Ezequiel 47:16 - Biblia Dc en Mixe de Quetzaltepec

¹⁶ nyaxëty jam Berotá ets Sibraim mëti'ipë yajpatpën ma Damaskë y'itjotmën ets Hamat y'itjot nyaxëty jam Hasar-haticon ma mëët nyämëtsëpa'an'atyën yë Haurán.

Biblia Mixe de Quetzaltepec

¹⁶ nyaxëty jam Berotá ets Sibraim mëti'ipë yajpatpën ma Damaskë y'itjotmën ets Hamat y'itjot nyaxëty jam Hasar-haticon ma mëët nyämëtsëpa'an'atyën yë Haurán.

Ezequiel 47:16 ပူးပေါင်းရင်းမြစ်များ

Ezequiel 48:1

Yaa myiny këxja'ay yë Israel ja'ayëty yë y'u'unk y'okëty: Tsyo'ontä'äky ma Israel tsëpa'an anëkëjxmtsowpë, nyäxy jam ma ja Mejyën Naax'akujkpyë, nyajxë'ëky jam Hetlón, ma ja Hamat ets Hasar-enán yajnitëkën, y'ëwtijtë'ëky ëpa'tkë'ëmtsow ma Damaskë naaxjotmën ets Hamat y'itjotmën. Nitu'ukjaty yë ja'ayëty jënu'un tyu'kja'ay'atën nëjkxëp yajmo'otë yë nyaax kyamëty, mëti'ipë yajpatpën xëëwpëtsëmtsyow ets xëëwkëtä'äkytsyow. Yë'ë nëjkx yajmo'otë yë nyaaxëty yë Dan, Aser, Neftalí, Manasés, Efraín, Rubén ets Judá.

2 Samuel 8:8

Ojts näjyëtu'un kanaakpëky ja pujxn tjä'ä'aty, mëti'ipë jam tso'onpën Bétah ets Berotai, ya'atë kajpn aakyë'ë yë Hadad-ézer ijty jyä'ä'ajtyp.

Zacarías 9:2

Näyjyëtu'un yë Hamat kajpn, mëti'ipë mëët nyäpyaatëtën, yë Tirë kajpn ets Sidón kajpn mëët tu'kë'ëyë mëti'ipë tyukjuuky'ajtëpën ets wyinma'any'ajtëpën.

Génesis 14:15

Koots yë Abram mëët yë jyä'äy tukja'ajtë ajotkumonë ja yajkutujkpëtëjk ets ojts tmëmëta'aktë, jampaat tpaja'ajtë ma ja Hobá itjotmën, mëti'ipë yajpatpën anajnytsyow ma Damaskë kajpnën.

Hechos 9:2

ets ja noky tu'uk t'amëtooy ta'tspëky ets tmënëjkxa'any ets tuk'ixa'any ja ja'ay mëti'ipë ye'eymyujktëpën ma ja tsajptëjkën jam Damaskë ets t'ixta'aja'any mëti'ipë pyanëjkxtëpën ja Jempyë Në'ë Tu'u ets tyajnëjkxa'any kë'ëtsumy tekytsyumy jam Jerusalén, wä'än ye'etyëjk to'oxytyëjkëty.

Amós 6:14

E mëmay mëtajtë yajxon, miitsëty Israel ja'ayëty; yë Wintsën, Dios mëti'ipë maaytyääyëpën winë, jëtu'un y'ënä'äny: Nkäxäämpyës tu'uk yë naax kajpn mëti'ipë nëjkx ëxëëk mtunëtën ets nëjkx mëktuunk mtuktunëtë, jampaat anëkëxmtsow ets ëpa'tkë'ëmtsow.

Ezequiel 47:17

Jëtu'un yë anëkëjxmtsowpë nëjkx jam nyäxy, jam tsyoonëty ma Mejyën Naax'akujkpyë ets jya'tëty jam Hasar-enán ets nëjkx anëkëjxmtsow wyi'imy yë Damaskë ets Hamat yë y'itjot.

1 Crónicas 18:5

Yë Siria ja'ayëty ënätyë ojts näjyëtu'un jyamiintëpë ets ja Hadad-ézer jyayajputëkëja'any, jampë Sobá yajkutukyën, je'eyëp ko ja David ka'ap ja siriëja'ay tyajmëtäky, jä'ä ojts y'ooktë ja Siria ja'ayëty ni''i'px mäjtsk mil.

1 Reyes 8:65

Näy jä'ä xëëw ja Salomón ojts tnixëëwtuny ja tëjk xo'ompyë mëët tëkokyë ja may Israel ja'ayëty. Mayjyä'äy ënety jam yajpatp, ojts myiinta'atë ja mëti'ipë jam tsënaaytyëpën Hamat ets jampaatpë tsyëënëtën ma ja Egiptënaax mëët nyäpyaatëtën. Wëxtujk xëëw wëxtujk tsu'um xyëëwtuuntë, ëpëky ojts kyä'pxy majkmajkts xëëw.

Isaías 10:9

Ëjts aak tu'knaxës n'ixy myëjëty naax kajpn yë Calnó ets Carquemis, yë Hamat ets Arfad, yë Samaria ets Damaskë.

Ezequiel 27:18

Damaskë may ijty winë mju'uyxyëty; yë'ë mtukmëjuuyëp yë tsatym nyëë tëëpë nyimaanaxyën mëti'ipë tso'onpën Helbón ets ja pixyny mëti'ipë tso'onpën Sahar.

Ezequiel 47:18

Ja tsëpa'an xëëwpëtsëmtsyowpë nyäxyën jam nëjkx tsyoony Haurán ets Damaskë ets nëjkx jyä'ty jam Tamar, ma Ookpyë Mejyën, yë'ë pyaye'eyëp yë Jordán nëë, yë'ë nëjkx tsyëpa'an'aty ma mëët nyäpyaatëtëtyën yë Galaad ets Israel y'itjot.

Ezequiel 47:20

E xëëwkëtä'äky tsyowpë ja tsëpa'an, jam nëjkx nyäxy ma Mejyën Naax'akujkpyë y'itjotmën, tsyo'onta'akëty jam ma mëët yë Egiptë tyu'kmëtsëpa'anëtyën ets jya'tëty jampaat ma mejypya'ajën ma tsyo'ontaknën yë Hamat y'itjot.