Ezequiel 47:9 - Biblia Dc en Mixe de Quetzaltepec

⁹ Maajaty jyä'tyën ya'atë nëë jyëkyejpy jam jyuuky'atëty oymyëti'ipë jëyujkëty ets jyëkyejpy jap nëëjoty tsyëënëtëty yë nëë jëyujk. Jä'ä ko ya'atë nëë ko muum jya'tëty ma ta'ampë nëëjën, pa'ak y'awinpita'any ets jyëkyäpëp jyuuky'atëty oytyiijëyujkëty.

Biblia Mixe de Quetzaltepec

⁹ Maajaty jyä'tyën ya'atë nëë jyëkyejpy jam jyuuky'atëty oymyëti'ipë jëyujkëty ets jyëkyejpy jap nëëjoty tsyëënëtëty yë nëë jëyujk. Jä'ä ko ya'atë nëë ko muum jya'tëty ma ta'ampë nëëjën, pa'ak y'awinpita'any ets jyëkyäpëp jyuuky'atëty oytyiijëyujkëty.

Ezequiel 47:9 ပူးပေါင်းရင်းမြစ်များ

Juan 6:63

Ja Dios ja Jya'awën yë'ë ja juukyajtën yäjkpy, ka'ap tyuny mëti'ipë jam yë nyi'kx kyopkën. Mëti'ipë yam të ntukmëmëtya'aktën yë'ë mëti'ipë ka'ap yaj'ixyën je'eyëp ko yäjkpy ja juukyajtën.

Juan 4:14

e mëti'ipë y'uktëpën ja nëë mëti'ipës ëjts nyäjkpyën, nijëna'a kyatëëtsëja'antë jatëkok. Jä'ä ko ja nëë mëti'ipës nyakäämpyën, jëtu'un ja myuuta'any ijxtëm ja nëëkopkën mëti'ipë yajjuuky'ajtpën.

Isaías 55:1

Mintë pënjaty tëtsëpën; mintë pënjaty ka'ap wit meeny tmëëtëtyën, jë'kxtë pëktë, kaytyë uuktë namëyajtën; uuktë pëktë tsi'tsknëë, uuktë pëktë tsatym nyëë, ka'ap meeny tsyokyë.

Salmos 78:16

Dios ojts tyajpëtsëmy yë nëë tsaajoty ets tyaj'awinpijty komnëë.

Romanos 8:2

jä'ä ko ja Kënu'kxymyëkajtën ja y'ënä'ämën mëti'ipë ja Kristë Jesús yajjuuky'äjtypyën, tëë ja myajpëtsëmyë ma ja pokyën mëti'ipë yaj'o'kpën.

Hechos 2:47

Xëmë ijty ja Dios tmëjjawëtë tjaantyjawëtë. Oyjya'awëtëp ni'ëmukë ja ja'ayëty ets winjëpom ja Wintsën ja ja'ay tyajmayë mëti'ipë ja pyoky yajnimä'kxtëpën.

Hechos 2:41

Mëti'ipë myëpëjktën ja aaw ayuk mëti'ipë ja Pedro nyikajpxën, ënätyë ojts nyëëpätë. Jä'ä xëëw, nitëkëëk milën ojts ja ja'ay nyäpyäätyë.

Juan 14:19

Tim jawäänë jëtu'un, ets ka'ap nëjkx xy'ëk'ijxnëtës mëti'ipë yi'iyë naaxwiinypë myëmaay myëtajtëpën; e miitsëty nëjkxëpës xy'ixtë ets mjuuky'attëty jä'ä koos juuky'ajtpës.

Juan 14:6

Ënet ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Dios Teetyën.

Juan 5:25

Tëy miits nëëmëtë ko tää wyinkony ja xëëw jëmëjt ets tyamën jä'ä, ko ja o'kpë tmëtowtëty ja Dios U'unk ja y'aaw y'ayuk, ets mëti'ipë y'amëtoow'ijtëp, pyaatëp y'ixtëp ja juukyajtën.

Juan 3:16

Yë'ë ko Dios ni'ik ja naaxwiinyëtë ja'ay tsoky, paaty tkejxy ja y'U'unk tu'kpajkpë. Pën myëpëjkpy ka'ap y'ookëty, yë'ë myëët'atëp ja juukyajtën xëmëkyëjxmëpë.

Zacarías 2:11

Ko ënety jëtu'un tyunyë jyätyë, may yë naax kajpn tnimina'any yë Wintsën. Ets Wintsën nëjkx y'ënä'äny: Tyaapë kajpnëty nän ëjts yë nkajpn. Ënätës nëjkx ntsëënë ma miitsëtyën. Jëtu'un nëjkx xywyinjawëtë ko yë Wintsën mëti'ipë maaytyääyëpën winë yë'ëjës të xykyexy.

Isaías 49:12

Ëk'ixtë. Tää ja'ay myiintë mëti'ipë jëkäm tso'ontëpën: tam mëti'ipë tso'ontëpën anajnytsyow, a'oytsyow, xëëwpëtsëmy ets xëëwkëtä'äkytsyow.

Isaías 30:26

Ja Wintsën yajtsooypyatäämpy ja nyaax kyajpn ja tsyëtyut ets yajxon tpita'any. Ënet ja po'o jëtu'un tyë'kxa'any tä xëëwën ets ja xëëw mëk nëjkx jyäjy tä jeexyë niwëxtujk tyë'kxtën.

Isaías 12:3

Näyjyëtu'un miitsëty xoontä'äky nëjkx m'uuktë mpëktë ma ja nitsokën yajpaatyën jëtu'un tä nëë muum nyaaxwinpëtsëmyën,

Salmos 103:3

Yë'ëjës xypyokywyinmä'kxp maas winë oy nkatunyën ets yë'ëjës xyajtsokp koos jëna'ajëty npëkyë n'ixyë.

Éxodo 15:26

Ets t'ënëmaay: Pën mijts mja'akyujkëtyëp tëkokyë mëti'ipë yam ntuk'ënëmaaytyëpën, mëët koos ëjts nWintsën'aty, mëti'ipë miitsëty mTiosajtëpën. Pën mtuuntëp jëtu'un mëti'ipës ntukjotkëtäkpyën, ko ënety xypyatuntë ja n'ënä'ämënës ntëyajtënës, ka'ap ntuknikäxtëty ja ëyo'on jotmay mëti'ipës jap të nkexyën Egiptë, jä'ä ko ëjts Wintsën mëti'ipë miits myajtsokëtëpën.

1 Corintios 15:45

Jëtu'un ja Dios ja y'aaw y'ayuk kyëxja'ayëty: Ja ye'etyëjk mëtu'ukpë, ja Adán, myëët'ajt ja juukyajtën; je'eyëp ko ja ix'okpë Adán, ja Jesukristë yajtijp, yë'ë ja juukyajtën të tmëminy tëkatsypë, ka'ap jyëtu'unëty ijxtëm ja mëti'ipë myëmiinën ja jëwyiinpën ja Adán.

Hechos 21:20

Ko jëtu'un tmëtoowtë, tää ja Dios tmëjja'aw tjaantyjya'awëtyë ets ja Pablo t'ënëmaaytyë: Mëku'uk, tää xy'ixy ko yë jutiis ja'ayëty nimay tmëpëktë yë Jesús, e yë'ëty jëtu'un y'ëna'antë ko kopkpëky ko ja Moisés ja y'ënä'ämën yajpatunëty.

Hechos 6:7

Ja Dios ja y'aaw y'ayuk ni'ikyë ënety myëjwiinë kyëjääjë ets ja mëpëjkpëtëjkëty ni'ikyë myäyëtë jam Jerusalén, yë'ëpaat ja teetytyëjkëty ojts may myëpëjknëtë.

Hechos 5:14

Ni'ikyë ja ja'ay nyimayëtë mëti'ipë ja Wintsën myëpëjktëpën, ye'etyëjk to'oxytyëjk.

Hechos 4:4

May ja ja'ay myëpëjktë mëti'ipë ënety të tmëtowtën ja aaw ayuk; ja mëpëjkpëtëjkëty, yi'iyë ye'etyëjktëjkëty, jä'ä nyimay'ajtë mëkoxk mil.