Ezequiel 47:18 - Biblia Dc en Mixe de Quetzaltepec

¹⁸ Ja tsëpa'an xëëwpëtsëmtsyowpë nyäxyën jam nëjkx tsyoony Haurán ets Damaskë ets nëjkx jyä'ty jam Tamar, ma Ookpyë Mejyën, yë'ë pyaye'eyëp yë Jordán nëë, yë'ë nëjkx tsyëpa'an'aty ma mëët nyäpyaatëtëtyën yë Galaad ets Israel y'itjot.

Biblia Mixe de Quetzaltepec

¹⁸ Ja tsëpa'an xëëwpëtsëmtsyowpë nyäxyën jam nëjkx tsyoony Haurán ets Damaskë ets nëjkx jyä'ty jam Tamar, ma Ookpyë Mejyën, yë'ë pyaye'eyëp yë Jordán nëë, yë'ë nëjkx tsyëpa'an'aty ma mëët nyäpyaatëtëtyën yë Galaad ets Israel y'itjot.

Ezequiel 47:18 ပူးပေါင်းရင်းမြစ်များ

Génesis 13:10

Ënet ja Lot nyajts'ijxëy jam joyjotm ma ja Jordán mëjnëëjën ets t'ijxy ko ka'ap jam tyëkoy'äty yë nëë, tsuj jyänty kyëxë'ëky, tä tu'uk yë jë'kxykyamën mëti'ipë japën Egiptë, jampaat jyä'ty ma ja Zoar kajpnën. Jëtu'un ënety ya'atë naax kajpn yajpaaty ma ka'anëm ja Dios ja Sodomë kajpn ets Gomorra kajpn tyajkutëkoynyëmën.

Job 40:23

Oy yë nëë jyakomy ka'ap y'ëtsë'ëkëty; oy yë nëë jyaku'ty jyëjpkëjxy yë'ë akujk jotkujk yajpaaty.

Jueces 10:8

Yë Amón ja'ayëty ets filistejë ja'ayëty ëxëëk tuuntë yë Israel ja'ayëty mëti'ipë jam tsënaaytyëpën Galaad, jamtsow awinmtsow ma Jordán nëë jyënäkyën, ma nyaaxjotëtyën yë Amor ja'ayëty.

Génesis 31:47

Jä'ä ojts yë Labán tyajxëëwpety tampë ja it naaxwiinyëtë Jegar Sahaduta, jëtu'un ijxtëm ënety yë'ë kyäjpxyën; e yë Jacob jä'ä ojts txëëwmo'oy Galaad jëtu'un ijxtëm ënety yë'ë kyäjpxyën.

Génesis 31:23

Ënet ojts tnitsoontë nimay mëët ja jyiiky myëku'uk ets tnajtspatëtyë kom wëxtujk xëëw jam Galaad kopkjotm.

Génesis 13:11

Yë'ë ojts ja Lot twin'ixy ja joyjotm, mëti'ipë jam yajpatpën ma ja Jordán mëjnëëjën. Jamtsow ojts awinm nyijkxy tsënääpyë ma ënety jam të y'itën, jëtu'un ojts ja Abram mëët ja tsyojkmaank Lot nyäyajwa'kxënëtë.

Génesis 37:25

Tää jam tyëjkëtyë kääpyë ukpë. E ko wäänë y'ijty tä t'ijxpatë ko jam myintë yë Ismael ja'ayëty, mëti'ipë tso'ontëpën Galaad, yë'ë jëyujk jëku'ux wyojpmiintëp jap Egiptë tukmënëjkxtë yë pa'akxu'kpë mëti'ipë yajtijpën bálsamo ets mirrë ets on mëti'ipë oy xu'kpën.

Jeremias 50:19

Ëjts nyajwinpitäämpy jatëkok yë Israel ja'ayëty ma nyaax kyajpnëtyën, jëtu'unës nyajwinpita'any tä tu'uk yë kupixyny yajtukniwoyën yë jyi'kxy jam Carmel, Basán, ëkë ma Efraín kyopk jotmën, jam Galaad.

Ezequiel 47:16

nyaxëty jam Berotá ets Sibraim mëti'ipë yajpatpën ma Damaskë y'itjotmën ets Hamat y'itjot nyaxëty jam Hasar-haticon ma mëët nyämëtsëpa'an'atyën yë Haurán.

Joel 2:20

Tyam njëpëka'anyës ma miitsëtyën yë mu'u mëti'ipë tso'ontëpën anëkëxmtsow ets jam të'ëts'itjotm najtskäjxëja'anyës. Jam Ooky Nyëëjotm nyajkiinta'aja'antës mëti'ipë winye'eyëtëpën, mëti'ipë paye'eyëtëpën jam nyajkiinta'aja'anyës ma Mejyën Naax'akujkpyë, jëtu'unyë nëjkx yë jyot nyini'kxëty wyimputskëta'aktë ets xyuuktëty jyoktëty. Mëj këjääjës winë ntuna'any nkajpxa'any.