Ezequiel 5:12 - Biblia Dc en Mixe de Quetzaltepec

¹² Tu'kpëky ma ja tëkëëk pëkpyën, yuu xëëwës ntukyaj'ookäämpy ets pa'am ëyo'on ets ja mëmäjtskpëkpyë nëjkxëp yë myëtsip yaj'ookëtë mëti'ipë ënety të yajnatukyën, e ja mëtëkëëk pëkpyë jëtu'unyës nwojpwa'xta'aja'antë naaxwiinyëtë apëtsëmy. Etsës mpapo'oja'antë mëët yë tëypyujxn nkë'ëkëjxmës.

Biblia Mixe de Quetzaltepec

¹² Tu'kpëky ma ja tëkëëk pëkpyën, yuu xëëwës ntukyaj'ookäämpy ets pa'am ëyo'on ets ja mëmäjtskpëkpyë nëjkxëp yë myëtsip yaj'ookëtë mëti'ipë ënäty të yajnatukyën, e ja mëtëkëëk pëkpyë jëtu'unyës nwojpwa'xta'aja'antë naaxwiinyëtë apëtsëmy. Etsës mpapo'oja'antë mëët yë tëypyujxn nkë'ëkëjxmës.

Ezequiel 5:12 ပူးပေါင်းရင်းမြစ်များ

Isaías 1:24

Paaty y'ënä'äny yë Wintsën mëti'ipë maaytyääyëpën winë: Ja kutujkënmëëtpë yajpaatyën jam Israel, jëtu'un tnikäjpxy: Wä'än jäpaat jëtu'un tuunkojy tjajtkojyë. Ëjts ntukumëtowäämpyës yë nmëtsipës. Ëxëëkës yam ntuna'any.

Jeremias 13:24

Paatykyëjxm jëtu'unyë nwojpwa'kxa'antë, jëtu'un tä pyojwä'kxyën yë aay pu'uxm mëti'ipë pojë'kpën jam të'ëts'itjotm.

Jeremias 14:12

Yë'ë oy jënu'un y'ayuu'atëty, ëjts ka'apës nmëtowanë y'aaw y'ayuk, oy jënu'un tmëminëty aaypyajk ujtspajk ëjts nwintuuyës ets wintsë'kën nino'oky nixämpyë nkatimnyi''ijxë'ëkäämpyës. Nyajkutëkoyäämpyës mëët yë tsip, mëët yuu xëëw, mëët yë pa'am ëyo'on.

Jeremias 15:2

Ets ko myajtëwëtëty maaxën nyëjkxtëty, jëtu'un xy'ënëëmëty ko ëjts ënaanp: Mëti'ipë të yajtuknipëjktaakën ets y'ookëty mëët ja pa'am ëyo'on, pa'am ëyo'on nëjkx yaj'ookyë; mëti'ipë të yajtuknipëjktaakën ets tsipjotm y'ookëty, tsipjotm nëjkx y'ooky; mëti'ipë të yajtuknipëjktaakën ets yuu yaj'ookëtëty, yuu nëjkx yaj'ookyë; mëti'ipë të yajtuknipëjktaakën ets tsumy matsy yajmënëjkxëty wiink naax wiink kajpn, tsumy matsyë nëjkx yajmënëjkxy.

Jeremias 15:9

Ja taak mëti'ipë may ja y'u'unk y'ëna'kën tëë xyejytyuk ets të jyëpijpkëtä'äky, wintsëtyu'un jëjptsëtyu'un ets mon tuk të wyë'ëmtë, ja xëënyajtën akootstuuypyën të y'awinpity. Pën jaakwë'ëmtëpën juuky, myëtsip nëjkx ntukyaj'ookyës. Ëjts Wintsën, ëjts ënaanp.

Jeremias 21:9

Ja ja'ayëty mëti'ipë wë'ëmtëpën kajpnjoty, jëën tsip, yuu ets pa'am ëyo'on nëjkx yaj'ookëtë. E mëti'ipë tso'ontëpën yaa kajpnjoty ets nyäkyë'ëyakëtë ma ja Caldeo ja'ayëtyën mëti'ipë të mnipëtë'ëkëtën, ka'ap y'ooka'antë, oy ënety y'ëkyajmënëjkxtë tsumy matsy.

Jeremias 24:10

Yë'ëjës ntuknikäxantëp yë tsip käjpxy, yuu xëëw ets pa'am ëyo'on; nitu'uk kyawë'ëma'antë ma ja naax kajpnën mëti'ipës nmooytyën ets mëti'ipës nmooytyën ja y'ap y'okëty.

Jeremias 42:22

Tyam myaj'ënëëmëtë, ko ja'akyukëtë yajxon: yë jëën tsip, yuu xëëw ets ja pa'am ëyo'on, yë'ë myaj'ookan myajtëkoyanëtëp ma ja naax kajpnën ma m'ëna'antën mnëjkxa'antën tsënääpyë.

Jeremias 44:27

Jä'ä ko ëjts yi'iyës ënety jam nmëmääpy nmëtäjpy wi'ix ja ëyo'on jotmay ntuknikäxtëtyën ijxtëm jeexyë ja oyajtën ntuknikäxtën. Nitëkokyë yë Judá ja'ayëty jënu'un Egiptë tsyëënëtën, nëjkxëp kyutëkooytya'atë mëët ja tsip ets ja yuu xëëw.

Jeremias 9:15

Paaty ëjts maas nWintsën'atyën, mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'unës n'ëna'any: Yë'ëjës yam ntukjë'kxantëp ta'ampë, nëëjës yam ntuk'uukantëp tsooymyëëtpë mëti'ipë yaj'o'kpën.

Jeremias 9:16

Nyaj'aye'eyëjantëpës ma wiinkëtypë naax kajpnën ma ka'ap t'ixy'atën ets ma ka'ap t'ixyajtën ja y'aptëjk; tëypyujxn nëjkx yajtukpajëtitë oy tyimmaajëty koonëm y'o'kta'atëty ets nitu'uk kyawë'ëmtëty.

Ezequiel 12:14

Taxkpëky nëjkx jëtu'unyë nyajkääkwä'kxyës ja këwent'ajtpëtëjkëty mëti'ipë ënety kuwanëpën ets näjyëtu'un nëjkx jyatë wiinkëtypë tsyiptuunpëtëjk, mëët yë tëypyujxn nkë'ëkëjxmës n'ixjëtita'an mpajëtita'antës.

Ezequiel 14:17

E koos njaakyaj'itëty yë tsip ma tääpë kajpnën ets nyajkutukëtyës wä'än t'o'kta'atë yë ye'etyëjktëjkëty ets jëyujkëty,

Ezequiel 14:19

E pën nkejxypyës yë yuu pa'am ma tääpë kajpnën ets ntukjoot'anpëkëtyës, nyaj'itëtyës yë o'kën tëko'oyën, nyajkutukëtyës ets y'ooktëty yë ye'etyëjktëjk ets jëyujkëty.

Ezequiel 14:21

Ëjts Wintsën, jëtu'unës n'ëna'any: Ni'ik o'ktëy nëjkx yë Jerusalén kajpn jyäty kyëpety koos ntuknikäxëty ja majktaxkpë ëyo'on: Tsip, yuu, jëyujk ets pa'am ets y'ooktëty ja ye'etyëjk to'oxytyëjk ets jëyujkpaat.

Ezequiel 16:42

Jëtu'un nëjkx xyeemy ja ntsip n'äkës ets jotkujkës nëjkx nwë'ëmy; nëjkxëpës ntukjotkëtä'äky ets ka'apës nëjkx jëtu'un ja tsip äkë n'ëkmëët'ajnë.

Ezequiel 21:22

Ma y'a'oykyë'ë ja ti'pxnkepy tukni''ixyën yë Jerusalén kajpn, jëtu'un yajja'akyukë ko yë'ë nyitëkëjäämpy, yajja'ay ookaanp, tsiptunaanp ets tyajkutëkoyä'äny ja naax kajpn ets twinwëëtëty ja potsy ma tnipätëtyën ja kajpn ets tyajnatujkta'atëty.

Ezequiel 24:13

Mijts Jerusalén tëë njayajwa'atsa'any ma të m'ëxëëkën ko naspëkë të mjuuky'äty, je'eyëp ko ka'ap mwa'atsy. Jäänëm tëy mwa'atsëty koos ënety ntsip n'äkë nyajnaxy ma mijtsën.

Ezequiel 33:27

M'ënëëmëp näjyëtu'un: Jëtu'un yë Wintsën y'ënä'äny: Njuukyajtënës yam ntukkajpxpejtyp etsës n'ëna'any: ko yë ja'ayëty mëti'ipë tsënaaytyëpën maajaty yë naax kajpnën, xit ko'ow të jyajta'atë, nëjkxëp ja'ay yaj'ookëtë, e mëti'ipë tsënaaytyëpën kamjoty nëjkxëp tsyu'tsta'ajëtë ja jëyujk ëwa'anëtypë, e mëti'ipë aankjoty ets tsaajoty tsënaaytyëpën yuu pa'am yaj'ookanëtëp.

Ezequiel 36:19

ets yë'ëjës ojts ntuktëytyuntë koos jëtu'unyë n'awojpwa'kxtaaytyë wiink naax wiink kajpn.

Ezequiel 43:8

ets ka'ap nëjkx t'ëkojnëtë yë kyutujkëntëjk ets jam tpëjktakëtëty yë nyitëjk'aaw winkon maas yë ntëjkën ets nëjkx yi'iyë tu'uk potsy t'akojtuk'aty. Yë'ëjëty ojts yë nxëëwës nëxi'ik tukxi'iktë ko aakjä'ä tyuuntë mëti'ipës n'ëxëëk'ijxypyën; paatykyëjxmës ëjts njoot'anpëky etsës nyaj'o'ktaaytyë.

Ezequiel 5:10

Ma miitsëtyën nëjkxëp yë taak teety yë y'u'unk y'ëna'k tsu'utstë, yë u'unk ëna'k nëjkxëp yë tyaak tyeety tsu'utstë. Ntukumëtowäämpy yë mpoky ets mëti'ipë juuky jaakwë'ëmtëpën taxkpëkyës nyajye'eywya'kxa'any.

Ezequiel 5:17

Jëtu'un, nyajminäämpyës yë yuu, pa'am o'kën, jëyujk ëwa'anëtypë mëti'ipë nëjkx tsyu'utsëtën ja m'u'unk m'ëna'këty; ets may nëjkx m'ooktë tsipjotm. Ëjts, mëti'ipë Wintsën'ajtpën, ëjts ënaanp.

Ezequiel 5:2

Ko ënety jyëjpkëxy ja tsip ma ja naax kajpn yajnitëkën tääts tu'kpëky xyjyëënmo'ojëty ja waay kajpn itkujky; ënät jatëkok ja tsujkn xykyoonë'ëkëty ets jatu'kpëky ja mwaay xynyëëtsukëty tu'kkajpnpa'a xytsyukëty; e jatu'kpëky mëti'ipë ënety mjaak nëëtsujkpyën jëtu'unyë pojjoty xywyëjwa'kxëty. Yë mayjyä'äy ëx'amës npanëjkxa'any mëët tu'uk yë tëypyujxn nkë'ëkëjxyës.

Ezequiel 6:8

Nyajtso'okäänpyës ja'ay nitu'uk nimäjtsk mëti'ipë ënety të kyäktso'oktën wiink naax wiink kajpn.

Ezequiel 7:15

Jap tëja'p tsip jap tuunëp, tëkoty yuu pa'am jap. Mëti'ipë kajpnjoty yajpatëpën tsipjoty y'ooka'antë, e mëti'ipë kamjoty yajpatëpën yuu xëëw, yuu pa'am yaj'ookanëtëp.

Ezequiel 7:3

Winkoomp ja xëëw jëmëjt jëna'a mijts Israel mkutëkoyä'änyën. Jamës yë n'äkë nkëxkäjxtaja'any ma mijtsën; ntuknikajpxäämpy wi'ixjaty m'ëtë'ëtsy m'ëna'anyën ets ntëytyuna'any jä'ä ko aakyë'ë mtuumpy mëti'ipë ëxëëkën.

Amós 9:4

ko ënety të myënëjkxëtë yë myëtsip wiink naax wiink kajpn tsumy matsy, tëypyujxnës nëjkx jam nkexy ets yajkupujxta'atëty. Nëjkxëpës xëmë n'ijx'itë ets ëxëëk jyattëty kyëpätëty.

Amós 9:9

Ni'ënä'ämëjäämpyës yë Israel ja'ayëty ets yaj'anaxtëty tä yë tsajpmok yaj'anaxyën axijtënjoty ets nitu'uk kyaka'ay yë tsajpmok naaxkëjxy.

Zacarías 7:14

Paatyës nyaj'aye'eywya'kxtaaytyë, tä jeexyë pyojwa'kxtën mëët yë pojxujtyk, xiitsow yaatsow ma ja naax kajpnëtyën mëti'ipë ënety ka'ap t'ixy'atën ets ja nyaax kyajpnëty aanë'ëk tëëtsë'ëk y'awinpijty, ni pën jam kyatsëënëjany. Janty oy ënety tääpë kajpn të yajpaaty e yë'ëjëty mon tuk tyaj'awinpijtë.

Deuteronomio 28:65

Ko ënety jam myajpatnë wiink naax wiink kajpn, ninu'un nëjkx mkajotkujk'aty ets ninu'un nëjkx jam mkapo'kxy. Jä'ä ko yë Wintsën yë'ë nëjkx t'ëwa'atsy ets je'eyë xëmë mtsë'ëkëty mjawëty, ja mwiin mjëjp nëjkxëp kyiixë'knë, mjatsokëp jam ja jotkujk'ajtën.

Apocalipsis 6:8

Ënätës n'ijxy tu'uk ja kwaay yëktsaptspë ets mëti'ipë tuk'u'unyääyëpën ja kwaay, o'kën ja xyëëwajtyp. Ix'ok pyaminyë mëti'ipë kyutëkats'ajtypyën ja o'kën ets yajmooy ja mëk'ajtën ets tyaj'ookëty ja naaxwiinyëtë ja'ay mëët ja tsip, mëët ja yuu, mëët ja pa'am ets mëët ja jëyujk ëwa'anpë mëti'ipë naaxwiinyën.