Ezequiel 5:17 - Biblia Dc en Mixe de Quetzaltepec

¹⁷ Jëtu'un, nyajminäämpyës yë yuu, pa'am o'kën, jëyujk ëwa'anëtypë mëti'ipë nëjkx tsyu'utsëtën ja m'u'unk m'ëna'këty; ets may nëjkx m'ooktë tsipjotm. Ëjts, mëti'ipë Wintsën'ajtpën, ëjts ënaanp.

Biblia Mixe de Quetzaltepec

¹⁷ Jëtu'un, nyajminäämpyës yë yuu, pa'am o'kën, jëyujk ëwa'anëtypë mëti'ipë nëjkx tsyu'utsëtën ja m'u'unk m'ëna'këty; ets may nëjkx m'ooktë tsipjotm. Ëjts, mëti'ipë Wintsën'ajtpën, ëjts ënaanp.

Ezequiel 5:17 ပူးပေါင်းရင်းမြစ်များ

Ezequiel 33:27

M'ënëëmëp näjyëtu'un: Jëtu'un yë Wintsën y'ënä'äny: Njuukyajtënës yam ntukkajpxpejtyp etsës n'ëna'any: ko yë ja'ayëty mëti'ipë tsënaaytyëpën maajaty yë naax kajpnën, xit ko'ow të jyajta'atë, nëjkxëp ja'ay yaj'ookëtë, e mëti'ipë tsënaaytyëpën kamjoty nëjkxëp tsyu'tsta'ajëtë ja jëyujk ëwa'anëtypë, e mëti'ipë aankjoty ets tsaajoty tsënaaytyëpën yuu pa'am yaj'ookanëtëp.

Ezequiel 14:21

Ëjts Wintsën, jëtu'unës n'ëna'any: Ni'ik o'ktëy nëjkx yë Jerusalén kajpn jyäty kyëpety koos ntuknikäxëty ja majktaxkpë ëyo'on: Tsip, yuu, jëyujk ets pa'am ets y'ooktëty ja ye'etyëjk to'oxytyëjk ets jëyujkpaat.

Ezequiel 14:15

E koos nkäxëty yë jëyujk ëwa'anëtypë jam kajpntum ets tyaj'o'kta'atëty yë ja'ay mëti'ipë jam tsënaaytyëpën ets tyaj'awinpitëty ja naax kajpn kutsë'ëkë ets ka'ap jam pën y'ëknaxanëty mëët ko ënety jam ja jëyujk.

2 Reyes 17:25

E jä'ä ko ya'atë ja'ayëty ka'ap ijty Wintsën t'ëwtatë, paatykyëjxm ojts yë Wintsën tyuknikäxëtë kaa ets jëyujk ëwa'anëtypë ets ojts kanaak yajtsu'utstë.

Deuteronomio 32:24

Yë jëënpa'am ets yuu yë'ë nëjkx yaj'o'kta'ajëtë, ma yë'ëjëtyën jam'atëp yë pa'am ëyo'on, jëënpa'am ets jëyujk mëti'ipë yajja'ay'ookëpën, tä yë tsa'anyën, kaa jëyujkën ets jëyujk ëwa'anëtypë.

Mateo 24:35

Këxaanp naxaanp yë tsajp ets naaxwiinyëtë, e yë n'aaw n'ayukës nijëna'a kyakëxa'any kyanaxa'any.

Ezequiel 37:14

Ëjts miitsëty nmo'ojantëp yë xejy mëti'ipë yajjuuky'ajtpën ets mjuuky'ajtwinpitëty; ets nëjkx mpëjkta'aktë ma mkë'ëmnaax mkë'ëmkajpnëtyën. Ënet xynyijawëtëty ko ëjts Wintsën, tëëjës nikäjpxy ets tëëjës jëtu'un winë ntuny tääjës të nikäjpxyën. Ëjts Wintsën ëjts ënaanp.

Ezequiel 30:12

Nyajkutukäämpyës ets Nilë mëjnëë tsyë'ëtsëty, yë'ëjës naax kajpn ntukë'ëtëkëjäämpy yë ëxëëkja'aytyëjk; jaaypyaat jaaypyo'kxy nëjkx ja naax kajpn tyajwë'ëmy xit ko'ow ets nëjkxëp mya'ta'ay winë mëti'ipë ënety yajpatpën ma naax kajpnën. Ëjts Wintsën ëjtsës jëtu'un të n'ëna'any.

Ezequiel 26:14

Tä të'kx tsaajën nyaj'awinpita'anyës ma tsaay tsyë'ëtsëtyën ets nijëna'a kyayaj'akojëty. Ëjts Wintsën, jëtu'unës të n'ëna'any; ëjts tyamës nikajpxë.

Ezequiel 23:47

wä'än yë naax kajpn tkuka'atsy ets wä'än tukuumnaxy; wä'än tyaj'o'ktaayëtë y'u'unk y'ëna'k ets wä'än tnino'ktaayëtë jyëën tyëjkëty.

Ezequiel 22:14

Mijts nitii mëk'ajtën xykyamëët'ata'any ko ënety nnipëtë'ëky ets ntëytyuny. Ëjts Wintsën ëjts ënaanp ets koonëmës nkuuytyuna'any:

Ezequiel 21:32

Nëjkxëp mnitoy ets m'ookëty; yë mjot mne'pny jëtu'unyë nëjkx tyäämjëtijta'ay maajaty yë naax kajpnën ets ni pën nëjkx mkaja'amyetsyë. Ëjts Wintsën, ëjts ënaanp.

Ezequiel 21:3

jëtu'un xy'ënëëmëty: Jëtu'un yë Wintsën y'ënä'äny: Ëjts mëtsipës yam n'awinpity ma mijtsën ets nkupujxta'aja'anyës yë ja'ay, yë'ëpaat mëti'ipë ka'ap pyokymyëëtëtyën ets mëti'ipë pokymyëëtën.

Ezequiel 17:24

Nëjkxëp tëkokyë aay kepy tnijawëtë ko ëjts Wintsënajtp. Ëjts nyajkëtääpyës yë aay kepy mëti'ipë mëj këjxm naxaanpën ets yë'ë nyajyony nyajjiitsyës mëti'ipë ëmaay amutsk yaj'ijxpën. Ëjts nyajtëtsypës yë kepy mëti'ipë tsuxk ijtpën xëmë ets nyajtsuxkëpës yë kepy mëti'ipë të'ëtsën. Ëjts mëti'ipë Wintsën'ajtpën, ëjts ënaanp ets npatuumpyës yë n'aaw n'ayuk.

Ezequiel 17:21

O'kta'ajantëp ja jotmëkja'ayëty jam tsipjotm, mëti'ipë ënety wë'ëmtëpën juuky, jëtu'unyë ye'eywya'kxa'antë taxkpëky. Ënätnëm nëjkx m'ëna'antë ko ëjts Wintsën, tëëjës n'ayuk njakäjpxy.

Ezequiel 14:19

E pën nkejxypyës yë yuu pa'am ma tääpë kajpnën ets ntukjoot'anpëkëtyës, nyaj'itëtyës yë o'kën tëko'oyën, nyajkutukëtyës ets y'ooktëty yë ye'etyëjktëjk ets jëyujkëty.

Ezequiel 6:12

Mëti'ipë jëkäm yajpatëpën pa'am ëyo'on nëjkx yaj'ookëtë, mëti'ipë winkon yajpatëpën tsip käjpxy nëjkx yaj'ookëtë, e mëti'ipë kajpnjoty wë'ëmtëpën juuky, yuu nëjkx jyaak yaj'ookëtë. Jëtu'un nëjkx nyajkëxy nyajnaxyës yë ntsip n'äkës.

Ezequiel 5:15

Ko ënety të nyajnitukë ets ëxëëk mjatëty mkëpätëty ets mëj këjää myajtëytyunëty, aak nëjkxëp ja'ay m'ojyë ets mtukwinmëtoyë ja mpoky ets mijts je'eyë nëjkx myajjoot'anpëky ets myajtsipke'exy ma ja naax kajpnëtyën mëti'ipë na'ëwtity yajpatpën ma mkajpnën. Ëjts Wintsën, ëjts yam jëtu'un nikäjpxyp.

Jeremias 15:3

Ëjts, mëti'ipë Wintsën'ajtpën, ëjts jëtu'un ënaanp: Taxkpëkyës nkäxa'any yë ëyo'on jotmay: tam mëti'ipë tsipjotm ookaanpën, tam mëti'ipë uk nëjkx tsyu'utyën, tam mëti'ipë lut majkwejkxy nëjkx yë jyot nyini'kx yajkëjxëty ets tam mëti'ipë nëjkx kaa jëyujk myätsyën.

Éxodo 23:29

Ëjts ka'apës kom jëmëjt n'ixkäxa'any ma jam y'itën, këtiipë yë naax kamtëjk nëkoo mya'atëty, ëkë nyimayëtëty nëkoo jëyujk ëwa'anëtypë ets nëkoo myajtsëtyut myajwintëkoyëtëty.

Apocalipsis 6:8

Ënätës n'ijxy tu'uk ja kwaay yëktsaptspë ets mëti'ipë tuk'u'unyääyëpën ja kwaay, o'kën ja xyëëwajtyp. Ix'ok pyaminyë mëti'ipë kyutëkats'ajtypyën ja o'kën ets yajmooy ja mëk'ajtën ets tyaj'ookëty ja naaxwiinyëtë ja'ay mëët ja tsip, mëët ja yuu, mëët ja pa'am ets mëët ja jëyujk ëwa'anpë mëti'ipë naaxwiinyën.

Ezequiel 5:16

Nyajminäämpyës yë yuu xëëw ma miitsëtyën, jëtu'un tä jeexyë pën tmëjti'pxyën yë ti'pxnkepy mëti'ipë yajkutëkoopyën. Jëtu'un, nyajminäämpyës ma mijtsën yë yuu xëëw, amay jotmay ets mëti'ipë nëjkx myaj'ook myajtëkoyëtën.

Ezequiel 6:1

Ënet ja Dios ojts xymyëkäjpxyës etsës xy'ënëmaay:

Ezequiel 28:23

Ntuknikäxäämpy yë pa'am ëyo'on ets jot ne'pny pyëyë'ëka'any ma mnaax mkajpnën; mayjyä'äy ookantëp kupuxy ma mnaax mkajpnën xiitsow yaatsow. Ënet nëjkx yajnijawë ko ëjts Wintsën.