Ezequiel 47:6 - Biblia Dc en Mixe de Quetzaltepec

⁶ Ënätës xy'ënëmaay: Ix yajxon mëti'ipë m'ijxypyën. Ënet jatëkok xyajwinpijtyës nëëpë'aay,

Biblia Mixe de Quetzaltepec

⁶ Ënätës xy'ënëmaay: Ix yajxon mëti'ipë m'ijxypyën. Ënät jatëkok xyajwinpijtyës nëëpë'aay,

Ezequiel 47:6 ပူးပေါင်းရင်းမြစ်များ

Ezequiel 44:5

Ënätës yë Wintsën të xy'ënëëmë: Mijts ye'etyëjk, yajxon ijxwa'kx ets mëtoowkukë mëti'ipë yam ntukmëmëtya'akäämpyën, ja ënä'ämën tëyajtën mëti'ipë jap tunëpën ma tsajptëjkën. Yajxon xytyim ixëty pën mëpaat tyëkë ets pyëtsimy ma tsajptëjkën.

Ezequiel 40:4

Ënet tääpë ja'ay xy'ënëmaayës: Ëk'ix yajxon ets yajxon mëtoow'it; yajxon xytyim ix xytyimtunëty mëti'ipë yam ntuk'ixäämpyën, jä'ä ko mijts Wintsën yaa të mwoowminyë ets ntuk'ixëty ya'atë. Ok nëjkx xytyuk'ëwaanë yë Israel ja'ayëty tëkokyë mëti'ipë yam m'ixäämpyën.

Zacarías 5:2

Ënet ja tsajpjotmëtë kukäjpxy xyajtëëyës: ¿Tii m'ijxyp? Ets n'ëtsooyës: Noky axaatsyës n'ijxyp, pojëtitp; i'px kë'ënux yenyëty ets majk kë'ënux myëjwiinëty.

Zacarías 4:2

¿Tii m'ijxyp? Ets n'ëtsooyës: Yë'ëjës n'ijxyp yë jëëntooytyakn mëti'ipë oytyunyën mëët yë pu'ts pujxn, tam tmëëtëty nëkëjxy ma yaj'atämën yë olivë on. Jam këjxm wëxtujk jam tmëët'aty yë kutë'kxn, jam jyä'ty ja on ma wëxtujk tmëëtëtyën ja nyitu'u.

Ezequiel 8:17

Ënätës yë Wintsën të xy'ënëëmë: ¿M'ijxypyë? Ka'ap yë Judá kajpn kyu'uxyë mëët ja ëxëëktu'un ëxëëk kajpxën, tëë ja jëën tsip tyajtëjkëtyä'äy ma ja naax kajpnën. Janaam jatsojk je'eyë ëxëëkjaty tii tuntë etsës xyajjoot'anpëktë ets jyä'ty njëjpjotyës ëxëëk yowë xyuuktë jyoktë.

Ezequiel 8:6

Etsës të xy'ënëëmë: ¿M'ijxyp wi'ix ëxëëk y'ëtë'ëtstë y'ëna'antën yë Israel ja'ayëty, mëti'ipës yë ntsajptëjk xytyukmëjëkämkäktëpënë? Ets tyam wiinkpë xy'ixëty mëti'ipë ni'ik ëxëëkën.

Mateo 13:51

Tääts ja Jesús tyajtëëy: ¿Mwinmëtoowtëp tu'kë'ëyë ya'atë? Ets y'ëtsoowtë: Jëtu'un, Wintsën. Nwinmëtoowtëpës.