Ezequiel 48:18 - Biblia Dc en Mixe de Quetzaltepec

¹⁸ Nëjkxëp wiinkpë naax nyatëkë jam kajpnpë'am ma ja naaxën mëti'ipë ënety ja Wintsën të yajtuknipëjktaakën, jä'ä y'ayenyëty tëkëëk mil ja tëkëëk mëko'px ja i'px majktëkëëk xajpk maatsow yë xëëw pyëtsimyën ets näjyëtu'un myëjwiinëty maatsow yë xëëw kyëtä'äkyën. Ma tyaapë naaxën jam nëjkx winë yajkojy yajni'ipy, ja pëjktä'äky mëti'ipë ënety jam ijtp wintëëpën yë'ë nëjkx tjä'ä'atë yë ja'ayëty mëti'ipë naax kajpn myëtuuntëpën.

Biblia Mixe de Quetzaltepec

¹⁸ Nëjkxëp wiinkpë naax nyatëkë jam kajpnpë'am ma ja naaxën mëti'ipë ënäty ja Wintsën të yajtuknipëjktaakën, jä'ä y'ayenyëty tëkëëk mil ja tëkëëk mëko'px ja i'px majktëkëëk xajpk maatsow yë xëëw pyëtsimyën ets näjyëtu'un myëjwiinëty maatsow yë xëëw kyëtä'äkyën. Ma tyaapë naaxën jam nëjkx winë yajkojy yajni'ipy, ja pëjktä'äky mëti'ipë ënäty jam ijtp wintëëpën yë'ë nëjkx tjä'ä'atë yë ja'ayëty mëti'ipë naax kajpn myëtuuntëpën.

Ezequiel 48:18 ပူးပေါင်းရင်းမြစ်များ

Ezequiel 45:6

Ok nëjkx xyajwë'ëmy wiinkpë naax mëti'ipë mtukniwë'ëmtëpën ja naax kajpn, tuktujk mil ja tëkëëk mëko'px ja i'px majktëkëëk xajpk myëjwiin'atëty ets mil ja tëtujk mëko'px ja tëkë'px tëtujk xajpk y'ayeny'atëty, wintuuytsyow ma ënety ja tsajptëjk ja jyä'ä të nyiwë'ëmën kënu'kxypyë. Yë'ë ya'atë nëjkx yë Israel y'u'unk y'ok tjä'ä'atë.

Josue 9:27

Yë'ë ojts tuknipëky ets tuunk'atëty yë nija'axk, nëëkoonk nëëwijtsk ets tyuntëty maa ja naax kajpnën ets ma ja wintsë'këntyaknën jam ma ënety ja Wintsën të twin'ixyën. Tyampaat yë Gabaón ja'ayëty yë'ë jëtu'unpë tyuunk'ajtëp.

Ezequiel 48:17

Ma ja kajpn pa'ajën jam nëjkx y'ity ja jëyujk jë'kxy tsajpkaa jë'kxy, jä'ä myëjwiin'atëty ja nyinaax majkta'px tëkëëk xajpk pa'apa'a.

Ezequiel 48:19

Yë ja'ay mëti'ipë naax kajpn myëtuumpyën wä'än pën t'u'unk t'okëty yë'ë nëjkx tyajtuny ya'atë naax.