpn nëjkx tjë'kxtë, tëëpë timy pyäätyën wyimpitëty.

Jeremias 22:29

Naax, naax, naax; mëtoow'it wi'ix yë Wintsën y'ënä'änyën.

Jeremias 3:23

Ni maas nkatuk'oy'atë koos jam muum nëjkxtë tunkëjxm kopkkëjxm jëëpyë yaxpë ëkë yaxpë jojkpë; jam ma Wintsënën mëti'ipës nTios'ajtëpën, yë Israel ja'ayëty pyatëp ja nitsokën.

Jeremias 3:6

Ma ënety yë Josías y'ëne'emyën, jääjës ojts yë Wintsën xymyëkäjpxy ets xy'ënëmaayës: ¿Tëë xy'ixy wi'ix yë Israel kajpn y'ëti'itsyën mëti'ipë käjpxy kyumëtoownajxpën? Yë'ë wiink tios të tpanëjkxtëkë jam muum ma kopkën, ma kepypya'tkën y'ëti'itsy y'ënä'äny, tä tu'uk to'oxytyëjkën xim yampë ye'etyëjk tmëët'atyën.

Jeremias 2:20

Tëëyëp xyajtso'ontä'äky maas je'eyë xykyäjpxykyumëtoownaxyën, maas ka'ap xymyëmëtoyën. Je'eyë m'ënany: Ëjts ka'apës tii ntuna'any. Jam muum kepypya'tkë'ëm, jam muum kopkëjxm, je'eyë ojts jam mpokytyuny, ko wiink tios xy'ëwtajty, jëtu'un tä to'oxytyëjk jyot nyini'kx tookyën ets kanaak yë ye'etyëjk tmëët'aty.

Isaías 27:9

Je'eyëp ko ënät tpokymyä'kxa'any yë Jacob, pën pyatuumpy mëti'ipë yaj'amëtoopën: Ko naaxwayën tuunta'ajëty yë wyintsë'këntyakn ma t'ëwtatyën ka'apë Tyiosëtyën, jëtu'un tukpu'ujëtya'ajëty tä jeexyë ja'ay tsaa twaaytyä'äkyën mëti'ipë yajaamkojpyën ets ka'ap nimaa wyë'ëmëty tu'kpuxyën yë kepy mëti'ipë y'ëwtajtypyën, yajma'ta'ajëp yë wyintsë'këntyakn ma poom tukwinjokyën yë tyiosëty.

Isaías 30:25

Ko ënety jyää'aty ja o'kën tëko'oyën ets kyutëkooytya'atë ja naax kajpn mëti'ipë mëkëtyën ets ta'tspëkyëtyën, Jää'ataanp ja nëë mëti'ipë nëjkx yaj'uukyën, jampaat tunkëjxm kopkëjxm ka'ap ja nëë y'ëmaaytya'aka'any.

1 Reyes 14:23

Jä'ä ko yë'ë ojts näjyëtu'un tnimëktä'äky ets ja ja'ayëty t'ëwtatëty mëti'ipë jeexyë ka'ap t'ëwtatën, ojts ja nyitsajptëjk tkojë ja awinax mëti'ipë yajtijpën Aserá, ojts tyajkojy ja awinax tsaapotsypë ets kepy tsetsypë, tpëjktäky jam muum tunkëjxm ets kepypya'tkë'ëm ma muum ja mëj kepy tyänën.

Amós 7:9

Kutëkooytya'ajantëp yë tsajptëjk mëti'ipë jam yajpatëpën ma Isaac yë y'itjotmën ets tsajptëjk mëti'ipë jam yajpatëpën ma Israel yë kyajpnën, xit ko'ow jyajta'aja'antë. Ets nyaj'itäämpyës yë jëën tsip ma Jeroboam yë y'u'unk y'okën.

Miqueas 6:1

Mëtoow'itë wi'ix ja Dios y'ënä'änyën: Pëtë'ëk ets tukmëmëtya'ak ja tun kopk ja m'amay mjotmay, wä'än tmëtoow'itë ja m'aaw myo'kn.